Génesis 46
46
Jacob uyakao ɨwɨ Egipto pe
1Jacob jare jëtara reta uyapɨkatu opaete imbaembae reta jare oë yuraa reta ɨwɨ Egipto kotɨ. Uwata reta rambuewe, yuraa uwäe reta tëta wasu Beerseba jee wae pe. Joko pe Jacob uyapo pëti mbaerenda ita pewa, jare uyuka mbaemɨmba oñono iáramo uapɨ umee waerä Tumpa pe – jae ko tu Isaac iTumpa wi.
2Jokua pɨ̈tu Tumpa uyekuaa Jacob pe jare jei chupe: “Jacob.”
Jare Jacob jei: “¿Mbae pa, cheYa?” jei chupe.
3Jayawe Tumpa jei Jacob pe: “Che ko jae Tumpa. Nderu Isaac iTumpa ko che. Awɨye ekɨye ndeo waerä ɨwɨ Egipto pe, echa’ä nde rupi joko pe ayapota aï jeta niñemoñaa reta,” jei chupe. 4“Che numɨïruta ɨwɨ Egipto pe, jare joko pe nderaɨ José ikota nde ndiwe nemano rewa. Erëi anoe yeta aru ye aï niñemoñaa reta kua ɨwɨ Canaán pe,” jei Tumpa Jacob pe.
5Pɨarewe pe Jacob taɨ reta wɨraa opaete isambiaɨ reta jare ikuña reta tu ndiwe karosa reta pe mburuwicha wasu ɨwɨ Egipto pewa omondoka chupe wae pɨpe, jare oë yuraa reta tëta wasu Beerseba wi ɨwɨ Egipto kotɨ. 6Wɨraa reta wi opaete jɨmba reta jare opaete imbaembae reta owakue ɨwɨ Canaán pe wae. Jayawe Jacob jare opaete jëtara reta yuraa uwäe reta ɨwɨ Egipto pe. 7Jukuärái Jacob taɨ reta, jare tayɨ reta, jare opaete jumɨmino reta yuraa uwäe reta Jacob ndiwe ɨwɨ Egipto pe.
(8-34Tee Jacob iñemoñaa reta rewa. Jacob jare jëtara reta yuraa uwäe ɨwɨ Egipto pe wae rewa.)
Currently Selected:
Génesis 46: gnwPB
Highlight
Share
Copy
Want to have your highlights saved across all your devices? Sign up or sign in
© 2017, Ethnos360 (New Tribes Mission). All rights reserved.
