Enkiterunoto 12

Eipoto Enkai Abram

1 # Iat 7.2-3; Ilh 11.8 “Nejoki Olaitoriani Abram, ‘Tupuku shomo tung'uai enkop ino o ltung'ana linono le sotua, o enkaji e papaai lino, shomo enkop naautaki. 2Naa kaaitainye iyie olosho sapuk, naa kaamayian iyie, naitaa enkarna ino kitok metaa iyaku emayianata. 3#Ilg 3.8 Ekamayian lelo likimayian ore ilo likidek naa kadek. Te iyie emayian ilmarei pooki le nkop ate.’ ”

4Neaku eshomo apa Abram anaa enatiaaka Olaitoriani ninye, neiriamariyie Lot ninye, eshomo Abram aing'uaa Haran aa oloo larin ntomoni naapishana o imiet. 5Nerik Abram enkitok enye Sarai, o Lot olayioni lo lalashe lenye, o masaa pooki enye naatasotutuo, o ltung'ana oonoto te Haran, nepuku aapuo enkop e Kanaan. Ore peyie ebau enkop e Kanaan, 6nedung Abram atua enkop o meshomo ewueji e Shekem o metabaiki eor e More. Ore ina rishata naa Lkanaan oomanya ina kop. 7#Iat 7.5; Ilg 3.16 Neipang'aki Olaitoriani Abram nejoki, “Ekaisho eishoi ino ena kop.” Metaa eteshetaka Abram Enkai teine olperere lo lasar ilo Aitoriani oipang'aka ninye. 8Neidur teine nelo oldoinyo le nkalo oloo saen e Betel, neun olng'obor lenye. Etii Betel enkalo e Moikuape, netii Ai oloo saen. Neshetaki teine olaitoriani olperere lo lasar neipot ninye enkarna o Laitoriani. 9Neitoki Abram aidur teine neito alo enkalo e Negeb.

Abram etii Misiri

10Netii apa enkop olameyu oleng. Nedou Abram alotu enkop e Misiri, aparan, amu etagolo olameyu asapuku te nkop. 11Ore pee eaku kebau Misiri, nejoki Sarai enkitok enye, “Ayiolo ajo aira enkitok sidai te neing'ori, 12naa tinikidol Ilmisiri, naa kejo, enkitok ele tung'ani ena. Naa kaar nanu matua nikincho iyie inchu. 13#Enk 20.2, 26.7 Tejo ira enkanashe ai peyie atum eseriani te nkaraki iyie, netum enkorrok ai atumunyana te iyie.” 14Ore peyie ejing Abram Misiri, nedol Ilmisiri aajo aisidai ina kitok oleng. 15Nedol ilkituaak le Farao ninye, nepejoo#12.15 nepejoo: nejukaa, neisiasha te Farao, neriki ninye enkaji e Farao. 16Ore te nkaraki Sarai, eitaasaki Abram isupati, metaa keeta intare, olmong'i, o nkishu, o sirkon, o laisiaayiak, o nkaisiaayiak, osirkon lipong'a o ntamesin.

17Kake eitamio Olaitoriani Farao o enkaji enye to lmeitai kitok te nkaraki Sarai enkitok e Abram. 18Neipot Farao Abram ajoki, “Kainyoo ena nikintaasa nanu? Ainyoo peyie eitu kiliki ajoki enkitok ino ninye? 19Ainyoo iyie pee itejo, enkanashe ai ninye,” metaa aawa ninye ayam aitaa enkitok ai? Ore naa iyie, nena enkitok ino toriko enchom. 20Neishoru Farao inkitanapat aisho iltung'ana te karaki Abram; neisho ninye meshomo, tenebo enkitok enye, o pooki toki naata.

Currently Selected:

Enkiterunoto 12: MBS

Highlight

Copy