Lúkà 10

Yèésù bɛ ɔmatsɛ́ mɛ́ɛdzɔ ɖí nɔ́gɔ́ɔrɛ̃ ńtsɛ́

1Náànyì-bɛ́ɛ̀#ɛ́, Yèésù Ɔlá-wa wáa tsã ɔ̀nyà mɛ́ɛdzɔ ɖí nɔ́gɔ́ɔrɛ̃ (72)#10:1 Ìwé kã̀ŋa òŋu fɔ̀ ní: “ɔ̀nyà maá lé nɔ́gɔ́ɔta (70)”. òmírɛ̃̀ kã̀ŋa ró. Tsí ó bɛ̀ ŋá méèdzì méèdzì, tsí à dzì ńwádzú lɔ ńǹlú kã̀kã̀ wérí ńbí òŋu ká‐ɛ̀ bòkó gbà ŋá#á. 2Tã́ná ká lɔ#ɛ́, ó wí fú ŋa ní: Ɔ̀nyà ŋa wà si kíbí dzídzɛ náa ɖí nóko, tsí kpã́ si#ɛ́ ni. Ó ɖi, akpaɖí‐ɛ̀ ŋa kò kpɔ̀. Ńbɛ̀ɛ́, ká tsìkálɛ̀ fú Ɔ̀ɖáyé, olóko#ɛ́ òŋu ká‐ɛ̀, tsí kó bɛ akpaɖí dzídzɛ ŋa wá nóko#ɛ́, tsí ká wáa kpaɖí‐ɛ̀.

3Tsí ó ní: Ká ǹɖe, tsí ká dzì nɔ́ɔ̀nà. Ó ɖi, òŋu wà bɛ̀ ŋá làkóò kíbí ɔma-àgùɖã̀ ŋa náàŋírĩ-òkóòkò ŋa bɛ́ ni. 4Ká máa banɛ́ owó, tsí ká máa banɛ́ arù gbo, ká máa banɛ́ kpákò-kã̀ gbo má yèé à wɔ̀ si#ɛ́, ká máa ɖóro nɔ́ɔ̀nà gbo, tsí kí ɔ̀nyà-kã̀. 5Bí à wɔ̀ ńkpàtá-kã̀, náàtsɛ̃̀tsɛ̃̀#ɛ́, ká kí ɛnɛ-kpàtá ŋa#á ní: Tútùúrɔ̀ kó gbé bá ŋa. 6Tsí bí ɔ̀nyà-olí-tútùúrɔ̀-kã̀ wà ńkpàtá#á, tútùúrɔ̀-ŋa nákó wá ńǹtá‐ɛ̀ ìɖéǹɖè. Bí kò wà bɛ́ɛ̀ ná, tútùúrɔ̀-ŋa nákó sɛ̃̀ kí fú àŋa ká-ŋa. 7Bí à wɔ̀ ńkpàtá-kã̀, ká gbé ńbɛ̀, tsí iŋɛ́ yèé à rí fú ŋa gé#ɛ́, ká dzɛɛ́, tsí mɔɔ́, iŋɛ́ yèé tse#ɛ́, ɛnɛ yèé tse#ɛ́ ní náa dzɛ#ɛ́. Ká máa wà tsí wérí. 8Ó ɖi, bí à wɔ̀ ńǹlú-kã̀, tsí à gbà ŋá, ká dzɛ dzídzɛ yèé à nákó fú ŋa#á. 9Ká bɔ àkɔ̃̀rɔ̃̀ ŋa ńbɛ̀, tsí ká fɔ̀ fú ɛnɛ-ìlú-ŋa#á ní: Àsòkò tó, tsí Ɔ̀ɖáyé kó dzoyè si ńǹtá-ŋa. 10Tsí bí à wɔ̀ ńǹlú-kã̀, tsí ɛnɛ-ìlú ŋa#á kò gbà ŋá, ká fùɖá lɔ náàbɔ̀ɔ́mɛ̀-ŋa, tsí ká fɔ̀ fú ŋa ní: 11Àŋa wà gbákpá gbɛ́sɛ̀ náfɔ̀-ŋa. Ó ɖi, ká mà si ní àsòkò tó, tsí Ɔ̀ɖáyé kó dzoyè.

12Ó ɖi, òŋu wà wí fú ŋa ní fee: Nɔ́dzɔ́-ɛdzɔ́ kpíkpè#ɛ́, ɛdzɔ́ yèé Ɔ̀ɖáyé nákó kpè bá ɛnɛ-ìlú bɛ̀ ŋa#á nákó le láre ti ɛnɛ-ìlú-Sòɖómì ŋa.

Yèésù wà rã́ã̀bo fú ìlú yèé kò gbàá ŋa#á

(Màtéwò 11:20-24)

13Tsí Yèésù fɔ̀ ní: Ɛnɛ-ìlú-Kòràsĩ ŋa òŋu ɛnɛ-ìlú-Bètsàyìɖá ŋa, àŋa òŋu, ɛ̀rá rá ŋa! Iŋɛ́ yèé tse#ɛ́, òŋu tse iŋɛ́-àwùsì ŋa ńɖi-ŋa, tsí à kò nyíìlò kpaɖà. Ó má dzɛ́ ní ńǹlú-Tíre òŋu ńǹlú-Sìɖɔ̃́nì ní òŋu tse iŋɛ́-àwùsì ŋa bɛ́ɛ̀#ɛ́, ɛnɛ-ìlú ŋa#á má ti nyíìlò kpaɖà lɛ́lɛ́ǹlɛ̀lɛ̀. À má mú ìwɔ̀ra-ɔ̀kɛ́ wɔ̀, tsí dzokó nérú, tsí wà ń nyà ɖíre ní àŋa nyíìlò kpaɖà. 14Ó ɖi fee, nɔ́dzɔ́ yèé Ɔ̀ɖáyé nákó kpɛdzɔ́ fúnɛ#ɛ́, igbè-ɛnɛ-ìlú-Tíre ŋa òŋu ti ɛnɛ-ìlú-Sìɖɔ̃́nì ŋa kàkó le tó tiŋa. 15Tsí ɛnɛ-ìlú-Kàfànàwú ŋa gbo fe, àŋa òŋu, à ɖédzú Ɔ̀ɖáyé nákó kɛ́ àŋa lɔ ńɖɔ-ara‐ɛ̀ nɔ́ɔ̀rɔ̃ niì? Kpɛ́rɛ́! Nákó tse tsí à nákó lɔ títí ńlé-ikú ni.

16Ńbɛ̀ɛ́, Yèésù wà wí fú ɔmatsɛ́‐ɛ̀ ŋa ní: Bí ɔ̀nyà-kã̀ gba afɔ̀-ŋa, afɔ̀-òŋu ní ɛnɛ nyɛ̀ŋɛ̀ gbà#á. Tsí bí ɔ̀nyà-kã̀ kɔ̀ ŋá, òŋu ní ɛnɛ nyɛ̀ŋɛ̀ kɔ̀#ɛ́, tsí ɛnɛ yèé kɔ òŋu#ɛ́, ó kɔ ɛnɛ yèé bɛ òŋu wá#á.

Edzò ŋa wà mú éwo dzó fú ɔmatsɛ́-Yèésù ŋa

17Tsí ɔmatsɛ́ mɛ́ɛdzɔ ɖí nɔ́gɔ́ɔrɛ̃ (72) ŋa#á lɔ ńtsɛ́#ɛ́, tsí sɛ̃̀ bɔ̀ wá òŋu ayè títɛ́. Tsí à wà fɔ̀ ní: Ɔ̀gá! Edzò† yèé ŋa náa ɖɔ́kpɔ fú ɔ̀nyà ŋa#á gìɖì gbo wà mú éwo dzó fú àŋa kíbí àŋa wà lo ɛ̀tsɛ‐ɛ̀, tsí wà ń lé ŋa#á.

18Tsí Yèésù wà rɔ́ fú ŋa ní: Òŋu rí Ètsù†, tsí ó tsubú ti nɔ́ɔ̀rɔ̃ kíbí màmà náa bù bɛ́#ɛ́ ni. 19Ó ɖi, ká rɛ̃tígbè! Òŋu fú ŋa ńkpá ní ká nyáa mú Ètsù, ɔ̀tɛ̀-ŋa, tsí ká gba ikpá‐ɛ̀ kpó. À nákó nyáa rɛ̃̀ ńǹtá-edzò ŋa òŋu èkéèkère ŋa, tsí iŋɛ́-kã̀ kpókpó gbo kàkó nyáa tse íbàɖí bá ŋa. 20Ó ɖi, kó máa dzɛ́ ní kíbí edzò ŋa wà mú éwo dzó fú ŋa gé#ɛ́ ní nákó tse tsí ayè kó wà tɛ́ ŋa#á. Iŋɛ́ yèé wà ní kó wà mú ayè tɛ́ ŋa#á ní dzɛ́ ní ɛ́kɔ-ŋa ti wà náàŋírĩ-ɛnɛ yèé làkóò nɔ́ɔ̀rɔ̃ ŋa#á.

Ayè wà tɛ́ Yèésù

(Màtéwò 11:25-27)

21Náàsòkò nyɛ̀ŋɛ̀ gbòkã́#á, Mímí-Ɔ̀ɖáyé† mú ayè tɛ́ Yèésù kadzá, tsí ó wà fɔ̀ ní: Ɔ̀ɖáyé Boba! Olí-ɔ̀rɔ̃ òŋu olí-ilɛ̀, ǹ wà ɖɔ́kpɛ́ fɛ́ɛ, iŋɛ́ yèé tse#ɛ́, iŋɛ́ yèé ò ń ɖúku olí-ifɛ̀ɛ́nɔ́ ŋa òŋu olí-ìrã̀ã́mà ŋa#á, ò nyà ŋá ɖíre fú maɖé ŋa. Ɛ̃ɛ̃, Boba! Bɛ́ɛ̀ ní ò wò ní kó dzɛ́#ɛ́ ńnɛ̀ɛ́.

22Tsí ó fɔ̀ ró ní: Ɔ̀ɖáyé Boba-òŋu mú iŋɛ́ ɔ̀kã̀lɔ́ɔ̀kã̀ kpó bɔwɔ́-òŋu. Tsí ɔ̀nyà-kã̀ kpókpó kò ma Ɔma bíbí-Ɔ̀ɖáyé náànyì-Ɔ̀ɖáyé Boba òŋu ká‐ɛ̀. Bɛ́ɛ̀ ké ní ɔ̀nyà-kã̀ kpókpó gbo kò ma Ɔ̀ɖáyé Boba náànyì-Ɔma bíbí-Ɔ̀ɖáyé òŋu níìkã̀ má nára-ɛnɛ yèé ŋa Ɔma bíbí‐ɛ̀#ɛ́ wò ní òŋu kó mú Boba-òŋu ɖíre fú#ɛ́.

23Tsí ó nyí, tsí wà wíìnyɛ̀ fú ɔmatsɛ́‐ɛ̀ ŋa sɔ̃́ŋú ní: À wɛ éwo-ire títí ti nára-iŋɛ́ yèé à wà rí ŋa#á. 24Ó ɖi, òŋu wà wí fú ŋa ní fee: Agbáfɔ̀-Ɔ̀ɖáyé fɔ̀† kpíkpɔ̀ òŋu ólú kpíkpɔ̀ gbé dzɔ̀ɔ́ dzɔ̀ɔ́, tsí à wò ní àŋa má rí iŋɛ́ yèé à wà rí báàyí#ɛ́, tsí à kò nyáa ríi. À wò ní àŋa má gbɔ́ iŋɛ́ yèé à wà gbɔ́#ɛ́, tsí à kò nyáa gbɔ́ɔ.

Yèésù wà mú ɛnɛ-Sàmàríyà-kã̀, tsí wà ń sàlàbárò

(Màtéwò 22:34-40; Mákò 12:28-34)

25Tsí akɔ́nɛ nɛ́kpa-Ɔ̀ɖáyé†-kã̀ ǹɖe ní òŋu kó sɔ fɛ́tsa-kã̀ fú Yèésù, tsí ó wà bèrèé ní: Akɔ́nɛ, bí òŋu kó tse fáà, tsí òŋu kó rí àyɛ̀-àrìtã́ ná?

26Tsí Yèésù wà bèrèé ní: Kí à kɔ si ńǹwé-ɛkpa-Ɔ̀ɖáyé†? Tsí bí ó wà kã̀ã́, bí náa gbɔ́ òkpì‐ɛ̀ gbà fáà?

27Tsí akɔ́nɛ nɛ́kpa-Ɔ̀ɖáyé#ɛ́ wà dzɔ́ŋù fúu ní ɛkpa#á ní dzɛ́ ní: “Nà nɛ́ àmúɖɔ̃̀ fú Ɔlɔ́dzɔ́ Ɔ̀ɖáyé-ɛ̀ɛ inɔ́ tã̀ã́, ànyì tã̀ã́, nà nɛ́ àmúɖɔ̃̀ fúu títí àmúɖɔ̃̀#ɛ́ kó lara-ɛ̀ɛ wɔ̀ dzálɛ̀, nà nɛ́ àmúɖɔ̃̀ fúu náàmí-ɛ̀ɛ gbo kpó, tsí nà nɛ́ àmúɖɔ̃̀ fúu ńǹsérè-ɛ̀ɛ gbo kpó. Tsí nà nɛ́ àmúɖɔ̃̀ fú enìkéèdzì-ɛ̀ɛ kíbí nà nɛ́ fú ara-ɛ̀ɛ#ɛ́.”#10:27 Ìwé-Àkóro 6:5, Ìwé-Orò ŋa 19:18 (Deutéronome 6:5; Lévitique 19:18)

28Tsí Yèésù ní: Bɛ́ɛ̀ ni. Kó tseé bɛ́ɛ̀, tsí kó rí àyɛ̀.

29Tsí akɔ́nɛ nɛ́kpa-Ɔ̀ɖáyé#ɛ́ wà wo kó nya anɔ́ nódzú, tsí ó sɛ̃̀ wà bere Yèésù ró ní: Nɛ̀ɛ́ dzɛ́ enìkéèdzì-òŋu ná?

30Tsí Yèésù wà sàlàbárò-kã̀ fúu ní: Ó ɖi nɔ́dzɔ́-kã̀, tsí ɔ̀nyà-kã̀ ti ńǹlú-Yèrúsàlɛ́mì wáa làkóò ńǹlú-Yèríkò. Tsí kíbí ó wáa làkóò#ɛ́, olè-íbàɖí ŋa kpàɖé‐ɛ̀ nɔ́ɔ̀nà. Tsí à múu, tsí bɔ́ ìwɔ̀ra‐ɛ̀, tsí tsole iŋɛ́‐ɛ̀ ŋa kpó, tsí kpìhɔ̃̀rɔ̃̀‐ɛ̀ títí ó wà náàfàgbè si, tsí à sá kɔ̀ɔ́ dzɔ̀ɔ́ lɔ.

31Tsí atsɛbɔ-Ɔ̀ɖáyé†-kã̀ gbo gbà nɔ́ɔ̀nà#á wáa làkóò, tsí náàrìmódzúlé gé#ɛ́, ó lɔ káà kereé, tsí ó nyí, tsí gbà nákpálà-kã̀ fúu. 32Bɛ́ɛ̀ ké ní àtsìtsɛ́-ilé-Ɔ̀ɖáyé†-kã̀ gbo wáa làkóò, tsí káà kereé, tsí òŋu gbo gbà nákpálà-kã̀-ɔ̀nà#á wáa lɔ#ɛ́.

33Tsí ɛnɛ-ìlú-Sàmàríyà†-kã̀ gbo wáa làkóò, tsí ó káà kere ɛnɛ nyɛ̀ŋɛ̀#ɛ́, tsí ó sũ̀ si, tsí inɔ́‐ɛ̀ nyɔ́ɔ títítí. 34Tsí ó tìmá‐ɛ̀, tsí mú ɔtí òŋu àɖɛ̃́, tsí ń ɖà nódzú-àkpà ŋa#á, tsí ɖì ŋá fúu. Tsí ó kɛ́ɛ si ńǹtá-kɛ́tɛ́kɛ́tɛ́‐ɛ̀, tsí kɛ́ɛ lɔ ńǹɖìsɔ̀-àledzò ŋa, tsí káà tɔ́dzú‐ɛ̀ rere máa. 35Tsí ńlɛ̀ má‐ɛ̀, kíbí ó bòkó ǹɖe#ɛ́, ó mú owó-itsɛ́-ɔdzɔ́ méèdzì, tsí ń fú ɔ̀gá-ìɖìsɔ̀#ɛ́, tsí wà wí fúu ní: Kó tɔ́dzú-àkɔ̃̀rɔ̃̀#ɛ́ fú òŋu ɖé. Ó ɖi, bí owó#ɛ́ kò tó, kó mú máa, tsí bí òŋu sɛ̃̀ bɔ̀ wáa làkóò, ni òŋu kó sãã́ fúu.

36Báàyí#ɛ́, náàŋírĩ-àŋa mɛ́ɛta#á fee, nɛ̀ɛ́ dzɛ́ enìkéèdzì‐ɛ̀?

37Tsí akɔ́nɛ-nɛ́kpa-Ɔ̀ɖáyé#ɛ́ ní: Ɛnɛ yèé rí ànyínɔ́ fúu#ɛ́ ní dzɛ́ enìkéèdzì‐ɛ̀#ɛ́.

Ńbɛ̀ɛ́, Yèésù wí fúu ní: Òŋu gbo kó lɔ, tsí kó wà tse bɛ́ɛ̀ gé.

Màrítà òŋu Màríyà gba Yèésù náàledzò

38Tsí Yèésù òŋu ɔmatsɛ́‐ɛ̀ ŋa wà nɔ́ɔ̀nà si làkóò. Kíbí à làkóò#ɛ́, ó yà wɔ̀ ńǹlú-kã̀. Tsí ɔnɔbɛ̃̀ɛ̃-kã̀ wà bɛ̀, tsí à náa kpèé ní Màrítà, tsí ó gbàá náàledzò. 39Ɔmànà-Màrítà#á-kã̀ wà, tsí à náa kpe òŋu gbo ní Màríyà†. Tsí Màríyà#á lɔ káà dzokó nábɛ́-Ɔlá-wa si, tsí wà rɛ̃tígbè-afɔ̀‐ɛ̀. 40Ó ɖi, odzú kpã́ Màrítà òŋu si ńǹtá-itsɛ́-ilé ŋa tsítse si tó bɛ́ɛ̀, tsí kó gba àledzò#ɛ́. Tsí ó sɔ́ tìmá Yèésù, tsí wà bèrèé ní: Ɔ̀gá, kò rí kíbí ɔmànà-òŋu kɔ òŋu níìkã̀ dzɔ̀ɔ́ nóòkpì-itsɛ́ ŋa#á si#ɛ́ niì? Ó sã̀ bɛ́ɛ̀ɛ̀? Kàkó wí fúu ní kó wáa tsitsɛ́ ŋa#á bá òŋuù?

41Tsí Ɔlá-wa ní: Màrítà, Màrítà, ìsérè-ɛ̀ɛ wà ńǹtá-iŋɛ́ kpíkpɔ̀, tsí ò wà ɖɔ́kpɔ fú ara-ɛ̀ɛ gìɖì gbegbé. 42Iŋɛ́ yèé kpã́dzú ŋa#á kò nɛ́ ɔ̀kpɔ̀, iŋɛ́ ɔ̀kã̀ntso gé ní kpã́dzú lárè#ɛ́. Tsí yèé kpã́dzú#ɛ́ ní Màríyà kɛ́ báàyí#ɛ́. Kò wà ní ká gbàá nɔ́wɔ́‐ɛ̀.

Currently Selected:

Lúkà 10: ngl

Highlight

Copy