Luka 19

Zakeyo.

1Azaingila Yeliko, azazunguluka mumo. 2Ne mwina muntu mweitangwa Zakeyo, ni mkulu ywawangelu, kangi ni mzuli. 3Azalonda, ndivyo amwone Yesu alivyo, miya nkadahile kwa mbuli ya wantu wakiγeneia, hambu ni mzihi. 4Azaγuluka na mazu, azakwela mwe msoso, kangwe amwone, hambu haja Yesu azakunda kuhaomboka. 5Yesu akibula haja hantu azaolela na ulanga, azamuti: Zakeyo, fikasheela! Hambu lelo nenifikile kwako. 6Azafikasheela, azamhokela na nyemi. 7Woshe wavienewo wazaṅuna angwe: Azafikila mwa muntu mhuza. 8Zakeyo azainuka, azamγamba Zumbe: Zumbe, hindi gima ja viya, nivyona navyo, niyakajiinkila kwa wakiwa; ati kuna nimfutileye, navimwuziza kane. 9Yesu azamuti: Lelo uvunizi uzaoneka umu nyumbai, kwa kuti uyu ṅwenye yohe ni ṅwana Abulahamu. 10Hambu ṅwanangwa ywa muntu aizile kwa londa na kuvunila viya viaγilevyo.

Lushimo lwa mali wapuna wazoikilwa.

11-27.

11Waja wakiteγeleza izi mbuli, azabadika ntuhu, azawazisa lushimo, hambu kwa viya ṅwenye abuzizevyo hehi na Yelusalemu, waja wazafanyanya kuti: Uzumbe wa Mulungu nunga kulawila ivi lushe aha. 12Azawati: Kuna mkilindi, azahita mwe shi hale, akaγuwe uzumbe γuko, akibinda, aγotoke. 13Azaitanga wapuna wakwe kumi, azawainka magana kumi ya shilingi azawati: Chuluzai nazo, mpaka ndiho niuye! 14Waja wakaya wazaihilwa ndiye, uko nyuma wazamtumila walau angwe: Nkatikunda, uyu akitoza uzumbe kwetu. 15Akibinda kuγuwa uja uzumbe azaγotoka, azalaγiliza, waja wapuna, ainkilewo feza, waitangwe na kwakwe, ataile, kila achuluzevyo. 16Yuja ywa bosi akibula azamuti: Zumbe, gana jako ja shilingi jizamota magana kumi. 17Azamuti: Hongela! U mupuna mtana iwe! Kwa kuti uzasimamiza viya viγeke, utainkwa uzumbe wa mizi kumi. 18Kuzaiza yuja ywa mbili angwe: Zumbe, gana jako ja shilingi jizamota magana mashano. 19Azamuti: Iwe nawe uγaluke zumbe ywa mizi mishano! 20Kuzaiza mtuhu angwe: Zumbe, shiji gana jako ja shilingi! Nizajikanta na mhaluma, nizajiika. 21Hambu nizakuogoha, kwa kuti u muntu muwiwi, uhaγuwa ushiikilevyo, uhaγobola ushihandilevyo. 22Azamuti: Nikulaha na viya, uvyolonga, mupuna mubada iwe! Ati uzataila kuti: Ni muntu muwiwi imi, nihaγuwa nishiikilevyo, nihaγobola nishihandilevyo, 23nini ukisheinkila feza zangu kwa wachuluzi wa feza, lushe imi nikiiza, anga nizaziγuwa na kuwo? 24Waja waγolokewo azawati: Muhokei jiya gana ja shilingi, mujimunke yuja mwena magana kumi! 25Wazamuti: Zumbe, kangi ana magana kumi? 26Angwe: Namiti: Kila mwena kitende atainkwa, miya ashinaye hata viya, avyona navyo, atavihokwa. 27Lushe waja wankulu wangu washikundilewo, nikitoza uzumbe kwawe, waletei na kunu, muwakome, niiolele!

Yesu aingila Yelusalemu.

28-38.

28Akibinda kuvilonga azahita sila yakwe, akwele Yelusalemu. 29Akibula kuja Betifage na Betaniya he mulima weitangwa wa miziyaγembe, azatuma wahina wakwe waili 30angwe: Hitai mwe kaja kazizi haja sheja! Mkikaingila mtaona ṅwana mpunda ashungiγweye, ashizatiye apandwe; mdoholei, mumlete! 31Ati muntu amiuza: Nini mkimdohola?, mtamuti: Zumbe aagiziγwa ndiye! 32Waja watumiγwewo wazahita, wazaona sa viyaho, awaγambilevyo. 33Wakidohola yuja ṅwampunda, waja wenye wazawati: Nini mkidohola uyo ṅwampunda? 34Wazawati: Zumbe aagiziγwa ndiye. 35Wazamwiγala kwa Yesu, wazamtandika shuke zawe, vikibinda wazamkweza Yesu. 36Akihita, wazatandika shuke zawe silai. 37Akibula haja ha kusheela he mulima wa miziyaγembe, bumba joshe ja wahina wakwe jizaandiila kuona nyemi na kumtogola Mulungu na vyanwavikulu kwa ziya nguvu zoshe, waenezo, 38angwe: Zumbe atogolwe mweiza mwe zina ja Zumbe! Mwe lwingu ni utondolo, hata utana u kuja ulanga! 39Mafaliseyo kuṅwe we haṅwe na waja wantu wazamuti: Mfuzi, shunda wahina wako! 40Azawalandula angwe: Namiti: Awa wakileka lwashu, mawe yatakema.

Yesu aulilila muzi wa Yelusalemu.

41Akibula hehi, akiolela muzingwa, 42azaulilila angwe: Anga iwe nawe uzataila mishi inu vyekunka utondolo, miya lushe vizafishiγwa he mesho yako! 43Hambu mishi neiize, ndiho wankulu wako wakuzengele boma, jikudenganile, wakufinte koshe koshe, 44wakuchakule iwe na wanawo, uwona nawo, nkewaleke, iwe jikiandakana na ṅwiyae vivyoho, kwa kuti nkutaile mishi, ufilweho mbazi.

Yesu aγulusha weγuzanya mwe vikilongwa.

45-48.

45Azaingila mwe vikilongwa, azaandiila kuγulushawajaweγuzanyanawetaγizanyamuja, 46azawati: Kuigondiγwe: Nyumbayangu ni nyumba ya vikila! Miya inywi mzaiγalusha mpanga ya wampoko. Kila mushi azaikala mwe vikilongwa akifuza, 47miya wavikizi wakulu na watabaluwangwa na wafuṅwa wambalingwa wazamlondela lukomele, miya nkawaene sila; 48hambu wantu wosheni wazamtongelatongela, wamwive.

Currently Selected:

Luka 19: KISHNT05

Highlight

Copy