Luka 4

Yesu aγezwa.

1-13.

1Kwa viya Yesu agisizevyo mpeho ṅazi azauka kuja Yolodani, azaiγalwa ni mpehongwa na nyika, 2azaγezwa mishi milongo mine ni yuja ṅwenye leha. Mishi ija nkajile hata, ikizinka, azaluṅwa ni sala. 3Yuja ṅwenye leba azamuti: Ati u ṅwana Mulungu, longa iji iwe jiγaluke nkande. 4Yesu azamlandula: Kuigondiγwe kuti: Siyo nkande ike yemunka muntu ugima, miya ni kila mbuli ya Mulungu. 5Vikibinda azamkweza mwe mulima mule muno, azamwonyesha viya du lushe uzumbe woshe wa ngulu ngima. 6Yuja ṅwenye leba azamuti: Unu ufuṅwa woshe na vitana vyakwe vyoshe nenivikunke, hambu nizaviinkwa, kangi navimunka, ndiye nimkunde. 7Ati wanikinila na kunivika, vyoshe ni vyako. 8Yesu azamlandula angwe: Kuigondiγwe: Umvike Zumbe, Mulungu ywako, na kumtumikila yuja ike du! 9Vikibinda azamwiγala Yelusalemu, azamγolosha mwe vikilongwa ulanga he heta, azamuti: Ati u ṅwana Mulungu, lumbila aha na kuja shi! 10Hambu kuigondiγwe: Atakulaγiliziza walau wakwe, wakuγolokele, 11wakuambate na mikono, kangwe mulundi wako usheukwile he iwe. 12Yesu azamlandula angwe: Kuzalongwa: Ushezamγeza Zumbe, Mulungu ywako! 13Yuja ṅwenye leba akibontola miγezeze yoshe azanauka kwakwe.

Yesu abilikila Nazaleti.

14-30.

14Yesu azauya na Galileya kwa nguvu ya mpehongwa; kilango chakwe chizahita kwe ziya shi zoshe ze hehi hehi. 15Ṅwenye azafuza mwe mavikilo yawe, akitogolwa ni wantu woshe.

16Azabula Nazaleti, akulilemo; mushi wa sabato azaingila vikiloi, sa avyozwela, azainuka, afyome. 17Azainkwa kitabu cha mteγanyi Yesaya; akikusula chiya kitabu azaona haja hantu hagondiγweho kuγamba: 18Mpeho ya Zumbe yaniikaiia, ne ilekileyo, akiniambwila mavula, kangwe nibilikile wakiwa nyem!; azanituma, niukwile washungiγwewo, kuti newashungwilwe, wafilewo mesho, kuti newaone, kangi ndashe, nizilohole, 19zihite zikokunda wenye, nikabilikile vuli ja mbazi ya Zumbe. 20Akikonya chiya kitabu azachiinkila kwa mγoja nyumba, akibinda azaikala. 21Woshe we muja vikiloi wazamdulila. Azaandiila kuwalonga kuti: Lelo uja ugonde wabontoka he mashikilo yenyu. 22Woshe wazamlongela uwona, wazamaka milongele ya kanwa chakwe, kuti ni ya mbazi, wazaγamba: Uyu so ṅwana Yosefu? 23Azawati: Kumbe nemunilonge luja lushimo lwa kuγamba: Mγanga, kilaγule ṅwenye! Viya tiivilevyo, kuti vizaγosholwa Kapelinaumu, viγoshole hata umu mwe muzi wa isho! 24Azawati: Kweli namiti: Nkakuna mteγanyi mwekundwa kaya kwakwe. 25Nivyomilonga ni vya kweli: Mwe shi ya Waisilayeli ne kwina wavyele wangi wafilwewo ni waγoshi wawe mishi ya Eliya, aho lwingu lukizuγulwa mavuli matatu na myezi mtandatu, sala nkulu ikigwa mwe shi ngima, 26kangi Eliya nkatumiγwe kwa ṅwiyae ywawe muṅwe, atumiγwe Saleputa mwe shi ya Sidoni kwa mvyelengwa afilweye ni mγoshi ywakwe. 27Kangi mishi ya Elisa wakoma ne wakiγenela mwe shi ya Isilayeli, miya nkakuna ahonyiγweye kushima Naimani ywa Siliya. 28Woshe we muja vikiloi wakiviiva, wazakwelwa ni mava, wazainuka, 29wazamγulusha, alawe mwe muzi wawe, wazamwiγala na kuja, uja mulima muzi wawe uzengiγwemo ukohelela, ni kimguwi, kangwe wamshindike. 30Miya ṅwenye azahita na kuwadwisha gati.

Yesu aingata mpepo ye usaba.

31-37.

31Azahita Kapelinaumu, ni muzi wa Galileya; azaikala γuko, akifuza wantu mushi wa sabato. 32Wantu wazashentuka mifuzize yakwe, hambu milongele yakwe ina nguvu. 33Muja vikiloi muna muntu mwehuma mpepo ye usaba, azakema na kanwa kikulu angwe: 34Yesu ywa Nazaleti, tina mbuli ani toshe, ishwi na iwe? Uzaiza kwa tibinda! Takutaila, kuti u ngatiyani, kuti u mṅazi ywa Mulungu. 35Yesu azaivaila angwe: Leka lwashul Kangi lawa mwe uyu muntu! Ija mpepo izamtambika na kuja gati, vikibinda izalawa mwe ṅwili wakwe, nkaidahile kumlumiza. 36Woshe wazaingilwa ni woγa ukulu, wazaγambilana: Ni mbuli ani inu? Hambu alaγiliza mpepo ze usaba kwa ufuṅwa wena nguvu, kangi ziyalawa! 37Nguma yakwe izagisa koshe koshe kwe ziya shi ze hehi.

Yesu amhonya mkwee ja Simoni.

38-44.

38Akiinuka muja vikiloi azaingila mwe nyumba ya Simoni. Nine ja mkaza Simoni azaisiiziγwa ni mbu, wazamhembeleza kwa mbuli yakwe. 39Azamwinamila, azavaila ziya mbu, ne zihomleka; viya du lushe azainuka, azawaγoshwela ndima.

Watamu wangi wamubasha.

40Zuwa jikibinda kuingila, woshe wena wanyonge, hata wehuma utamu ani, wazawamwiγaila; wosheni azawabadikila mikono muṅwe muṅwe, ne awahonyizevyo. 41Wangi mpepo zawe zizalawa zikikema angwe: Iwe u ṅwana Mulungu; miya azazivaila, nkazikundize, zikilonga, kuti ziimtaile kuti: Ṅdiye Kilisito. 42Kukicha azahalawa, azahita hantu he ike; wantu wangi wazamlonda, mpaka wakibula haja aliho, wazamtoza, kangwe asheuke kwawe. 43Miya azawati: Shuti nibilikile hata mizi mituhu mbuli ya uzumbe wa Mulungu, hambu ne nitumiγwevyo. 44Azaanga akibilikila mwe mavikilo ya Galileya.

Currently Selected:

Luka 4: KISHNT05

Highlight

Copy