KINAWANSAYAN 28

1Om lohowo' no di Isak i Yakub, om suwau no iyau dau, om boro-boros noddi do poingkaa, “Kada' nogi' kopio panansawo do tondu' do Kanaan. 2Nga' mongoi nogi' do hilo'd Misopotamia do mongoi do hiri'd walai di Botuil, i taki nu. Om kowinon nogi' ot iso' di tanak di Laban, i tamanon nu. 3Om maha' daa om barakatan do Kinorohingan dit Agayo Kopio o Kuasa', o pisasawaan dokoyu, om onuan ko dau do tanak dot ogumu', om osiliu ko i' do taki-aki dot ogumu' o bansa'. 4Maha'#Kwn. 17.4-8 daa om barakatan ko do Kinorohingan, om iri nogi' i sinakagon nu nga' barakatan i' dau do miagal di pinamarakat dau di Abraham. Om maha' daa om asanganu nu iti tana' do kinoiyonon nu, tu' iti no o pinatahak do Kinorohingan dot id di Abraham,” ka dau. 5Om suhuo' noddi di Isak i Yakub do kuminaa do hilo'd Misopotamia do mongoi do hilo'd di Laban, i tanak di Botuil, i tulun dot Aram diri, i tobpinai di Robika, i tina' diyo Yakub di Isau.

Minanansawo Kawagu i Isau

6Om koilaai noddi di Isau do nabarakatan no di Isak i Yakub, om nosuhu' nod minongoi do hilo'd Misopotamia do mongoi pogihum do tondu' do hilo', do kowinon dau. Om noilaan nogi' di Isau do tontok nopo di binarakatan di Isak i Yakub om noduhan di Isak i Yakub do manansawo do tulun do Kanaan. 7Om koilaai noddi di Isau do tuminanud i Yakub di boros di tapa' om tina' dau, om nokoongoi noddi i Yakub do hilo'd Misopotamia. 8Om koilaai nogiddi di Isau dot a' orohian i Isak do tongoondu' do Kanaan. 9Om ongoi noddi i Isau do hilo'd di Ismail i tanak di Abraham, om kowino' no dau i tanak di Ismail, i roitan dot i Mahalat, i tadi' di Nibayot.

Nipi di Yakub do Hilo'd Baitol

10Om tongkiad noddi i Yakub do mantad hilo'd Borsiba om pamanau no iyau do kuminaa do hilo'd Haran. 11Om korikot no iyau dot id iso' o kinoiyonon#28.11 iso' o kinoiyonon; ko': iso' o kinoiyonon dot olidang. di tumonob o tadau, om undorong no iyau do hiri. Om lii no iyau do minodop do poulunan dot iso' o watu. 12Om#Yoh. 1.51 pongipi no iyau do haro nogi' o tiso' o tukad do poinsungkad do hiti'd pomogunan om poirrikot do hilo'd tawan, om okito nogi' dau do haro o piro-piro moloikat do sumalakoi om lumintuhun di tukad diri. 13Om#Kwn. 13.14-15 hino nogi' o Tuhan do poingkakat do hiri'd toning dau.#28.13 poingkakat do hiri'd toning dau; ko': poingkakat do hiri'd tukad. Om boros ka nogi' do Tuhan, “Iyoho' no o Tuhan, i Kinorohingan di tukuon di Abraham om i Isak. Patahakon ku indo dot id diya' om id sinakagon nu iti tana' do pasagalai diti nodopon nu. 14Kogumuon#Kwn. 12.3, 22.18 nopondo do sinakagon nu om miagal pod pupuk do tana' do hiti'd pomogunan. Om paraladon nondo diyolo' i tana' diyolo' do poingkaa ponong id koulayon, om kotonobon, om utara om salatan. Om iya' nondo om i sinakagon nu o pawayaan ku do barakat do patahakon dot id koinsanai'd bansa'#28.14 do pawayaan koinsanai'd bansa'; ko': oinsanan nopondo o bansa' do mokibarakat doho' do miagal di pinamarakat ku diya' om i sinakagon nu. do hiti'd pomogunan. 15Ilaai no do manud-tanud oku i' kasai' diya', om hinonggo nopo o tongoyon nu nga' intirungan kasai' ku i' iya' om pogulion tiya' i' kawagu do hiti'd pomogunan diti. A' oku i' tumongkiad diya' dot a' ku po ongowonsoi i pinabatos ku diya',” ka nogi' do Tuhan.

16Om koposik no i Yakub om boros kaddi dau, “Haro pama o Tuhan do hiti'd kinoiyonon diti! A' ku i' daa noilaan do hiti iyau! Nga' noilaan ku nogiddi do hino iyau'd hiti,” ka dau. 17Om ooris tomod diri iyau, om boros ka dau, “Kotompurolosi i' pama kopio o kinoiyonon diti, tu' walai i' pama do Kinorohingan o hiti, om iti no pama kopio i wayaan do kumaa do hilo'd surga,” ka dau.

18Om tungag noddi i Yakub dit osuab po di kosuabon, om onuo' no dau i watu di nulunan dau, om poudongo' no dau do hiri do maan do kopomuhandaman. Om tuntugai noddi dau do tumau do saitun ot id timpak di watu'ddi, do koilaan do nokotobilang iri do patahakon dot id Kinorohingan. 19Om pungaranai no dau o kinoiyonon diri do Baitol.#28.19 Baitol: Komoyon nopod ngaran diti do boros dot Ibrani om “walai'd Kinorohingan”. (Ngaran nopo daa di kinoiyonon diri di gulu po om Lus.) 20Om sumpa' nogiddi i Yakub dot id Tuhan, “Ondung manud-tanud ko doho' om mongintirung ko doho' do solinaid ku do manau-panau, om manahak ko doho' do takanon om pakayan, 21om ondung osonong-sonong oku do koguli' kawagu do hilo'd walai di tapa' ku, om iya' no ot osiliu do Kinorohingan ku. 22Om iti nopondo watu do pinoudong ku, om osiliu nondo do tiyonon do sumambayang dot id diya', om patahakon ku diya' o sompihopod do koinsanai di patahakon nu doho',” ka dau.

Currently Selected:

KINAWANSAYAN 28: BDK

Highlight

Copy