Lúkà 19

Yèésù sɔ Sàkéè náàledzò

1Náànyì-bɛ́ɛ̀#ɛ́, Yèésù wɔ̀ ńǹlú-Yèríkò, tsí la àŋírĩ-ìlú#ɛ́ wáa làkóò. 2Tsí ɔ̀nyà-kã̀ wà bɛ̀, tsí à náa kpèé ní Sàkéè. Ó dzɛ́ ɔ̀gã́ fú agbalómbà ŋa, tsí ó nɛ́ owó gbo tó bɛ́ɛ̀. 3Kíbí ó gbɔ́ ní Yèésù la àŋírĩ-ìlú#ɛ́ bàa#á, òŋu gbo wà wo kó ríi, tsí kó màá. Ó ɖi, Sàkéè#ɛ́, ɔ̀nyà lúkútú-kã̀ ní ó dzɛ́#ɛ́, tsí ɔ̀nyà ŋa gbo kpɔ̀, tsí wà ɖí odzú fúu títí kò nyáa ríi. 4Tsí ó ǹɖe, tsí yáré lɔ ńwádzú-ŋa, tsí káà gu egi-ɔ̀kpɔ̀tɔ́ lákṹ-kã̀, tsí kó ríi, iŋɛ́ yèé tse#ɛ́, nábɛ́-egi#ɛ́ bɛ̀ ní Yèésù nákó gbà wáa lɔ#ɛ́.

5Kíbí Yèésù tó nábɛ́-egi#ɛ́, ó kɛ́ odzú fú ìgbèrí, tsí ríi, tsí wà wí fúu ní: Sàkéè! Kó yára, tsí kó tì wá! Ó ɖi, ńɖɔ̀‐ɛ̀ ní ó wà ní òŋu kó sɔ̀ nɔ́mbɛ́#ɛ́.

6Kóyá kóyá gé#ɛ́, ó yára, tsí tì, tsí káà gba Yèésù náàledzò ńlé‐ɛ̀ òŋu ayè títɛ́.

7Kíbí ɔ̀nyà ŋa rí ní Yèésù káà sɔ̀ ńɖɔ̀‐ɛ̀#ɛ́, à wà kpɔ̀kɔ̃̀ɔ̃́rɔ̃̀, tsí wà fɔ̀ ní: Tsáyì dza! Idza#á ǹɖe lɔ káà sɔ̀ ńɖi-ɔ̀nyà-íbàɖí nyɛ̀ŋɛ̀ náa.

8Náànyì-bɛ́ɛ̀#ɛ́, Sàkéè òŋu ǹɖe, tsí wà wí fú Ɔlá-wa ní: Ɔ̀gá, rɛ̃tígbè! Ǹ bòkó kpɛ̃́ iŋɛ́-mi ŋa ńǹɖì méèdzì, tsí màa mú ìɖì-kã̀, tsí ń kpɛ̃́ fú adzìyàkú ŋa. Tsí bí ǹ ɖí ɔ̀nyà-kã̀ si ńnɛ̀, tsí gba owó nɔ́wɔ́‐ɛ̀, ti nɔ́mbɛ́#ɛ́, màa sã owó-ìrɔ́-bɛ́ɛ̀ ɔ̀nà mɛ́ɛrɛ̃ si ńǹɖì‐ɛ̀ fú ɛnɛ nyɛ̀ŋɛ̀.

9Tsí Yèésù wà fɔ̀ fúu ní: Nɔ́mbɛ́#ɛ́, Ɔ̀ɖáyé wá ńkpàtá yèé, tsí kó wáa gbàá là. Ó ɖi, Sàkéè gìɖì gbo, ɔmalɔ́ma-Àbàràhámì† ni. Òŋu gbo wà náàŋírĩ-ɛnɛ yèé Ɔ̀ɖáyé tsã̀ ŋa#á. 10Ó ɖi òŋu, Ɛnɛ yèé ɔ̀nyà bí#ɛ́†, òŋu wá, tsí òŋu kó wáa wo ɛnɛ yèé nɔ̀ si ŋa#á, tsí òŋu kó gbà ŋá là ni.

Yèésù wà mú ólú-kã̀, tsí wà ń kpòwe

(Màtéwò 25:14-30)

11Ɔ̀nyà ŋa wà gbɔ́ afɔ̀ nyɛ̀ŋɛ̀ làkóò, tsí Yèésù sɛ̃̀, tsí wà kpòwe-kã̀ gbo máa fú ŋa. Ńǹwèrè nyɛ̀ŋɛ̀#ɛ́, ó sɔ́má-Yèrúsàlɛ́mì, tsí ɔ̀nyà ŋa ɖédzú Ɔ̀ɖáyé bòkó kpé oyè dzídzɛ‐ɛ̀ si ńǹtá-nɛ gbòkã́ ni. Ńnɛ̀ ní ó wà kpòwe fú ŋa#á. 12Ó wà wí fú ŋa ní: Ɔ̀nyà-kã̀ wà, ɔma-ólú ní ó dzɛ́#ɛ́, tsí ó wà wo kó dzɛ ólú. Tsí ó ǹɖe, tsí wáa lɔ ńǹlú dzídzɛ̃̀-kã̀. Ó lɔ bɛ̀, tsí ká fúu nɔ́ɔ̀nà ní kó wáa dzɛ ólú ńlɛ̀-ìlú‐ɛ̀, tsí kó sɛ̃̀ bɔ̀ wá. 13Tsí tã́ná kó ǹɖe#ɛ́, ó kpe àtsìtsɛ́‐ɛ̀ ŋa, àŋa maá ní ká wá. Tsí ó mú owó-siká ɛyɔ ɛyɔ maá, tsí kɛ́ ɛyɔ kã̀kã̀#19:13 Owó-ìmarũ yèé à wà báfɔ̀ ńbíbɛ́#ɛ́ kpó ɖé bá owó-itsɛ́-otsù mɛ́ɛta., tsí ń bɔwɔ́-ŋa ní ká wà ń tsòwò tã́ná òŋu kó bɔ̀ wá.

14Báàyí#ɛ́, ɔ̀nyà-ìlú‐ɛ̀ ŋa wà nyàá kãdzú. Tsí kíbí ó lɔ#ɛ́, à rã́kɔ̀ tɛ̀ náànyì‐ɛ̀ lɔ ńǹlú#ɛ́ ní: Ká máa mú idza nyɛ̀ŋɛ̀ dzɛ ólú fú àŋa. Ó ɖi, àŋa kò wà wòó.

15Kíbí ó dzɛ́ bɛ́ɛ̀ gìɖì#ɛ́, à múu dzɛ ólú#ɛ́ gé ni. Tsí ó sɛ̃̀ bɔ̀ wá ńǹlú‐ɛ̀. Kíbí ó bɔ̀ wá#á, ó rã́kɔ̀ kpe àtsìtsɛ́‐ɛ̀ yèé ó kpɛ̃́ owó fú ŋa#á ní ká wá, tsí òŋu kó rí kíbí à lo owó ŋa#á gbà#á. 16Tsí ɛnɛ-àtsɛ̃̀tsɛ̃̀ wáa tó, tsí wà wí fúu ní: Ɔ̀gá, owó-siká ɛyɔ ɛyɔ ɔ̀kã̀ntso yèé ó ń fú òŋu#ɛ́, ó bí ìrɔ́-bɛ́ɛ̀ ɔ̀nà maá si ńǹtá‐ɛ̀.

17Tsí ɔ̀gá‐ɛ̀ ní: Ǹbó tɔ̀ɔ̀! Àtsìtsɛ́-ire ní ó dzɛ́#ɛ́. Ó ɖi, kíbí ó tse òtítɔ́ bɛ́ɛ̀ ńŋɛ́ tsígíɖí yèé òŋu kɛ́ fúu#ɛ́, òŋu nákó múu dzɛ ɔ̀gã́ fú ìlú maá.

18Tsí enìkéèdzì gbo wá, tsí wà fɔ̀ fúu ní: Ɔ̀gá, owó-siká ɛyɔ ɛyɔ ɔ̀kã̀ntso yèé ó ń fú òŋu gbo#ɛ́, tòŋu gbo bí ìrɔ́-bɛ́ɛ̀ ɔ̀nà mɛ́ɛrú si ńǹtá‐ɛ̀.

19Tsí ó wà wí fú òŋu gbo ní: Òŋu nákó múu dzɛ ɔ̀gã́ fú ìlú mɛ́ɛrú.

20Tsí ɔ̀nyà-kã̀ gbo wá ró, tsí òŋu wà wí fúu ní: Ɔ̀gá! Owó-siká ɛyɔ ɛyɔ ɔ̀kã̀ntso yèé ó ń fú òŋu#ɛ́, òŋu ní. Ó ɖi, òŋu kɛ́ɛ, tsí ń ɖì nɔ́ɔ̀dzá si. 21Iŋɛ́ yèé tse tsí òŋu tse bɛ́ɛ̀#ɛ́, ɔ̀nyà olí-àhã́rã́máɖí ní ó dzɛ́#ɛ́, tsí òŋu wà sá fúu. Iŋɛ́ yèé kò tsi tɛ̀ɛ̀#ɛ́ ní náa kɛ́#ɛ́, tsí dzídzɛ yèé kò gbɛ̃̀ gbo#ɛ́ ní náa kpaɖí#ɛ́.

22Tsí ólú wà wí fúu ní: Àtsìtsɛ́-íbàɖí ní ó dzɛ́#ɛ́. Ó ɖi, oŋù yèé wà bɔ́ ti nárũ tòŋu ká‐ɛ̀#ɛ́ ní òŋu nákó ń kpɛdzɔ́ báa#á. Kíbí ó ti mà ní òŋu dzɛ́ olí-àhã́rã́máɖí, tsí iŋɛ́ yèé kò tsi tòŋu#ɛ́ ní òŋu náa kɛ́#ɛ́, tsí dzídzɛ yèé òŋu kò gbɛ̃̀ gbo#ɛ́ ní òŋu náa kpaɖí#ɛ́ fee, 23kí tse ńǹkɛ̀ɛ́, tsí kò kɛ́ owó-òŋu káà ń si ńɖi-atsàréè-owó ŋa fú òŋu? Ó má kɛ́ɛ si bɛ̀ báàyí, ó má bí si ńǹtá‐ɛ̀, tsí kíbí òŋu bɔ̀ wá#á, òŋu má lɔ káà gbàá òŋu èrè‐ɛ̀ nɔ̀!

24Tsí ó nyí, tsí wà wí fú ɛnɛ yèé wà bɛ̀ ŋa#á ní: Ká gba owó-ɛyɔ ɛyɔ-kã̀#á nɔ́wɔ́‐ɛ̀, tsí ká ń máa fú olí-ɛyɔ ɛyɔ maá#á.

25Tsí à ní: Ɔ̀gá, ɛnɛ nyɛ̀ŋɛ̀ òŋu ti nɛ́ owó-ɛyɔ ɛyɔ maá si ná nɔ̀!

26Tsí ó ní: Òŋu wà wí fú ŋa ní ɛnɛ yèé nɛ́#ɛ́, à nákó fúu máa. Ó ɖi, ɛnɛ yèé kò nɛ́#ɛ́, oɖé tsígíɖí yèé gìɖì wà fúu#ɛ́, à nákó gbàá nɔ́wɔ́‐ɛ̀. 27Ó ɖi báàyí#ɛ́, ɔ̀tɛ̀-òŋu ŋa yèé wà wò ní òŋu kó máa dzɛ ólú fú àŋa#á, ká mú ŋa wá fú òŋu bí, tsí ká kpa ŋá nóòkú nódzú tòŋu ká-òŋu.

Yèésù wɔ̀ ńǹlú-Yèrúsàlɛ́mì kíbí ólú bɛ́

(Màtéwò 21:1-11; Mákò 11:1-11; Yòhánà 12:12-19)

28Kíbí Yèésù wí bɛ́ɛ̀ tã́#á, ó ǹɖe, tsí dzì ńwádzú fú èrò yèé wà tɛ̀ náànyì‐ɛ̀#ɛ́, tsí à làkóò ńYèrúsàlɛ́mì. 29Tsí à sɔ́má-ìlú-oko méèdzì kã̀ŋa. À náa kpe ɔ̀kã̀ ní Bètìfàgé, tsí kpe èkéèdzì‐ɛ̀ ní Bètàní. À wà nára-òkè yèé à náa kpe ní òkè-Òlífì†#ɛ́. Tsí ó bɛ ɔmatsɛ́‐ɛ̀ méèdzì, 30tsí fɔ̀ fú ŋa ní: Ká ǹɖe, tsí ká lɔ ńǹlú-oko yèé à wà rí ńǹwádzú-ŋa#á, tsí bí à tó ńǹlú#ɛ́, à nákó rí kɛ́tɛ́kɛ́tɛ́-ɛɖã-kã̀, tsí à soó si, tsí ɔ̀nyà-kã̀ kpókpó gbo kò dzì ńǹtá‐ɛ̀ wòrí. Ká túu, tsí ká fàá wá fú òŋu. 31Bí ɔ̀nyà-kã̀ bèrè ŋá ní: Kí tse tsí à wà túu, ká wí fúu ní: Ɔ̀gá ní wà wo kó lòó#ɛ́.

32Tsí ɔmatsɛ́ méèdzì ŋa#á lɔ. Tsí kíbí à lɔ káà tó#ɛ́, à rí iŋɛ́ ŋa#á bɛ́ɛ̀ kíbí Yèésù fɔ̀ɔ́ fú ŋa gbà#á. 33Tsí à káà tú kɛ́tɛ́kɛ́tɛ́#ɛ́. Kíbí à wà túu#ɛ́, ɔlá‐ɛ̀ ŋa wáa tó, tsí wà bèrè ŋá ní: Kí tse tsí à wà túu?

34Tsí à dzɔ́ŋù fú ŋa ní: Ɔ̀gá ní wà wo kó lòó#ɛ́.

35Tsí à fa ɛrã#á wáa lɔ fú Yèésù. Kíbí à tó#ɛ́, à bɔ́ ìwɔ̀ra-ŋà ŋa, tsí ń tɛ́ ńǹtá‐ɛ̀, tsí à mú Yèésù dzokó ńǹtá‐ɛ̀, 36tsí à dzì nɔ́ɔ̀nà, tsí ɔ̀nyà ŋa wà mú ìwɔ̀ra-ŋà ŋa tɛ́ nɔ́ɔ̀nà.

37Tsí Yèésù tì nóòkè-Òlífì bàa, tsí sɔ́má-Yèrúsàlɛ́mì, tsí ɔmatsɛ́‐ɛ̀ kpíkpɔ̀ kpíkpɔ̀ yèé wà tɛ̀ náànyì‐ɛ̀ bàa ŋa#á, à wà táyè kpó, tsí wà ɖúgbe náànyì‐ɛ̀ bàa. À wà nyɛ Ɔ̀ɖáyé náàtsùgbé-iŋɛ́-àwùsì yèé ó tse ŋa kpó, tsí à rí#ɛ́. 38À wà ɖúgbe, tsí wà fɔ̀ ní: Ólú bàa ooò! Ɔ̀ɖáyé kó tu kùsɛ̀ɛ̀ fúu! Kùsɛ̀ɛ̀ fú ɛnɛ yèé bàa nárũ-Ɔlɔ́dzɔ́#ɛ́. Kùsɛ̀ɛ̀ fú ólú. Tútùúrɔ̀ wà nɔ́wɔ́-Ɔ̀ɖáyé si. Ká wà nyɛ Ɔ̀ɖáyé nɔ́ɔ̀rɔ̃.#19:38 È káà kã Ìwé-Orĩ ŋa 118:26 (Psaumes 118:26).

39Ńǹwèrè nyɛ̀ŋɛ̀#ɛ́, ɔma-ɛgbɛ́-Fàrísì† kã̀ŋa wà náàŋírĩ-ŋa, tsí à wà wí fúu ní: Akɔ́nɛ! Fɔ̀ fú tɛ̀ɛ ŋa ní ká máa ɖúgbe bɛ́ɛ̀ ró.

40Tsí Yèésù ní: Òŋu wà wí fú ŋa ní bí à tsikó gìɖì fee, òkúta ŋa ní nákó wà tsí arũ, tsí wà ɖúgbe làkóò gé#ɛ́.

Yèésù wà rã́ã̀bo fú ɛnɛ-Yèrúsàlɛ́mì ŋa

41Kíbí Yèésù tó nétí-ìlú#ɛ́, tsí ríi#ɛ́, ó dzì nɔ́kṹ sísɔ̃ bòó, 42tsí wà fɔ̀ ní: Nɔ́mbɛ́, ó má dzɛ́ ní ɛnɛ-ìlú ŋa#á gìɖì gbo ma bí ká tse fáà, tsí rí tútùúrɔ̀#ɛ́ fee, ó má sã̀. Tsí à kò sì nyáa rírã ríi gìɖìiì. 43Ó ɖi, ɔdzɔ́-kã̀ nákó wáa wá, tsí ɔ̀tɛ̀-ŋa nákó wáa ɖé ŋa, tsí sú wérí-ìlú#ɛ́, tsí à nákó sɔgbà wérí‐ɛ̀, tsí nyáa dzogu bá ŋa nákpálà ɔ̀kã̀lɔ́ɔ̀kã̀. 44Tsí à nákó fɔ́ ìlú#ɛ́ kpó, tsí kpa ɔ̀nyà‐ɛ̀ ŋa gbo kpó. À nákó fɔ́ ilé ŋa#á kpó títí élè-kã̀ kpókpó kàkó bɔ̀. Bɛ́ɛ̀ ní nákó lɔ fú ŋa#á ńnɛ̀ɛ́, iŋɛ́ yèé tse#ɛ́, ìwèrè yèé Ɔ̀ɖáyé kó wáa gbà ŋá là#á tó, tsí kò yé ŋa.

Yèésù lé àtàdzà ŋa fùɖá nɔ́gbà-ilé-Ɔ̀ɖáyé

(Màtéwò 21:12-17; Mákò 11:15-19; Yòhánà 2:13-22)

45Tsí Yèésù ǹɖe, tsí lɔ nɔ́gbà-ilé-Ɔ̀ɖáyé†, tsí kpé àtàdzà ŋa lílé fùɖá, 46tsí wà wí fú ŋa ní: Ɔ̀ɖáyé fɔ̀ si ńǹwé‐ɛ̀ ní: “Ilé-Ɔ̀ɖáyé†, ilé-ìre wúwú ni.”#19:46 Ìwé-Yèsáyà 56:7, Ìwé-Yèrèmíyà 7:11 (Ésaïe 56:7, Jérémie 7:11) Tsí àŋa òŋu, à kɛ́ɛ, tsí ń tse ìɖìgbé-olè ŋa si.

47Ńǹwèrè nyɛ̀ŋɛ̀#ɛ́, Yèésù náa wà tsɛ̀kɔ́ fúnɛ nɔ́dzɔ́ kɔ́dzɔ́ nɔ́gbà-ilé-Ɔ̀ɖáyé#ɛ́. Tsí onùgbó-atsɛbɔ-Ɔ̀ɖáyé† ŋa òŋu akɔ́nɛ nɛ́kpa-Ɔ̀ɖáyé† ŋa má nára-onùgbó-ìlú ŋa gbo náa wà bɛ̀, tsí à náa wà ɖɔ́gbɔ̃́-ká kpa Yèésù nóòkú. 48Ńbɛ̀ɛ́, à kò ma bí ká tse gbà, iŋɛ́ yèé tse#ɛ́, ɛnɛ yèé wà bɛ̀ ŋa kpó#ɛ́, à náa tédzú kpa si kpíríkpírí, tsí wà rɛ̃tígbè‐ɛ̀.

Currently Selected:

Lúkà 19: ngl

Highlight

Copy