مَرْکُسْ 4
4
بَلْندٛلْ دٛوْ دٜمٛووٛ
(مَتَّ 13:1-9؛ لُکَ 8:4-8)
1ڢَحِنْ عِيسَى ڢُطِّ عٜکِّتِنْغٛ يِمْࢡٜ حَا ڢٛمٛوندٜ وٜىٰندُ غَلِيلِ؞ مٛوࢡْرٜ طُوطْندٜ مَسِنْ مٛوࢡِ حَا مَاکٛ؞ نغَمْ مَاجُمْ عٛنَسْتِ کٛومْبٛوَلْ#4:1 کٛومْبٛوَلْ مَلَّ لَانَوَلْ؞، عٛجٛوطِ؞ کٛومْبٛوَلْ طٛنْ ندٜرْ وٜىٰندُ، مٛوࢡْرٜ بٛو طٛنْ حَا ڢٛمٛوندٜ#لُکَ 5:1-3؞؞ 2عٛعٜکِّتِنِ ࢡٜ کُوجٜ طُوطّٜ بٜى بَلْندِ؞ ندٜرْ عٜکِّتِنٛلْ مَاکٛ عٛوِعِ ࢡٜ: 3«کٜطِتٜ! ࢩَنْدٜ ڢٜىٰرٜ دٜمٛووٛ يٜحِ نغٜسَ نغَمْ سَاکٛيْغٛ؞ 4ندٜ عٛطٛنْ سَاکَ، عَاوْدِ نغٛطْندِ سٛلِ دٛوْ لَاوٛلْ؞ شٛلِّ نغَرِ، شُࢡْتِ ندِ؞ 5عَاوْدِ نغٛطْندِ سٛلِ حَا کٛرْکَعٜ، حَا لٜسْدِ طُوطَايْ؞ لَوْ ندِ ڢُطِ نغَمْ لٜسْدِ طُوطَايْ؞ 6ندٜ نَانغٜ ࢡَنغْتِ، نغٜ وُلِ ݠُطْندِ مَنْ، ندِ يٛورِ نغَمْ طَطِ مَارِ لُغَّايْ؞ 7عَاوْدِ نغٛطْندِ بٛو سٛلِ شَکَ غِعٜ؞ غِعٜ مَوْنِ، ࢡِلِّ ݠُطْندِ مَنْ، ندِ وُرْتِنَايْ شَمّٜىٰجٜ؞ 8عَمَّا عَاوْدِ نغٛطْندِ سٛلِ حَا لٜسْدِ مبٛوندِ، ندِ ڢُطِ، ندِ مَوْنِ، ندِ وُرْتِنِ شَمّٜىٰجٜ، ندِ ࢡٜنْدِ؞ غٛطّٜ طٛنْ بٜى غَبّٜ شَݠَّنْطٜ تَتِ، غٛطّٜ بٛو بٜى غَبّٜ شَݠَّنْطٜ جٛوٜىٰغٛ عٜ غٛطّٜ بٜى غَبّٜ تٜىٰمٜرّٜ؞» 9ندٜنْ عِيسَى وِعِ ࢡٜ: «مٛ وٛودِ نٛݠِّ نغَمْ نَنُغٛ، نَنَ!»
دَلِيلَ کَ عِيسَى حُووْتِنِرِ بَلْندِ
(مَتَّ 13:10-17؛ لُکَ 8:9-10)
10ندٜ عِيسَى جٛوطِ ڢٜىٰرٜ مُوطُمْ، وٛندُنٛوࢡٜ بٜى مُوطُمْ عٜ ݠُکَرَعٜنْ مُوطُمْ سَݠّٛ عٜ طِطٛ ࢨَمِمٛ مَانَ بَلْندِ غٛ؞ 11عٛجَابِ ࢡٜ: «عٛنٛنْ، اَللَّه عَنْدِنِ عٛنْ سِرِّ لَامُ مُوطُمْ؞ عَمَّا نغَمْ وٛطْࢡٜ، سٜيْ بٜى بَلْندِ؞ 12نغَمْ مَاجُمْ
ࢡٜطٛنْ ندَارَ، عَمَّا ࢡٜنغِعَتَا؞
ࢡٜطٛنْ نَنَ، عَمَّا ࢡٜݠَامَتَا؞
نغَمْ تَا ࢡٜلٛرْتٛ حَا اَللَّه،
اَللَّه بٛو يَاڢٛ ࢡٜ#عٜسَايَ 6:9-10؞؞»
عِيسَى ڢَامْتِنِ بَلْندٛلْ دٛوْ دٜمٛووٛ
(مَتَّ 13:18-23؛ لُکَ 8:11-15)
13ندٜنْ عِيسَى وِعِ ࢡٜ: «عٛنْ ݠَامَايْ بَلْندٛلْ نغٛعٛلْ نَ؟ ندٜنْ کَمْ نٛيْ عٛنْ مبَاوْرَتَ ڢَامُغٛ بَلْندِ غٛطِّ؟ 14دٜمٛووٛ طٛنْ سَاکَ وٛلْدٜ اَللَّه؞ 15وٛطْࢡٜ نَنْدِ بٜى عَاوْدِ دٛوْ لَاوٛلْ، تٛ ࢡٜنَنِ وٛلْدٜ اَللَّه، لَوْ سَيْطَانُ وَرَ، وِڢْتَ وٛلْدٜ ندٜ ࢡٜنَنِ؞ 16وٛطْࢡٜ نَنْدِ بٜى عَاوْدِ شٛلْندِ حَا کٛرْکَعٜ؞ تٛ ࢡٜنَنِ وٛلْدٜ اَللَّه، لَوْ ࢡٜنجَࢡَ ندٜ بٜى سٜيٛ؞ 17عَمَّا ندٜ وَطَتَا طَطِ ندٜرْ مَࢡّٜ، ࢡٜنُطِّنَنْ وَکَّتِ سٜطَّ نٛنْ؞ ندٜنْ، تٛ ࢡِلَّارٜ مَلَّ تٛوࢩَارٜ عُمَّکٜ نغَمْ دَلِيلَ وٛلْدٜ اَللَّه، لَوْ ࢡٜعَشَّنْ نُطِّنْکِ؞ 18وٛطْࢡٜ بٛو نَنْدِ بٜى عَاوْدِ شَکَ غِعٜ؞ ࢡٜنَنِ وٛلْدٜ اَللَّه، 19عَمَّا لَرُورَاجِ دُنِيَارُ ندُ عٜ عٜسْتٛ جَوْدِ عٜ سُونٛوجِ ڢٜىٰرٜ ڢٜىٰرٜ نَسْتَنْ ࢡٜرْطٜ مَࢡّٜ، طِ ࢡِلَّنْ وٛلْدٜ اَللَّه عٜ ندٜ وَطَتَا نَڢُودَ؞ 20وٛطْࢡٜ ڢَحِنْ، نَنْدِ بٜى عَاوْدِ شٛلْندِ حَا لٜسْدِ مبٛوندِ؞ ࢡٜطٛنْ نَنَ وٛلْدٜ اَللَّه، ࢡٜطٛنْ نجَࢡَ ندٜ، ࢡٜطٛنْ مبَنغِنَ ࢡٜنْدَلٛوجٜ، وٛطْࢡٜ شٛوِ شَݠَّنْطٜ تَتِ، وٛطْࢡٜ بٛو شٛوِ شَݠَّنْطٜ جٛوٜىٰغٛ، وٛطْࢡٜ ڢٜىٰرٜ شٛوِ تٜىٰمٜرّٜ؞»
بَلْندٛلْ ݠِتِّرْلَ لٜسْ بٛکٛتِ
(لُکَ 8:16-18)
21ندٜنْ عِيسَى وِعِ ࢡٜ: «غٛطّٛ جَمْنَنْ ݠِتِّرْلَ نغَمْ جٛعِّنْغٛ نغَ لٜسْ بٛکٛتِ مَلَّ لٜسْ لٜىٰسٛ نَ؟ نَا عٛجٛعِّنَنْ نغَ دٛوْ جٛعِّنِرْطُمْ#مَتَّ 5:15؛ لُکَ 11:33؞؟ 22نغَمْ شُوطِيطُمْ ڢُو وَنغَنْ ࢩَلَادٜ وٛطْندٜ، سِرِّيجُمْ ڢُو عَنْدِتِتّٜ#مَتَّ 10:26؛ لُکَ 12:2؞؞ 23مٛ وٛودِ نٛݠِّ ڢُو نَنَ!»
24ڢَحِنْ عِيسَى وِعِ ࢡٜ: «کَکِّلَنٜ کٛ عٛنْ نَنَتَ؞ اَللَّه ڢٛونْدَنْ کٛ عٛحٛکَّتَ عٛنْ بٜى ݠٛونْدِرْغٛلْ نغٛلْ عٛنْ ݠٛونْدِرْتَ عٜ عٛࢡٜسْدَنْ دٛوْ مَاجُمْ ڢَحِنْ#مَتَّ 7:2؛ لُکَ 6:38؞؞ 25نغَمْ مَرْطٛ حُوندٜ، ࢡٜࢡٜسْدَنَنْ مٛ، عَمَّا مٛ مَرَايْ کٛو طُمٜ، ࢡٜکٛوشَنْ کٛو ݠٜىٰتُمْ مَاکٛ#مَتَّ 13:12؛ 25:29؛ لُکَ 19:26؞؞»
بَلْندٛلْ عَاوْدِ ݠُطَنْدِ ڢٜىٰرٜ مَارِ
26ڢَحِنْ عِيسَى وِعِ: «لَامُ اَللَّه نَنْدِ بٜى غٛطّٛ مٛ رُڢِ عَاوْدِ حَا لٜسْدِ؞ 27ندٜنْ عٛيَحَ عٛطَانٛ جٜمَّ، عٛڢِنَ ندٜ وٜىٰتِ ڢُو؞ وَکَّتِ مَاجُمْ عَاوْدِ طٛنْ ڢُطَ، طٛنْ مَوْنَ، کَنغْکٛ بٛو عٛعَنْدَا نٛ ندِ مَوْنِرْتَ؞ 28لٜسْدِ ندِنْ طٛنْ ڢُطْنَ کٛ رُڢَ: عَرَنْ ڢُطْنغٛ، ندٜنْ وُرْتِنَ سَمّٜىٰرٜ، ࢡَاوٛ مَنْ طُمْ وَطَ ࢡِکّٛيْ ندٜرْ سَمّٜىٰرٜ؞ 29تٛ عَلْکَمَارِ ࢡٜنْدِ، عٛڢُطَّنْ وَعْغٛ، نغَمْ سَاعِ وَطِ#يٛوعٜلْ 4:13؞؞»
بَلْندٛلْ عَاوْدِ شِتَّ
(مَتَّ 13:31-32،34؛ لُکَ 13:18-19)
30ڢَحِنْ عِيسَى وِعِ: «بٜى طُمٜ نَنْدِنْتٜنْ لَامُ اَللَّه؟ بٜى بَلْندٛلْ نغٛلٜ عٜنْ ݠَامْتِنْتَ حَالَ مَاغُ؟ 31نغُ نَنْدِ بٜى غَوٜلْ شِتَّ؞ ندِ ࢡُرِ عَاوْدِ دُنِيَارُ ڢُو ڢَمْطُغٛ؞ 32عَمَّا تٛ ࢡٜعَاوِ ندِ، ندِ ڢُطَنْ، ندِ مَوْنَنْ حَا ࢡُرَ ڢُطْنغٛوجِ ڢُو؞ لِشٜ مَاکِ مَوْنَنْ حَا شٛلِّ مبَطَ شَࢡّٜ حَا طٛوْدِ مَاکِ؞»
33عِيسَى وَازِنِ يِمْࢡٜ کُبَرُوٛلْ بٜلْنغٛلْ بٜى بَلْندِ طُوطِّ بَنَ طِعِ، ڢٛدّٜ کٛ ࢡٜمبَاوِ ڢَامُغٛ؞ 34عٛوٛلْوَنِ ࢡٜتُمْ بٜى بَلْندِ؞ عَمَّا ندٜ عٛلُتِّدِ بٜى ݠُکَرَعٜنْ مَاکٛ کَمْࢡٜ ڢٜىٰرٜ مَࢡّٜ، عٛلَࢡِّنَنِ ࢡٜ کٛو طُمٜ ڢُو؞
عِيسَى دٜعِّتِنِ حٜنْدُ سَاتُندُ
(مَتَّ 8:23-27؛ لُکَ 8:22-25)
35ࢩَنْدٜ مَاجُمْ ندٜ حِيرِ، عِيسَى وِعِ ݠُکَرَعٜنْ مُوطُمْ: «سٜيْ عٜنْ عٜىٰرٛ غَطَ وٜىٰندُ؞» 36ندٜنْ ࢡٜعَشِّ مٛوࢡْرٜ؞ ݠُکَرَعٜنْ نَسْتِ کٛومْبٛوَلْ#4:36 کٛومْبٛوَلْ مَلَّ لَانَوَلْ؞ نغَلْ عِيسَى نَسْتِ، ندٜنْ ࢡٜندِلِّ؞ کٛومْبٛوجٜ غٛطّٜ بٛو طٛنّٛ کٛمْبِ مَاکٛ؞ 37حٜنْدُ سَاتُندُ عُمِّ، ࢨُوغٜ عُکِّ دٛوْ کٛومْبٛوَلْ حَا نغَلْ حٜىٰوِ ندِيَمْ؞ 38عِيسَى طٛنْ حَا سَکِّتٛرْدٜ کٛومْبٛوَلْ، عٛطٛنْ طَانِ، حٛورٜ مَاکٛ طٛنْ دٛوْ وَڢْلَارٜ؞ ݠُکَرَعٜنْ مَاکٛ ݠِنْدِنِ مٛ، مبِعِ: «مٛودِبّٛ، عٜنْ طٛنْ کَلْکَ، وَلَا کٛ طُمْ يَالِ مَ نَ؟» 39ندٜ عٛڢِنِ، عٛتٜلْࢡَنِ حٜنْدُ، عٛوِعِ وٜىٰندُ: «سِرْوَ!» حٜنْدُ دٜعِّتِ، دٜعّٜرٜ مَوْندٜ لَاتِ؞ 40ندٜنْ عِيسَى وِعِ ݠُکَرَعٜنْ: «نغَمْ طُمٜ عٛنْ کُلْتٛرِ؟ حَا جٛنْتَ عٛنْ کٛولَاکِ يَمْ نَ؟» 41عَمَّا ࢡٜکُلْتٛرِنٛ مَسِنْ، ࢡٜمبِعْمبِعْتِرِ: «غٛطّٛ عٛو عٛ مٛيْ؟ کٛو حٜنْدُ عٜ وٜىٰندُ بٛو طٛنْ طٛوْتَنٛ مٛ؞»
Currently Selected:
مَرْکُسْ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
