Mathayo 1

Anywola mar Yesu Kristo

(Luka 3.23-38)

1Anywola mar Yesu Kristo ma nyakwar Daudi, kendo nyawar Ibrahim e ma: 2Ibrahim nonywolo Isaka, to Isaka nonywolo Jakobo. Jakobo nonywolo Juda gi owetene, 3to Juda nonywolo Perez gi Zera, ma min-gi ne Tamar. Perez nonywolo Hezron, to Hezron nonywolo Ram. 4Ram nonywolo Aminadab, to Aminadab nonywolo Nashon. Nashon nonywolo Salmon, 5to Salmon nonywolo Boaz gi chiege ma Rahab. Boaz nonywolo Obed gi chiege ma Ruth, to Obed nonywolo Jesse. 6#2 Ruo 24.14, 15; 2 W.Nda 36.10; Jer 27.20.Jesse to nonywolo Daudi ma ruoth.

Daudi nonywolo Solomon gi chi Uria, 7Solomon nonywolo Rehoboam, to Rehoboam nonywolo Abija. Abija nonywolo Asa, 8to Asa nonywolo Jehoshafat. Jehoshafat nonywolo Joram, to Joram nonywolo Uzia. 9Uzia nonywolo Jotham, to Jotham nonywolo Ahaz. To Ahaz nonywolo Hezekia, 10To Hezekia nonywolo Manase. Manase nonywolo Amon, to Amon nonywolo Josia. 11Josia nonywolo Jekonia gi owetene e ndalo mane odarie jo-Israel kitero Babulon.

12To bang’ darogi, Jekonia nonywolo Shealtiel, to Shealtiel nonywolo Zerubabel. 13Zerubabel nonywolo Abiud, to Abiud nonywolo Eliakim. Eliakim nonywolo Azor, 14to Azor nonywolo Zadok. Zadok nonywolo Akim, to Akim nonywolo Eliud. 15Eliud nonywolo Eliezar, to Eliezar nonywolo Mathan. Mathan nonywolo Jakobo, 16to Jakobo nonywolo Josef chwor Maria. Maria to ema nonywolo Yesu miluongo ni Mesia.

17Kamano gin tienge apar gang’wen, chakre Ibrahim nyaka Daudi, kendo tienge apar gang’wen bende, chakre Daudi nyaka chop kinde mane odarie jo-Israel kitero Babulon. Bang’e nitie tienge apar gang’wen, chakre kinde mane odargieno nyaka ndalo nywol Mesia.

Nywol mar Yesu Kristo

(Luka 2.1-7)

18 # Luka 1.27. Nywol mar Mesia ne chalo kama: Kane Josef osemako keny Maria min Yesu, to pok gikendore, Maria noyudo ni osemako ich kuom teko mar Roho Maler. 19To Josef mane kende, ne ng’at ma kare, kendo kaka ne ok odwar kuodo wiye, nochano mondo oketh keny ling’ling’. 20To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler. 21#Luka 1.31.Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.” 22Mago duto notimre mondo ochop wach mane Ruoth Nyasaye osemiyo janabi owacho niya:

23 # Isa 7.14. “Nyako nomak ich,

mi nonywol wuowi,

kendo nochake ni Emanuel,

tiende ni, Nyasaye ni kodwa.”

24Kuom mano, kane Josef ochiew oa e nindo, nokawo Maria obedo chiege, kaka malaika mar Ruoth nosewachone, 25#Luka 2.21.to ne ok oriwore kode nyaka onywolo wuode. Josef nochako wuowino ni Yesu.

Currently Selected:

Mathayo 1: DHO15

Highlight

Copy