2 Abanya Korĩnto 2
2
1Kandi monayisoha omo mutima wage, nyiti sindiendĩsyaswahĩka ewenyũ eribaletera obũlĩge. 2Kusangwa namabĩta obũlĩge, nindi wasyanyĩtsangamũkya kwehĩ? Ba nʼabo nĩta obũlĩge. 3Ekyo kyo kyanaleka inabasakira ebarua, kusangwa sinabya nyanzĩre erĩbahĩkako nʼerĩĩtwa obũlĩge nʼabandu abo abatolere erĩnyĩtsangamũkya. Kusangwa nyasĩ omugulu ngatsema, nʼĩnywe bosĩ mukabana obutseme. 4Kandi monabasakira ebarua inabiribya omo bũlĩge bunene nʼeriagalwa lyʼomutima, haguma nʼemĩsonĩa mingi. Sinabya nyanzĩre erĩbĩta obũlĩge, nĩkwa mutoke eriminya olwanzo lunene olo nabya nalo busana nenyũ.
Eribuyira oyukakola nabi
5Nĩkwa omundu amabya abĩrĩta ogundi yʼobũlĩge, Ĩsĩ ĩngye akĩtabo, nĩkwa abĩrĩbĩta obũlĩge, mbino hake-hake, ĩnywe bosĩ. 6Omundu oyo abirisuyirwa bingaho nʼerisuyirwa lyʼabangi omo katĩkatĩ kenyũ. 7Nĩkwa lino mutolere erimubuyira nʼerĩmũkĩranĩa, akasyakĩndwa nʼobũlĩge bunene.
8Neryo ngabalemba-lemba, mũkangaye ndeke olwanzo lwenyũ busana naye. 9Kandi busana nʼomwatsi ono nabasakira ebarua eyo, nyiti nyibalenge nʼeriminya nga mũkanyowa omo myatsi yosĩ. 10Omugulu mukabuyira omundu busana nʼekyo akola, nage ngamubuyira nibya. Kandi namabuyira omundu omwatsi, hamabya hali omwatsi wʼeribuyira, nakola nyitya embere sya Kristo busana nenyũ. 11Neryo Satanĩ sĩyĩtũsĩnge omo mwatsi, kusangwa tũnasĩ esyombĩta syayo.
Erĩhanga-hangya lya Paũlo eTroa
12Omugulu nahĩka eTroa erĩtũla Engulu Yowene ya Kristo, neryo monaminya Omukama kwʼabirikingula enzira busana nage erikola omũbĩrĩ wuwe. 13Nĩkwa mondĩkala buholo omo mutima wage, kusangwa mondeyaho mũlĩkyetu Tĩto. Neryo monalagabo Obuholo, monaya eMakedonĩa.
Kristo akatuha erĩsĩngana
14Nĩkwa ewasĩngya uku Nyamuhanga, kusangwa tumatikene na Kristo, naye akatusondola emigulu yosĩ ehosĩ omwʼĩsĩngana liwe. Kandi akaleka ĩtwakangya ehosĩ ekikumbo kyowene kyʼeriminya Kristo. 15Kusangwa tuli ngʼobukwa bwa Kristo embere sya Nyamuhanga obukakumba ndeke busana nʼabakalamĩbawa, kandi busana nʼabakahera. 16Ukwʼabo bakatogota ni kikumbo kyʼoluholo, nĩkwa oko bakalamĩbawa ni kikumbo kyowene kyʼengebe. Ko nindi yukatoka omũbĩrĩ oyũ kwehĩ? 17Kusangwa Situli ngʼabandi bangi abakatũndaya ekĩnywa kya Nyamuhanga. Nĩkwa omo kwenene, tũkabũga embere sya Nyamuhanga ebĩnywa bĩkalũa uku Nyamuhanga; kandi, tũkabũga ngʼabagombe ba Kristo.
Currently Selected:
2 Abanya Korĩnto 2: KB80
Highlight
Share
Copy
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
