یوحنا 16

1‏«‏مِن سیزه بو زاتلاری ایماندان دَنمِزلیگینگیز اوچین آیتدیم.‏ 2سیزی کِنیسه‌لِردِن کُوارلار.‏ شِیله بیر زامان گِلِر، سیزی اُلدورمِک بیلِن هِر بیر کیشی خودایا خیدمات اِدیَندیرین دییّپ گومَن اِدِر.‏ 3اُلار بو ایشلِری آتا بیلِن مِنی تانیمییاندیقلاری اوچین اِدِرلِر.‏ 4بولاری مِن سیزه حَضیردِن آیدیپ قُییارین.‏ واقتی گِلِنده، بولاری سیزه آیداندیغیمی یادینگیزا سالارسینگیز.‏

مُقادِّس روحونگ خیدماتی

‏«‏سیزه بولاری اُزال-باشدا گورّونگ بِرمِدیم، سِبَبی اُزوم سیزینگ بیلِن بیلِدیم.‏ 5ایندی بُلسا مِن اُزومی ایبِرِنینگ یانینا گیدیَرین.‏ سیزینگ هیچ بیرینگیز مِندِن:‏ ‏”‏نیرَه گیدیَرسینگ؟“‏ دییّپ سُرامایارسینگیز.‏ 6مونگا دِرِک بو زاتلاری آیدانیم اوچین سیزینگ یورِگینگیز قایغی-غاما باتدی.‏ 7اِمّا مِن سیزه حاقیقاتی سُزلِیَرین:‏ مِنینگ گیتمِگیم سیزینگ اوچین پِیدالیدیر.‏ مِن گیتمِسِم، حِمایاتچی سیزه گِلمِز و گیتسِم، اُنی سیزه ایبِرِرین.‏ 8حِمایاتچی گِلِن واقتی دونیَه‌نینگ گونَه، عادالات و حُکوم باباتدا ناحاقدیغینی بِلّی اِدِر.‏ 9گونَه باراداقی حاقیقات شوندان عیبارات:‏ آداملار مانگا ایمان گِتیرمِیَرلِر.‏ 10عادالات باباتدا بُلسا، مِن آتامینگ یانینا گیدیَرین و موندان بِیلَک سیز مِنی گُرمِرسینگیز.‏ 11حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

12‏«‏سیزه آیتجاق یِنه کَن زاتلاریم بار، اِمّا موندان آرتیغی فیکرینگزه سیغماز.‏ 13اِمّا حاقیقات روحی گِلِن واقتی سیزی هِمّه حاقیقاتا آلیپ گیدِر.‏ اُل اُز-اُزوندِن کِپلِمِز، نَمه اِشیتسه، شُنی کِپلَر و گِلجِک زاتلاری سیزه اَشکَر اِدِر.‏ 14اُل مِنی بِییکلِندیرِر، سِبَبی مِندِن اِشیدِن زاتلارینی سیزه اَشکَر اِدِر.‏ 15آتامینگ هِمّه زاتلاری مِنینگکیدیر.‏ شُنونگ اوچین مِندِن اِشیدِن زاتلارینی سیزه اَشکَر اِدِر دییدیم.‏ 16آز واقتدان سُنگ، سیز مِنی گُرمِرسینگیز، اِمّا کَن واقت گِچمَنکَه، یِنه مِنی گُرِرسینگیز.‏»‏

قایغینگیز شاتلیغا اُورولِر

17شُندا عیسانینگ کَبیر شَگیرتلِری بیری-بیرینه:‏ ‏«‏اُنونگ:‏ ‏”‏آز واقتدان سُنگ مِنی گُرمِرسینگیز، اِمّا کَن واقت گِچمَنکَه، یِنه مِنی گُرِرسینگیز“‏، شِیله هِم:‏ ‏”‏مِن آتامینگ یانینا گیدیَرین“‏ دییِن سُزلِری نَمه دوشوندیریَرکَه؟»‏ دییّشدیلِر.‏ 18اُلار سُزونی دُوام اِدیپ، یِنه-ده:‏ ‏«‏آز واقتدان سُنگ دییدیگی نَمِکَه؟ اُنونگ نَمه دییمِکچی بُلیانینا بیز-اَ دوشونمِیَریس»‏ دییدیلِر.‏

19عیسی اُزونه سُراق بِرمِک ایسلِیَندیکلِرینی بیلیپ، شِیله دییدی:‏ ‏«‏آز واقتدان سُنگ مِنی گُرمِرسینگیز، اِمّا کَن واقت گِچمَنکَه، یِنه مِنی گُرِرسینگیز دییَّنیم اوچین بیری-بیرینگیزه سُراق بِریَرسینگیزمی؟ 20سیزه دُغروسینی آیدیارین، سیز آغلاپ یاس توتارسینگیز، دونیَه بُلسا شاتلانار.‏ سیز قایغا باتارسینگیز، یُنه قایغینگیز شاتلیغا اُورولِر.‏ 21آیال دُغورجاق واقتی آغیری چِکیَندیر، سِبَبی آیی-گونی دُلاندیر.‏ اِمّا چاغا دُغاندان سُنگ، اُل چاغانینگ دونیَه اینِنلیگینینگ شاتلیغی بیلِن قایغی-غوصّانی اونودار.‏ 22سیز هِم شِیلِسینگیز، حَضیر غام-غوصّا چِکیَرسینگیز، اِمّا مِن سیزی یِنه گُرِرین، شُندا گُونونگیز خوشبُلار، هیچ کیم سیزدِن شاتلیغینگیزی آلیپ بیلمِز.‏ 23شُل گون مِندِن هیچ زات سُرامارسینگیز.‏ سیزه دُغروسینی آیدیارین، مِنینگ آدیم بیلِن آتادان نَمه دیلِسِنگیز، اُل سیزه بِرِر.‏ 24شو واقتا چِنلی سیز مِنینگ آدیمدان هیچ زات دیلِمِدینگیز.‏ دیلَنگ، آلارسینگیز، شاتلیغینگیز دُلوپ-آقار.‏

25‏«‏مِن بو زاتلاری سیزه میثال‍لار بیلِن آیتدیم، یُنه واقت گِلِر، مِن میثال‍لار بیلِن کِپلِمَن، آتام بارادا آچیق گورّونگ بِرِرین.‏ 26شُل گون آتامدان مِنینگ آدیم بیلِن اُزونگیز دیلَرسینگیز.‏ مِن سیزینگ اوچین آتامدان دیلِمِگیمینگ حاجاتی بُلماز.‏ 27چونکی آتامینگ اُزی سیزی سُییَر، سِبَبی سیز مِنی سُیوپ، مِن خودایدان گِلِندیگیمه ایناندینگیز.‏ 28مِن آتامینگ یانیندان قایدیپ، دونیَه گِلدیم.‏ ایندی بُلسا دونیَه‌نی تِرک اِدیپ، آتامینگ یانینا باریارین.‏»‏

29عیسانینگ شَگیرتلِری اُنگا:‏ ‏«‏اینه، ایندی سِن هیچ بیر میثالسیز، آچیق آیدیارسینگ.‏ 30سِنینگ هِمّه زاتلاری بیلیَندیگینگه بیز ایندی دوشوندیک.‏ سانگا سُراق بِرمِگینگ گِرِگی یُق.‏ ایندی بیز سِن خودایدان گِلِندیگینگه اینانیاریس»‏ دییدیلِر.‏ 31عیسی اُلارا:‏ ‏«‏ایندی چیندان اینانیارسینگیزمی؟ 32اینه، واقت گِلِر، اِییَم گِلدی هِم، هِمَّه‌نگیز اُیلِرینگیزَه پیتراپشیپ گیدِرسینگیز.‏ مِنی یِکه قُیوپ گیدِرسینگیز.‏ اِمّا مِن یِکه دَلدیرین، سِبَبی آتام مِنینگ بیلِندیر.‏ 33بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

Currently Selected:

یوحنا 16: TUKIR

Highlight

Copy