II KƆRINTI DIMA 7

1Tɔ, m mabiwutta, ba pun basi nangbambasiri wa n‑ti ti na, ka di zugu ya kyɛ ka ti leebi Naawunni niriba kasikasi. Ka kyɛ ka da'ari ka ti ni, ti ningbina ni ti siisi zaa; ka laa n‑zɔri Naawunni, ni u ti su ti beesigu yɛla zaa.

2Ya ku deaai ti suŋŋa? Ti bu tum sɔ taalli, ti bu sa'am sɔ soori, ti mun bu yɔmsi sɔ n‑fa u. 3Man ŋɔn yɛtti lala, di pa la ni n ya n‑wulisi, ni, ya pa la niriba: ya siri bɛ la ti sufu ni, halli ni tin ni yan yi la'am n‑kpi, bee, ti la'am n‑nɛ gba - ti pun yɛli ya lala - bee, ti daa bu yɛli? 4N siri niŋi ya yɛdda ka tɔ'asiri pam n‑nyuuri bara ya zugu. N nya n sufu maasim zaa di zugu; ni ti wahala diibu zaa yɔri, n sufu pɛligiya pam.

5Dama tin daa paai Masidoonya sahanseaa maa, ti daa bu nya vuusim, ka daa nyari yɛla pam ya'ari kam zaa. Daadam saani ka ti daa mari zaba, ka ti sufu puuni ka dabeem daa kur bɛ ni. 6Amaa ni di zaa yɔri, Naawunni n nyɛ sɔ ŋɔn gɔsiri ban ka yaa yɛla n‑tiri ba maasim, ka u daa maai ti sufu, ka kyɛ ka Taituusi kyɛ ti saani na. 7Ka di pa la u kyɛnni na maa kɔkɔa, amaa yan ni ŋɔna ŋɔn daa mari sufumaasim ni taaba seem la zugu. U daa yɛtti yan boori ti yɛla seem la, ni yan nyari sufusa'aŋŋu seem, taalli maa zugu; m‑paasi yan zaŋŋi ya sufu zaa n‑niŋni na: ka lala daa kyɛ ka n sufu maai halli nti yakki. 8Ni man daa sɔbi gbaŋŋu ka ya sufu sa'am maa zaa, m bu ya takki n‑labi nyaaŋŋa. Halli n siri daa boori ni n takki, dama n daa nya ka gbaŋŋu kana daa niŋi ya sufusa'aŋŋu, halli ni di daa bu yuui pam gba. 9Pampaŋŋɔ muna n yi mari la sufupeelli, pa la ya sufusa'aŋŋu la zugu, amaa, ni, ya sufusa'aŋŋu daa kyɛ ka ya takki ya sɔbeeri, ka taasi ya tooni. Naawunni zugu sufusa'aŋŋu n‑daa la, ka dizugu ya daa bu labi nyaaŋŋa ti tuma zugu. 10Naawunni zugu sufusa'aŋŋu wa zugu siri kyɛ ka ti takkri ti sɔbeeri nti nya tuliginsim, ni ti sufu ku laa m‑miligi; duniya wa sufusa'aŋŋu mun taasiri ti kum ni. 11Ya bu nya Naawunni zugu sufusa'aŋŋu wa ŋɔn suŋŋi ya seem? - ya boori yooma m‑maali yɛttɔ'a maa, ka bu boori galiŋŋu di zugu. Ya gyɛ la suuri n‑niŋi tumbɛtumna la, ka zɔri tumbeoo la yɛla dabeem; ya boori nimmoosi ni ya maai yɛlli maa, ni ya kari yɛttɔ'a maa sariya ni yɛlimaŋni. Bunseelli kam puuni ya daa wulisi, ni, ya yi yɛla wa ni, ka ka taalli di zugu. 12Man daa sɔbi n‑ti ya na maa gbinni muna, di pa la ŋɔn daa niŋi taalli la zugu, bee, ban daa tum sɔ taalli la zugu gba. Ay! - n daa sɔbi ni, ni n ti kyɛ ka ya baŋŋi yan boori ti yɛla nimmoosi maa seem, ka di yi paalu ni, Naawunni tooni. 13Dinŋɔ zaa zugu ti sufu kpamsiya.

Ka n‑zaŋŋi m‑paasi ti mammaŋŋa kpamsigu zugu, ti mari sufupeelli Taituusi yɛla zugu, dama u sufu daa maaya, yan daa ti u sufudoaa la zugu. 14N daa pun tɔ'asi n‑ti u n‑nyuuri bara zaŋŋi n‑kyaŋŋi ya yɛla, ka ya mun daa bu diisi ma vi. Tin daa yɛli seelli zaa n‑ti ya la daa nyɛ la yɛlimaŋni, ka lala ka tin daa nyu bara seesi n‑ti Taituusi ya zugu la gba siri daa niŋi yɛlimaŋni. 15Din paasiri u wurilim n‑ti ya nyɛ la: ni, u teaari la ya zaa ŋɔn daa wum n‑ti u seem la, ni, ya daa deaai u ka zɔri dabeem pam tumbeeri la zugu. 16N nin toaai n‑niŋi ya yɛdda zaa seelikam puuni, ka di niŋi ma nya'asim pam.

Currently Selected:

II KƆRINTI DIMA 7: maw

Highlight

Copy