Chivkeeb 5

Adaas Caajceg

(1 Xwmtxheej Vaajntxwv 1.1-4)

1Ntawm nuav moog yog has txug Adaas tej xeebntxwv. (Thaus Vaajtswv tsim tuabneeg, nwg tsim zoo le nwg tug yaam ntxwv ntaag. 2Vaajtswv tsim tau ib tug txivneej hab ib tug quaspuj. Vaajtswv foom koob moov rua obtug, tis npe rua obtug hab hu obtug ua “Noobneej.”)#Chk 1.27,28#Mat 9.4; Mak 10.6 3Thaus Adaas muaj ib puas peb caug xyoo lawm, nwg muaj dlua ib tug tub zoo le nwg, hab nwg tis npe hu ua Xej. 4Dlhau ntawd lug, Adaas tseem ua neej nyob tau yim pua xyoo, hab nwg tseem muaj mivnyuas coob leej ntxiv 5nwg tuag rua thaus nwg noobnyoog muaj cuaj pua peb caug xyoo.

6Thaus Xej noobnyoog muaj ib puas tsib xyoos, nwg muaj ib tug tub hu ua Enauses, 7dlhau ntawd lug nwg tseem ua neej nyob tau yim pua xyaa xyoo hab nwg tseem muaj mivnyuas coob leej ntxiv, 8nwg tuag rua thaus nwg noobnyoog muaj cuaj pua nkaum ob xyoos.

9Thaus Enauses noobnyoog muaj cuaj caum xyoo, nwg muaj ib tug tub hu ua Kenaas, 10dlhau ntawd lug nwg tseem ua neej nyob tau yim pua kaum tsib xyoos, hab nwg tseem muaj mivnyuas coob leej ntxiv; 11nwg tuag rua thaus nwg noobnyoog muaj cuaj pua tsib xyoos.

12Thaus Kenaas noobnyoog muaj xyaa caum xyoo, nwg muaj ib tug tub hu ua Mahalalees, 13dlhau ntawd lug nwg tseem ua neej nyob tau yim pua plaub caug xyoo, hab nwg tseem muaj mivnyuas coob leej ntxiv. 14Nwg tuag rua thaus nwg noobnyoog muaj cuaj pua kaum xyoo.

15Thaus Mahalalees noobnyoog muaj rau caum tsib xyoos, nwg muaj ib tug tub hu ua Yales, 16dlhau ntawd lug nwg tseem ua neej nyob tau yim pua peb caug xyoo, hab nwg tseem muaj mivnyuas coob leej ntxiv. 17Nwg tuag rua thaus nwg noobnyoog muaj yim pua cuaj caum tsib xyoos.

18Thaus Yales noobnyoog muaj ib puas rau caum ob xyoos, nwg muaj ib tug tub hu ua Enauj, 19dlhau ntawd lug nwg tseem ua neej nyob tau yim pua xyoo, hab nwg tseem muaj mivnyuas coob leej ntxiv. 20Nwg tuag rua thaus nwg noobnyoog muaj cuaj pua rau caum ob xyoos.

21Thaus Enauj noobnyoog muaj rau caum tsib xyoos, nwg muaj ib tug tub hu ua Methuxelas. 22Dlhau ntawd lug, nwg tseem ua neej nyob fwm hab pehawm Vaajtswv tau peb puas xyoo, hab nwg tseem muaj mivnyuas coob leej ntxiv. 23Nwg ua neej nyob tau peb puas rau caum tsib xyoos. 24Enauj ua nwg lub neej nrug Vaajtswv sis raug zoo, ces nwg txawm ca le pluj lawm, rua qhov Vaajtswv coj nwg moog lawm.#Hen 11.5; Yud 14

25Thaus Methuxelas noobnyoog muaj ib puas yim caum xyaa xyoo, nwg muaj ib tug tub hu ua Lamej, 26dlhau ntawd lug nwg tseem ua neej nyob tau xyaa pua yim caum ob xyoo, hab nwg tseem muaj mivnyuas coob leej ntxiv. 27Nwg tuag rua thaus nwg noobnyoog muaj cuaj pua rau caum cuaj xyoos.

28Thaus Lamej noobnyoog muaj ib puas yim caum ob xyoos, nwg muaj ib tug tub, 29Lamej muab tis npe hu ua Nau-es,#5.29 Nau-es: Lub npe nuav, has le Henplais lu lug kws has tas, “tso kuas dlim.” Lamej has tas, “Tug mivnyuas nuav yuav paab peb ris lub nraa nyaav ntawm thaaj aav kws raug Vaajtswv foom tsi zoo lawm kuas sib.” 30Dlhau ntawd lug Lamej tseem ua neej nyob tau tsib puas cuaj caum tsib xyoos, hab nwg tseem muaj mivnyuas coob leej ntxiv. 31Nwg tuag rua thaus nwg noobnyoog muaj xyaa pua xyaa caum xyaa xyoo.

32Thaus Nau-es noobnyoog muaj tsib puas xyoo lawm, nwg maam le muaj peb tug tub, Xees, Haas, hab Yafej.

Currently Selected:

Chivkeeb 5: HNJ2000

Highlight

Copy