ປະຖົມມະການ 36

ເຊື້ອສາຍຂອງເອຊາວ

(1 ຂຄ 1:34-37)

1ເຊື້ອສາຍຂອງເອຊາວ ຫລືມີຊື່ໜຶ່ງອີກວ່າ ເອໂດມ ມີດັ່ງນີ້: 2ເອຊາວມີເມຍຊາວການາອານສາມຄົນຄື: ນາງອາດາລູກສາວຂອງເອໂລນຊາວຮິດຕີ, ນາງໂອໂຮລີບາມາລູກສາວຂອງອານາ, ຫລານຊາຍຂອງຊີເບໂອນຊາວຮີວີ; 3ແລະນາງບາເສມາດລູກສາວຂອງອິດຊະມາເອນ ແລະຜູ້ເປັນນ້ອງສາວຂອງເນບາໂຢດ. 4ອາດາ ມີລູກຊາຍກັບເອຊາວຜູ້ໜຶ່ງຊື່ວ່າ ເອລີຟັດ. ບາເສມາດ ມີລູກຊາຍກັບເອຊາວຜູ້ໜຶ່ງຊື່ວ່າ ເຣອູເອນ 5ແລະໂອໂຮລີບາມາ ມີລູກຊາຍດັ່ງນີ້: ເຢອຸດ, ຢາລາມ ແລະໂກຣາ. ທັງໝົດເປັນລູກຊາຍຂອງເອຊາວ ທີ່ເກີດໃນເວລາເພິ່ນໄດ້ອາໄສຢູ່ໃນການາອານ.

6ແລ້ວເອຊາວກໍພາບັນດາເມຍຂອງຕົນ, ບັນດາລູກຊາຍຍິງແລະພວກຄົນຮັບໃຊ້ທຸກຄົນໃນເຮືອນ, ຕະຫລອດທັງເອົາສັດ ແລະສິ່ງຂອງທີ່ຕົນມີຢູ່ໃນການາອານນັ້ນ ອອກໜີຈາກຢາໂຄບນ້ອງຊາຍຂອງຕົນ ໄປຢູ່ປະເທດອື່ນ. 7ເພິ່ນໜີໄປ ເພາະວ່າດິນບ່ອນທີ່ເພິ່ນແລະຢາໂຄບຢູ່ນັ້ນ ບໍ່ອຸດົມສົມບູນພຽງພໍສຳລັບພວກເພິ່ນ; ພວກເພິ່ນມີຝູງສັດຫລວງຫລາຍ ແລະບໍ່ສາມາດຢູ່ຮ່ວມກັນຕໍ່ໄປໄດ້. 8ສະນັ້ນ ເອຊາວຈຶ່ງໄປອາໄສຢູ່ໃນເຂດເນີນພູເສອີຂອງດິນແດນເອໂດມ.

9ຕໍ່ໄປນີ້ ແມ່ນເຊື້ອສາຍຂອງເອຊາວ ຜູ້ທີ່ສືບເຊື້ອສາຍໃຫ້ຊາວເອໂດມທີ່ເນີນພູເສອີ. 10-13ນາງອາດາເມຍຂອງເອຊາວມີລູກຊາຍຜູ້ໜຶ່ງຊື່ວ່າ ເອລີຟັດ; ແລະເອລີຟັດມີລູກຊາຍຢູ່ຫ້າຄົນດັ່ງນີ້: ເຕມານ, ໂອມາກ, ເຊໂຟ, ຄາຕາມ ແລະເກນາດ. ຕີມນາເມຍຜູ້ໜຶ່ງອີກຂອງເອລີຟັດ ມີລູກຊາຍຜູ້ໜຶ່ງຊື່ວ່າ ອາມາເຫຼັກ.

ນາງບາເສມາດເມຍຂອງເອຊາວ ມີລູກຊາຍຜູ້ໜຶ່ງຊື່ວ່າ ເຣອູເອນ; ແລະເຣອູເອນມີລູກຊາຍສີ່ຄົນດັ່ງນີ້: ນາຮາດ, ເຊຣາ, ຊາມມາ ແລະມິດຊາ.

14ນາງໂອໂຮລີບາມາ ລູກສາວຂອງອານາ ແລະຫລານສາວຂອງຊີເບໂອນ ຜູ້ທີ່ເປັນເມຍຂອງເອຊາວ ມີລູກຊາຍສາມຄົນດັ່ງນີ້: ເຢອຸດ, ຢາລາມ ແລະໂກຣາ.

15ເຜົ່າເຫຼົ່ານີ້ໄດ້ສືບເຊື້ອສາຍມາຈາກເອຊາວ. ເອລີຟັດລູກຊາຍກົກຂອງເອຊາວ ເປັນບັນພະບຸລຸດຂອງເຜົ່າຕ່າງໆດັ່ງຕໍ່ໄປນີ້: ເຕມານ, ໂອມາກ, ເຊໂຟ, ເກນາດ, 16ໂກຣາ, ຄາຕາມ ແລະອາມາເຫຼັກ. ເຜົ່າທັງໝົດນີ້ສືບເຊື້ອສາຍທາງອາດາ ເມຍຂອງເອຊາວ.

17ເຣອູເອນລູກຊາຍຂອງເອຊາວ ເປັນບັນພະບຸລຸດຂອງເຜົ່າຕ່າງໆດັ່ງຕໍ່ໄປນີ້: ນາຮາດ, ເຊຣາ, ຊາມມາ ແລະມິດຊາ. ເຜົ່າທັງໝົດນີ້ສືບເຊື້ອສາຍທາງບາເສມາດ ເມຍຂອງເອຊາວ.

18ເຜົ່າຕ່າງໆທີ່ສືບເຊື້ອສາຍທາງນາງໂອໂຮລີບາມາ ເມຍຂອງເອຊາວ ມີດັ່ງຕໍ່ໄປນີ້: ເຢອຸດ, ຢາລາມ ແລະໂກຣາ. 19ເຜົ່າເຫຼົ່ານີ້ທັງໝົດສືບເຊື້ອສາຍມາຈາກເອຊາວ.

ເຊື້ອສາຍຂອງເສອີ

(1 ຂຄ 1:38-42)

20ຊາວພື້ນເມືອງໃນດິນແດນເອໂດມແບ່ງອອກເປັນຫລາຍເຜົ່າ; ບັນພະບຸລຸດຂອງພວກເຂົາທີ່ໄດ້ສືບເຊື້ອສາຍມາແຕ່ເສອີຊາວໂຮຣີ ມີດັ່ງນີ້: ໂລຕັນ, ໂຊບານ, ຊີເບໂອນ, ອານາ, 21ດີໂຊນ, ເອເຊ ແລະດີຊານ.

22ໂລຕັນແມ່ນບັນພະບຸລຸດຂອງຕະກຸນໂຮຣີແລະໂຮມາມ. (ໂລຕັນມີນ້ອງສາວຜູ້ໜຶ່ງຊື່ວ່າ ຕີມນາ.)

23ໂຊບານເປັນບັນພະບຸລຸດຂອງຕະກຸນດັ່ງຕໍ່ໄປນີ້: ອັນວານ, ມານາຮາດ, ເອບານ, ເຊໂຟ ແລະໂອນາມ.

24ຊີເບໂອນມີລູກຊາຍສອງຄົນດັ່ງນີ້: ອາອີຢາແລະອານາ. (ອານາແມ່ນຜູ້ພົບບໍ່ນໍ້າຮ້ອນ ຢູ່ໃນຖິ່ນແຫ້ງແລ້ງກັນດານ ເມື່ອເວລາກຳລັງລ້ຽງຝູງລໍພໍ່ຂອງຕົນຢູ່.) 25-26ອານາເປັນພໍ່ຂອງດີໂຊນ ຜູ້ທີ່ເປັນບັນພະບຸລຸດຂອງເຜົ່າເຮັມດານ, ເອັດຊະບານ, ອີທະຣານ ແລະເກຣານ. ອານາມີລູກສາວຜູ້ໜຶ່ງຊື່ວ່າ ໂອໂຮລີບາມາ.

27ເອເຊເປັນບັນພະບຸລຸດຂອງບິນຮານ, ຊາອາວານ ແລະອາການ.

28ດີຊານເປັນບັນພະບຸລຸດຂອງອູເຊແລະອາຣານ.

29ເຜົ່າຕ່າງໆທີ່ສືບເຊື້ອສາຍມາຈາກໂຮຣີ ແລະອາໄສຢູ່ໃນດິນແດນຂອງເອໂດມ ມີດັ່ງນີ້: ໂລຕັນ, ໂຊບານ, ຊີເບໂອນ, ອານາ, 30ດີໂຊນ, ເອເຊ ແລະດີຊານ.

ບັນດາກະສັດຂອງເອໂດມ

(1 ຂຄ 1:43-54)

31-39ແຕ່ກ່ອນບໍ່ມີກະສັດຢູ່ໃນອິດສະຣາເອນ ກະສັດທີ່ໄດ້ປົກຄອງສືບຕໍ່ກັນມາ ໃນດິນແດນເອໂດມ ມີດັ່ງນີ້:

ເຈົ້າເບລາ, ລູກຊາຍຂອງເບອໍ, ຈາກເມືອງດິນຮາບາ

ໂຢບັບ, ລູກຊາຍຂອງເຊຣາ, ຈາກເມືອງໂບຊະຣາ

ຮູຊາມ, ມາຈາກເມືອງເຕມານ

ຮາດັດ, ລູກຊາຍຂອງເບດັດ, ມາຈາກເມືອງອາວິດ (ຜູ້ທີ່ເອົາຊະນະຊາວມີດີອານໃນບັ້ນຮົບ ຂອງດິນແດນໂມອາບ)

ສາມລາ, ມາຈາກເມືອງມາສະເຣກາ

ຊາອູນ, ຊາວເມືອງເຣໂຮໂບດທີ່ຢູ່ແຄມແມ່ນໍ້າ

ບາອານຮານານ, ລູກຊາຍຂອງອັກໂບ

ຮາດັດ, ມາຈາກເມືອງປາອູ. (ເມຍຂອງເພິ່ນມີຊື່ວ່າ ເມເຮຕາເບນ, ລູກສາວຂອງມັດເຣັດ ແລະຫລານສາວຂອງເມຊາຮາບ.)

40-43ເອຊາວໄດ້ສືບເຊື້ອສາຍໃຫ້ຊາວເອໂດມ ແລະເຜົ່າຕ່າງໆດັ່ງນີ້: ຕີມນາ, ອານວາ, ເຢເທັດ, ໂອໂຮລີບາມາ, ເອລາ, ປີໂນນ, ເກນັດ, ເຕມານ, ມິບຊາ, ມັກດີເອນ ແລະອີຣາມ. ທ້ອງຖິ່ນຕ່າງໆທີ່ພວກເຂົາໄດ້ອາໄສຢູ່ນັ້ນ ກໍໃສ່ຊື່ຕາມແຕ່ລະເຜົ່າຂອງພວກເຂົາ.

Currently Selected:

ປະຖົມມະການ 36: ພຄພ

Highlight

Copy