SINDING 3
3
Sambayang do Dongkosuabon
1Sinding di Daud do tontok di minogidu' iyau do mantad id di Absalom, i tanak dau.
2Oi Tuhan, ogumu' no kopio o pisangod ku,
om ogumu' tomod o sumaap doho'!
3Om mimboros po iyolo' dot id doho' do poingkaa,
“A' no iyau'd Kinorohingan uhupan,” ka no diyolo'.
4Nga' iya' no, oi Tuhan,
o ponokokolid ku do mongintirung doho' do mantad id koligagaanan,
om onuan oku i' diya' do kamanangan
om popokoris ko do ginawo ku.
5Lumohou oku diya', oi Tuhan, do mokiuhup diya',
om simbaron oku i' diya' do mantad hino'd nuluhon nu dit olidang.
6Lii oku nod minodop,
om nintirungan oku id Tuhan do gisom do nosuaban.
7A' oku i' moddosi di pisangod ku do rinibuan piya o kogumuo'
do tuminutuk do posorili' doho'.
8Rikot no, oi Tuhan, posio' oku no,
oi Kinorohingan ku!
Hukumai no o koinsanai di pisangod ku,
om a' i' iyolo' milo do pokoruol doho'.
9Kamanangan nopo om mantad i' dot id diya', oi Tuhan,
om barakatan nu i' o tulun nu.
Currently Selected:
SINDING 3: BDK
Highlight
Share
Copy
Want to have your highlights saved across all your devices? Sign up or sign in
Hakcipta © 2007, Pertubuhan Bible Malaysia Copyright © 2007, Bible Society of Malaysia
