Tabekacane 16

Hagare si Isemaele

1Ku taelrelre ki Aberame ka Sarai kai maka pasiakai ki Aberame tulalake. Ku Sarai la ikai ku tangea ku durini ku ababai ka sia Hagare, ka swa Izipiti. 2Ku Sarai la iya kai ki Aberame, “Ku Tamatama kai patwalalake nakwane. Ala mwa tadrusa ki durili ka ababai! Alau lri maka tulalake ku lalakeli.” Ku Aberame la palraingi ku vaga ki Sarai. 3Ku taelrelre ki Aberame ka Sarai la malra ki durini ka Hagare ka swa Izipiti baai ki tauwaneini pasi labaibai iniane; kikai tapiane kai amani sa taramangealenga ka caili ku taikaiyane Kanange ki Aberame. 4Ku Aberame la mwa si tadrusa ki Hagare, kwini alisu la katawbaliri, kwi alisu sa ngithathingale ala ka tawbaliringa, la kirimunga dradrarane, si tudrekase ki tawkini ka Sarai.

5Ku Sarai la kalisi ki Aberame, “Amaanisu ka pasalriu, ala kamani ku thuru tudreadrekase nakwane kavai duri#16.5 “Amaanisu ka pasalriu, ala kamani ku thuru tudreadrekase nakwane kavai duri” ku wahunyake madu iya kai “Asu ngwalai ku takilelemethaneli si kipathavungu”.. Wabaadhaku muswane ki alisu; sa kirimu thingale ka tawbaliri, la tudreadrekase nakwane. Ku Tamatama anikamani ka twaringaringau mitane.”

6Ku Aberame la tubalre, “Mathariri! Ka alisu yai durisu, ka yakai ki alrimasu, lri dulrusu ngisasingikaai ku nau pia iyasu iniane!” Ku Sarai la kirimu pakiangeangeange ki Hagare, la kai beserenga kai alisu, la katwase mubere.

7Ku sasiakawlu ki Tamatama la ikai calragulragu, ka sapapia kavai Sure kadalranane ithili ki taluvaale ka waberaberai ka acilai kipadradresenge ki Hagare, 8la iya kai iniane, “Duri ki Sarai ka Hagare, twalaisu inu kela kai? Lri papiasu inu?”

Kwi alisu la tubalre, “Twaladhaku ki tawkili ka Sarai mubere.”

9Ku sasiakawlu ki Tamatama la iya kai, “Lri siwlrisu mwa ki tawkisu, si pasalaladha iniane.” 10Ku sasiakawlu ki Twaumase la peelanga iya kai, “Lri patapangalaku ku lamwabaibalrithi muswane, kadrwa ku umawmase ku lri maka asipi. 11Tawbarilingasu si lri tulalakesu ku vaeva ku sawvalai; sunagananga iniane pasi Isemaele#16.11 “Isemaele” ku pacugane “ku Twaumase kialalra”, “anatumane la kilalra ku Twaumase” amia., asi lwiyane ku Tamatama kialalra ku tasidrurwanesu. 12Ku lalakesu lri ngimia ki yaubulane ka ruba, sana mwinu lri kiecebe ki umawmase. Ku umawmase lai lri kiecebe iniane. Kai lasu lri kitukudha ki laretesane, tangeangeangea panianianiake.”

13Ku Hagare la ngikakivaga iya kai, “Tengatenganaku ka wadrele kudra ki siarapale nakwane ka Twaumase si dulrwana panianianiake pelaelaela kikai latangimiane kikai?” Lakamani ku sunaganeini kwini ki kawarivariva iniane ka Tamatama pasi “Tarasiraparapale ka Twaumase.” 14Lakamani, ku laumawmase pasia Bire Lahai Rui#16.14 “Bire Lahai Rui” ku pacugane “dralremedreme ki siarapale nakwane ka Palralrawthu panianiake”. kwini ki dralremedreme; kikai dralremedreme yakai kabicelrakane ki Kadise si Berede.

15Ku Hagare la tulalake ku lalake ki Aberame ku sawvalai; ku Aberame la sunagane pasi Isemaele. 16Ku Hagare sa tulalake ku lalake ki Aberame ka Isemaele yai, tara 86 ku caili ki Aberame.

Currently Selected:

Tabekacane 16: NDV

Highlight

Copy