यूहन्ना 2
2
काना सहरने ङ्येन्जे भत्यार्
1सोम्म्यानीदे गालीलजे काना सहरने ङ्येन् ख्य। येशूजे मये हैयाने ख्य। 2हम्ब ङ्येन्ने येशू मेस्ये ङूजे स्यूस्स्यायूनेये निम्तो पीनख्य। 3अङ्गुरजे ची जेङ्कङ्येदे येशूजे मदे ङूने यदे, “थमयूप्रे अङ्गुरजे ची जेङ्कदे।”
4येशूदे ङूने यदे, “ओ माइ, ङैदे च चे पर्दे ङैने अन्-यलाची। ङैजे काम चेब बील अझ अन्र।’ 5ङूजे मदे त्वोयूने यदे, “ङूदे च येको, हम्बने ची।”
6जेम्से यहूदीयूजे शुद्ध क्यूरब छ्यप्जे लागि हैयाने सैत्या सैत्या लिटर प्रब लूङ्जे फूम् र्वामे यीते ख्य। 7येशूदे थमयूने यदे, “हम्ब फूम्यूने क्यू सेम् पूई।” थमयूदे फूम्जे लसेमेने क्यू पूत्दे।
8येशूदे थमयूने यदे, “अम्ब छीत्या ह्वोदेबे भत्यार्जे मूख्याने कूप।” थमयूदे छीत्या कूदीदेबे ङूने म्यङ्से पीन्दे। 9भत्यार्जे मूख्यादे हम्ब क्यू म्यङ्दे, हम्ब क्यू ची क्यूरे ख्य। हम्ब केर्दे रेत्दे यदेबे ङूने था त्व ख्य, तर क्यू सेम् फ्याला चेब त्वोयूनेब था ख्य।
होर्दे भत्यार्जे मूख्यादे दूलने कोदेबे यदे, 10“सूदेनेयली खूम् सोरो ज्य ची पीन्क्य होर्दे मीयूदे कूम थूङ जेनङ्येदेम छीत्या अन्ज्य ची पीन्क्य। तर नदे सोरो ज्य ची चूजोसेमेने येन्नटोङ्।”
11येशूदे चेब च्यूनूयू नङ्ने अम्ब पात्ता खूम्जे च्यूनू ङूदे गालीलजे कानाने चीत्दे। येर्बे चीत्देबे ङूदे रङ्सेजे महिमा तम्मीदे, होर्दे ङूजे स्यूस्स्यायूदे ङू फ्याने विश्वास चीत्दे।
येशूदे मन्दिर शुद्ध चेब
मत्ती २१:१२-१३; मर्कूस ११:१५-१७; लूका १९:४५-४६
12 #
मत्ती 4:13
होर्देङ्येदे ङू रङ्से म, च्योन्यू मेस्ये स्यूस्स्यायूप्रे कफर्नहुमने गीलीदे मेस्ये हैयाने तेदिन टूङ्दे।
13 #
प्रस्थान 12:1-27
यहूदीयूजे निस्तार दीन्बर ट्याने र ख्य, मेस्ये येशू यरूशलेमने गीलीदे, 14ङूदे मन्दिरने लप्, स्वान् मेस्ये धोङ्र सोङब मीयू मेस्ये कूर्चीने टूङ्देबे नोर् स्योल्नब मीयू तङ्दे। 15होर्दे थबजे कोर्रा त्या बन्दीदे ङूदे मीयू क्वानेने, थमयूजे स्वान्यू मेस्ये लप्यू मन्दिरजे फीने ताल्पीदे, मेस्ये नोर् स्योल्मेबयूजे नोर् ढ्याक्यू थर्पीदे होर्दे टेबलयू पून्छ्याल चीप्पीदे। 16धोङ्र सोङब मीयूने ङूदे यदे, “अन्-यादे अम्ब सेयू साप्ताने कूप। ङैजे पजे कीम्ने कीन-सोङ चेब कीम् अन्चील्लाची।”
17 #
भजनसंग्रह 69:9
ङूजे स्यूस्स्यायूदे धर्मशास्त्रने लिख्दीयेब अम्ब पो ह्वेरदे, “नैजे कीम्जे मायादे ङैजे सेम् मीप्र ब्ल्याङ्क्य।”
18यहूदीयूदे ङूने लोत्दे, “नने अम्ब काम चेब हक ख्यङ् यलो अम्बजे लागि ङीने च्यूनू च तन खूइया?”
19 #
मत्ती 26:61; 27:40; मर्कूस 14:58; 15:29 येशूदे थमयूने जवाफ पीन्दे, “अम्ब मन्दिरने हूल्बी मेस्ये ङ अम्ब सोम्म्यानेने बन्दीय।”
20होर्दे यहूदीयूदे यदे, “अम्ब मन्दिर बन्देने ङ्यील्लङ्दे वर्ष र्वा लादीदे, मेस्ये नदे च सोम्म्यानेने बन्दे खूइया?” 21तर कम्ब मन्दिरजे बारेने येशूदे य ख्य, हम्ब ङूजे ङ्वजे बारेने ख्य। 22कन्छ्वाब येशू सीइदेबे फेरि सोम्बो क्यूत्देबे लङ्दे, हन्छ्वाब येशूदे येयेब अम्ब पो स्यूस्स्यायूदे ह्वेरदे, मेस्ये थमयूदे धर्मशास्त्रने मेस्ये येशूदे क्यमब वचनने विश्वास चीत्दे।
23कन्छ्वाब ङू निस्तार दीन्बर भात्यार्जे बीलने यरूशलेमने ख्य, हन्छ्वाब ङूदे कूम हार्मन्देब कामयू चेब तङ्देबे कूम मीयूदे ङूजे मीन्ने विश्वास चीत्दे। 24तर येशूदे थमयूजे भर् अन्ची चेनेयलो ङूदे मीयू क्वाने चेलाबे स्येख्य। 25कम्ब मीजे बारेने सूदेये ङूने स्योम्मे अम्पर्ते ख्य, चेनेयलो मीजे सेम् नङ्ने च ख्यङ् हम्ब ङूदेने स्ये ख्य।
Currently Selected:
यूहन्ना 2: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
