جٜکَرِيَ 14
14
عُرُسَلِيمَ عٜ عُمَّاتٛوجٜ غٛطّٜ
1ندَا، ࢩَلَادٜ جَوْمِرَاوٛ طٛنْ وَرَ، عٛنٛنْ جٛوطِيࢡٜ حَا عُرُسَلِيمَ؞ ࢡٜشٜنْدَنْ مَرْدِ مٛنْ يٜىٰسٛ مٛوطٛنْ؞ 2جَوْمِرَاوٛ مٛوࢡْتَنْ يِمْࢡٜ عُمَّاتٛوجٜ ڢُو حَا عُرُسَلِيمَ نغَمْ کٛنُ؞ ࢡٜࢩَامَ بٜرْنِوٛلْ، ࢡٜمبِلَ شُوطِ، ࢡٜتٛسْکِنَ رٜوْࢡٜ؞ رٜىٰتَ جٛوطِيࢡٜ ندٜرْ بٜرْنِوٛلْ ࢡٜ ندَحٜتٜىٰࢡٜ، عَمَّا لُتَّنْࢡٜ نَتَّتَا ندٜرْ بٜرْنِوٛلْ؞ 3ندٜنْ جَوْمِرَاوٛ وُرْتٛتٛ، حَࢡَنْ بٜى عُمَّاتٛوجٜ طٜعٜ، بَنَ عٛوٛووْرِ حَࢡُغٛ ندٜرْ ࢩَلَادٜ حَࢡْرٜ؞ 4ࢩَلَادٜ مَنْ کٛسْطٜ مَاکٛ ندَرٛتٛ دٛوْ حٛوسٜىٰرٜ جَيْتُنْجٜ، کٛمْبِ عُرُسَلِيمَ، غَلْ ڢُونَانغٜ؞ حٛوسٜىٰرٜ جَيْتُنْجٜ سٜىٰکَنْ شَکَ شَکْ، وَادِوٛلْ مَنغٛلْ مَسِنْ وَنغَنْ غَلْ ڢُونَانغٜ دِلَّ حِيرْنَانغٜ؞ رٜىٰتَ حٛوسٜىٰرٜ دَايٛتٛ غَلْ وٛيْلَ، رٜىٰتَ ڢٜىٰرٜ بٛو غَلْ ڢٛمْبِنَ؞ 5عٛنْ ندٛغَّنْ غَلْ وَادِوٛلْ شٜىٰکْنغٛلْ شَکَ تٛوْندِيجٜ غٛ، نغَمْ نغٛلْ يٛتّٛتٛ عَسَلْ؞ عٛنْ ندٛغَّنْ بَنَ کَاکِرَاࢡٜ مٛوطٛنْ ندٛغِّرْنٛ دَلِيلَ دِمْبَاکِ لٜسْدِ ندٜرْ زَمَنُ عُزِّيَ، لَامِيطٛ يَحُودَ؞ ندٜنْ اَللَّه جَوْمِرَاوٛ عَمْ وَرْدَنْ بٜى سٜنِيࢡٜ مُوطُمْ ڢُو؞ 6ࢩَلَادٜ مَنْ جَيْنغٛلْ عٜ جَانغٛلْ عٜ مَلِّمَلّٛوجٜ نغٛنَتَا#14:6 عَايَارٜ ندٜعٜ سَطِ ڢَامٜىٰغٛ؞؞ 7ندٜ لَاتٛتٛ ࢩَلَادٜ ڢٜىٰرٜىٰرٜ؞ جَوْمِرَاوٛ تَنْ عَنْدِ ندٜ؞ ندٜ وَلَا ࢩَلَوْمَ، نٛنْ بٛو جٜمَّ؞ عَمَّا کٛو کِيکِيطٜ بٛو، جَيْنغٛلْ لَاتٛتٛ؞ 8ࢩَلَادٜ مَنْ ندِيَمْ ندٛکَّنْطَمْ نغٜىٰندَمْ ࢡُلٛيَنْ دِغَ عُرُسَلِيمَ؞ رٜىٰتَ مَاجَمْ عِلَنْ حَا مبٜىٰلَ ڢُونَانغٜ، رٜىٰتَ بٛو حَا مبٜىٰلَ حِيرْنَانغٜ؞ طَمْ تٛکّٛتٛ عِلُغٛ ندُنغُ عٜ شٜىٰطُ#عٜزٜکِيٜلْ 47:1؛ يُحَنَّ 7:38؛ وَحَيُ يُحَنَّ 22:1؞؞ 9ندٜنْ جَوْمِرَاوٛ لَامَنْتٛ دُنِيَارُ ڢُو؞ سَاعِ مَنْ کَنغْکٛ تَنْ وٛنَتَ جَوْمِرَاوٛ، وَلَا غٛطّٛ مَرَنْ عِنْدٜ ندٜعٜ؞ 10لٜسْدِ تَارِيندِ عُرُسَلِيمَ ڢُو لَاتٛتٛ يَيْرٜ، دِغَ غٜبَ حَا يٛتّٛ رِمّٛنْ حَا ڢٛمْبِنَ عُرُسَلِيمَ؞ عَمَّا بٜرْنِوٛلْ عُرُسَلِيمَ تٛوْتَنْ، نغٛلْ تَبِتَنْ حَا نٛکُّورٜ مُوطُمْ؞ نغٛلْ يَاجَنْ دِغَ دَمُّغَلْ بٜنْيَمِنْ حَا يٛتّٛ بَبَلْ دَمُّغَلْ کِيطْنغَلْ عٜ دَمُّغَلْ تٛلْدُ، دِغَ سُودُ حَنَنِيٜلْ تٛوْندُ حَا يٛتّٛ ࢡِطِّرْدٜ لَامِيطٛ؞ 11يِمْࢡٜ نجٛوطٛتٛ تٛنْ، نَتِّنْکِ مٜىٰتَتَا لَاتَاغٛ، يِمْࢡٜ عُرُسَلِيمَ نجٛوطٛتٛ جَمْ#وَحَيُ يُحَنَّ 22:3؞؞
12ندَا مَسِيبٛوجِ طِ جَوْمِرَاوٛ عُکَّنْتٛ يِمْࢡٜ عُمَّاتٛوجٜ حٛنِيࢡٜ عُرُسَلِيمَ ڢُو: عٛࢩٛلْنَنْ کُسٜلْ ࢡَلِّ مَࢡّٜ دِغَ ࢡٜطٛنْ ندَرِ دٛوْ کٛسْطٜ مَࢡّٜ تَوٛنْ؞ غِتٜ مَࢡّٜ ࢩٛلَنْ ندٜرْ غَسْطٜ مُوطُمْعٜنْ، طٜمْطٜ مَࢡّٜ بٛو ندٜرْ کُنْدُطٜ مَࢡّٜ؞ 13ࢩَلَادٜ مَنْ جَوْمِرَاوٛ حٜبِّنَنْ ࢡٜ بٜى کُلْتٛرٜىٰنغٛلْ مَنغٛلْ؞ ࢡٜکَࢡَنْ حَکُّندٜ مَࢡّٜ؞ کٛو مٛيْ عُکَّنْتٛ کٜىٰدِّطُّمْ؞ 14يِمْࢡٜ يَحُودَ بٛو کَࢡَنْ نغَمْ وَلُّغٛ عُرُسَلِيمَ؞ ࢡٜنجَࢡْتَنْ مَرْدِ عُمَّاتٛوجٜ تَارِيطٜ ڢُو: کَنغّٜىٰرِ عٜ شَرْدِ عٜ لِمْشٜ طُوطّٜ مَسِنْ؞ 15مَسِيبٛ عُکَّنْتٛ ݠُشِّ عٜ عَلْڢَدَرِيجٜ عٜ غٜىٰلٛوطِ عٜ بَمْطٜ عٜ دَبَّاجِ غٛنْطِ ندٜرْ شَنغٜىٰجٜ طٜعٜ ڢُو؞ مَسِيبٛ عٛو نَنْدِ بٜى عٛيَ غٛ؞ 16ندٜنْ يِمْࢡٜ لُتَّنْࢡٜ حَا عُمَّاتٛوجٜ عُمَّنِيطٜ عُرُسَلِيمَ ڢُو نغَرَنْ تٛنْ ندٜ حِتَاندٜ يَالْتِ ڢُو، نغَمْ سُجِدَنْغٛ لَامِيطٛ، جَوْمِرَاوٛ حٛنٛوࢡٜ عَسَمَ عٜ نغَمْ وَطُغٛ جُولْدٜ بُکَّاجِ؞ 17تٛ عَسْنغٛلْ کٛو نغٛلٜ ندٜرْ دُنِيَارُ وَرَايْ سُجِدَنْغٛ لَامِيطٛ حَا عُرُسَلِيمَ، جَوْمِرَاوٛ حٛنٛوࢡٜ عَسَمَ، عِيٜىٰندٜ تٛࢡَتَا ندٜرْ لٜسْدِ مَاغٛلْ؞ 18تٛ عَسْنغٛلْ مِصْرَ وَرَايْ حَا عُرُسَلِيمَ نغَمْ وَطُغٛ جُولْدٜ بُکَّاجِ، ندٜنْ کَمْ مَسِيبٛ عُکَّنْتٛ نغٛلْ بَنَ عُمَّاتٛوجٜ طٜ نغَرَتَا وَطُغٛ جُولْدٜ ندٜعٜ؞ 19بَنَ نٛنْ کِيتَ وَرَنْ دٛوْ مِصْرَ عٜ عُمَّاتٛوجٜ طٜ نغَرَتَا وَطُغٛ جُولْدٜ بُکَّاجِ؞
20ندٜرْ وَکَّتِ مَنْ، بِنْدٛلْ لَاتٛتٛ دٛوْ لٜنغِ ݠُشِّ بَنَ نِعِ: «سٜنَامَ نغَمْ جَوْمِرَاوٛ؞» دٜڢْرُطٜ ندٜرْ حَيْکَلِيرُ جَوْمِرَاوٛ لَاتٛتٛ شٜنَاطٜ بَنَ تَاسَاجٜ غٛنْطٜ يٜىٰسٛ حِرْسِرْدٜ؞ 21ݠَيَنْطٜ غٛنْطٜ ندٜرْ عُرُسَلِيمَ عٜ يَحُودَ ڢُو لَاتٛتٛ شٜنَاطٜ نغَمْ جَوْمِرَاوٛ حٛنٛوࢡٜ عَسَمَ؞ لِيعٛتٛوࢡٜ کِرْسٜتٜىٰطِ ڢُو کُووْتِنِرَنْ طٜ، ندٜڢَ ندٜرْ مَاجٜ؞ ندٜرْ وَکَّتِ کِعِ، ݠِلٛووٛ وٛنَتَا ندٜرْ سُودُ جَوْمِرَاوٛ حٛنٛوࢡٜ عَسَمَ؞
Currently Selected:
جٜکَرِيَ 14: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
