1 Kòríntì ŋa 15

Kírísítò dzí ti náàŋírĩ-òkú ŋa wá náyé

1Ìnàbí-mi ŋa, ǹ wà wo n tédzú afɔ̀-kã̀ fú ŋɛ́ rere. Òŋu ní dzɛ́ ikɔ̀ ɖíɖɔ̃̀ yèé ǹ wáa dzɛ́ fú ŋɛ́, tsí è gbàá, tsí báa banɛ́ gbo si kũkũ#ɛ́. 2Ikɔ̀ ɖíɖɔ̃̀#ɛ́ wà gbà ŋɛ́ là bí ó dzɛ́ ní kíbí ǹ dzɛ́ɛ fú ŋɛ́#ɛ́, ni è gbàá gbɔ́ si bɛ́ɛ̀. Bí kò sì dzɛ́ bɛ́ɛ̀ ná, àkaralé-ŋɛ́ dzɛ́ iŋɛ́-akpotu ńnɛ̀ɛ́.

3Ɛ̀kɔ́ yèé kpã́dzú, tsí à tse fú èmi ká-mi#ɛ́, ǹ tsɛ̀kɔ́#ɛ́ fú ŋɛ́. Ɛ̀kɔ́#ɛ́ ní wà dzɛ́ ní: Kírísítò kú náàtsùgbé-àbi-wa ŋa. Bɛ́ɛ̀ ní à ti kɔɔ́ si ńǸwé-Ɔ̀ɖáyé† si#ɛ́ ńnɛ̀ɛ́. 4Tsí kíbí ó kú#ɛ́, à rìí, tsí ó ɖi nɔ́dzɔ́-ɛ̀kɛ́ɛta‐ɛ̀, tsí ó dzí ti náàŋírĩ-òkú ŋa wá náyé. Bɛ́ɛ̀ ké ní à ti kɔɔ́ si ńǸwé-Ɔ̀ɖáyé si#ɛ́ ńnɛ̀ɛ́. 5Tsí kíbí ó dzí ti náàŋírĩ-òkú ŋa gbo wá náyé#ɛ́, ó mú ara‐ɛ̀ ŋa Òkúta, tsí mú ara‐ɛ̀ ŋa adzítsɛ́‐ɛ̀ máàméèdzì ŋa#á gbo. 6Náànyì-bɛ́ɛ̀#ɛ́, ó tɔ́ mú ara‐ɛ̀ ŋa atɛ̀náànyì‐ɛ̀ ŋa gbo. À lɔ kíbí ɔ̀nyà ɔgɔ́ɔrú lé ńrɛ̃́wó (500) bɛ́ɛ̀, tsí ó mú ara‐ɛ̀ ŋà ŋá náàrìkã̀ntso. Ɔ̀nyà kpíkpɔ̀ náàŋírĩ-ŋa wà náàyɛ̀ si ró. Ó ɖi, ɔ̀nyà kã̀ŋa òŋu ti tsàrìsí. 7Náànyì-bɛ́ɛ̀ ró#ɛ́, ó mú ara‐ɛ̀ ŋa Yàkúbù gbo, tsí ó mú ara‐ɛ̀ ŋa adzítsɛ́‐ɛ̀ ŋa gbo kpó.

8Tsí kíbí ó mú ara‐ɛ̀ ŋa àŋa kpó bɛ́ɛ̀ tã́#á, ó wáa mú ara‐ɛ̀ ŋa èmi gbo ńǹtã̀ntã́‐ɛ̀. Èmi#ɛ́ ní kóko wà kíbí ɔma-àbíkogbó bɛ́ náàŋírĩ-ŋa#á. 9Ǹ dzɛ́ adzítsɛ́-Yèésù†. Ó ɖi, ǹ kò tó adzítsɛ́-Yèésù àtíbɔ̀ ŋa. Ɛ́kɔ-adzítsɛ́-Yèésù#ɛ́ gìɖì kò dzɔ mí. Iŋɛ́ yèé tse#ɛ́, ǹ tsoró bá ɔ̀nyà ŋa nɛ́gbɛ́-Ɔ̀ɖáyé. 10Ó ɖi, bí ǹ dzɛ́ iŋɛ́-kã̀ si nɔ́mbɛ́#ɛ́, ore-ɔ̀fɛ́-Ɔ̀ɖáyé ní tse tsí ǹ dzɛ́ iŋɛ́ nyɛ̀ŋɛ̀ si#ɛ́. Tsí ore-ɔ̀fɛ́ yèé Ɔ̀ɖáyé tse fú mi#ɛ́, kò dzɛ́ iŋɛ́-akpotu. Kà kàa bɛ́ɛ̀, ǹ múgírí, tsí tsitsɛ́ láre adzítsɛ́-Yèésù àtíbɔ̀ ŋa. Ó ɖi, kò tsi èmi ní tsitsɛ́#ɛ́. Ore-ɔ̀fɛ́ yèé Ɔ̀ɖáyé tse fú mi#ɛ́ ní tse tsí ǹ nyáa tse bɛ́ɛ̀#ɛ́. 11Ńbɛ̀ɛ́, bí ó dzɛ́ èmi gbo, bí ó dzɛ́ adzítsɛ́-Yèésù àtíbɔ̀ ŋa gbo, ikɔ̀ yèé àa wà dzɛ́#ɛ́, òŋu#ɛ́ ńnɛ̀ɛ́. Tsí òŋu ní è gbà gbɔ́#ɛ́.

12Àa wà dzíkɔ̀ fúnɛ ní Ɔ̀ɖáyé dzí Kírísítò ti náàŋírĩ-òkú ŋa wá náyé. Bí ó lɔ fáà, tsí ɔ̀nyà kã̀ŋa náàŋírĩ-ŋɛ́ wà fɔ̀ ní òkú ŋa kàkó dzí wá náyé ni? 13Bí ó dzɛ́ ní òkú ŋa kàkó dzí wá náyé ná, ni Kírísítò gbo kò dzí ti náàŋírĩ-òkú ŋa wá náyé ńnɛ̀ɛ́ nɔ̀! 14Tsí bí Kírísítò kò dzí ti náàŋírĩ-òkú ŋa wá náyé#ɛ́, ikɔ̀ yèé àa wà dzɛ́ fúnɛ#ɛ́ dzɛ́ iŋɛ́-akpotu, tsí kíbí ɛ̀ŋɛ gbo, è gbàá gbɔ́#ɛ́, ó dzɛ́ iŋɛ́-akpotu ni. 15Tsí bí ó dzɛ́ bɛ́ɛ̀ ní ó dzɛ́#ɛ́, ni àa nya àyídzá-òɖòbò ti nára-Ɔ̀ɖáyé gbo ńnɛ̀ɛ́ nɔ̀. Bí òkú ŋa kàkó dzí wá náyé#ɛ́, ni Ɔ̀ɖáyé gbo kò dzí Kírísítò ti náàŋírĩ-òkú ŋa wá náyé#ɛ́. Ó ɖi, àa sì wà nya àyídzá fúnɛ ní Ɔ̀ɖáyé dzí Kírísítò ti náàŋírĩ-òkú ŋa wá náyé#ɛ́. 16Bí ó dzɛ́ ní òkú ŋa kàkó dzí wá náyé#ɛ́ fee, Kírísítò gbo kò dzí ti náàŋírĩ-òkú ŋa wá náyé#ɛ́ ńnɛ̀ɛ́ nɔ̀! 17Tsí bí ó dzɛ́ ní Kírísítò kò dzí ti náàŋírĩ-òkú ŋa wá náyé#ɛ́, kíbí è gbàá gbɔ́ si#ɛ́, ó dzɛ́ iŋɛ́-akpotu ni. Tsí àbi-Ɔ̀ɖáyé yèé è dzɛ ŋa gbo#ɛ́, Ɔ̀ɖáyé kò ń tɔrɛ fú ŋɛ́. 18Tsí òkpì‐ɛ̀ gbo ní wà dzɛ́ ní ɛnɛ yèé gba Kírísítò gbɔ́, tsí kú lɔ si ŋa#á, à tsɛ̀rá ńnɛ̀ɛ́. 19Bí ó dzɛ́ ní kíbí àa módzú si nɔ́ɔ̀nà si fú Kírísítò si#ɛ́, ni fú ayé yèé bɛ́ gé ní ó wà si fú#ɛ́, iŋɛ́-wa tse ànyínɔ́ láre ti ɔ̀nyà ɔ̀kã̀lɔ́ɔ̀kã̀ kpó.

20Ó ɖi, nóòtítɔ́ fee, Ɔ̀ɖáyé dzí Kírísítò ti náàŋírĩ-òkú ŋa wá náyé. Òŋu ní dzɛ́ ɔ̀nyà àtsɛ̃̀tsɛ̃̀ yèé dzí bɛ́ɛ̀ ti náàŋírĩ-òkú ŋa wá náyé kíbí dzídzɛ àtsɛ̃̀tsɛ̃̀ yèé à náa ń rò fú Ɔ̀ɖáyé#ɛ́. 21Ɔ̀nyà-kã̀ ní bá ikú wá, tsí ikú wà kpanɛ#ɛ́. Ká dzí ti náàŋírĩ-òkú ŋa wá náyé gbo#ɛ́, ɔ̀nyà-òmírɛ̃̀-kã̀ gbo ní báa wá, tsí à wà dzí ti náàŋírĩ-òkú ŋa wá náyé#ɛ́. 22Ɔ̀nyà ŋa kpó wà kú, iŋɛ́ yèé tse#ɛ́, à ɖi ɔ̀kã̀ntso bá Áɖàmì†. Bɛ́ɛ̀ ké ní ɔ̀nyà ŋa kpó yèé Kírísítò nákó tse ɔ̀kã̀ntso bá#á, Ɔ̀ɖáyé nákó fú ŋa náàyɛ̀#ɛ́ ńnɛ̀ɛ́. 23Ó ɖi, Ɔ̀ɖáyé wà fúnɛ náàyɛ̀ nɛ́kpa nɛ́kpa ni. Náàtsɛ̃̀tsɛ̃̀#ɛ́, Ɔ̀ɖáyé dzí Kírísítò ti náàŋírĩ-òkú ŋa wá náyé. Èkéèdzì‐ɛ̀#ɛ́, ńǹwèrè yèé Kírísítò#ɛ́ nákó wá#á, nákó dzí ɛnɛ yèé dzɛ́ tɛ̀ɛ̀ ŋa#á gbo ti náàŋírĩ-òkú ŋa wá náyé. 24Náànyì-bɛ́ɛ̀#ɛ́, ńǹwèrè yèé ayé#ɛ́ nákó tã́#á, Kírísítò nákó ra ikpá-íbàɖí ɔ̀kã̀lɔ́ɔ̀kã̀ kpó yèé wà#á, tsí nákó mú oyè dzídzɛ‐ɛ̀, tsí ń bɔwɔ́-Ɔ̀ɖáyé boba‐ɛ̀. 25Ó ɖi, ó wà ní Kírísítò#ɛ́ kó wà dzoyè títí Ɔ̀ɖáyé kó mú ɔ̀tɛ̀‐ɛ̀ ŋa tsã́lɛ̀, tsí kó mú ɛsɛ̀ lé ńǹtá-ŋa.#15:25 À nákó nyáa rí afɔ̀ yèé bɛ́ ŋa ńǸwé-Orĩ ŋa 110:1 (Psaumes 110:1). 26Tsí ɔ̀tɛ̀ yèé nákó ra kã́ã̀nyì#ɛ́ ní dzɛ́ ikú#ɛ́. 27À kɔ si ńǸwé-Ɔ̀ɖáyé si ní: “Ɔ̀ɖáyé mú iŋɛ́ ɔ̀kã̀lɔ́ɔ̀kã̀ kpó, tsí ń bɔwɔ́‐ɛ̀.”#15:27 Ìwé-Orĩ ŋa 8:7 (Psaumes 8:7) Kíbí à fɔ̀ ní iŋɛ́ ɔ̀kã̀lɔ́ɔ̀kã̀ kpó#ɛ́, ó wà ní ká gbɔ́ òkpì‐ɛ̀ ní Ɔ̀ɖáyé òŋu kò wà ńnɛ̀. Ɔ̀ɖáyé ní mú iŋɛ́ ɔ̀kã̀lɔ́ɔ̀kã̀ kpó, tsí ń bɔwɔ́-Kírísítò#ɛ́. 28Ńǹwèrè yèé Ɔ̀ɖáyé nákó mú iŋɛ́ ɔ̀kã̀lɔ́ɔ̀kã̀ kpó bɔwɔ́-Kírísítò Ɔma bíbí‐ɛ̀ bɛ́ɛ̀#ɛ́, ɔma#á gbo nákó tɛ ara‐ɛ̀ bɔlɛ̀ fú Ɔ̀ɖáyé, ɛnɛ yèé mú iŋɛ́ ɔ̀kã̀lɔ́ɔ̀kã̀ kpó bɔwɔ́‐ɛ̀#ɛ́, àtsùgbée Ɔ̀ɖáyé kó wà dzoyè si ńǹtá-iŋɛ́ ɔ̀kã̀lɔ́ɔ̀kã̀ kpó ńǹɖì-ɔ̀kã̀lɔ́ɔ̀kã̀ kpó.

29Bí ó dzɛ́ ní afɔ̀ yèé ǹ wà fɔ̀ ŋa#á kò dzɛ́ òtítɔ́ fee, kí tse tsí ɔ̀nyà kã̀ŋa òŋu náa wà wìwɛ̀-Yèésù† si nárũ-òkú ŋa ni?#15:29 Afɔ̀-ká wìwɛ̀-Yèésù si nárũ-òkú ŋa yèé bɛ́#ɛ́, òkpì‐ɛ̀ kò má rere, tsí ɛgbɛ́-Kírísítò gbo kà tse iŋɛ́-ìrɔ́-bɛ́ɛ̀. Bí òkú ŋa kàkó dzí wá náyé#ɛ́, ni kíbí à wà wìwɛ̀-Yèésù si nárũ-òkú ŋa#á, à wà tse iŋɛ́-akpotu ńnɛ̀ɛ́ nɔ̀! 30Tsí àwa ká-wa gìɖì fe, kí tse tsí àa kɔ ara-wa dzɔ̀ɔ́ si fú àtsubi nɔ́dzɔ́ kɔ́dzɔ́ ni? 31Ìnàbí-mi ŋa, nɔ́dzɔ́ kɔ́dzɔ́#ɛ́, mà mú ikú-mi tà si gé ni. Ìɖéǹɖè#ɛ́, ńǹrɔ́-kíbí ǹ wà mú ŋɛ́ nya akpá#á, ǹ wà fɔ̀ɔ́ ní òtítɔ́ ni. Yèésù Kírísítò Ɔlá-wa ní tse tsí ǹ wà mú ŋɛ́ nya akpá#á. 32Ìdzà yèé ǹ dzà tútútú ńǹlú-Èfɛ́sì#ɛ́, nàa fɔ̀ ní ɛrã-kóko ŋa ní ǹ dzà bá#á ni. Tsí bí ó dzɛ́ ní ńǹsérè-ɔ̀nyà ní ǹ ń dzìdzà nyɛ̀ŋɛ̀#ɛ́, èrè mɛ̀ɛ́ wà ńnɛ̀ fú mi? Tsí bí ó dzɛ́ gbo ní òkú ŋa kàkó dzí wá náyé#ɛ́ fe, àa kó tédzú wà tse kíbí òwe yèé à kpa si ńǸwé-Ɔ̀ɖáyé#ɛ́ nɔ̀! À ní: “Àa kó wà dzɛ, tsí wà mɔ, iŋɛ́ yèé tse#ɛ́, ɔ̀la, àa nákó kú.”#15:32 Ìwé-Yèsáyà 22:13 (Ésaïe 22:13) 33È máa rú ara-ŋɛ́. “Ɔ̀há kɔ́ɔ̀há ɖíɖá fee, náa bàdzɛ́ ìlò-ire.”#15:33 Afɔ̀ yèé bɛ́#ɛ́ dzɛ́ oŋù-afɔ̀-kã̀ yèé àmùrò-ɛnɛ-Gɛ̀rɛ́kì ŋa-kã̀ náa ń kã̀ si nórĩ#ɛ́ ni. À náa kpèé ní Mɛ̀nánɖèrè. 34È sɛ̃̀ wá nɔ́ɔ̀nyà. È mú íbàɖí tsítse, tsí e ń té. Iŋɛ́ yèé tse#ɛ́, ɔ̀nyà kã̀ŋa náàŋírĩ-ŋɛ́ kò ma Ɔ̀ɖáyé. Ǹ tɔ́ wà fɔ̀ɔ́ ró ní anɔ́ tɛ̀ŋɛ ká-ŋɛ́ ni.

Bí òkú ŋa dzí wá náyé fee, bí à nákó wà gbà fáà?

35Ó ɖi, ɔ̀nyà-kã̀ nákó nyáa bèrè ní bí òkú ŋa nákó dzí wá náyé#ɛ́ gbà fáà? Tsí bí à dzí wá fe, bí ara-ŋa nákó wà gbà fáà? 36Rí ɔ̀nyà-éwo kò sí fú yèé gé! Ǹ ɖédzú nà mú ɔma-dzídzɛ ɔma ɔ̀kã̀ntso gbɛ̃̀, tsí tã́ná kó wù, tsí la ewé#ɛ́, ɔma-dzídzɛ yèé ò gbɛ̃̀#ɛ́ wà ní kó dzirà ni nɛ. 37Tsí ɔma-dzídzɛ yèé ò gbɛ̃̀#ɛ́, bí ó dzɛ́ ɔma-bàfó nàmí ɔma-dzídzɛ-òmírɛ̃̀-kã̀#á, kà dzɔ yèé bòkó wáa wù, tsí la ewé#ɛ́. 38Tsí Ɔ̀ɖáyé náa mú ara-ìrɔ́ yèé wùú#ɛ́, tsí ń bo ɔma-dzídzɛ#ɛ́. Tsí ɔma-dzídzɛ ɔ̀kã̀lɔ́ɔ̀kã̀ kpó nɛ́ ara tòŋu ká‐ɛ̀.

39Tsí ara-iŋɛ́-àwáàyɛ̀ ŋa kpó#ɛ́, à wà ńǹrɔ́ǹrɔ́ si ni. Ara-ɔ̀nyà ŋa dzɛ́ ara-ìrɔ́-kã̀, tsí ara-ɛrã ŋa gbo dzɛ́ ara-ìrɔ́-kã̀. Ara-ɛyɛ ŋa gbo dzɛ́ ara-ìrɔ́-kã̀, tsí ara-ɛdzã ŋa gbo dzɛ́ ara-ìrɔ́-kã̀. 40Tsí ara ŋa gbo wà ńǹgbèrí, tsí ara ŋa gbo wà ńǹtalɛ̀ bí. Tsí ara yèé wà ńǹgbèrí ŋa#á, àfɛ́ŋú-ŋa gbà níìkã̀ fú àfɛ́ŋú ti ìtalɛ̀ bí ŋa. 41Àfɛ́ŋú-odzúùrɔ̃̀ wà ńǹrɔ́-kã̀, tsí àfɛ́ŋú-òtsùkpá gbo wà ńǹrɔ́-kã̀. Àfɛ́ŋú-àrã̀wo ŋa gbo wà ńǹrɔ́-kã̀, tsí àfɛ́ŋú-àrã̀wo-kã̀ náa gbà níìkã̀ fú àfɛ́ŋú-àrã̀wo-òmírɛ̃̀.

42Bɛ́ɛ̀ ké ní nákó lɔ fú òkú ŋa gbo ńǹwèrè yèé à nákó dzí wá náyé#ɛ́ ńnɛ̀ɛ́. Ara-ɔ̀nyà dzɛ́ iŋɛ́ kúkú kíbí ɔma-dzídzɛ yèé à ń gbɛ̃̀, tsí náa dzirà bɛ́#ɛ́ ni. Ó ɖi, ara-ɔ̀nyà yèé ŋa Ɔ̀ɖáyé nákó dzí ti náàŋírĩ-òkú ŋa wá náyé#ɛ́, à kàkó dzirà láyé. 43Bí à mú ara, tsí ń gbɛ̃̀#ɛ́, kà dzɛ́ iŋɛ́-kã̀ kpókpó, tsí kà nɛ́ àmí gbo. Ó ɖi, bí Ɔ̀ɖáyé dzíi ti náàŋírĩ-òkú ŋa wá náyé#ɛ́, nákó nɛ́ iyì, tsí nɛ́kpá gbo. 44Ara yèé à náa ń gbɛ̃̀#ɛ́, ó dzɛ́ ara kíbí ara-ɔ̀nyà kpó gé ni. Ó ɖi, ara yèé Ɔ̀ɖáyé náa dzí ti náàŋírĩ-òkú ŋa wá náyé#ɛ́, Mímí-Ɔ̀ɖáyé† náa fúu náàyɛ̀. Tsí bí ó dzɛ́ ní ara-ìrɔ́ yèé wà kíbí ara-ɔ̀nyà kpó#ɛ́ wà#á, ara yèé Mímí-Ɔ̀ɖáyé náa fú náàyɛ̀#ɛ́ gbo wà. 45Ó ɖi, à kɔɔ́ si ńǸwé-Ɔ̀ɖáyé si ní: “Áɖàmì†, ɔ̀nyà àtsɛ̃̀tsɛ̃̀ yèé Ɔ̀ɖáyé ɖá#á, ó ɖi ɔ̀nyà-àwáàyɛ̀.”#15:45 Ìwé-Ìkpìnkpìlɛ̀-ayé 2:7 (Genèse 2:7) Tsí Áɖàmì, ɔ̀nyà ìkã́ã̀nyì#ɛ́ òŋu, àyɛ̀-Mímí-Ɔ̀ɖáyé wà nɔ́wɔ́‐ɛ̀ si, tsí ó wà fúnɛ. 46Ɛnɛ yèé tsɛ̃̀tsɛ̃̀ wá#á, kò tsi ɛnɛ yèé àyɛ̀-Mímí-Ɔ̀ɖáyé wà nɔ́wɔ́‐ɛ̀ si#ɛ́ ni. Ó ɖi, ɛnɛ yèé dzɛ́ ɔ̀nyà-ìtalɛ̀ bí#ɛ́ ní tsɛ̃̀tsɛ̃̀ wá#á. Tsí náànyì-bɛ́ɛ̀#ɛ́, ɛnɛ yèé àyɛ̀-Mímí-Ɔ̀ɖáyé wà nɔ́wɔ́‐ɛ̀ si#ɛ́, òŋu gbo wá. 47Ɔ̀nyà àtsɛ̃̀tsɛ̃̀#ɛ́, ilɛ̀ ní Ɔ̀ɖáyé kɛ́, tsí ń maá#á. Tsí ó wà fú ilɛ̀ si ni. Ó ɖi, ɔ̀nyà-èkéèdzì#ɛ́ òŋu, nɔ́ɔ̀rɔ̃ ní ó ti#ɛ́. 48Tsí ɛnɛ yèé ŋa kpó Ɔ̀ɖáyé mú ilɛ̀ má#á, à wà kíbí ɔ̀nyà àtsɛ̃̀tsɛ̃̀ yèé ó mú ilɛ̀ ma#á. Bɛ́ɛ̀ ké ní ɛnɛ yèé ŋa gbo kpó dzɛ́ ti ɔ̀rɔ̃ si#ɛ́, àŋa gbo, à wà kíbí ɛnɛ yèé ti nɔ́ɔ̀rɔ̃#ɛ́ ńnɛ̀ɛ́. 49Báàyí#ɛ́, àa kɛ́ ìwànwà-Áɖàmì, ɛnɛ yèé Ɔ̀ɖáyé mú ilɛ̀, tsí ń ma#á. Bɛ́ɛ̀ ké ní náànyìwà yèé bàa#á, àa nákó kɛ́ ìwànwà-Kírísítò, ɛnɛ yèé ti nɔ́ɔ̀rɔ̃ gbo#ɛ́ ńnɛ̀ɛ́.

50Ìnàbí-mi ŋa, ǹ wà fɔ̀ɔ́ fú ŋɛ́ ní fee, iŋɛ́ yèé dzɛ́ ara, tsí dzɛ́ ti ìtalɛ̀ bí#ɛ́ kàkó nyáa wɔ̀ lɔ ńbí Ɔ̀ɖáyé wà dzoyè#ɛ́. Tsí iŋɛ́ yèé dzɛ́ iŋɛ́ dzídzirà#á gbo kàkó nyáa dzɛ́ iŋɛ́ yèé kàkó dzirà#á láyé. 51È fú, tsí n nya iŋɛ́-kã̀ yèé Ɔ̀ɖáyé ń ɖúkù si#ɛ́ ɖíre fú ŋɛ́. Iŋɛ́#ɛ́ ní wà dzɛ́ ní fee, kò tsi àwa kpó ní bòkó kú#ɛ́. Ó ɖi, Ɔ̀ɖáyé nákó kparɔ ìwànwà-àwa kpó. 52Afɔ̀ yèé ǹ wà fɔ̀ bɛ́#ɛ́, nákó dzɛ́ kíbí à náa kpadzú tsím bɛ́ gé#ɛ́ ni. Ńǹwèrè nyɛ̀ŋɛ̀ ní ikpè-Ɔ̀ɖáyé nákó ɖɔ̃́ ní ɔdzɔ́-ìtã̀ntã́#á tó#ɛ́. Ó ɖi, ikpè#ɛ́ nákó ɖɔ̃́ bɛ́ɛ̀ ìɖéǹɖè, tsí òkú ŋa nákó dzí wá náyé, tsí ká gba ara yèé kàkó dzirà láyé#ɛ́. Tsí àwa òŋu, Ɔ̀ɖáyé nákó kparɔ ìwànwà-wa. 53Ó ɖi fee, iŋɛ́ yèé dzɛ́ iŋɛ́ dzídzirà#á wà ní kó kpàrɔ̀, tsí kó ɖi iŋɛ́ yèé kàkó dzirà láyé#ɛ́, tsí iŋɛ́ yèé dzɛ́ iŋɛ́ kúkú#ɛ́ gbo kó kpàrɔ̀, tsí kó gbé náàyɛ̀ si títí lɔ náàrìtã́. 54Tsí ńǹwèrè yèé iŋɛ́ ŋa#á nákó lɔ bɛ́ɛ̀, tsí iŋɛ́ yèé dzɛ́ iŋɛ́ dzídzirà#á nákó kpàrɔ̀, tsí ɖi iŋɛ́ yèé kàkó dzirà láyé#ɛ́, tsí iŋɛ́ yèé dzɛ́ iŋɛ́ kúkú gbo#ɛ́ nákó kpàrɔ̀, tsí kó gbé náàyɛ̀ si títí lɔ náàrìtã́#á, nákó lɔ kíbí à ti kɔɔ́ si ńǸwé-Ɔ̀ɖáyé si gbà#á. À kɔɔ́ si ní: “Ikú òŋu, ó ɖèrèɖè mulɛ̀. Ɔ̀ɖáyé dzàdzàbɔ́‐ɛ̀.”#15:54 Ìwé-Yèsáyà 25:8 (Ésaïe 25:8) 55À tɔ́ kɔɔ́ si ńǸwé-Ɔ̀ɖáyé si ró ní:

“Ikú! Àdzàbɔ́ yèé ò dzɛ#ɛ́ fáà?

Oró yèé ò nɛ́, tsí nàa ń kpanɛ#ɛ́ gbo fáà?”#15:55 Ìwé-Hòséyà 13:14 (Osée 13:14)

56Oró yèé wà nɔ́wɔ́-ikú, tsí náa ń kpanɛ#ɛ́ ní dzɛ́ àbi#ɛ́. Tsí àbi#ɛ́, ɛkpa-Mɔ̀ɔ́sè† ní wà fú òŋu gbo ńkpá#á. 57Ó ɖi, ɔkpɛ́ kɔ́kpɛ́ ni ti Ɔ̀ɖáyé ni, iŋɛ́ yèé tse#ɛ́, ó gbà ńǹtá-Yèésù Kírísítò Ɔlá-wa, tsí tse tsí àa dzàdzàbɔ́-ikú òŋu àbi gbo.

58Ìnàbí ŋa, àrínódzú-mi ŋa, kíbí iŋɛ́ ŋa#á wà bɛ́ɛ̀#ɛ́ fee, è kpara gírí, tsí e dzokó rìgírìgí si náàrì mì dzígí. È mú àmí-ŋɛ́ kpó, tsí e wà ń tsitsɛ́-Ɔlá-wa làkóò làkóò gé. È tse bɛ́ɛ̀, iŋɛ́ yèé tse#ɛ́, kíbí è múgírí si, tsí wà tsitsɛ́-Ɔlá-wa#á, kàkó dzɛ́ iŋɛ́-akpotu fú ŋɛ́ láyé.

Currently Selected:

1 Kòríntì ŋa 15: ngl

Highlight

Copy