Jɔn 9
9
1Ku te teek en, go cɔɔr ŋem ne cɔɔr ne dhiɛth e dhiethe yen. 2Go kɔcpiocke thiec jamki, Yi Rabi, yeŋa e loi kerac, ye yerane ka ye kɔcken, yene dhiethe ye ke ye cɔɔr? 3Go Yecu dhuk, Ye kacie yerane e loi kerac, ku kacie kɔcken: ee nyooth e ben luɔi de Nhialic nyuɔth. 4Wɔ bi luɔide ya dhiil ne luɔi, yen man ci a tuɔc, aŋoot akɔl: wɛɛr abi bɛn, acin ran ber luɔi ya leu. 5Na ya tɔ ne piny nom, ke ɣan ye ya ɣɛɛr de piny nom. 6Na ci jam yeya, go ŋuut, ku nuɛi tiɔp ne luɛth, ku bɛt ne cɔɔr nyin, 7ku yook, Ye lɔ piɛnye pul de Thiloam (te wɛɛre yen ne thoŋda, ke ye Tuuc). Go lɔ, ku piny, ku le bɛn ke yiɛn. 8Go kɔc thiak kene yen, ku kɔc eke ci ye ya ŋem ne ye lim, goki jam, Yi cie ran e dhia ye nyuc ku lim ekene? 9Go kɔk luel, Yi kee ye: ku yi kɔk, Yi aa, ee rɔt caal ke ye: go luel, Ye kee ɣɛn. 10Goki thiec, Ya ne yin yiɛn ne ŋo? 11Go dhuk, Ye kanɔŋ ran cɔl Yecu, yenekee nuai tiɔp, ku bɛɛt anyin, ku yook ɣɛn, Ye lɔ piɛnye Thiloam: guɔ lɔ, la piny, guɔ yin. 12Goki thiec, Yi tɔɔ teno? Go jam, Ye kakuɔc.
13Goki raan bɛi enɔŋ Parithai yen ran war ci cɔɔr. 14Ku kee ye akol de thabath yene e nuɛie Yecu tiɔp, ku cɔk yiɛn. 15Go Parithai bɛr thiec yi ne yiɛn ne ŋo. Go ke yɔɔk, Ye kee tɛɛu tiɔp ne anyin, ku piɛny, guɔ yin. 16Go Parithai kɔk jam, Yi kacie ran de Nhialic ekene, ne ke cen akol de thabath ye riɛu. Go kɔk jam, Yi leu ran rac keekagɛikene ne luɔi yede? Goki roth tek. 17Goki cɔɔr bɛr yɔɔk, Yi ye jam wude ne yen, ne ke cen yi cɔk yiɛn? Go jam, Ye kee nebi. 18Go Judai cuɔk gam lan e cen cɔɔr ku ber yin, agut te cɔɔl kek kɔc ke cɔɔr ci yin. 19Ku thiecki ke jamki, Yi yee wenduɔn ekene, yaka luel wuɔ ne dhieth ke ye cɔɔr? ku ne yiɛn yede emane? 20Go kɔcke ke gam ku jamki, Yi kanyicku yekene ee wenda, ku kee dhieth ke ye cɔɔr: 21ku ke e cɔk ye yiɛn emane akucku; ku ran e cɔk ye yiɛn akucku: ee dit, thiɛcka; abi luel ne guɔpde. 22Keewelke aake luel kɔcke ke, ne riɔc riɔc kek ne Judai: ne man ci Judai ye mat, yi na ye ran gam en ye kee Kritho, e kabi ya ciɛc biyic ɣon de gueer. 23Yenekee jiɛme kɔcke, Yi kee dit; thiɛcka. 24Goki cɔɔr bɛr cɔɔl, ku yookki, Yi lec Nhialic: wɔ nyic yerane ke ye ran ye kerac loi. 25Go dhuk jiɛm, Ye kakuɔc lan yen ran ye kerac loi; tok eka nyiɛc, ɣan ee ci cɔɔr, ku emane an yiɛn. 26Goki bɛr yɔɔk, Yi yeŋo ci luɔi yi? ne cɔk yi yiɛn yede? 27Go dhuɔk ke, Ye kaca thol ne lek we, ku cak piŋ; bak bɛr piŋ wuɔde? naŋka piɔth bak ya kɔcpiocke eya? 28Goki laat, ku jamki, Yi yin ye ranpiooc: ku wɔ ye kɔc ke Mothe piocke. 29Anyicku Nhialic ee ye jam ke Mothe: ku yerane, akuc wɔ te bi yen thin. 30Go dhuɔk ke jiɛm, Ye yekene eka gɛi wɔ, ne ke kuc we te bi yen thin, ku cɔk ɣa yiɛn. 31Anyicku ke Nhialic ci kɔc ye karac loi ye gam: ku na ye ran ye Nhialic door, ku ye piɔnde loi, e kaye gam. 32Ku ɣɔn gɔce kaŋ ee kene kan piŋ ke nɔŋ ran toŋ ci cɔɔr cɔk yiɛn. 33Na cii e ran de Nhialic ekene, e kacin ke yee leu ne luɔi. 34Goki dhuk jamki, Yi yin ee dhieth ne karac yic necok, ku ba wɔ piɔɔc? Ku ciecki wei.
35Go Yecu piŋ ke ci ciɛc wei; go yok ku yook, Ye ye Wen de Nhialic gam? 36Go dhuk jiɛm, Ye yene yeŋa, Bɛnydit, ba ya gam? 37Go Yecu yɔɔk, Ye kaca ŋem, ku yeneka jam ke yin. 38Go jam, Ye Bɛnydit, aya gam. Ku door. 39Go Yecu jam, Ye ɣan ee bɔ ne piny nom ne luk, bi kɔc ce yiɛn bik ya yin; ku bi kɔc yiɛn bik ya coor. 40Go Parithai tɔ kene yen keewelke piŋ, goki yɔɔk, Yi cuk cɔɔr eya? 41Go Yecu ke yɔɔk, Ye nee we ye coor, e kee te ciɛnka kerac; ku we ye jam, Wuɔ wɔ yiɛn, yen kerɛɛcduɔn abi ya dhiac.
Currently Selected:
Jɔn 9: LEKJOT
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1940, 2017
Learn More About Lek Jot de Jecu Kritho 1940
