ມັດທາຍ 17:24-27 ເມື່ອພຣະເຢຊູເຈົ້າກັບພວກສາວົກມາຮອດເມືອງກາເປນາອູມແລ້ວ ກໍມີຄົນເກັບຄ່າບຳລຸງພຣະວິຫານມາຫາເປໂຕ ແລ້ວຖາມວ່າ, “ອາຈານຂອງພວກເຈົ້າບໍ່ເສຍຄ່າບຳລຸງພຣະວິຫານບໍ?” ເປໂຕຕອບວ່າ, “ເສຍ.” ເມື່ອເ | ພຣະຄຳພີສັກສິ (ພຄພ)

ມັດທາຍ 17:24-27 ພຄພ

ເມື່ອພຣະເຢຊູເຈົ້າກັບພວກສາວົກມາຮອດເມືອງກາເປນາອູມແລ້ວ ກໍມີຄົນເກັບຄ່າບຳລຸງພຣະວິຫານມາຫາເປໂຕ ແລ້ວຖາມວ່າ, “ອາຈານຂອງພວກເຈົ້າບໍ່ເສຍຄ່າບຳລຸງພຣະວິຫານບໍ?” ເປໂຕຕອບວ່າ, “ເສຍ.” ເມື່ອເປໂຕເຂົ້າມາໃນເຮືອນ ແລ້ວພຣະເຢຊູເຈົ້າຊົງກ່າວຂຶ້ນກ່ອນໂດຍຖາມລາວວ່າ, “ຊີໂມນເອີຍ ເຈົ້າຄິດຢ່າງໃດໃນການເສຍສ່ວຍ ຫລືເສຍພາສີໃຫ້ກະສັດໃນໂລກນີ້? ເພິ່ນເກັບຈາກລູກຂອງຕົນ ຫລືເກັບຈາກຄົນອື່ນ.” ເປໂຕຕອບວ່າ, “ເກັບຈາກຄົນອື່ນ.” ພຣະເຢຊູເຈົ້າຕອບຄືນວ່າ, “ຖ້າເປັນຢ່າງນັ້ນ ຝ່າຍລູກກໍບໍ່ຕ້ອງເສຍ. ແຕ່ເພື່ອບໍ່ຢາກເຮັດໃຫ້ຄົນເຫຼົ່ານີ້ເສຍໃຈ, ເຈົ້າຈົ່ງໄປຕຶກເບັດທີ່ທະເລສາບເມື່ອໄດ້ປາໂຕທຳອິດແລ້ວ ໃຫ້ເຈົ້າງະປາກມັນອອກ ແລະເຈົ້າຈະພົບເງິນຫລຽນໜຶ່ງຢູ່ໃນປາກຂອງມັນ ຈົ່ງເອົາເງິນນັ້ນໄປຈ່າຍເປັນຄ່າບຳລຸງພຣະວິຫານສຳລັບເຮົາແລະເຈົ້າ.”

Read ມັດທາຍ 17