នាវនតើម 42
42
យាកោបអ៝ន់ផូងអ៝សក៝នពាង់ហាន់ជ៝យរាវាត់ឞាតាឞ្រីអេឆីប
1ត៝ត់មាយាកោបលែៈគឹតតាឞ្រីអេឆីប រីគែសឞា ជេសរីពាង់លាសមាអ៝សក៝នពាង់៖ “មើមគុខាន់មៃរ៝ង់គ៝ង់នៃ?” 2ពាង់លាសតៃមាខាន់ពាង់៖ “គ៝ប់តាង់តាឞ្រីអេឆីប រីគែសឞាតាច់។ លាសនទ្រីខាន់មៃហាន់តាឞ្រីនៃទោ រាវាត់ឞាគៃមាឞ៝ន់រេស លើយអ៝ន់ខឹតជីង៝តឆា”។#ការ ៧:១២ 3ជេសរីជឹតនុយ្សអីនោៗយោឆែបហាន់រាវាត់ឞាតាឞ្រីអេឆីប រី។ 4យើនមាយាកោបមោអោសអ៝ន់បែនយាមឹនអីអ៝សយោឆែបហាន់នទ្រែលនោៗពាង់ យ៝រលាសក្លាចគែសនាវត៝ត់ជេរមាពាង់។ 5ជេសរីអីក៝នៗយាកោបអីឞូក្វាល់អីឆ្រាអែលដ៝ង់ ហាន់រាវាត់ឞានទ្រែលឞូអាបាៈអេងដ៝ង់ យ៝រលាសតាឞ្រីកានានអីនៃគែសនាវជីង៝តក្វ៝ង់ដ៝ង់។
6ទោលនៃយោឆែបជានកោរាញក្វ៝ង់ម៝ត់អ្វាញ់តាឞ្រីអេឆីប ពាង់អីនៃដ៝ង់តើមតាច់ឞាអ៝ន់ទឹងលែៈផូងប៝នលានលាមឞ្រី។ អីនោៗពាង់ហាន់ត៝ត់តារីពាន់មឞាសពាង់។#៣៧:៧ 7យោឆែបនាល់អីនោៗពាង់រ៝ យើនមាមោអោសអ៝ន់អីនោៗនាល់ពាង់។ ពាង់ងើយជាញមាខាន់ពាង់៖ “ឞើសតាៈខាន់មៃ?” ខាន់ពាង់អើស៖ “អើកោរាញ ហេនអ្យាតាៈឞើសឞ្រីកានាន ហាន់ជ៝យរាវាត់នទើឆោងឆា”។ 8យោឆែបនាល់ខាន់ពាង់ យើនមាខាន់ពាង់មោអោសគឹតនាល់យោឆែប។ 9ទោលនៃយោឆែបកាសគឹតនាវមឞើយមាអីនោៗពាង់ពាន់មឞាសមាពាង់។ ពាង់លាសមាអីនោៗពាង់៖ “ខាន់មៃជេងឞូនុយ្សហាន់មេតអ្វាញ់តាឞ្រីអ្យាទើម គៃមាអ្វាញ់នតុកមោគែសតាហែនអ៝ក់”។#៣៧:៥-១១ 10ខាន់ពាង់អើស៖ “មោអោសកោរាញ ហេនអ្យាអីឞូនុយ្សឆើមជានការមាមៃ ហាន់រាវាត់នទើឆោងឆាងាន់។ 11ទឹងលែៈហេនអ្យាទូឞឹឞាៈទើម ហេនជេងឞូនុយ្សឆ៝ង់ងាន់ មោគែសអោសឞូនុយ្សហាន់មេតអ្វាញ់នតុក”។ 12ពាង់អើស៖ “ខាន់មៃមរោស! ខាន់មៃហាន់តាអ្យាគៃមាមេតអ្វាញ់នតុកមោគែសតាហែនអ៝ក់ទើម”។ 13ខាន់ពាង់អើស៖ “អើកោរាញ ទឹងលែៈអ៝សនោហេនគែស ១២ នុយ្ស ជេងទូឞឹឞាៈទើម ហេនគុតាឞ្រីកានាន។ អាបៃអ្យាអ៝សទុតហេនហោមគុនទ្រែលឞឹហេន ជេសរីអ៝សហេនទូហ្វេរីលែៈខឹត”។ 14យើនមាយោឆែបលាសមាខាន់ពាង់៖ “ទីកើតនាវគ៝ប់លាសងាន់ ខាន់មៃអ្យាជេងឞូនុយ្សហាន់មេតអ្វាញ់នតុក! 15គ៝ប់អុចរាល៝ងមាខាន់មៃ៖ គ៝ប់ត៝នមាខាន់មៃតាកាដាច់ផារ៝ន លាសអ៝សខាន់មៃមោត៝ត់តាអ្យា ខាន់មៃមោទើយអោសលោសឞើសនតុកអ្យា។ 16ខាន់មៃអ៝ន់ទូហ្វេហាន់ឆ៝ៈអ៝សទុតខាន់មៃឞើសរី ខាន់មៃអាបាៈនៃក្រុងតាអ្យាប៝ត់ យ៝រលាសគ៝ប់អុចគឹតខាន់មៃងើយងាន់លាសមោ។ លាសមោងាន់ គ៝ប់ត៝នតាកាដាច់ផារ៝ន ខាន់មៃជេងឞូនុយ្សហាន់មេតអ្វាញ់នតុកងាន់រ៝”។ 17ជេសរីយោឆែបដាៈឞូក្រុងអីនោៗពាង់រីពែនារ។
18ត៝ត់ពែនារ យោឆែបងើយមាខាន់ពាង់៖ “លាសខាន់មៃអុចរេស ខាន់មៃជានកើតនអាទោ យ៝រលាសគ៝ប់ជេងឞូនុយ្សក្លាចយើកកោរាញឞ្រាស៖ 19លាសខាន់មៃជេងឞូនុយ្សឆ៝ង់ងាន់ ខាន់មៃអ៝ន់ទូហ្វេតាមពោលខាន់មៃនៃក្រុងតាអ្យា ជេសរីខាន់មៃអាបាៈនៃហាន់ឆឹតតាឞ្រីខាន់មៃនើម នទ្រែលមាញអោតលែវព្យាង់ឞាមាគែសនទើឆោងឆាតារានាក់វ៝ល់មាឞាសជីង៝ត។ 20ជេសរីលែវអ៝សទុតខាន់មៃហាន់តាអ្យា គៃមាគឹតនាវខាន់មៃងើយនៃជេងងើយងាន់។ នទ្រីខាន់មៃមោខឹតអោស”។ ខាន់ពាង់ជានកើតនៃ 21ជេសរីខាន់ពាង់តឹមលាសនទ្រាង់ខាន់ពាង់នើម៖ “ឆៃបាស ឞ៝ន់តីសយ៝រមាឞ៝ន់ជានអ្យើសមាអ៝សឞ៝ន់នើសរ៝ យ៝រលាសឞ៝ន់ឆៃពាង់ទុតរាង៝តងាន់ទាន់ឞ៝ន់កើលពាង់ តីសមាឞ៝ន់មោអោសអ្យាត់ពាង់។ កើតនទ្រីទឹងនាវជេរអ្យាគែសតាមពោលឞ៝ន់ដ៝ង់”។ 22រូបេនលាសមាខាន់ពាង់៖ “លែៈគ៝ប់លាសមាខាន់មៃនើស លើយងខឹតពាង់ ខាន់មៃមោអ្យាត់នាវគ៝ប់។ អាបៃអ្យាទឹងឞ៝ន់គែសនាវជេរ យ៝រមាឞ៝ន់លែៈញចាយមហាមអ៝សឞ៝ន់នើស”។#៣៧:២១-២២ 23ខាន់ពាង់មោគឹតអោសលាសយោឆែបអ្យាត់នាវខាន់ពាង់ងើយនៃគឹតទាទេ យ៝រលាសនោកពាង់ងើយមាខាន់ពាង់គែសឞូនុយ្សឆើមរាឞ្លាងអ៝ន់។ 24យោឆែបទូឞើសនតុកខាន់ពាង់នៃញុមអេង ជេសរីពាង់ព្លឹងើយតៃដាសខាន់ពាង់។ ពាង់ឆ៝ៈឆីមោនក៝ត់តានាប់មាត់អ៝សនោពាង់រី។
25 យោឆែបដាៈឞូត៝ល់មឞេងឞាអ៝ន់មានោៗពាង់ នអ៝ប់មាមព្លឹព្រាក់តេៈតាទុងព្រាក់តាត្រោមបៅខាន់ពាង់នើមដ៝ង់ នទ្រែលមាអ៝ន់នទើខាន់ព្រែមាឆោងឆារ៝ៈត្រ៝ងជឹត។ ឞូជានមាខាន់ពាង់កើតនៃងាន់រ៝។ 26ខាន់ពាង់ទាប់ឞាតាកាលើឆែសលៀខាន់ពាង់នើមរី ជេសរីហាន់ឆឹត។ 27ត៝ត់តានតុករាលូរ៝ៈត្រ៝ងរី គែសទូហ្វេតាមពោលខាន់ពាង់រីទ្រីសបៅ ឆ៝ៈមពាគៃមាអ៝ន់ឆែសលៀឆា ពាង់ឆៃទុងព្រាក់តាឞ៝រ់បៅពាង់នើម។ 28ពាង់មឞើសមាអ៝សនោពាង់៖ “អ្វាញ់អ្យាៈ ព្រាក់គ៝ប់លែៈឞូមព្លឹ ឞូអ៝ន់តាត្រោមបៅអ្យា”។ ទោលនៃទឹងលែៈខាន់ពាង់នទ្រ៝ត់ទាទេ ខាន់ពាង់ក្លាចញឆ៝រ់ងាន់ ជេសរីតឹមលាសនទ្រាង់ខាន់ពាង់នើម៖ “មើមកោរាញឞ្រាសជានមាឞ៝ន់!”
29ជេសរីខាន់ពាង់ឆឹតត៝ត់តាឞ្រីកានានតាឞឹខាន់ពាង់នើមរី ខាន់ពាង់មឞើសងក៝ចអ៝ន់មាឞឹខាន់ពាង់នើម ម៝សនាវគែសតាខាន់ពាង់នើស។ 30ខាន់ពាង់លាស៖ “កោរាញម៝ត់អ្វាញ់តាឞ្រីអេឆីប នៃងើយទុតជាញងាន់មាហេន នទ្រែលមានតោនហេនជេងឞូនុយ្សហាន់មេតអ្វាញ់នតុកដ៝ង់។ 31យើនមាហេនអើសមាពាង់៖ «ហេនអ្យាជេងឞូនុយ្សឆ៝ង់ មោអោសទីឞូនុយ្សហាន់មេតអ្វាញ់នតុក។ 32ហេនគែស ១២ នុយ្សអ៝សនោ ហេនទូឞឹឞាៈទើម អ៝សហេនទូហ្វេលែៈខឹត ហោមអ៝សទុតគុនទ្រែលឞឹហេនតាឞ្រីកានានរី»។ 33កោរាញម៝ត់អ្វាញ់តាឞ្រីអេឆីប នៃលាសមាហេនកើតនអា៖ «អាបៃអ្យានអាទោ គៃមាគឹតនាវខាន់មៃងើយនៃងើយងាន់លាសមោ៖ ខាន់មៃអ៝ន់ទូហ្វេឞូនុយ្សតាមពោលខាន់មៃនៃគុតាអ្យា ខាន់មៃអាបាៈនៃហាន់ឆឹតតាឞ្រីខាន់មៃនើមរី នទ្រែលមាញអោតលែវព្យាង់ឞាអ៝ន់មារានាក់វ៝ល់ខាន់មៃនើមអារីមាឞាសជីង៝តទោ។ 34ជេសរីលែវអ៝សទុតខាន់មៃឞើសរីហាន់តឹមម៝ប់នទ្រែលគ៝ប់។ កើតនទ្រីទឹងគ៝ប់គឹតលាសខាន់មៃជេងឞូនុយ្សឆ៝ង់ មោអោសទីឞូនុយ្សហាន់មេតអ្វាញ់នតុក។ តៃទឹងគ៝ប់បើកឞូនុយ្សអ្យា ជេសរីខាន់មៃហាន់រាឆ៝ងរាវាត់នទើតាឞ្រីអ្យាមោច្រាវអោស»”។
35ត៝ត់មាខាន់ពាង់ងខុតបៅឞា អាប់នើមខាន់ពាង់ ខាន់ពាង់ឆៃទុងព្រាក់តាត្រោមបៅឞាខាន់ពាង់នើមរីទាទេ។ ត៝ត់មាឆៃទុងព្រាក់អីនៃ ខាន់ពាង់ នទ្រែលមាឞឹខាន់ពាង់ក្លាចហោងាន់។ 36យាកោបអីឞឹរីលាសមាខាន់ពាង់៖ “ខាន់មៃជានអ៝ន់គ៝ប់រ៝សលែៈក៝ន យោឆែបរ៝ស ឆីមោនរ៝ស អាបៃអ្យាខាន់មៃអុចឆ៝ៈបែនយាមឹនហាន់ជឹត ជានអ៝ន់គ៝ប់អោសនូយ្សអោសនហ៝ម់ងាន់”។ 37រូបេនលាសមាឞឹពាង់៖ “អើឞឹ លាសគ៝ប់មោអោសលែវបែនយាមឹនព្លឹញឆឹតអ៝ន់មៃ មៃងខឹតលើយទោក៝នឞូក្លោគ៝ប់ឞារហៃនៃ! មៃអ៝ន់ពាង់ហាន់នទ្រែលគ៝ប់ ឞឹ តៃគ៝ប់លែវពាង់ព្លឹឆឹតមាមៃងាន់រ៝”។ 38យើនមាយាកោបលាស៖ “គ៝ប់មោអោសអ៝ន់ក៝នងគ្លែៈទុតគ៝ប់ហាន់នទ្រែលខាន់មៃ យ៝រលាសនោពាង់លែៈខឹតដ៝ង់ ហោមអែទូហ្វេពាង់ទើម។ លាសម៝សគែសនាវម៝សរាមានរ៝ៈត្រ៝ងទោលពាង់ហាន់នទ្រែលខាន់មៃនៃ លាសនទ្រីជានអ៝ន់គ៝ប់លែៈរាញងាន់អ្យាខឹត យ៝រមាក្ល៝ង់រាង៝តហោអីរនៃដ៝ង់”។
Currently Selected:
នាវនតើម 42: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
