Kutoka 34

Musa atengeneza vibao vingine vya mawe

1 # Kum 10:1-4 Kisha BWANA akamwambia Musa, Chonga mbao mbili za mawe mfano wa zile za kwanza; nami nitaandika juu ya mbao hizo maneno hayo yaliyokuwa juu ya mbao za kwanza, hizo ulizozivunja. 2Nawe uwe tayari asubuhi, ukwee juu katika mlima wa Sinai asubuhi, nawe leta nafsi yako kwangu huko katika kilele cha mlima. 3Asikwee mtu pamoja nawe, wala asionekane mtu yeyote katika huo mlima; wala kondoo na ng'ombe wasilishwe mbele ya huo mlima. 4Naye akachonga mbao mbili za mawe mfano wa zile za kwanza; na Musa akainuka na mapema asubuhi, naye akakwea katika mlima wa Sinai, kama BWANA alivyomwamuru, akazichukua hizo mbao mbili za mawe mkononi mwake.

5BWANA akashuka ndani ya lile wingu, akasimama pamoja naye huko, akalitangaza jina la BWANA. 6#Kut 20:5-6; Hes 14:18; Kum 5:9-10; 7:9-10; Neh 9:17; Yoe 2:13; Rum 2:4; Zab 108:4 BWANA akapita mbele yake, akatangaza, BWANA, BWANA, Mungu mwingi wa huruma, mwenye fadhili, si mwepesi wa hasira, mwingi wa rehema na kweli; 7#Yer 32:18; Dan 9:4; Efe 4:32; 1 Yoh 1:9; Yos 24:19; Ayu 10:14 mwenye kuwaonea huruma watu maelfu,#34:7 maelfu au maelfu ya vizazi. mwenye kusamehe uovu na makosa na dhambi; wala si mwenye kumhesabia mtu mwovu kuwa hana hatia kamwe; mwenye kuwapatiliza watoto uovu wa baba zao, na wana wa wana wao pia, hata kizazi cha tatu na cha nne. 8Musa akafanya haraka, akainamisha kichwa chake hata nchi, akasujudu. 9#Zab 94:14; Zek 2:12 Akasema, Ikiwa sasa nimepata neema mbele zako, Bwana, nakuomba, Bwana, uende kati yetu, maana ni watu wenye shingo ngumu; ukasamehe uovu wetu na dhambi yetu, ukatutwae tuwe urithi wako.

Agano lafanywa upya

10 # Kum 29:12; 2 Sam 7:23; Zab 147:20; Isa 64:3 Akasema, Tazama, nafanya agano; mbele ya watu wangu wote nitatenda miujiza, ya namna isiyotendeka katika dunia yote, wala katika taifa lolote; na watu wote ambao unakaa kati yao wataona kazi ya BWANA, kwa maana ni neno la kutisha nikutendalo. 11#Kum 12:28 Liangalie neno hili ninalokuamuru leo; tazama, mbele yako namtoa Mwamori, na Mkanaani, na Mhiti, na Mperizi, na Mhivi, na Myebusi. 12#Amu 2:2 Ujihadhari nafsi yako, usije ukafanya agano na wenyeji wa nchi ile unayoiendea, lisiwe mtego katikati yako. 13#Kum 16:21; 2 Fal 18:4 Bali utabomoa madhabahu zao, na kuvunjavunja nguzo zao, na kuyakatakata maashera#34:13 Kwa maana ya miungu wa kike walioabudiwa na wazawa wa Kanaani. yao. 14#Isa 57:15; Kut 20:5 Maana hutamwabudu mungu mwingine, kwa kuwa BWANA, ambaye jina lake ni mwenye wivu, ni Mungu mwenye wivu. 15#Eze 6:9; 1 Kor 8:4; 10:27 Usije ukafanya agano na wenyeji wa nchi, watu wakaenda kufanya uzinzi na miungu yao, na kuitolea sadaka miungu yao; mtu mmoja akakuita, ukaila sadaka yake. 16#Ezr 9:2; Hes 25:1,2 Ukawaoza wana wako binti zao, nao binti zao wakaenda kufanya uzinzi na miungu yao, wakawavuta wana wenu wafanye uzinzi na miungu yao. 17#Kut 20:4; Law 19:4; Kum 5:8; 27:15 Usijifanyizie miungu ya kuyeyusha.

18 # Kut 12:14-20; Law 23:6-8; Hes 28:16-25 Hiyo sikukuu ya mikate isiyotiwa chachu utaitunza. Utakula mikate isiyotiwa chachu muda wa siku saba, kama nilivyokuagiza, kwa majira yaliyoaganwa katika mwezi wa Abibu;#34:18 kati ya Machi na Aprili. kwa kuwa ulitoka Misri katika mwezi huo wa Abibu. 19#Kut 13:2; 22:29; Eze 44:30; Lk 2:23 Kila kifunguacho mimba ni changu mimi; na wanyama wako wote walio wa kiume,#34:19 Maana katika Kiebrania si dhahiri. wazaliwa wa kwanza wa ng'ombe na wa kondoo. 20#Kut 13:13; Kum 16:16; 2 Sam 24:24 Na mzaliwa wa kwanza wa punda utamkomboa kwa mwana-kondoo; tena ikiwa hutaki kumkomboa, ndipo utamvunja shingo. Wazaliwa wa kwanza wote wa wanao utawakomboa. Wala hakuna atakayehudhuria mbele zangu mikono mitupu. 21#Kut 20:9-10; 23:12; 31:15; 35:2; Law 23:3; Kum 5:13-14; Lk 13:14 Utafanya kazi siku sita, lakini katika siku ya saba utapumzika; wakati wa kulima mashamba, na wakati wa kuvuna pia, utapumzika. 22#Law 23:15-21,39-43; Hes 28:26-31; Kut 23:16 Nawe utaitunza sikukuu ya majuma,#34:22 Sikukuu hii pia huitwa Pentekoste. nayo ni ya malimbuko ya mavuno ya ngano, na sikukuu ya kukusanya vitu mwisho wa mwaka. 23Mara tatu kila mwaka wanaume wako wote watahudhuria mbele za Bwana MUNGU, Mungu wa Israeli. 24#Law 18:24; Kum 7:1; 19:8; Yos 24:8-13; Zab 78:55; 80:8; Mwa 35:5; 2 Nya 17:10; Mit 16:7 Kwa kuwa mimi nitazitupa nje taifa za watu mbele yako, na kuipanua mipaka yako; wala hapana mtu yeyote atakayeitamani nchi yako, hapo utakapokwea kwenda kuhudhuria mbele za BWANA Mungu wako mara tatu kila mwaka. 25#Kut 12:10; 23:18 Usisongeze damu ya sadaka yangu pamoja na mkate uliotiwa chachu; wala hiyo sadaka ya sikukuu ya Pasaka haitasazwa hata asubuhi. 26#Kum 14:21; 26:2,10; Neh 10:35; Mit 3:9 Vitu vya kwanza vya malimbuko ya nchi yako utavileta na kuvitia ndani ya nyumba ya BWANA Mungu wako. Usimtokose mwana-mbuzi katika maziwa ya mama yake. 27#Kum 31:9; Isa 30:8 BWANA akamwambia Musa, Andika maneno haya; kwa kuwa mimi nimefanya agano nawe, na pamoja na Israeli, kwa mujibu wa maneno haya. 28#Kum 9:9,18; Kut 31:18; 32:16; Kum 10:2,4 Naye alikuwa huko pamoja na BWANA siku arubaini na masiku yake; hakula chakula, wala hakunywa maji. Naye akaandika katika hizo mbao, hayo maneno ya maagano, hizo amri kumi.

Uso wa Musa ung'aao

29 # 2 Kor 3:7-16; Kut 32:15; Mt 17:2 Hata ikawa, Musa aliposhuka katika mlima Sinai, na zile mbao mbili za ushuhuda zilikuwa mkononi mwa Musa, hapo aliposhuka katika mlima, Musa hakujua ya kuwa ngozi ya uso wake iling'aa kwa sababu amesema naye. 30Basi Haruni na wana wote wa Israeli walipomwona Musa, tazama, ngozi ya uso wake iling'aa; nao wakaogopa kumkaribia. 31Musa akawaita; Haruni na wakuu wote wa kusanyiko wakarudi kwake; Musa akasema nao. 32#Kut 24:3 Baadaye wana wa Israeli wote wakakaribia; akawausia maneno yote ambayo BWANA amemwambia katika mlima Sinai. 33#2 Kor 3:13 Na Musa alipokuwa amekwisha kusema nao, akatia utaji juu ya uso wake. 34Lakini desturi ya Musa ilikuwa alipoingia mbele za BWANA kusema naye, kuuvua huo utaji mpaka atoke; akatoka akawaambia wana wa Israeli maneno yote aliyoambiwa. 35Wana wa Israeli wakauona uso wa Musa ya kuwa ngozi ya uso wake Musa iling'aa; naye Musa akautia utaji juu ya uso wake tena, hata alipoingia kusema naye.

Currently Selected:

Kutoka 34: SRUV

Highlight

Copy