Éxodo 6

1Jayawe Tumpa jei Moisés pe: “Añawe nde ndechata neï mbae ayapota aï mburuwicha wasu kotɨ wae,” jei. “Chembaepuerete rupi ayapokata jae umaeño oë yuraa waerä che aiparawo wae reta re. Añetete ayapokata mburuwicha wasu omoë omondo waerä iɨwɨ wi opaete jae reta,” jei.

Tumpa omondo Moisés Israel iñemoñaa reta pe

2Tumpa jei wi Moisés pe: “Che ko jae Tumpa,” jei. 3“Che aikuaaka Abraham, Isaac, jare Jacob pe che ko jae Tumpa opaete mbaepuere anoi wae. Erëi aikuaaka’ä chupe reta ïru cheree jae ko Tumpa ikoño mái wae,” jei. 4“Jae reta yureko ɨwɨ Canaán pe ambɨe ɨwɨ pewa reta rami. Erëitu che jae chupe reta ameeta aiko chupe reta jare iñemoñaa reta pe wi jokua ɨwɨ,” jei.

5“Mase, añawe jae reta iñemoñaa reta uiporaraete ñonoï ɨwɨ Egipto pewa reta ipo pe. Erëi che ayandu ma uyao reta wae, jare chemandúa wi yemɨngeta ikawiete wae ayapo peramɨkue reta Abraham, Isaac, jare Jacob ndiwe wae re,” jei.

6“Jayawe ekua nde jare ere Israel iñemoñaa reta pe che jae aï chupe reta kuärái: ‘Che ko jae Tumpa aikoño mái wae, jare che puepɨta ɨwɨ Egipto pewa reta wi. Chembaepuerete rupi pupɨ̈rota aï chuwi reta, jare mbaembae kɨye pewa pɨpe aiporarakata aï chupe reta. 7Che puyapota pe reta chemaerä, jare che aikota peTumparä. Pe reta pikuaata che ko jae peTumpa aikoño mái wae jare puepɨta peparawɨkɨ jasɨ katu ɨwɨ Egipto pe wae wi. 8Puraata pe reta jokua ɨwɨ che etei jae ameeta aiko peramɨkue reta Abraham, Isaac, jare Jacob pe wae pe. Jokua ɨwɨ ikota pemaerä. Che ko jae Tumpa aikoño mái wae.’ Jukuärái ere Israel iñemoñaa reta pe,” jei Tumpa Moisés pe.

(9-13Moisés jare Aarón yuraa ye Israel iñemoñaa reta kotɨ, erëi añawe Israel iñemoñaa reta uipota’ä ma uyapɨsaka jese reta. Jayawe Tumpa omondo ye Moisés jare Aarón mburuwicha wasu jowai umɨmbeu reta waerä chupe Tumpa jei wae.)

(14-27Aarón jare Moisés iñemoñaa reta jee wae rewa.)

(28-30Tumpa ueni ye Moisés jare Aarón.)

Currently Selected:

Éxodo 6: gnwPB

Highlight

Copy