Mark 10
10
Pasal Sarak
(Matthew 19.1-12; Luke 16.18)
1Jesus angkat ari endur nya, lalu mupuk ngagai menua Judea, enggau ngagai menua ti ngilah Sungai Jordan. Mayuh amat orang datai baru ngagai Iya, lalu endang baka selama, Iya ngajar sida.
2Orang Parisi datai deka nguji Iya. Ku sida nanya, “Kati laki tau muai bini?”
3Iya lalu nyaut sida, “Nama pesan Moses ngagai kita?”
4 #
U-dat 24.1-4; Mat 5.31. Ku sida, “Moses ngemendarka laki nulis surat sarak, lalu muai bini iya.”
5Tang ku Jesus bejaku ngagai sida, “Moses nulis pesan nya ke kita, laban kita kieh. 6#P-kal 1.27; 5.2. Tang kenyau ari penumbuh dunya, ‘Allah Taala ngaga mensia lelaki enggau indu.’ 7#P-kal 2.24. Ketegal nya, lelaki deka ninggalka apai indai iya, lalu begulai enggau bini iya,#10.7 lalu begulai enggau bini iya; Sekeda salin nadai tu. 8lalu seduai iya deka nyadi setubuh.’ Nya alai, seduai iya ukai dua iku agi, tang siku. 9Nya alai, nadai orang tau nyeraraka utai ti udah ditampilka Allah Taala.”
10Lebuh sida pulai baru ke rumah, sida murid nanya Iya baru pasal pekara nya. 11#Mat 5.32; Luk 16.18; 1 Kor 7.10-11; Rom 7.2-3. Lalu ku Iya bejaku ngagai sida, “Barang sapa muai bini, lalu jadi enggau indu bukai, butang ngelaban bini iya, 12lalu enti bini muai laki, lalu jadi enggau lelaki bukai, iya butang.”
Jesus Merekatka Bala anak mit
(Matthew 19.13-15; 18.13; Luke 18.15-17)
13Orang mai anak mit ngagai Jesus, ngambika Iya ngengkahka jari Iya atas sida. Sida murid lalu nganu orang nya. 14Tang lebuh Jesus meda nya, Iya pedis ati lalu bejaku ngagai sida murid Iya, “Awakka sida ke mit datai ngagai Aku. Anang nagang sida, laban Perintah Allah Taala diempu orang ke baka sida tu. 15#Mat 18.3. Enggau bendar Aku madah ngagai kita, barang sapa enda nerima Perintah Allah Taala baka anak mit, enda ulih tama ngagai Perintah nya.” 16#Mrk 9.36. Iya lalu merap sida anak mit nya, ngengkahka jari Iya atas sida, lalu merekatka sida.
Siku Orang Ke Kaya
(Matthew 19.16-30; Luke 18.18-30)
17 #
Luk 10.25; Mrk 1.40. Lebuh Jesus baru deka mupuk, siku lelaki belanda datai lalu besugang di mua Iya, lalu nanya, “Pengajar ti manah, nama utai ti enda tau enda dikereja aku ngambika aku bulih pengidup ti meruan belama iya?”
18Ku Jesus bejaku ngagai iya, “Nama kebuah nuan ngumbai Aku manah? Nadai orang ke manah. Semina Allah Taala siku aja manah. 19#P-sut 20.13; U-dat 5.17; P-sut 20.14; U-dat 5.18; P-sut 20.15; U-dat 5.19; P-sut 20.16; U-dat 5.20; P-sut 20.12; U-dat 5.16. Nuan nemu pesan: ‘Anang munuh orang; Anang butang; Anang ngenchuri; Anang betenahka orang; Anang nipu orang; Bebasaka apai indai nuan.’ ”
20Orang nya lalu nyaut, “Pengajar, semua pesan nya udah dititihka aku magang kenyau ari aku agi biak.”
21 #
Mat 6.20; Luk 12.33; SKR 2.45; 4.34-35. Jesus merening ngagai iya, rinduka iya, lalu bejaku ngagai iya, “Siti utai apin dikereja nuan. Mupuk nuan lalu jual semua utai ti dikemisi nuan, lalu beri ngagai orang ke seranta. Nya baru nuan bisi pengaya di serega. Udah nya titihka Aku.”
22Lebuh lelaki nya ninga nya, mua iya lalu bebali tusah lalu mupuk ari endur nya enggau ati ti balat tusah, laban iya kaya bendar.
23Jesus lalu malik kiba kanan, lalu bejaku ngagai sida murid Iya, “Mar amat meh orang ke kaya tama ngagai Perintah Allah Taala!”
24Sida murid tusah ati ninga nya, tang ku Jesus bejaku ngagai sida, “Anak, mar amat meh#10.24 Sekeda salin nambahka genteran: orang ke ngarapka pengaya tama ngagai Perintah Allah Taala! 25Nyamai agi jelu unta tama nengah lubang jarum ari orang ke kaya tama ngagai Perintah Allah Taala.”
26Sida lalu balat amat alit ati, lalu bejaku enggau pangan diri, “Enti pia, sapa ulih diselamatka?”
27Jesus merening ngagai sida, lalu bejaku, “Ba mensia, utai tu enda ulih, tang ba Allah Taala utai tu enda baka nya, laban ba Allah Taala semua utai ulih magang.”
28 #
Mrk 1.16-20. Peter lalu belabuh bejaku enggau Iya, “Peda Nuan, kami udah ninggalka semua utai, lalu nitihka Nuan.”
29Ku Jesus bejaku, “Enggau bendar Aku madah ngagai kita, nadai orang ke udah ninggalka rumah, tauka menyadi lelaki, tauka menyadi indu, tauka indai, tauka apai, tauka anak, tauka tanah, ketegal Aku, enggau ketegal Berita Manah, 30#Mat 6.33. enda nerima seratus kali lipat mayuh agi ba maya ti diatu -- rumah, menyadi lelaki, enggau menyadi indu, indai, anak, enggau tanah, sereta kena perinsa -- lalu dalam dunya ti deka datai, bulih pengidup ti meruan belama iya. 31#Mat 20.16; Luk 13.30. Tang mayuh orang ke dulu deka nyadi dudi, lalu orang ke dudi deka nyadi dulu.”
Jesus Bejaku Ketiga Kali Pasal Pemati Iya
(Matthew 20.17-19; Luke 18.31-34)
32Lebuh Jesus enggau bala murid Iya benung di rantau jalai mansang ngagai Jerusalem, Jesus bejalai dulu ari sida. Sida balat irau ati, lalu orang ke nitihka sida takut. Jesus mai sida ke dua belas iku ke tisi baru, lalu belabuh madah ngagai sida utai ti deka nyadi ba Iya. 33#Mrk 8.31; 9.12; 9.33. Ku Iya, “Dinga kita, kitai mansang ngagai Jerusalem, lalu Anak Mensia deka diserahka ngagai bala tuai imam, enggau ngagai bala pengajar Adat, lalu sida deka nuduhka Iya diukum bunuh. Udah nya sida deka nyerahka Iya ngagai orang bansa bukai 34ke deka beduan Iya, ngeludah Iya, nyipat Iya, lalu munuh Iya. Lalu tiga hari udah bekau nya, Iya deka angkat idup baru.”
Peminta James Seduai John
(Matthew 20.20-28)
35Udah nya James seduai John, anak Sebedi, datai ngagai Jesus, lalu bejaku, “Pengajar, kami duai bisi utai ti deka dipinta kami duai ari Nuan.”
36Iya lalu nanya seduai iya, “Nama utai ti dipinta seduai?”
37 #
Mat 19.28; Luk 22.30. Ku seduai iya, “Awakka kami duai enggau Nuan dalam Perintah Nuan, siku duduk ari kanan lalu siku ari kiba Nuan.”
38 #
Luk 12.50. Tang ku Jesus bejaku ngagai seduai iya, “Seduai enda nemu utai ti dipinta diri. Kati seduai ulih ngirup ari mangkuk ti diirup Aku, tauka dibaptisa ngena baptisa ti dikena maptisa Aku?”
39 #
SKR 12.2; Pem 1.9. “Ulih,” ku seduai iya nyaut.
Jesus lalu bejaku ngagai seduai iya, “Seduai deka ngirup ari mangkuk ti diirup Aku, lalu seduai deka dibaptisa ngena baptisa ti dikena maptisa Aku. 40Tang ukai Aku ke ngeletak sapa ke duduk muak ari kanan tauka ari kiba Aku. Penuduk nya endang disedia ke orang ke patut duduk dia.”
41Lebuh murid ke sepuluh iku ninga nya, sida lalu pedis ati ngagai James seduai John. 42#Luk 22.25-26. Jesus lalu ngangauka sida lalu bejaku ngagai sida, “Kita nemu, orang ke merintah orang bansa bukai, nekanka pengidup orang ke dipegai sida, lalu bala tuai sida merinsaka sida. 43#Mat 23.11; Mrk 9.35; Luk 22.26. Tang iya ukai baka nya ba bala kita. Barang sapa deka nyadi besai dalam bala kita, enda tau enda nyadi kuli kita, 44lalu barang sapa ari bala kita deka nyadi dulu, enda tau enda nyadika ulun semua kita. 45#1 Tim 2.5-6. Laban Anak Mensia ukai datai minta Diri dibela, tang ngambika Iya mela, lalu nyerahka nyawa Diri kena nebus orang mayuh.”
Jesus Ngeraika Bartimius Ke Buta
(Matthew 20.29-34; Luke 18.35-43; Mark 8.22-26)
46Sida lalu datai di Jeriko, lalu lebuh Jesus deka mupuk ari nengeri nya enggau sida murid Iya, sama enggau orang mayuh, siku orang ke benama Bartimius anak Timius, ke buta sereta seranta, duduk ba tisi jalai. 47#Mat 9.27. Lebuh iya ninga orang nya Jesus ari Nasaret, iya lalu belabuh ngangau enggau nyawa ti inggar, “Jesus, Anak David! Kasihka aku!”
48Mayuh orang balat amat ngasuh iya badu agi ragak. Tang iya ngangau inggar agi, “Anak David, kasihka aku!”
49Jesus ngetu lalu bejaku, “Kangauka iya kitu.”
Sida lalu ngangauka iya. Ku sida bejaku ngagai iya, “Anang tusah ati! Angkat nuan. Iya ngangauka nuan.”
50Orang ke buta nya lalu ngesaika serayung iya, engkejuk angkat, lalu bediri di mua Jesus.
51Jesus lalu bejaku ngagai iya, ku Iya, “Nama utai ti diasuh nuan kereja Aku ke nuan?”
Iya lalu bejaku ngagai Jesus, “Pengajar,#10.51 Dalam jaku bansa Aram: Rabbouni awakka aku ulih meda baru.”
52 #
Mat 9.22; Mrk 5.34; Luk 7.50; 8.48; 17.19. Ku Jesus bejaku ngagai iya, “Mupuk nuan, pengarap nuan udah ngeraika nuan.”
Tekala nya iya lalu ulih meda, lalu nitihka Jesus.
Currently Selected:
Mark 10: BK
Highlight
Share
Copy
Want to have your highlights saved across all your devices? Sign up or sign in
Hakcipta © 2011, The Bible Society of Malaysia
Copyright © 2011, The Bible Society of Malaysia
