Jɔn 11

1Ku ran ee bec, ran cɔl Ladharo de Bethani, pan de Mari ku nyankene Martha. 2Yen Mari man e tɔc Bɛnydit ne miok, ku weec cok ne nhimke, yenekee bece wanmeethe Ladharo. 3Go nyirakɛcke tooc enɔŋ yen, jamki, Yi Bɛnydit, yen man ye nhiare abec. 4Go Yecu piŋ, ku jiɛm, Ye yebenye acie beny de thou, ee beny de nuɔm de Nhialic, bi Wen de Nhialic noom ne yen. 5Yecu ee nhiar Martha, ku nyankene, ku Ladharo. 6Na ci ye piŋ ke bec, go dhiac ne nin keerou te ceŋ en. 7Ne ekene cok go kɔcpiocke yɔɔk, Ye berku lɔ Judaya. 8Go kɔcpiocke yɔɔk, Yi Rabi, aake piɔc yi kɔɔr bik yi biok ne kur; yen ba bɛɛr lɔ eeti? 9Go Yecu dhuk, Ye ci thaa ye ya thiɛr ku rou ne akɔlic? Na ye raan ye cath ne akɔlic, e kacie kɔth, ne ŋem yen ɣɛɛr de epinye nom ŋem. 10Na ye raan ye cath wakɔu, e kee kɔth, ne ke ci ɣɛɛr ye tɔ ne eyic. 11Ee jam yela, ku ber ke yɔɔk, Ye mɛtheda Ladharo ee niin; yen an lɔ, ba lɔ puɔc te de nin. 12Go kɔcpiocke yɔɔk, Yi Bɛnydit, na ye nin, e kabi piath. 13Yecu ee jam ne thonde: ku cɔlki yi jiɛm ne loŋ de nin. 14Go Yecu jal lɛk ke nejik, Ye Ladharo ee thou. 15Ku an mit piɔu ne week ne liu e liɛu an eeti, bak ya gam; apiath abac, loku enɔŋ yen. 16Go Thoma, ye cɔl Acuek, kɔcpiocke yɔɔk, Ye loku eya, buk lɔ thou wɔne yen.

17Go Yecu lɔ, ku yok ne ci tau ne raŋic a ci akol thol keeŋuan. 18Bethani athiak ke Jeruthalem cit mail keerou; 19ku Judai juec aa lɔ enɔŋ Martha ku Mari, bik ke lɔ duut piɔth ne thon de manheden. 20Go yen Martha piŋ ke Yecu bɔ, go dai lɔ, ku loor; ku dhiac Mari ke rɛɛr ɣot. 21Go Martha Yecu yɔɔk, Ye Bɛnydit, ne yin tɔ etene, e kee te ken wanmaath thou. 22Ku kanyiɛc emane eya, ke ye thiec enɔŋ Nhialic, aye Nhialic yiɛn yi. 23Go Yecu yɔɔk, Ye wanmuuth abi rɔt bɛr jɔt. 24Go Martha yɔɔk, Ye kanyiɛc kabi rɔt bɛr jɔt ne kol ciɛn ne jon bi tip roth jɔt. 25Go Yecu yɔɔk, Ye ɣan ye jon de rɔt, ku ya piir: ran ye ɣa gam, ku ne ci cak thou, e kabi piir: 26ku raan ebɛn ran ye piir ne ɣɛn ku ye a gam, ace kɔn thou. Ye yekene gam? 27Go yɔɔk, Ye Bɛnydit, kaya gam ke yin ye Kritho, Wen de Nhialic, man ye bɛn ne piny nom. 28Ku na ci ekene luel, ke lɔ, ku cɔɔl Mari nyankene ke luɔŋ, jiɛm, Ye Dupioc ee bɛn, ku kacɔl yin. 29Go piŋ, ku dɔɔc rɔt jɔt, ku leer enɔŋ yen. 30(Yecu ee ŋoot ke ken guɔ ɣeet bei, ee dhiac ke tɔ te e rɔm kek ke Martha.) 31Go Judai, eke tɔ kene yen ɣot, dut epiɔu, na cik Mari ŋem ke pur rɔt ku leer biyic, goki kuany cok, cɔlki yi le dhiau ne raŋ nom. 32Na ci Mari ɣet te tɔ Yecu, ku ŋem, go piny ciim ne yecok, ku yook, Ye Bɛnydit, ne yin tɔ eene, e kee te ken wanmaath thou. 33Na ci Yecu ye ŋem ke dhiau, ku dhiau Judai eke bɔ kene yen eya, go keŋ ne yepiɔu, ku wupic, 34ku jiɛm, Ye cak kan teno? Goki yɔɔk, Yi Bɛnydit, bar ŋem. 35Go Yecu dhiau. 36Go Judai jam, Yi ŋɛmka nhiɛr cen e nhiar! 37Go kɔk ke keek jam, Yi ci yerane, man e cɔk cɔɔr yiɛn, cii yerane bi cuɔk cɔk thou eya? 38Na ci Yecu lɔ raŋ nom ke beer keŋ. Ee ye te ɣɔɔr de kuuric, ku ci thiɛk thok ne kuur. 39Go Yecu jam, Ye lɛɛrka kuur wei. Go Martha, nyankene yen man ci thou, go yɔɔk, Ye Bɛnydit, ee nhiany ekole: ee nin a ŋuan piiny. 40Go Yecu yɔɔk, Ye ne kɛn lɛk yin ya na gam ɣa, ke yin bi nuɔm de Nhialic ŋem? 41Goki kuur lɛɛr wei. Ku jɔt Yecu enyin nhial, ku jiɛm, Ye Awa, yin lɛɛc ne piŋ piŋ yin ɣa. 42Ku kanyiɛc yin ye ɣa piŋ akolriɛc: ee ke de keekɔc kaac eeneke yeneka cɔk ɣa jam, bik gam ke yin ci a tuɔc. 43Na ci jam yela, ke cot areet, Ye Ladharo, bar bei. 44Go ye yen man ci thou bɛn bei, ke ci duut cin ku yecok ne alɛth ke thiɛk, ku ci deer nyin ne alath. Go Yecu ke yɔɔk, Ye dakka, ku ne lɔ.

45Go Judai juec ci bɛn enɔŋ Mari, ku cik kaŋ ŋem ka cii Yecu ke loi, goki gam. 46Ku kɔc kɔk ke keek aa lɔ enɔŋ Parithai, ku leki ke ka cii Yecu ke loi.

47Go bany ke ka Nhialic ku Parithai goki kɔc cɔk gueer, ku jamki, Yi buk ŋo loi? yerane ee kajuec gɛiyeke loi. 48Na yeku ye puɔl wuuya, e kabii raan ebɛn gam: ku Romai aabi bɛn ku lomki pinyda kene ceŋda. 49Go ran toŋ de keek cɔl Kaiapath, ye bɛnydiit de ka ke Nhialic ne yerune, go ke yɔɔk, Ye kacin ke nyiɛcka, 50ku kacak ye muk ne wenhim ke ye kepiath enɔŋ week bi ran tok thou ne nyin de kɔcic, ku ci jur ebɛn bi maar a bi liu. 51Ejame acie jam de guɔpde: yenekee ye bɛnydiit de ka ke Nhialic e erune, ku ke jam ye Yecu abi thou ne nyin de jurdenic; 52ku kacie yejure yetok, aabi mat nhiim etok kek mith ke Nhialic ci thiai. 53Ku yekole acik kek roth ben ya jaam bik cɔk thou.

54Go Yecu ciɛk beer cath ne Judai yic ke dɛɛiye, ku leer eeti piny tɔ rok thok, ɣeet pan col Epuraim; ku le ceŋ thin ke kɔcpiocke. 55Ret de Judai ee ci thiok: go kɔc juec lɔ Jeruthalem ne baaiyic ke ret ŋoot, bik roth lɔ juik. 56Goki Yecu kɔɔr, ku jamki ne roth e ke kaac ne yekalu, Yi takka ŋo? Cii bi bɛn te de miɛth? 57Ku ci banydit ke ka ke Nhialic ku Parithai cik loŋ luel yi na nyic raan te tɔ en, e kabi nyuɔth, bik lɔ dom.

Currently Selected:

Jɔn 11: LEKJOT

Highlight

Copy