1 Юҳанно 1

1–БОБ

Муқаддима: Ҳаёт каломи

1Бошидан аён бўлган Ҳаёт каломи#1:1 Ҳаёт каломи — Исо Масиҳга ишора (Юҳанно 1:4, 3:16, 10:10, 14:6 га қаранг). ҳақида биз сизларга хабар бермоқчимиз. Кўриб эшитганларимизни, ҳа, ўз кўзимиз билан кўриб, ўз қўлларимиз билан пайпаслаб кўрганларимизни#1:1 Кўриб эшитганларимизни…кўрганларимизни… — Юҳанно 1:14 га қаранг. сизларга маълум қилмоқчимиз. 2Отамиз Худонинг ҳузурида бўлган Ҳаёт бизга ошкор бўлди! Биз бу абадий Ҳаётни кўриб, энди У ҳақда сизларга шоҳидлик қиляпмиз. 3Кўрган–эшитганларимизни маълум қилиш орқали сизлар билан биродар бўлиб яшамоқчимиз. Зеро, ўзимиз ҳам Отамиз Худо ва Унинг Ўғли Исо Масиҳ билан яшаяпмиз. 4Буларни сизларга қалбимиз#1:4 қалбимиз — юнонча матндан. Баъзи юнон қўлёзмаларида қалбингиз. шодликка тўлсин деб, ёзяпмиз.

Нурда яшаш тўғрисида

5Биз Исо Масиҳдан эшитиб, сизларга етказаётган Хушхабаримиз шундан иборат: Худо — нур, Унда ҳеч қандай зулмат йўқ. 6Агар биз Худо билан яшаяпмиз деб туриб, олдингидай зулматда яшасак, ёлғон гапириб, ҳақиқатга хилоф иш қилган бўламиз. 7Борди–ю, Худо сингари нурда яшасак, биз биродарларимиз билан уйғунликда яшаймиз ва Худо Ўз Ўғли Исонинг қони орқали бизни ҳар қандай гуноҳдан поклайди.

8Агар гуноҳимиз йўқ десак, ўзимизни ўзимиз алдаган бўламиз ва бизда ҳақиқат бўлмайди. 9Борди–ю, гуноҳларимизни эътироф этсак, содиқ ва адолатли бўлган Худо гуноҳларимизни кечириб, бизни ҳар қандай ёмонликдан фориғ қилади.

10Агар гуноҳ қилганимиз йўқ десак, Худони ёлғончига чиқарган бўламиз. Демак, Унинг каломи қалбимиздан жой олмаган бўлади.

Currently Selected:

1 Юҳанно 1: ЎзбМК

Highlight

Copy