Luka 3

Kukosola kwakwe Yoane Kawatizya

(Mat 3:1-12; Mk 1:1-8; Yoa 1:19-28)

1Cali mu mwaka uwalenga ikumi na isano ala Kesa Tibelyasi umwene waku Loma, lino Pontio Pilato nawe wali umulasi wa mpanga ya Yudeya. Helodi wali kateeka wa mpanga ya Galile. Na Filipi mwina wakwe wali kateeka wa mpanga ya Itulia na Tulankoniti. Lisaniya nawe wali kateeka wa mpanga ya Abilene, 2na Anasi na Kayafa yali yasimapepo akulu. Pa nsita ilya Ilandwe lyakwe Leza lizile kuli Yoane mwana wakwe Zakaliya mu lwanga. 3Caleka Yoane wapitananga mu mpanga yonsi yamu nkumba ya luzi lwa Yodani, ala akukosola akuti, “Zenzukini nu kuwatiziwa, pakuti Leza amwelele maifyo inu.” 4#Eza 40:3 Ndi vino calembwa mu lupapulo lwakwe kasema Ezaya cati,

“Umwi akulaizya mu lwanga ati,

‘Zifini museo mwakupita Mwene,

olololini inzila mwakupita aliwe.

5Vifoloma vyonsi vilazikwa, ni milundu ni myamba vilapasiwa,

ni miseo iyongane ilolololwa, inzila zya tulundu tulundu zilalinganyiwa.

6Na antu yonsi yalalola ufyusi wakwe Leza.’”

7 # Mat 12:34; 23:33 Maumba ya antu izile kuli Yoane ku kuwatiziwa nawe. Nga wayanenyile ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza? 8#Yoa 8:33 Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu. 9#Mat 7:19 Na ndakai kwene impasa iteyanyiziwe ku kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.”

10Antu yamuzya yati, “Uzye lyene tucite uli?”

11Nawe ayanena ati, “Wino wensi ali na malaya yaili, alinzile apeleko wino atakweti. Na wino wensi ali ni cakulya, alinzile ankanye auze.”

12 # Luk 7:29 Yakasonkesya nao kwene iiza ku kuwatiziwa. Lyene yamuzya yati, “Kasambilizya, uzye naswe tumacita uli?”

13Nawe ayanena ati, “Mutasonkesya impiya kuluta pali vino yamunena.”

14Asilika nao kwene yamuzya yati, “Nga swemo? Uzye tumacita uli?” Nawe ayanena ati, “Mutapokolola impiya ku muntu umwi mu ucenjezi nanti kulongwela umwi vyaufi. Zangini pa malipilo inu.”

15Antu yapaalilanga nu mwenzo onsi vintu vilacitika, nga yatwisika ndi nalimwi Yoane angaya ali Katuula uwalavilwe. 16Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto. 17Wene akweti ulupe ulwakwelela, kuti aele ingano zyonsi, azikolonganike nu kuzisezya mu nkoma yakwe. Lelo mapumbu alayoca mu moto usyazimiwa.”

18Lyene Yoane wakosolanga Ilandwe Lisuma ku antu, ala akuyacinkula mu vintu navyuze ivingi kuti yazenzuke. 19#Mat 14:3; Mk 6:17 Lelo Yoane wakalipile mulasi Helodi, pamulandu wakutwala Helodia, muci wa mwina, nga na pa vintu navyuze ivingi viipe vino wacisile. 20Helodi acita cintu cuze cipisye pakuyalila Yoane mu ng'anda yaminyololo.

Kuwatiziwa kwakwe Yesu

(Mat 3:13-17; Mk 1:9-11)

21Pacisila lino antu yawatiziwa, Yesu nawe awatiziwa. Lyene walanga akupepa, iyulu lilekuka, 22#Uta 22:2; Mas 2:7; Eza 42:1; Mat 3:17; Mk 1:11; Luk 9:35 na Mupasi Wamuzilo aikila panoli mu musango wa nkunda. Ni zwi lifuma mwiyulu liti, “Wewe Mwanane mukundwe, munuli nkuzanga cuze.”

Vikolwe vyakwe Yesu

(Mat 1:1-17)

23Yesu wali ni myaka makumi yatatu lino watandike kuomba incito yakwe. Antu yelenginye ukuti wene umwana umonsi wakwe Yosefu, wino wali mwana wakwe Heli, 24nawe Heli wali mwana wakwe Matati, mwana wakwe Levi, mwana wakwe Meleci, mwana wakwe Yanai, mwana wakwe Yosefu, 25mwana wakwe Matatiyasi, mwana wakwe Amosi, mwana wakwe Naumi, mwana wakwe Esili, mwana wakwe Nagayi, 26mwana wakwe Maati, mwana wakwe Matatiyasi, mwana wakwe Semeini, mwana wakwe Yoseci, mwana wakwe Yoda, 27mwana wakwe Yoanani, mwana wakwe Lesya, mwana wakwe Zelubabeli, mwana wakwe Salatieli, mwana wakwe Neli, 28mwana wakwe Meleci, mwana wakwe Adi, mwana wakwe Kosamu, mwana wakwe Elimadamu, mwana wakwe Eli, 29mwana wakwe Yoswa, mwana wakwe Elieza, mwana wakwe Yolimu, mwana wakwe Matati, mwana wakwe Levi, 30mwana wakwe Simeoni, mwana wakwe Yuda, mwana wakwe Yosefu, mwana wakwe Yonamu, mwana wakwe Eliyakimu, 31mwana wakwe Meleya, mwana wakwe Mena, mwana wakwe Matata, mwana wakwe Natani, mwana wakwe Davidi, 32mwana wakwe Yese, mwana wakwe Obedi, mwana wakwe Boazi, mwana wakwe Salimoni, mwana wakwe Nasoni, 33mwana wakwe Aminadabu, mwana wakwe Adimini, mwana wakwe Alini, mwana wakwe Yeziloni, mwana wakwe Pelezi, mwana wakwe Yuda, 34mwana wakwe Yakobo, mwana wakwe Isaki, mwana wakwe Abulaamu, mwana wakwe Tela, mwana wakwe Nawoli, 35mwana wakwe Selagi, mwana wakwe Lewu, mwana wakwe Pelegi, mwana wakwe Ebali, mwana wakwe Syela, 36mwana wakwe Kainani, mwana wakwe Afakasidi, mwana wakwe Syemu, mwana wakwe Nowa, mwana wakwe Lameki, 37mwana wakwe Metusela, mwana wakwe Enoki, mwana wakwe Yaledi, mwana wakwe Malaleli, mwana wakwe Kenani, 38mwana wakwe Enosi, mwana wakwe Seti, mwana wakwe Adamu, mwana wakwe Leza.

Currently Selected:

Luka 3: MamL13

Highlight

Copy