Jɔn 13

1Na ŋoot miɛth de ret ke ken guɔ loi, ke Yecu nyic kolden de jal ne piny nom ne ci bɛn, ku kɔckeek tɔ ne piny nom nhiɛr keek aaci nhiar agut thok bi kaŋ thok. 2Ku ciɛmki ne miɛth thɛi, ke durieth ci kan lɔ ne Judath Yithkariɔt piɔu, wen de Thimon, bi cɔk nyiin Yecu. 3Ku nyic Yecu ke cii Nhialic kaŋ kedhia tau ne yeciin, ku nyic ke ne bɔ bei nenɔŋ Nhialic, ku bi bɛɛr dhuk enɔŋ Nhialic, 4go rɔt jɔt te de miɛth, ku tɛɛu alɛthke tɛɛn, ku loom alanh de cunh de guɔp, ku ruk e ethar. 5Ku wɛl piu ne thaanic, ku gɔl wɛk de kɔc cok kɔcpiocke, ku coth kecok ne alanh enhia ci ruɔk ne yethar. 6Ana ye ɣeet enɔŋ Thimon Petero, ke yooke Petero, Ye Bɛnydit, ba ɣa waak cok? 7Go Yecu dhuk yook, Ye yeke luɔiye emane akuc; aba nyic ne kol dɛ. 8Go Petero jam, Ye yin ce ɣa wak cok necok. Go Yecu bɛɛr dhuk, Ye na caa yi wak, ke yin ce mɛt we ɣa. 9Go Thimon Petero jam, Ye Bɛnydit, yin ce ɣa wak cok kepɛc, wak keek kene acin ku anom eya. 10Go Yecu jam, Ye ran waak awaak cok kepɛc ku leer ke ɣer ebɛn: week we ɣer, ku kacie we wedhia. 11Anyic ran bi ye nyiɛn; yenekee jiɛm en, Ye kacie we wedhia.

12Na ci ke waak cok, ke lom alɛthke, ku lee nyuc, ku thiec keek, Ye nyiɛcka ke ca luɔi we? 13We ye an cɔɔl, Wuɔ Dupioc, ku, Bɛnydit: we ye jam apiath; ɣan yinya. 14Na waak wecok, ke an ye Bɛnydit ku ya Dupioc, ke we bi wecok ya waak ne roth eya. 15We ca yiɛn ke bak ya kaar, bak bɛɛr ya loi ci man can e luɔi we. 16We ya yɔɔk neyic, Ya aluak ace dit ne bɛnyde; ku dutuc ace dit ne ran toc e. 17Na nyiɛcka kaake, ke we yeke thiei te ye we ke loi. 18Ku an ce jam ne week wedhia: kɔc cake lɔc anyiɛcke: ku kecigɔɔr abi loi, Ya ran cam miɛthdie ee teer ke yɛn. 19Emane we ba ya lɛk ke ŋoot ke ken guɔ loi, bak a gam wuɔ kee ye, te cen loi. 20We ya yɔɔk neyic, Ya ran ye ran ya tooc loor ee ɣa loor; ku ran ye ɣa loor ee yen man ci ɣa tuɔc loor.

21Na ci Yecu jam yela, ke dhiau piɔu, ku lek keek jiɛm, Ye we ya yɔɔk neyic, ya ran toŋ de week abi ɣa nyiɛn. 22Go kɔcpiocke roth liec, gɛiki ne ran yee luel. 23Ku tɔɔ ne agen thok ci toŋ de kɔcpiocke rɔt gɛi ne Yecu yɔu, yen man nhiɛr Yecu. 24Go nieu ne Thimon Petero, ku yook, Ye lɛk wɔ yeran ye luele. 25Go yekɔu taar ne Yecu yɔu ne tɔden e tɔ yen, ku thiec, Ye Bɛnydit, yeŋa? 26Go Yecu dhuk, Ye ran ban cuin juɔl ku yiɛn e, yenekee ye. Ana ci cuin juɔl, ke leer ku yin Judath de Thimon Yithkariɔt. 27Na wen ci cuin liek, ke Catan lɔ ne yeyic. Go Yecu yɔɔk, Ye ke ba loi, dɔc loi. 28Ku kacin ran de kɔc tɔ ne agen thok nyic ke e luel yekene. 29Go kɔk thɔɔŋ yi ye ke tɔ Judath ke boon, yene yooke Yecu ye, Ye ɣɔc ka kɔrukue ne miɛth; ka, kabi miɔc aŋaaŋ gup. 30Wen ci cuin loom, ke dɔc lɔ biyic elantoŋtɛi, ku kee ye wɛɛr.

31Te cen lɔ biyic, go Yecu jam, Ye Wen de raan ee jal noom emane, ku Nhialic ee noom ne yen: 32Na ye Nhialic ye nom ne yen, ke kabii Nhialic noom ne guɔpde, ku kabi noom nelantoŋtɛi. 33Miththiicie, ɣan ye yul wɔ week. We bi a kɔɔr: acit man can e lɛk Judai, Ya te lar an, acii we bɛn bi leu; yen emane abɛɛr lɛk week. 34Loŋ jot ayiɛn we, ya yaka roth nhiar; acit man can we ya nhiar, ke week eya yaka roth nhiar. 35Yeneka bii raan ebɛn ye ya nyic lan ye we kɔcciek piɔcke, te ye we roth nhiar.

36Go Thimon Petero yɔɔk, Ye Bɛnydit, ye te yinde leer yin? Go Yecu dhuk, Ye te lar ɣɛn, acin ɣa leu ne kueny cok emane; yin bi a kuany cok ne kol dɛ. 37Go Petero yɔɔk, Ye Bɛnydit, yeŋo can yi leu ne kueny cok emane? An bi rɔt cɔk nak ne kedu. 38Go Yecu dhuk, Ye ba rɔt cɔk nak ne kedie? Yin ya yɔɔk neyic, Ya ajith aci bi ciu, ke yin ken ɣa jai naadiak.

Currently Selected:

Jɔn 13: LEKJOT

Highlight

Copy