Zakaria 3
3
Patharukai ki abebeelengenga ki barakalai ka maburusi
1Ikai ki drumane ka taingeane ka maburusi, ku Tamatama padrele nakwane ki Yesua ka abebeelengenga ki barakalai acegecege ikai cucubungu ki sasiakawlu ki Tamatama, ku Satange la acegecege ikai tali vanale ki Yesua, si lri kukusu iniane. 2Ku sasiakawlu ki Tamatama#3.2 “sasiakawlu ki Tamatama” patwalai ki sidrumane ka nihunyakane ka hungu, ku pacase ki Hiburu yai “Tamatama” amia. la iya kai ki Satange, “Satange, ani kaelaela ku Tamatama muswane! Ku madalame Yerusalrime ka Tamatama ani kaelaela muswane. Kikai umawmase kai ngiamia ki nipatwaladhane ki apwi malra bilibili ka vaeva ka angatu.”
3Ku Yesua la acegecege ikai kwini, si silaimai ku makudrulru ka laimai. 4Ku sasiakawlu belenge la iya kai ki latwapapapalra pasikaikai, “Ala mulaimadha kikai makudrulru kai silaimaini.” Ala iya kai ki Yesua, “Mwalrangaku kwi pasalrivanesu, lri kipasilaimaisu kwi bavane ka laimai.”
5Kwi lasu la drekase ki latwapapapalra pasikaikai pamalra ku vaeva ku mabula ka pagamucu si pasipagamucu ki Yesua#3.5 “Kwi lasu la drekase ... ki Yesua” patwalai ki sidrumane ka nihunyakane ka lahungu, ku pacase ki Hiburu yai “Amiaku kai, ‘Pakamania ki lalasu pamalra ku vaeva ku mabula ka pagamucu si pasipagamucu ki Yesua’ ” amia.. Kwi lalasu la singikai pangimia, ala pasilaimai iniane ku bavane ka laimai; sakamani kwidra, ku sasiakawlu ki Tamatama la ithili acegecege.
6Ku sasiakawlu ki Tamatama la pakipapawlringau ki Yesua, 7ku Tamatama ka abebeelengenga ki sanaka kwapingi amia kai, “Alaiyasi pangimiasu ku lahulriceli, si pangimia ku sikawluli muswane ku laawngane, lri dulrusu pacungulu marasikai kai ki daane si kalatadraneli. Lri kicacaligiraku ku inulrisu, mia lu kicacaligiraku ku yacucubungu nakwane ku inulri ki lasasiakawlu belenge. 8Abebeelengenga ki barakalai ka Yesua, kilalra! Kwi lapapapalrasu, ka amani kwidra la tarasakalakalai ka barakalai, la kilalra! Lri pelaelaku ki sasiakawluli, ka amani kudra kiapasi ‘Ricingi!’ 9Lri pikaiyaku cucubungu ki Yesua ku vaeva ka tinukucingalrane ka lrenege, kikai tinukucingalrane ka lrenege pitu ku lringau, lri papacasaku kai ki tinukucingalrane ka lrenege. Lri ikaiyaku ki minakavavaalane ka vai si mwalra ku pasalrivane kai ki kadaengane. Kikai yai pelaela ki Tamatama ka abebeelengenga ki sanaka kwapingi. 10Kudra vai kwini lu kela, kunumi ka tangea lri makitu dawlu numi ki pasiagiagisi numi, si ikai tailebe ki cebe ki budu si icizike kisupisupilri ku sulivatane. Kikai yai pelaela ki Tamatama ka abebeelengenga ki sanaka kwapingi.”
Currently Selected:
Zakaria 3: NDV
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
