Lúkà 23

À mú Yèésù lɔ fú Kpìlátò

(Màtéwò 27:1-2,11-14; Mákò 15:1-5; Yòhánà 18:28-38)

1Náànyì-bɛ́ɛ̀#ɛ́, àŋa kpó, à ǹɖe, tsí gbɛ̃́ Yèésù lɔ ńɖi-Kpìlátò†, kɔ̀màɖã́ã̀-ìlú#ɛ́. 2Tsí à wà mú afɔ̀ báa, tsí wà wí ní: Àŋa rí idza yèé, tsí ó wà bàdzɛ́ etí fú ɔ̀nyà-ìlú-àŋa ŋa. Náa wà fɔ̀ fú ŋa ní ká máa sã owó-lómbà fú ɔ̀gã́-ìdzɔba ńlɛ̀-Rómà†. Tsí ó wà fɔ̀ gbo ní òŋu dzɛ́ ólú, ólú yèé à náa kpe ní Kírísítò#ɛ́.

3Tsí Kpìlátò wà bèrèé ní: Òŋu ní dzɛ́ ólú-ɔma-Ìyúɖà† ŋa#áà?

Tsí Yèésù ní: Nárũ tòŋu ká‐ɛ̀ ní ó bɔ́ ti#ɛ́.

4Tsí ó wí fú onùgbó-atsɛbɔ-Ɔ̀ɖáyé† ŋa òŋu èrò#ɛ́ ní: Òŋu kò rí íbàɖí-kã̀ náfɔ̀‐ɛ̀#ɛ́, tsí òŋu kó ń ɖáàbi fúu.

5Kíbí ó wí bɛ́ɛ̀#ɛ́, à dzɛ̃̀ŋù si, tsí wà le oŋù si ńnɛ̀ ní: Ó wà mú ìdzà si ńǹlú#ɛ́, tsí wà tsɛ̀kɔ́ fú ɔ̀nyà ŋa wérí nérè-Yùɖéyà#á bí kpó. Ó ɖi, títí nérè-Gàlìlé gìɖì ní ó kpée si ńnɛ̀ tã́ná kó wáa tó ńYèrúsàlɛ́mì bí#ɛ́.

6Kíbí ó gbɔ́ bɛ́ɛ̀#ɛ́, ó bèrè ŋá ní: Ɛnɛ#ɛ́ fee, ɛnɛ-ɔwɔ́-Gàlìlé ŋa niì?

7Tsí kíbí ó gbɔ́ ní Yèésù ni ɔma-Gàlìlé ŋa ni#ɛ́, ó fɔ̀, tsí à gbɛ̃́ɛ̃ lɔ fú Èróɖì†, ólú-Gàlìlé. Ńǹwèrè nyɛ̀ŋɛ̀#ɛ́, òŋu gbo wà ńYèrúsàlɛ́mì si.

Èróɖì wà bere Yèésù náfɔ̀

8Kíbí Èróɖì† rí Yèésù#ɛ́, ayè tɛ́ɛ tó bɛ́ɛ̀, iŋɛ́ yèé tse#ɛ́, ó ti wà gbɔ́ ìdzã̀mà‐ɛ̀, tsí ó wà wò ní òŋu ká-òŋu, òŋu má ríi báàyí#ɛ́, ìwèrè‐ɛ̀ ti dzɛ̃̀. Ó wà wò ní kó tse iŋɛ́-àwùsì-kã̀, tsí òŋu kó rí. 9Tsí ó bèrèé náfɔ̀ kpíkpɔ̀. Ó ɖi, Yèésù kò dzɔ́ŋù-kã̀ kpókpó si ńǹtá‐ɛ̀ fúu. 10Onùgbó-atsɛbɔ-Ɔ̀ɖáyé† ŋa òŋu akɔ́nɛ nɛ́kpa-Ɔ̀ɖáyé† ŋa gbo wà bɛ̀ si, tsí à ɖìgírí si kũkũ, tsí wà mú afɔ̀ ŋa bá Yèésù gé ni.

11Tsí Èróɖì òŋu sɔ́dzà‐ɛ̀ ŋa wà búu, tsí wà múu tsiwɛwɛ́, tsí à mú ìwɔ̀ra àfɛ́ŋú-kã̀, tsí ń wɔ̀ fúu, tsí à sɛ̃̀ gbɛ̃́ɛ̃ lɔ fú kɔ̀màɖã́ã̀ Kpìlátò†. 12Dzɔ̀ɔ́ dzɔ̀ɔ́#ɛ́, Èróɖì òŋu Kpìlátò, ɔ̀tɛ̀ ŋa ní à dzɛ́ si#ɛ́. Ó ɖi, ti nára-ɔdzɔ́ nyɛ̀ŋɛ̀#ɛ́, à ɖídza bá ara-ŋa.

Kpìlátò nya ɔwɔ́ nára-Yèésù ní ká kpaá nóòkú

(Màtéwò 27:15-26; Mákò 15:6-15; Yòhánà 18:38–19:15)

13Náànyì-bɛ́ɛ̀#ɛ́, Kpìlátò kpe onùgbó-atsɛbɔ-Ɔ̀ɖáyé† ŋa òŋu onùgbó-ìlú ŋa má nára-ìlú#ɛ́ kpó, tsí à kpàɖé, 14tsí ó wà wí fú ŋa ní: Bɛ́ɛ̀ ní à gbɛ̃́ idza yèé wáa bá òŋu, tsí à wà fɔ̀ ní ó wà bàdzɛ́ etí fú ɔ̀nyà-ìlú ŋa#á ńnɛ̀ɛ́. Báàyí#ɛ́, òŋu bèrèé náfɔ̀ nódzú-ŋa. Tsí afɔ̀ yèé ŋa à mú báa kpó#ɛ́, kò ma ɔ̀kã̀ ńnɛ̀. Tɛ̀ɛ̀ nòkṹnù ni. 15Èróɖì† gbo kò rí iŋɛ́-íbàɖí-kã̀ nára‐ɛ̀. Ńnɛ̀ ní ó sɛ̃̀ gbɛ̃́ɛ̃ wá fú àŋa#á. Ó ɖi, idza yèé bɛ́#ɛ́ kò tse íbàɖí-kã̀ gbo, tsí kó bí ikú fúu. 16Báàyí#ɛ́, òŋu nákó fɔ̀, tsí sɔ́dzà ŋa kó tsɔ̀ɔ́ náàtàmì. Tsí náànyì-bɛ́ɛ̀#ɛ́, òŋu nákó kɔ̀ɔ́ dzɔ̀ɔ́. [ 17Ńǹwèrè nyɛ̀ŋɛ̀#ɛ́, ɔma-Ìyúɖà ŋa, bí à bòkó dzɛ ɔɖɔ̃́-Àɖádzɔ̀ɔ́ kã̀kã̀#á, kɔ̀màɖã́ã̀-ìlú#ɛ́ náa nya ɔ̀nyà-ŋa-kã̀ fùɖá nɛ́ɛ̀ŋà.] 18-19Náàsòkò nyɛ̀ŋɛ̀#ɛ́, ɔ̀nyà-kã̀ wà nɛ́ɛ̀ŋà si, tsí à náa kpèé ní Bàràbá. Bàràbá#á ni ɔ̀nyà-kã̀ yèé sɔ́ ɔ̀nyà ŋa ńǹlú#ɛ́ ní ká nya ìdzɔba#á kãdzú#ɛ́ ni. Tsí ó kpa ɔ̀nyà-kã̀ gbo nóòkú. Ńnɛ̀ ní à múu si nɛ́ɛ̀ŋà si#ɛ́.

Tsí àŋa kpó, à wà ɖúgbe, tsí wà fɔ̀ ní: Kó kɛ́ Yèésù fú, tsí ká kpaá nóòkú, tsí kó kɔ Bàràbá dzɔ̀ɔ́ fú àŋa.

20Tsí Kpìlátò wò ní òŋu kó kɔ Yèésù dzɔ̀ɔ́, tsí ó sɛ̃̀ wà wíìnyɛ̀ fú èrò#ɛ́ ró. 21Tsí àŋa kpó, à wà ńgbe si tsùù, tsí wà fɔ̀ ní: Kó kã̀ã́ si ńǹtá-egi-ìɖáàgàlàdzà†, kó kã̀ã́!

22Tsí ó wà bèrè ŋá nóláànkɛ́ɛta ró ní: Íbàɖí mɛ̀ɛ́ ó tse ná? Ó ɖi, òŋu kò rí íbàɖí-kã̀ nára‐ɛ̀, tsí kó bí ikú fúu. Ńbɛ̀ɛ́, òŋu nákó fɔ̀, tsí ká tsɔ̀ɔ́ náàtàmì, tsí òŋu kó kɔ̀ɔ́ dzɔ̀ɔ́.

23Kíbí ó fɔ̀ bɛ́ɛ̀#ɛ́, àríkɛ̀ɛ́ gìɖì à wà ɖúgbe máa ró, tsí wà fɔ̀ ní kó kã̀ã́ si ńǹtá-egi-ìɖáàgàlàdzà#á ńnɛ̀ɛ́.

Tsí igbe#ɛ́ lárèé, 24tsí ó tédzú dzɛ́ si ńǹtá‐ɛ̀ ní òŋu kó tse iŋɛ́ yèé ìlú#ɛ́ wà wò#ɛ́ fú ŋa. 25Tsí ɛnɛ yèé à wà wò ní kó kɔ̀ dzɔ̀ɔ́#ɛ́, ɛnɛ yèé sɔ́ ɔ̀nyà ŋa ní ká kɔ afɔ̀-ìdzɔba, tsí kpanɛ gbo#ɛ́, ó kɔ̀ɔ́ dzɔ̀ɔ́ fú ŋa. Tsí ó mú Yèésù fú sɔ́dzà‐ɛ̀ ŋa ní ká kpa Yèésù nóòkú kíbí ɔ̀nyà ŋa wà wò gbà#á.

À kã Yèésù si ńǹtá-egi-ìɖáàgàlàdzà

(Màtéwò 27:32-44; Mákò 15:21-32; Yòhánà 19:16-27)

26Náànyì-bɛ́ɛ̀#ɛ́, à gbɛ̃́ Yèésù làkóò, tsí ká lɔ káà kã̀ã́ si ńǹtá-egi-ìɖáàgàlàdzà†, tsí à kpàɖé ɔ̀nyà-kã̀ nɔ́ɔ̀nà, tsí ó bɔ̀ ti nóko bàa. À náa kpèé ní Sìmɔ́nì. Ɔma-ìlú-Sìrɛ́nì ŋa ní ó dzɛ́#ɛ́. Tsí à múu, tsí kɛ́ egi-ìɖáàgàlàdzà#á fúu ní kó rùú tɛ̀ náànyì-Yèésù. 27Tsí ìlú#ɛ́ kpó gbo tɛ̀ náànyì‐ɛ̀ làkóò. Ɔnɔbɛ̃̀ɛ̃ ŋa gbo wà náàŋírĩ-ŋa, tsí à wà sɔkṹ, tsí wà rã́ã̀bo fúu. 28Tsí Yèésù nyí wò ŋá, tsí wà wí fú ŋa ní: Ɔnɔbɛ̃̀ɛ̃-Yèrúsàlɛ́mì ŋa, è máa sɔkṹ-mi. È sɔ̃ ti ara-ŋɛ́ òŋu ti ɔma-ŋɛ́ ŋa. 29Ó ɖi, ìwèrè-kã̀ bàa, tsí à nákó wáa fɔ̀ ní: Àgbàrèbí ŋa, ɛnɛ yèé ŋa kò fú ɔma nɔ́mɔ́ wòrí#ɛ́, à wɛ éwo-ire. 30Ńǹwèrè nyɛ̀ŋɛ̀#ɛ́, ɔ̀nyà ŋa nákó wò ní òkè ŋa kó ɖíwó si ńǹtá-àŋa, tsí ri àŋa. 31Ó ɖi, bí à wà tse bá egi tútù bɛ́ fee, yèésí ni ti egi gbígbɛ̃?

32Tsí ɔ̀nyà-íbàɖí méèdzì kã̀ŋa gbo wà, tsí à mú ŋa ní ká lɔ káà kpa ŋá gbòkã́ má Yèésù. 33Tsí à gbɛ̃́ ŋa lɔ káà tó ńbí à náa kpè ní Korogbo-éwo#ɛ́, tsí à kã Yèésù si ńǹtá-egi-ìɖáàgàlàdzà#á, tsí kã ɛnɛ méèdzì ŋa#á gbo si ńǹtá-egi-ìɖáàgàlàdzà kã̀kã̀ gbèé. À kã ɔ̀nyà-kã̀ si nákpálà-àwóòtã́‐ɛ̀, tsí kã ɔ̀nyà-kã̀ gbo si nákpálà-àwóòsì‐ɛ̀. 34Kíbí à wà kã Yèésù#ɛ́, ó wà fɔ̀ ní: Boba-mi, múu tɔrɛ fú ŋa. À kò ma iŋɛ́ yèé à wà tse#ɛ́ ni.

Tsí sɔ́dzà ŋa wà wò ní àŋa kó kpɛ̃́ ìwɔ̀ra‐ɛ̀ ŋa náàŋírĩ-ara-ŋa, tsí à ɖìbò‐ɛ̀, tsí ká ma yèé kṹnukṹ nákó kɛ́#ɛ́. 35Tsí ìlú#ɛ́ kpó ɖóro dzòò si bɛ̀, tsí wà wo iŋɛ́ ŋa#á. Onùgbó-ɔma-Ìyúɖà† ŋa gbo wà bɛ̀, tsí wà rã́ã̀rĩ́ fúu. À ní: Ó gba olòmírɛ̃̀ ŋa là nɔ̀! Bí ó dzɛ́ Kírísítò ìɖéǹɖè Agbanɛlà yèé Ɔ̀ɖáyé tsã̀, tsí bɛ̀ wá#á, ni kó gba ara‐ɛ̀ gbo là káyíì?

36Sɔ́dzà ŋa gbo wà múu tsiwɛwɛ́, tsí wà mú ɔtí kíkã fúu kíbí à kã̀ã́ si#ɛ́ ní: Kó gbà mɔ. 37Ó ɖi, bí ó dzɛ́ ólú-ɔma-Ìyúɖà ŋa, òŋu ká‐ɛ̀ kó gba ara‐ɛ̀ là.

38Kíbí à kã Yèésù si ńǹtá-egi-ìɖáàgàlàdzà#á, à kɔ si nɔ́kpɔ̃́-kã̀ ní: Ɛnɛ yèé bɛ́#ɛ́, ólú-ɔma-Ìyúɖà ŋa ni.

39Tsí ɔ̀nyà-íbàɖí yèé à kã̀ si ŋa#á-kã̀ wà búu, tsí wà fɔ̀ ní: Kò tsi òŋu ní dzɛ́ Kírísítò Agbanɛlà#áà? Kó gba ara‐ɛ̀ là, tsí kó wáa gba àŋa gbo là.

40Kíbí ó wí bɛ́ɛ̀#ɛ́, enìkéèdzì‐ɛ̀ wà rã́ã̀rã̀, tsí wà báa fɔ̀ ní: Kàkó nɛ́ àrísá fú Ɔ̀ɖáyéè? Etí fífà-ìrɔ́ ɔ̀kã̀ntso ní àŋa kpó, àŋa wà gbà#á nɔ̀! 41Ó ɖi, àŋa òŋu, ó wà ní ká fɛtí-ìrɔ́-bɛ́ɛ̀ fú àŋa. Íbàɖí yèé àŋa tse#ɛ́, èrè‐ɛ̀ ní àŋa wà dzɛ#ɛ́. Ó ɖi, idza yèé òŋu kò tse íbàɖí-kã̀ kpókpó nɛ́!

42Tsí ó wà wí fú Yèésù ní: Ńǹwèrè yèé nákó wáa dzoyè#ɛ́, ó dzàre ɖé, kó tédzú òŋu gbo.

43Tsí Yèésù wà dzɔ́ŋù fúu ní: Ìɖéǹɖè ni, òŋu wà wí fúu ní fee, nɔ́mbɛ́ yèé gìɖì#ɛ́, nákó lɔ káà gbé ńɖi-Ɔ̀ɖáyé#23:43 Òŋu-afɔ̀ yèé à gbà fɔ̀ ńbíbɛ́ ní “ńɖi-Ɔ̀ɖáyé”#ɛ́ ní dzɛ́ Kpàràɖísò ńgɛ̀rɛ́kì#ɛ́. È káà kã Ìwé 2 Kòríntì ŋa 12:4 òŋu afɔ̀ yèé à ń nya òkpì‐ɛ̀ ńǹsàlɛ̀-odzú-ìwé#ɛ́. bá òŋu.

Yèésù kú

(Màtéwò 27:45-56; Mákò 15:33-41; Yòhánà 19:28-30)

44-45Ńǹwèrè-òsã́ gãgã tóɖóɖóó#ɛ́, odzúùrɔ̃̀ mí rírã̀ ńlɛ̀-bɛ̀ kpó nɔ́dzɔ́ nyɛ̀ŋɛ̀, tsí òkùkù lákṹ-kã̀ kù kpìrìm ńbɛ̀ títí fú odzúùrɔ̃̀-alɛ́. Náàsòkò nyɛ̀ŋɛ̀#ɛ́, atsɔ-ìbònà#23:44-45 Atsɔ#ɛ́ ɖá ilé-Ɔ̀ɖáyé#ɛ́ méèdzì náàkpàtá òŋu ìɖòɖò si ni.-ilé-Ɔ̀ɖáyé#ɛ́ ya gbòkã́ gbàragbàra méèdzì wáa kãlɛ̀.

46Tsí Yèésù ɖúgbe kũkũ, tsí ní: Boba-mi, ǹ mú àyɛ̀-mi bɔwɔ́‐ɛ̀ɛ.#23:46 Ìwé-Orĩ ŋa 31:6 (Psaumes 31:6)

Kíbí ó wí bɛ́ɛ̀ tã́ gé#ɛ́, mímí‐ɛ̀ dzilɛ̀. 47Kíbí ɔ̀gã́-sɔ́dzà-ɛnɛ-Rómà† ŋa rí bɛ́ɛ̀#ɛ́, ó wà nyɛ Ɔ̀ɖáyé, tsí wà fɔ̀ ní: Ìɖéǹɖè#ɛ́, ti ɛnɛ yèé bɛ́#ɛ́ ni òkṹnù ni oo.

48Tsí ɛnɛ yèé ŋa kpó wà bɛ̀, tsí rí kíbí iŋɛ́ ŋa#á lɔ gbà#á, ara kú ŋa kpó, tsí à wà mɔ́wɔ́ fɔ̃́ ɛ̀ɖɔ̃̀, tsí wà nyí dzì nɔ́ɔ̀nà-ilé. 49Tsí ɔ̀nyà-ara‐ɛ̀ ŋa kpó òŋu ɔnɔbɛ̃̀ɛ̃ yèé ŋa náa wà tɛ̀ náànyì‐ɛ̀ gbo#ɛ́ wà bɛ̀ si. Ɔnɔbɛ̃̀ɛ̃ ŋa#á ní tɛ̀ náànyì‐ɛ̀ ti títí nérè-Gàlìlé wáa lɔ ńYèrúsàlɛ́mì#ɛ́. Àŋa gbo, à ɖóro si nóòtèrè, tsí wà rí iŋɛ́ yèé wà tse ŋa#á.

À ri Yèésù

(Màtéwò 27:57-61; Mákò 15:42-47; Yòhánà 19:38-42)

50-51Ńǹwèrè nyɛ̀ŋɛ̀#ɛ́, ɔ̀nyà-kã̀ wà, tsí à náa kpèé ní Yòsɛ́fù†. Ó ti ńǹlú-ɔma-Ìyúɖà† ŋa-kã̀. À náa kpe ìlú#ɛ́ ní Àrìmàté. Atsòtítɔ́-kã̀ ni, tsí ó dzɛ́ ɔ̀nyà-olóore gbo, tsí òŋu gbo wà ɖóro ɖe ìwèrè yèé Ɔ̀ɖáyé nákó wáa dzoyè#ɛ́. Náàsòkò nyɛ̀ŋɛ̀#ɛ́, òŋu gbo wà náàŋírĩ-ɛgbɛ́-àkpɛ̀dzɔ́-ɔma-Ìyúɖà ŋa†, tsí ɛdzɔ́ yèé à kpè bá Yèésù#ɛ́, òŋu kíbí à wà tse báa gbà#á, òŋu kò gbà si ńǹtá‐ɛ̀. 52Ńbɛ̀ɛ́, Yòsɛ́fù#ɛ́ wáa ǹɖe, tsí lɔ ńɖi-Kpìlátò†, tsí káà wí fúu ní: Kó fú òŋu nɔ́ɔ̀nà, tsí òŋu kó kɛ́ òkú-Yèésù lɔ káà rì.

Tsí Kpìlátò dzɛ́. 53Tsí ó lɔ káà ti òkú#ɛ́ ńǹtá-egi-ìɖáàgàlàdzà†#á, tsí mú àlà wée, tsí kɛ́ɛ lɔ káà ń tɛ́ néèkpò-kã̀. Èkpò#ɛ́, ńnɔ́-òkúta ní à ɖɛ̃ɛ̃́ si#ɛ́, tsí à kò mú ɔ̀nyà-kã̀ kpókpó tɛ́ ńnɛ̀ wòrí.

54Nɔ́dzɔ́ nyɛ̀ŋɛ̀ ní ɔma-Ìyúɖà ŋa náa wà kpaɖí ɔdzɔ́-ìmíra†-ŋa#á. Tsí ó ɖi ńǹwèrè-alɛ́, tsí à bòkó kpé ɔdzɔ́-ìmíra#á si ńnɛ̀. 55Tsí ɔnɔbɛ̃̀ɛ̃ yèé ŋa wà náànyì-Yèésù ti títí nérè-Gàlìlé#ɛ́, àŋa gbo, à tɛ̀ náànyì-Yòsɛ́fù lɔ. Tsí à rí ifò-òkúta#á, tsí à rí kíbí ó kɛ́ òkú-Yèésù#ɛ́, tsí ń tɛ́ ńnɔ́-ifò#ɛ́ gbà#á. 56Tsí à nyí sɛ̃̀ lɔ ńlé, tsí à lɔ káà kpaɖí àɖɛ̃́ rṹrũ̀ fĩ́rĩ́fĩ́rĩ́ ŋa ńǹrɔ́ǹrɔ́ si, tsí ká wáa ń kpã́ fú òkú#ɛ́. Tsí à mí ńlé kpó nɔ́dzɔ́-ìmíra#á kíbí ɛkpa-Ɔ̀ɖáyé† wà fɔ̀ɔ́ gbà#á.

Currently Selected:

Lúkà 23: ngl

Highlight

Copy