មារកោស 16

ឞ្រាសយេឆូ ទ៝ក់រេសតៃ

(មថ ២៨:១-៨; លក ២៤:១-១២; យហ ២០:១-១០)

1អាមាង់ជេសលោចនារឆាបាត់ អីនាររាលូផូងអីឆ្រាអែល #១៦:១៖ ផូងអីឆ្រាអែល នតើមកើបនារមហែនតើមលែៈជេសញ៝ប់នារ។មពោលឞូអូរមារី អីតាៈឞើសប៝នមាដាលា មារី អីមេៈយាកើ នទ្រែលមាទូហ្វេឞូអូរអេងជឹតរាញាឆាលោមេ លែវឞាល់រាវាត់ទាកងីបោកាសគៃមាញអោតត៝ៈតាឆាក់ឞ្រាសយេឆូ ។ 2កាសអើមអោយតានារពើស ខាន់ពាង់លែវឞាល់ហាន់អាមោចនោកឞ្រីលែៈអាងនារលែៈលោស‌ 3ងើយនទ្រាង់ខាន់ពាង់នើមលាស៖ “នទ្រីឞូម៝សឆើមរាលាៈលុអីរាទ៝ល់ត្រោមមោចអ៝ន់មាឞ៝ន់ហ្យាស?”#មក ១៥:៤៦ 4ត៝ត់តាមោចនៃ ខាន់ពាង់ងើកអ្វាញ់ឆៃលុលែៈអើមរាលាៈជឹតមែងត្រោមមោច។ លុអីនៃក្វ៝ង់ងាន់។ 5ជេសខាន់ពាង់លាប់តាត្រោមមោចនៃ ឆៃទូហ្វេឞូនទាម់#១៦:៥៖ ពាង់អីនៃតោងពារ់ជានឆាក់តឹមឞានមាឞូនទាម់។គុរាគើបមពែសឞើសមា ញឆ៝សអាវក្វ៝ង់ងលាង។ ល៝ង់មពោលឞូអូរអីនៃក្លាចញឆ៝រ់។ 6ឞូនទាម់អីនៃលាសមាខាន់ពាង់៖ “លើយទឹងក្លាចអោស! ខាន់អៃជ៝យឞ្រាសយេឆូ អីតាៈឞើសប៝ននាឆារែត អីឞូងខឹតតាឆីតឹមរាកាង់នើស។ លែៈកោរាញឞ្រាសរាទ៝ក់ពាង់អ៝ន់ទ៝ក់រេសតៃ។ ពាង់មោហោមអោសគុតាអ្យា អ្វាញ់អែស តានតុកអ្យាឞូញជ៝រឆាក់ពាង់នើស។#មក ៨:៣១ 7ហាន់ខាន់អៃឆឹតមឞើសមពោលអ៝សម៝នពាង់រី នហ៝មាមឞើសពេត្រោស ដ៝ង់៖ «ពាង់ហាន់អាឞ្រីកាលីលេ ល៝រឞើសនាប់ខាន់អៃមៃ អារីតៃខាន់អៃមៃឆៃពាង់ តឹមទីកើតពាង់លែៈជេសនតិញនើស»”។#មក ១៤:២៨ 8ជេសរីមពោលឞូអូរនៃទូលោសឞើសមោចញច្វាត់រ៝ង់ឞ្រ៝ង់នអ៝ប់មាញឆ៝រ់ក្លាចនទ្រ៝ត់ហីសរាហ៝ល់ងាន់។ ខាន់ពាង់មោអោសមឞើសនាវអីនៃអ៝ន់មាឞូ យ៝រមាក្លាចហោងាន់។

ឞ្រាសយេឆូ ញហើឆាក់អ៝ន់មពោលអ៝សម៝នឆៃ

9[តាអោយនារពើស ឞ្រាសយេឆូ ទ៝ក់រេសតៃ ពាង់ញហើល៝រឆាក់អ៝ន់មាមារី ឆៃ មារី អីនៃតាៈឞើសប៝នមាដាលា ។ ពាង់ឞ្រាសយេឆូ លែៈមព្រើសពើសឞ្រាសអ្យើសលោសឞើសឆាក់ពាង់នើស។#លក ៨:២; យហ ២០:១៤-១៨ 10ជេសរីមារី ហាន់មឞើសនាវអីនៃអ៝ន់មាមពោលអ៝សម៝នពាង់ ខាន់ពាង់ហោមអែរាង៝តរាវៃញុមវើលពាង់ដ៝ង់។ 11ត៝ត់តាង់មារី ងក៝ចលាសពាង់លែៈទ៝ក់រេសតៃ តាង់ងក៝ចដ៝ង់លាសមារី លែៈឆៃពាង់ មោអោសខាន់ពាង់អុចអ្យាត់។ 12ជេសរីឞ្រាសយេឆូ ញហើឆាក់អ៝ន់ឞារហៃអ៝សម៝នឆៃ ជេសខាន់ពាង់លោសឞើសប៝នយេរូឆាលឹម ហាន់រ៝ៈត្រ៝ង។ នោកនៃមុសមាត់ឞ្រាសយេឆូ អេងដាសអាល៝រនើស។#លក ២៤:១៣-៣៥ 13ជេសរីឞារហៃខាន់ពាង់ហាន់ព្លឹជឹតកើយមឞើសនាវអីនៃមាមពោលអ៝សម៝នអាអេងដ៝ង់ តីសមាខាន់ពាង់មោអុចអ្យាត់ដ៝ង់។ 14កេងមាទុតនោកខាន់ពាង់ហោមគុឆោងឆា ឞ្រាសយេឆូ ញហើឆាក់អ៝ន់មា ១១ នុយ្សមពោលកោរាញអ៝សម៝នឆៃ ជេសរីឞ្រាសយេឆូ នទុយ្សខាន់ពាង់ អាចមាខាន់ពាង់ទាង់ក៝មោអុចអ្យាត់លែៈនាវអីឞូងក៝ចលាសឆៃពាង់លែៈជេសទ៝ក់រេសតៃនើស។#១កោ ១៥:៥ 15ពាង់លាសមាខាន់ពាង់៖ “ខាន់មៃហាន់អ៝ន់លាមនែសនតូអ្យា ជេសរីមឞើសងក៝ចនាវមហែមហានអ្វែសអ៝ន់មាទឹងលែៈឞូនុយ្សទោ។ 16ឞូម៝សអ្យាត់នាវងក៝ចអីនៃជេសរីទើននាវបាប់តែមយុកមាទាក ពាង់អីនៃកោរាញឞ្រាសទែរាក្លាយ្ស។ ឞូម៝សអីមោអ្យាត់អោសពាង់អីនៃកោរាញឞ្រាសតេៈទោយ្សមាពាង់រ៝។#ការ ២:៣៨; ១៦:៣១ 17ឞូម៝សអីអ្យាត់នាវអីនៃ ខាន់ពាង់ជាននាវមឞេនកើតនអា៖ មព្រើសឞ្រាសអ្យើសយ៝រមានាវទើយគ៝ប់ ឞ្លាវនាវងើយអីខាន់ពាង់មោអោសព្រ៝តងើយ។#មក ៦:៧, ១៣; ការ ២:៤; ៨:៧; ១កោ ១២:១០; ១៤:១-៤០ 18លាសខាន់ពាង់ញុបឞេសគែសកាច់ មោលាសញេតនទើខេស ខាន់ពាង់មោគែសនាវត៝ត់ដ៝ង់។ លាសខាន់ពាង់តេៈតីតាឞូនុយ្សជី នាវជីពាង់ឞាសរ៝”។#ការ ២៨:៣-៦; ៥:១៦; ៨:៧; យាក ៥:១៤-១៥

ឞ្រាសយេឆូ ឆឹតតាប៝នអ្វែសកាលើ

19ជេសកោរាញយេឆូ ងើយលែៈនាវអីនៃ ជេសរីកោរាញឞ្រាសឆ៝ៈនហាវពាង់ឆឹតតាប៝នអ្វែសកាលើត្រោក អ៝ន់គុមពែសឞើសមាតីកោរាញឞ្រាសនើម។#ការ ១:៩-១១; រម ៨:៣៤ 20ជេសរីខាន់ពាង់ហាន់មឞើសងក៝ចនាវមហែមហានអ្វែសអាប់នតុក នហ៝មាកោរាញឞ្រាសកើលជានការនទ្រែលខាន់ពាង់ អ៝ន់ខាន់ពាង់ទើយជាននាវមឞេនអេងៗ គៃមាអ៝ន់ឞូឆៃនាវអីនៃលែៈទីងាន់៕#ហេឞ ២:៤]៚

Currently Selected:

មារកោស 16: cmoK

Highlight

Copy