रोमी 9
9
परमेश्वरले छान्नुभएको जाति
1अब मैले भन्न लागेका कुरा सत्य छन्। म ख्रीष्टको हुँ र झूटो बोल्दिनँ। पवित्र आत्माको अधीनमा रहेको मेरो विवेकले पनि म ढाँट्दिनँ भनेर साक्षी दिन्छ। 2मेरा प्यारा इस्राएली दाजुभाइहरूका लागि मेरो हृदयमा धेरै दु:ख र पीडा छ। 3मैले ख्रीष्टबाट अलग हुने श्राप पाएर मेरा इस्राएली दाजुभाइहरूचाहिँ बाँच्ने भए म खुसी हुने थिएँ। उनीहरू बाँचून् भन्ने मात्र मेरो ठूलो इच्छा छ। 4#प्रस्थान 4:22यिनीहरू इस्राएली हुन् र परमेश्वरले यिनीहरूलाई आफ्ना छोरा-छोरी बनाउनुभयो। उहाँले आफ्नो महिमा तिनीहरूलाई प्रकट गर्नुभयो। यिनीहरूसँग नै करार बाँध्नुभयो, व्यवस्था दिनुभयो, आफ्नो सेवा पनि गर्न सिकाउनुभयो, उहाँका प्रतिज्ञाहरू तिनीहरूले पाए। 5इस्राएलीहरू आफ्ना प्रसिद्ध पुर्खाहरूका सन्तान हुन्, ख्रीष्ट आफैं पनि यही जातिमा जन्मनुभयो। उहाँ त सबैमाथि राज्य गर्ने परमेश्वर नै हुनुहुन्छ। उहाँको सधैँभरि प्रशंसा होइ रहोस्। आमेन।
6के परमेश्वरले तिनीहरूलाई गर्नुभएका प्रतिज्ञाहरू नै विफल भए र? होइन, कारण इस्राएलमा जन्मिए भन्दैमा सबै जना पक्का इस्राएली नै हुन् भन्न सकिंदैन। अब्राहामका सबै सन्तानहरू नै परमेश्वरले प्रतिज्ञा गरेका सन्तान होइनन् 7#उत्पत्ति 21:12किनभने अब्राहामका दुई छोरा भए पनि परमेश्वरले भन्नुभएको थियो, “इसहाकबाट भएका सन्तान मात्रै तिम्रा सन्तान हुनेछन्,।” 8यसको अर्थ अब्राहामका सबै सन्तान परमेश्वरका छोरा-छोरी होइनन्। तर परमेश्वरले दिन्छु भनेर प्रतिज्ञा गरेका छोरा-छोरी मात्रै अब्राहामका सन्तान हुन् 9#उत्पत्ति 18:10किनभने परमेश्वरले यसरी प्रतिज्ञा गर्नुभएको थियो, “तोकिएको बेला म आउँदा तिम्री जहान साराको छोरो हुनेछ,।”
10यति मात्र होइन, रिबेकाले पनि हाम्रा पुर्खा इसहाकबाटै जुम्ल्याहा छोराहरू जन्माइन्। 11-13#उत्पत्ति 25:23#मलाकी 1:2,3तर जुम्ल्याहाहरू पेटमै हुँदा र तिनीहरूले राम्रो-नराम्रो कुनै काम गर्नुअघि नै परमेश्वरले जुम्ल्याहाहरूमा एक जनालाई चुनेर रिबेकालाई भन्नुभयो, “दाजुचाहिँले भाइको सेवा गर्नेछ।” परमेश्वरले भनेझैँ धर्मशास्त्रमा लेखिएको छ, “मैले याकूबलाई माया र एसावलाई घृणा गरें,।” यसरी परमेश्वरको छान्ने काम मानिसहरूको काम हेरेर होइन तर उहाँको आफ्नो इच्छाअनुसार हुन्छ भनी उहाँले पक्का गर्नुभयो।
14त्यसो भए हामीले के भन्ने? के परमेश्वर अन्यायी हुनुहुन्छ त? कदापि होइन! 15#प्रस्थान 33:19किनभने उहाँले मोशालाई भन्नुभयो, “जसको मलाई दया लाग्छ, त्यसैलाई म दया गर्छु र जसलाई म टिठ्याउन चाहन्छु, त्यसैलाई म टिठ्याउनेछु,।” 16यसकारण परमेश्वरले मान्छेको इच्छा वा चेष्टाले उसलाई बोलाउनुभएको होइन तर आफ्नै दयाले पो हो। 17#प्रस्थान 9:16धर्मशास्त्रले एक जना मिश्री राजा फारोको बारेमा पनि यस्तै भन्छ, “तिमीलाई बोलाएर मेरो शक्ति देखाउने अनि पूरा संसारभरि मेरो नाउँ चलाउने उद्देश्यले नै मैले तिमीलाई राजा बनाएँ,।” 18यसो हुँदा परमेश्वरले जसलाई दया गर्न चाहनुहुन्छ, त्यसलाई दया गर्नुहुन्छ अनि जसलाई कठोर पार्न चाहनुहुन्छ, त्यसलाई कठोर पार्नुहुन्छ।
कुमाले र उसको भाँडा
19कसैले भन्ला, यसो हो भने किन परमेश्वरले मानिसलाई दोष लगाउनुहुन्छ त? तर परमेश्वरको इच्छालाई कसले रोक्न सक्छ? 20#यशैया 29:16; 45:9हे मानिस हो, हामीलाई परमेश्वरको विरोधमा बोल्ने केही हक छैन। माटाको भाँडाले किन मलाई यस्तो बनाएको भन्छ र? 21कुमालेले आफूले मुछेको माटोबाट आफ्नो इच्छाअनुसार भाँडा बनाउँछ। एउटै माटोको डल्लाबाट कुनैलाई एकदमै राम्रो काम लाग्ने र कुनैलाई मामुली खालको भाँडा बनाउने कुमालेको आफ्नो इच्छाको कुरा हो।
22त्यसै गरी परमेश्वरलाई पनि आफ्नो क्रोध र शक्ति देखाउने इच्छा छ तर उहाँले आफ्नो क्रोधको भाँडालाई जस्तै नाश गर्न सुहाउने मानिसलाई पनि धेरै सहेर बस्नुभयो। 23अनि उहाँले हामीलाई धेरै ठूलो शक्ति र महिमाको सम्पत्ति देखाउन चाहनुभयो। हामी उहाँको दया गरिने भाँडा भयौं। उहाँले हामी दया पाउनेहरूलाई आफ्नै ठूलो आदरको लागि तयार गर्नुभएको छ 24किनभने उहाँले बोलाउनुभएका हामीहरू नै हौं। उहाँले इस्राएलीहरूलाई मात्र डाक्नुभएन तर अन्यजातिका मानिसहरूलाई पनि डाक्नुभयो। 25#होशे 2:23परमेश्वरले भन्नुभएको कुरा होशे भन्ने अगमवक्ताले यसरी लेख्छन्–
“तिनीहरू मेरा मानिस नभए पनि
म तिनीहरूलाई मेरो प्रजा भनी बोलाउनेछु,
मैले माया नगरेकोलाई
‘मेरो मायालु’ भनी डाक्नेछु।”
26 #
होशे 1:10
अनि त्यही ठाउँमा यहूदीबाहेक अरू मानिसहरूलाई यस्तो भनियो,
“तिमीहरू मेरा प्रजा थिएनौ
तर अब जिउँदो परमेश्वरका सन्तान भनी बोलाइनेछौ,।”
27 #
यशैया 10:22,23 अनि यशैया नाउँ गरेका अर्का अगमवक्ताले इस्राएलीहरूका बारेमा यसो भन्छन्, “इस्राएलका मानिस समुद्रका बालुवाजत्तिकै धेरै भए पनि तिनीहरूमा थोरै मात्र बचाइनेछन् 28किनभने प्रभुले संसारलाई चाँडै सजाय दिएर सिध्याउनुहुनेछ,।” 29#यशैया 1:9यो पनि यशैयाले पहिले नै भनेका छन्, “यदि सर्वशक्तिमान् परमप्रभुले हाम्रा लागि केही सन्तान बाँकी नराख्नुभएको भए हामी इस्राएलीहरू परमेश्वरको सजायले सदोम र गमोराका मानिसझैँ नाश हुनेथियौं,।”
यहूदी र विश्वास
30मैले भन्न खोजेको कुरो यही हो। व्यवस्थापालन गर्न खोज्दै-नखोजी अन्यजातिका मानिसहरूचाहिँ विश्वासद्वारा नै परमेश्वरको सामु ठीक ठहरिए। 31तर इस्राएलीहरूले चाहिँ व्यवस्था पालन गरेर परमेश्वरको सामु ठीक ठहरिन धेरै कोसिस गरे तैपनि असफल भए 32किनभने तिनीहरूले विश्वास नगरीकनै धर्म-कर्म मात्र गरेर परमेश्वरसँग ठीक ठहरिन खोजेका थिए। यसरी धर्म-कर्म गर्न खोजेर तिनीहरूले ख्रीष्टबाट पाउने सित्तैको दानलाई विश्वास गर्नैसकेनन्। यसैकारण तिनीहरूका लागि ख्रीष्टचाहिँ ठेस लाग्ने ढुङ्गाझैँ हुनुभयो। 33#यशैया 28:16ख्रीष्टको बारेमा परमेश्वरले भनेझैँ धर्मशास्त्रमा पनि यस्तै लेखिएको छ–
“हेर, म सियोनमा ठेस लाग्ने ढुङ्गा र बाधा दिने पहरा राख्नेछु
र उहाँमा धेरै जना ठेस खाएर लड्नेछन्;
तर उहाँमा विश्वास गर्ने मानिसचाहिँ निराश हुनेछैन,।”
Currently Selected:
रोमी 9: सरल नेपाली
Highlight
Share
Copy
Want to have your highlights saved across all your devices? Sign up or sign in
Simple Nepali Holy Bible © Nepal Bible Society, 2008.
