కీర్తనలు 111
111
1యెహోవాను స్తుతించుడి.
యథార్థవంతుల సభలోను సమాజములోను పూర్ణ
హృదయముతో నేను యెహోవాకు కృతజ్ఞతా
స్తుతులు చెల్లించెదను.
2యెహోవా క్రియలు గొప్పవి
వాటియందు ఇష్టముగలవారందరు వాటిని విచారించుదురు.
3ఆయన కార్యము మహిమా ప్రభావములుగలది
ఆయన నీతి నిత్యము నిలుకడగా నుండును.
4ఆయన తన ఆశ్చర్యకార్యములకు జ్ఞాపకార్థసూచనను
నియమించియున్నాడు.
యెహోవా దయాదాక్షిణ్యపూర్ణుడు
5తనయందు భయభక్తులుగలవారికి ఆయన
ఆహారమిచ్చియున్నాడు
ఆయన నిత్యము తన నిబంధన జ్ఞాపకము చేసికొనును.
6ఆయన తన ప్రజలకు అన్యజనుల స్వాస్థ్యము అప్పగించియున్నాడు
తన క్రియల మహాత్మ్యమును వారికి వెల్లడిచేసి
యున్నాడు.
7ఆయన చేతికార్యములు సత్యమైనవి న్యాయమైనవి
ఆయన శాసనములన్నియు నమ్మకమైనవి.
8అవి శాశ్వతముగా స్థాపింపబడియున్నవి
సత్యముతోను యథార్థతతోను అవి చేయబడి
యున్నవి.
9ఆయన తన ప్రజలకు విమోచనము కలుగజేయువాడు
తన నిబంధన ఆయన నిత్యముగా ఉండ నిర్ణయించు
వాడు.
ఆయన నామము పరిశుద్ధమైనది పూజింపదగినది.
10యెహోవాయందలి భయము జ్ఞానమునకు మూలము
ఆయన శాసనముల ననుసరించువారందరు మంచి వివేకము గలవారు.
ఆయనకు నిత్యము స్తోత్రము కలుగుచున్నది.
Currently Selected:
కీర్తనలు 111: TELUBSI
Highlight
Share
Copy
Want to have your highlights saved across all your devices? Sign up or sign in
Telugu Old Version Bible - పరిశుద్ధ గ్రంథము O.V. Bible
Copyright © 2016 by The Bible Society of India
Used by permission. All rights reserved worldwide.
Free Reading Plans and Devotionals related to కీర్తనలు 111
Belmont University Advent Guide
Daily Bible Reading – November 2023, God’s Saving Word: Praise and Thanksgiving
Belmont University Advent Guide
