Chivkeeb 36
36
Exaus Cov Xeebntxwv
(1 Xwmtxheej Vaajntxwv 1.34-37)
1Ntawm nuav moog yog Exaus cov xeebntxwv kws muaj dlua ib lub npe hu ua Edoos. 2Exaus moog yuav cov tuabneeg Kana-aas tej ntxhais lug ua quaspuj: Eloos kws yog tuabneeg Hitis tug ntxhais kws hu ua Adahes, hab Xinpe-oos kws yog tuabneeg Hivis tug tub#36.2 Tej phoo qub txhais has tas, tug tub; phoo Henplais has tas, tug ntxhais, lossis tug ntxhais xeebntxwv. Anas tug ntxhais kws hu ua Auhaulinpamas, #Chk 26.34 3hab Yisamayees tug ntxhais Npasemas kws yog Nenpayaus tug muam.#Chk 28.9 4Adahes yug tau Elifas, Npasemas yug tau Le-uyees 5hab Auhaulinpamas yug tau Ye-uses, Yalaas hab Kaulas. Taagnrho cov nuav puavleej yog Exaus cov tub kws yug huv lub tebchaws Kana-aas.
6Ces Exaus coj nwg cov quaspuj, cov tub, cov ntxhais hab taagnrho nwg tsev tuabneeg, nrug nwg tej tsaj txhu hab txhua yaam kws nwg khwv tau huv tebchaws Kana-aas, tsiv moog nyob rua ib lub tebchaws kws nyob dleb ntawm nwg tug kwv Yakhauj. 7Nwg tsiv moog vim lub tebchaws kws nwg hab Yakhauj ibtxwm nyob nqaim rua obtug heev, hab obtug muaj tsaj txhu coob txhaj ua rua obtug nyob tsi tau ua ke. 8Yog le ntawd, Exaus (kws yog tuabneeg Edoos) txhaj moog nyob rua peg lub laaj roob kws nyob peg tebchaws Xe-iles lawm.
9Ntawm nuav yog Exaus cov xeebntxwv kws yog cov tuabneeg Edoos cov yawmkoob kws nyob peg lub laaj roob peg tebchaws Xe-iles. 10Ntawm nuav yog Exaus cov tub tej npe: nwg tug quaspuj kws hu ua Adahes yug tau Elifaxes, hab nwg tug quaspuj kws hu ua Npasemas yug tau Le-uyees. 11Elifas cov tub yog: Temaas, Aumas, Xefus, Nkatas, hab Kenaxes. 12Exaus tug tub Elifas tseem muaj ib tug nam yau hu ua Teenas. Teenas yug tau ib tug tub hu ua Amalej. Cov nuav puavleej yog Exaus tug quaspuj kws hu ua Adahes cov xeebntxwv. 13Le-uyees cov tub yog: Nahas, Zelas, Samas hab Mixexas. Cov nuav puavleej yog Exaus tug quaspuj kws hu ua Npasemas cov xeebntxwv.
14Exaus tug quaspuj kws hu ua Auhaulinpamas kws yog Xinpe-oos tug tub#36.14 Tej phoo qub txhais has tas, tug tub, phoo Henplais has tas, tug ntxhais, lossis tug ntxhais xeebtxwv. Anas tug ntxhais, yug tau peb tug tub rua Exaus: Ye-uses, Yalaas hab Kaulas.
15Ntawm nuav yog cov thawjcoj kws yog Exaus cov xeebntxwv. Exaus tug tub hlub Elifas yog yawmkoob ntawm cov thawjcoj nraag qaab nuav: Temaas, Aumas, Xefaus, Kenaxes, 16Kaulas, Nkatas hab Amalej. Cov thawjcoj nuav puavleej yog caajceg lug ntawm Elifas kws nyob huv tebchaws Edoos, hab yog Exaus tug quaspuj kws hu ua Adahes cov xeebntxwv.
17Exaus tug tub Le-uyees yog yawmkoob ntawm cov thawjcoj nraag qaab nuav: Nahas, Zelas, Samas hab Mixexas. Cov thawjcoj nuav puavleej yog caajceg lug ntawm Le-uyees kws nyob huv tebchaws Edoos, hab yog Exaus tug quaspuj kws hu ua Npasemas cov xeebntxwv.
18Cov thawjcoj nraag qaab nuav, puavleej yog caajceg lug ntawm Exaus tug quaspuj kws hu ua Auhaulinpamas kws yog Anas tug ntxhais: Ye-uses, Yalaas, hab Kaulas. 19Taagnrho cov thawjcoj nuav puavleej yog Exaus (kws yog tuabneeg Edoos) cov xeebntxwv.
Xe-iles Cov Xeebntxwv
(1 Xwmtxheej Vaajntxwv 1.38-42)
20Ntawm nuav yog Xe-iles kws yog tuabneeg Haulis cov tub, puab yog cov tuabneeg kws nyob huv lub tebchaws Edoos hab puab yeej ibtxwm nyob huv cheebtsaam ntawm. Xe-iles cov tub yog: Lautas, Saunpas, Xinpe-oos, Anas, 21Disoos, Exeles hab Disaas. Xe-iles cov tub kws nyob huv tebchaws Edoos puavleej yog cov tuabneeg Haulis cov thawjcoj.
22Lautas cov tub: yog Haulis hab Hemaas. Teenas yog Lautas tug muam.
23Sunpas cov tub: Alevas, Manahas, Enpales, Sefaus, hab Aunas.
24Xinpe-oos muaj ob tug tub: Ayihas hab Anas. (Ntawm nuav yog Anas tug kws moog pum lub qhovdlej kub kws nyob tom roob mojsaab qhua, thaus nwg coj nwg txiv cov neeg luav moog noj zaub.) 25Anas cov mivnyuas yog: Disoos hab Auhaulinpamas kws yog Anas tug ntxhais. 26Disoos cov tub yog: Heedaas, Esenpaas, Ithalaas hab Khelaas.
27Exeles cov tub yog: Npihaas, Xavaas, hab Akaas.
28Disaas cov tub yog: Uxes hab Alaas.
29Cov ntawm nuav yog cov Haulis tej thawjcoj: Lautas, Saunpas, Xinpe-oos, Anas, 30Disoos, Exeles hab Disaas. Puab cov nuav puavleej yog cov Haulis cov thawjcoj, lawv le puab muab faib ua tej paab tej pawg, nyob huv lub tebchaws Xe-iles.
Cov Vaajntxwv Kws Kaav Tebchaws Edoos
(1 Xwmtxheej Vaajntxwv 1.43-54)
31Cov nuav yog cov vaajntxwv kws kaav lub tebchaws Edoos ua ntej cov Yixalayees muaj vaajntxwv.
32Npe-ules tug tub Npelas
ua vaajntxwv kaav tebchaws Edoos,
nwg lub nroog hu ua Dihanpas.
33Thaus Npelas tuag lawm, Zelas tug tub
Yaunpas kws nyob huv Npauxelas
ua vaajntxwv hloov nwg chaw.
34Thaus Yaunpas tuag lawm, Husaas kws nyob
huv tebchaws Temaas ua vaajntxwv
hloov nwg chaw.
35Thaus Husaas tuag lawm, Npedas tug tub Hadas,
(Npedas yog tug moog tua yeej cov tuabneeg
Midias huv lub tebchaws
Mau-am,) lug ua vaajntxwv
hloov nwg chaw.
Nwg lub nroog hu ua Avithas.
36Thaus Hadas tuag lawm, Xamelas kws nyob
huv Malekas ua vaajntxwv hloov nwg chaw.
37Thaus Xamelas tuag lawm, Sa-ules kws nyob
huv Lehaunpaus, peg lub hauv dlej Efalates
ua vaajntxwv hloov nwg chaw.
38Thaus Sa-ules tuag lawm, Anpaus tug tub
Npa-aas Hanas, ua vaajntxwv hloov nwg chaw.
39Thaus Anpaus tug tub Npa-aas Hanaas tuag lawm,
Hadas ua vaajntxwv hloov nwg chaw.
Nwg lub nroog hu ua Pa-us, (nwg tug quaspuj
hu ua Mehetanpees,
yog Matales tug ntxhais hab yog Mexahas
tug ntxhais xeebntxwv.)
40Cov nuav yog cov thawjcoj kws yog Exaus cov xeebntxwv, lawv le puab caajceg tsev tuabneeg, puab tej chaw nyob, hab puab tej npe: Teenas, Alevas, Yethes, 41Auhaulinpamas, Elames, Pinoos, 42Kenas, Temaas, Minpaxales, 43Makediyees hab Ilames. Cov nuav puavleej yog cov tuabneeg Edoos cov thawjcoj.
Currently Selected:
Chivkeeb 36: HNJ2000
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.
