Jɔn 15

1An ye abiany yic, ku Awa ee wun e dom. 2Keer ebɛn ye tɔ ne akɔu ku cii ye luɔk, aye nyaai: ku keer ebɛn ye luɔk aye dim kɔu, bi bɛɛr ya luɔk. 3We ci thol ne dim kɔth ne wɛt ca lɛk we. 4Yaka tɔ ne ayic, ku ɣɛn ne weyic. Acit man cii keer luɔk leu ne guɔpde, te cen ye tɔ ne abiɛcic; yenekee cɔɔk ci we ye ye leu, te ci we ye tɔ ne ayic. 5An ye abiɛi, ku we ye ker: ran ye tɔ ne ayic, ku an ne yeyic, yerane ee luɔk areet: te ye we tɔ te cin ɣa, e kacin ke yaka leu ne luɔi. 6Na ci raan ye tɔ ne ayic, e kaye cuat wei ci keer, ku ye yom; ku kuany keek ku cuɛte ke mɛɛc, nyopki. 7Na yaka tɔ ne ayic, ku ye welcie tɔ ne weyic, ke we bi ke dɛ ya thiec ebɛn ke yaka kɔɔr, ku kabi ya luɔi we. 8Yekene acii Awa nom, ne ye we luɔk; ku we bi ya kɔcciek piɔcke ne yekene. 9Acit man ci Awa ɣa ya nhiar, yenekee cɔɔk can we ya nhiar: yaka ceŋ ne nhiɛrdieic. 10Na yaka looŋcie muk, ke we bi ya tɔ ne nhiɛrdieic; acit man muɔk an looŋ ke Awa, ku ya tɔ ne nhiɛrdeic. 11Keekake acake lɛk we, bi yumdiɛn de piɔu bi ya tɔ ne weyic, ku bi yumduɔn de piɔu bi ya dit. 12Loŋdie eke, ya yaka roth nhiar, ci man yan we nhiar. 13Acin nhiɛr diit wɛr yekene ne raan ebɛn, bi raan weike puɔl ne mɛɛthke. 14We ye mɛɛthcie, te ye we loŋ ca yiɛn we loi. 15We caa bi bɛɛr ya cɔɔl aluɛk; ne ke ye aluak ke ye bɛnyde loi kuc: we ca cɔɔl mɛɛthcie; ne lek can we lɛk kaŋ kedhia ka cake piŋ enɔŋ Awa. 16Acie we we lɔc ɣa, ee ɣan eke lɔc we, ku taau week, bak ya lɔ luɔk, ku bi luɔkduɔn bi ya tɔ: bi ke dɛ ebɛn ke bak ya thiɛc Awa ne rincie, bi ya yiɛn we. 17Yenekee loŋ lɛk week, bak roth ya nhiar. 18Te mɛɛne week ne piny nom, ke nyiɛcka ke ne ke kɔn ɣa man tueŋ ne week. 19Ne we ye kɔc ke ka ke piny nom, e kee te ye piny kede nhiar: ku we cie kɔc ke ka ke piny nom, we ca lɔc bei ne piny nom, yeneka ye piny nom we maan. 20Yaka wenhiim ciɛt ne ke ca lɛk we, Ya aluak ace dit ne bɛnyde. Te cik ke ɣa ya ŋet, e kaabi we ya ŋet eya; te cik ke wɛtdie ya muk, e kaabi keduɔn ya muk eya. 21Keekake kedhia aabike ya luɔi week ne rincie, ne kuny ye ke ye kuc yen man e tuuc ɣa. 22Ne ɣan ken bɛn ba jam wɔ keek, e kee te cinki kerac: yen emane acin ke kony kek roth ne kerɛɛcden. 23Ran ye ɣa maan ee Awa maan eya. 24Ne ɣan ken luɔi loi ne keyic, luɔi cin ran dɛ ci e loi, e kee te cinki kerac; yen emane acik ŋem ku manki ɣɛn ku Awa eya. 25Ku kene e bɛn, bi wɛt bi ya yic, wɛt ci gaar ne loŋdenic, Ya kaaman ɣɛn te cin awac. 26Na bɔ Dugel, man ba tuɔc week nenɔŋ Awa, e kabi ya duleŋ de ɣɛn: 27ku week eya we bi ya duleek, ne tɔ e tɔ we wene ɣɛn ɣɔn gɔce kaŋ.

Currently Selected:

Jɔn 15: LEKJOT

Highlight

Copy