لُکَ 5
5
عِيسَى عٜوْنِ ݠُکَرَعٜنْ عَارْتُࢡٜ
(مَتَّ 4:18-22؛ مَرْکُسْ 1:16-20)
1ࢩَنْدٜ ڢٜىٰرٜ عِيسَى طٛنْ دَرِ دٛوْ ڢٛمٛوندٜ وٜىٰندُ غٜنٜسَرٜتْ، يِمْࢡٜ بٛو طٛنْ ࢡِطّٛتِرَ نغَمْ نَنُغٛ وٛلْدٜ اَللَّه؞ 2عٛيِعِ کٛومْبٛوجٜ#5:2 کٛومْبٛوجٜ مَلَّ لَانَاجٜ؞ طِطِ حَا ڢٛمٛوندٜ، وَاوٛوࢡٜ نغُرْتِ، طٛنْ لَلَّ زُبَاجِ مُوطُمْعٜنْ؞ 3عِيسَى نَسْتِ ندٜرْ غٛوتَلْ کٛومْبٛوجٜ مَنْ، طُمْ کٛومْبٛوَلْ#5:3 کٛومْبٛوَلْ مَلَّ لَانَوَلْ؞ سِمٛنْ؞ عٛتٛرِمٛ عٛدَايْنَ نغَلْ سٜطَّ بٜى ڢٛمٛوندٜ؞ عِيسَى جٛوطِ ندٜرْ مَاغَلْ، عٛڢُطِّ عٜکِّتِنْغٛ يِمْࢡٜ#مَتَّ 13:1-2؛ مَرْکُسْ 3:9-10؛ 4:1؞؞
4ندٜ عٛتِمِّنِ وٛلْوُغٛ، عٛوِعِ سِمٛنْ: «يَحْرُ کٛومْبٛوَلْ حَا ندِيَمْ لُغُّطَمْ، ندٜنْ عَنْ بٜى حُووْدِطِّرَاࢡٜ مَاطَ، شَکِّنٜ زُبَاجِ مٛوطٛنْ، عٛنْ نغَاوٛ؞» 5سِمٛنْ جَابِمٛ: «جَاغٛرْطٛ، مِنْ تٛرِّ جٜمَّارٜ ڢُو مِنْ کٜࢡَايْ کٛو طُمٜ، عَمَّا دٛوْ وٛلْدٜ مَاطَ، مِسَکِّنَنْ زُبَاجِ#يُحَنَّ 21:3؞؞»
6ࢡٜشَکِّنِ زُبَاجِ، ࢡٜنَنغِ لِطِّ طُوطِّ، حَا زُبَاجِ مَࢡّٜ ݠُطِّ سٜىٰکُغٛ#يُحَنَّ 21:6؞؞ 7ࢡٜعٜوْنِ حَوْتِطِرَاࢡٜ مَࢡّٜ وٛطْࢡٜ ندٜرْ کٛومْبٛوَلْ ڢٜىٰرٜ نغَمْ ࢡٜنغَرَ، ࢡٜمبَلَّ ࢡٜ؞ ࢡٜنغَرِ، ࢡٜکٜبِّنِ کٛومْبٛوجٜ طِطِ ڢُو بٜى لِطِّ، حَا کٛومْبٛوجٜ مَࢡّٜ ݠُطِّ مٛطَاغٛ ندٜرْ ندِيَمْ؞ 8ندٜ سِمٛنْ ݠِيٜرْ يِعِ طُمْ، عٛتُغِّ کٛݠِّ يٜىٰسٛ عِيسَى، عٛوِعِ: «تَا ࢡَدِتَمْ، جَوْمِرَاوٛ، نغَمْ مِ مَرْطٛ حَکّٜ!» 9سِمٛنْ عٜ يِمْࢡٜ وٛنْدُࢡٜ بٜى مَاکٛ ڢُو کَيْطِنِ نغَمْ طُوطَلْ لِطِّ طِ ࢡٜنغَاوِ؞ 10نٛنْ بٛو يَاکُبَ عٜ يُحَنَّ ࢡِࢡّٜ زٜبٜدٜ، حَوْتِطِرَاࢡٜ سِمٛنْ کَيْطِنِ؞ عَمَّا عِيسَى وِعِ سِمٛنْ: «تَا حُلْتٛرْ، يٜىٰسٛ طٛ، عَلَاتٛتٛ غَاوٛووٛ يِمْࢡٜ!» 11ࢡٜنجَحْرِ کٛومْبٛوجٜ مَࢡّٜ حَا ڢٛمٛوندٜ، ࢡٜعَشِّ کُوجٜ ڢُو، ࢡٜتٛکِّ عِيسَى؞
عِيسَى يَمْطِتِنِ کُتُرُوجٛ
(مَتَّ 8:1-4؛ مَرْکُسْ 1:40-45)
12ندٜ عِيسَى طٛنْ ندٜرْ وُرٛ ڢٜىٰرٜ، غٛطّٛ مٛ سَطَوْرٜ ڢِيلْتِ ࢡَنْدُ مُمْ وَرِ؞ ندٜ عٛيِعِ عِيسَى، عٛسُجِدِ، عٛتٛرِمٛ، عٛوِعِ: «مٛودِبّٛ، تٛ عَمُويِ، عَوَاوَنْ يَمْطِتِنْغٛ يَمْ؞» 13عِيسَى ڢٛرْتِ جُنغٛ، مٜىٰمِمٛ، وِعِ: «مِمُويِ، عَيَمْطِتَ؞» لَوْ سَطَوْرٜ عَشِّ غٛطّٛ مَنْ؞ 14عِيسَى عُمْرِمٛ: «تَا عَيٜشَّ طُمْ کٛو مٛيْ، عَمَّا يَحْ، حٛلُّ حٛورٜ مَاطَ حَا لِمَنْجٛ، ندٜنْ عَلِيعَ دٛکَّلْ بَنَ مُوسَى عُمْرِ، نغَمْ حَا ࢡٜتَبِتِنَ عَلَࢡِّنَامَ#ڢَرِلَّاجِ لٜوِعٜنْ 14:1-32؞؞» 15کٛو نٛنْ ڢُو حَالَ عِيسَى ࢡٜسْدِ سَنغْکِتَاغٛ شَکَ يِمْࢡٜ يٜىٰسٛ يٜىٰسٛ؞ مٛوࢡٜ طُوطّٜ نغَرِ حَا مَاکٛ نغَمْ نَنُغٛ مٛ عٜ نغَمْ عٛيَمْطِتِنِ ࢡٜ دِغَ ࢩَوُجِ مَࢡّٜ بٛو؞ 16عَمَّا عِيسَى وٛووِ وُرْتَاغٛ، يَحَ نٛکُّورٜ ڢٜرٜوْندٜ نغَمْ وَطُغٛ دٛعَ؞
عِيسَى يَمْطِتِنِ غٛطّٛ وَاتَ-تٜرْطٜىٰجٛ
(مَتَّ 9:1-8؛ مَرْکُسْ 2:1-12)
17ࢩَنْدٜ ڢٜىٰرٜ عِيسَى طٛنّٛ عٜکِّتِنَ؞ ڢَرِسَعٜنْ عٜ مٛودِࢡّٜ تَوْرٜىٰتَ طٛنْ نجٛوطِ تٛنْ؞ ࢡٜنغَرٛيِ دِغَ غُرٜ لٜسْدِ غَلِيلِ، لٜسْدِ يَحُدِيَ عٜ بٜرْنِوٛلْ عُرُسَلِيمَ؞ بَاوْطٜ جَوْمِرَاوٛ طٛنّٛ بٜى عِيسَى نغَمْ يَمْطِتِنْغٛ ࢩَوْࢡٜ؞ 18يِمْࢡٜ نغَدِّ غٛطّٛ وَاتَ-تٜرْطٜىٰجٛ دٛوْ بٜعِّتّٜ، ࢡٜطَࢡِّ نَسْتِنْغٛ مٛ سُودُ عٜ ࢡٜمبَلِّنَ مٛ يٜىٰسٛ عِيسَى؞ 19عَمَّا ࢡٜعَنْدَا تٛيْ ࢡٜنَسْتِنِرْتَ مٛ، نغَمْ يِمْࢡٜ طُوطِ؞ ندٜنْ ࢡٜمبَعِّ بٜى مَاکٛ دٛوْ سُودُ، ࢡٜمبَطِ وُرْدٜرٜ حَا کِݠّٛلْ مَارُ، ࢡٜنجِݠِّنِمٛ بٜى بٜعِّتّٜ غٛ شَکَ مٛوࢡْرٜ حَا يٜىٰسٛ عِيسَى؞ 20ندٜ عِيسَى يِعِ نُطِّنْکِ مَࢡّٜ، عٛوِعِ ࢩَوْطٛ غٛ: «سٛوبَاجٛ عَمْ، حَکّٜىٰجِ مَاطَ نجَاڢَامَ!»
21مٛودِࢡّٜ تَوْرٜىٰتَ عٜ ڢَرِسَعٜنْ ݠُطِّ نُمُغٛ: «طُمْ نٜطّٛ مٛيٜ عٛو، بٛلْوَنْطٛ کَلُّکَ دٛوْ اَللَّه؟ مٛيْ وَاوَتَ يَاڢَاغٛ حَکّٜىٰجِ سٛنَا اَللَّه ڢٜىٰرٜ مُمْ؟» 22عِيسَى عَنْدِ نُمٛوجِ مَࢡّٜ، وِعِ ࢡٜ: «کٛنِ مَرٛتٛنْ عِرِنْ نُمٛوجِ طِعِ ندٜرْ مٛوطٛنْ؟ 23کٛ ࢡُرِ حٛيُغٛ؟ وِعْغٛ: حَکّٜىٰجِ مَاطَ نجَاڢَامَ نَا مَلَّ وِعْغٛ: عُمَّ، يَحْ؟ 24عَمَّا نغَمْ حَا مِڢَامْتِنَ عٛنْ ࢡِي-نٜطّٛ وٛودِ بَاوْطٜ ندٜرْ دُنِيَارُ يَاڢَاغٛ حَکّٜىٰجِ؞» ندٜنْ عٛوِعِ وَاتَ-تٜرْطٜىٰجٛ غٛ: «مِطٛنْ وِعٜ: عُمَّ، حٛوشُ بٜعِّتّٜ مَ، حٛوتُ سَارٜ مَاطَ!» 25ࢩَوْطٛ غٛ عُمِّ لَوْ يٜىٰسٛ يِمْࢡٜ ڢُو، حٛوسِ بٜعِّتّٜ طٜ عٛوَالِنٛ دٛوْ مُوطُمْعٜنْ، حٛوتِ سَارٜ مُوطُمْ، عٛطٛنْ تٜدِّنَ اَللَّه؞ 26يِمْࢡٜ کَيْطِنِ، ࢡٜتٜدِّنِ اَللَّه، ࢡٜکٜىٰوِ کُلٛلْ، ࢡٜمبِعِ: «حَنْدٜ عٜنْ نغِعِ کُوجٜ کَيْطِنِيطٜ!»
عِيسَى عٜوْنِ لٜوِ
(مَتَّ 9:9-13؛ مَرْکُسْ 2:13-17)
27ࢡَاوٛ مَاجُمْ عِيسَى وُرْتِ، يِعِ جٛمْنٛووٛ، عِنْدٜ مَاکٛ لٜوِ، عٛطٛنْ جٛوطِ حَا بَارِکِ مَاکٛ؞ عِيسَى وِعِمٛ: «تٛکَّمْ!» 28لٜوِ عُمِّ، عَشِّ کُوجٜ ڢُو، تٛکِّمٛ؞
29ندٜنْ لٜوِ وَطِ ࢩَامْدُوجِ طُوطِّ حَا سَارٜ مُوطُمْ نغَمْ عِيسَى؞ جٛمْنٛوࢡٜ عٜ وٛطْࢡٜ ڢٜىٰرٜ طُوطْࢡٜ ࢩَامْدِ بٜى مَࢡّٜ؞ 30طُمْ ڢٛتَّنَايْ ڢَرِسَعٜنْ عٜ مٛودِࢡّٜ تَوْرٜىٰتَ، نغَمْ مَاجُمْ ࢡٜنغُرْنغُرْتِ، ࢡٜمبِعِ ݠُکَرَعٜنْ#5:30 ݠُکَرَعٜنْ مَلَّ عَحِيࢡٜ؞ عِيسَى: «نغَمْ طُمٜ ࢩَامْدٛتٛنْ بٜى جٛمْنٛوࢡٜ عٜ حَکّٜعٜنْ#لُکَ 15:1-2؞؟» 31عِيسَى وِعِ ࢡٜ: «يَمْࢡٜ نغَلَا حَاجٜ کُرْغٛووٛ، سٜيْ ࢩَوْࢡٜ؞ 32مِوَرَايْ عٜوْنَاغٛ عَدِلِعٜنْ، عَمَّا حَکّٜعٜنْ، نغَمْ ࢡٜتُوبَ؞»
ࢨَمٛلْ دٛوْ سُومَاغٛ
(مَتَّ 9:14-17؛ مَرْکُسْ 2:18-22)
33ڢَرِسَعٜنْ مبِعِ عِيسَى: «ݠُکَرَعٜنْ يُحَنَّ طٛنْ شُومٛ ندٜغٛ، ࢡٜطٛنْ مبَطَ دٛعَ، نٛنْ بٛو ݠُکَرَعٜنْ عَمِنْ، عَمَّا ࢡٜمَاطَ طٛنْ ࢩَامَ، طٛنْ نجَرَ؞» 34عِيسَى جَابِ ࢡٜ: «عٛنْ طٛنْ تَمّٛ عٛنْ مبَاوَنْ دٛولُغٛ عٜوْنَاࢡٜ حَا ࢡَنغَلْ ࢡٜشُومٛ ندٜ ࢡَنغْطٛ طٛنْ وٛنْدِ بٜى مَࢡّٜ نَ؟ نَا نٛنْ سَمْ؞ 35عَمَّا وَکَّتِ وَرَنْ، ࢡَنغْطٛ عِتّٜتٜ شَکَ مَࢡّٜ، ندٜنْ کَدِ ࢩَلْطٜ مَنْ طٜنْ ࢡٜشُومٛتٛ؞» 36عِيسَى وٛلْوَنِ ࢡٜبَلْنْدٛلْ نغٛعٛلْ: «وَلَا مٛ سٜىٰکَتَ لٜݠّٛلْ حَا لِمْشٜ کٜسٜ نغَمْ عٛمٛعِّنَ لِمْشٜ کِيطّٜ؞ تٛ عٛوَطِ نٛنْ، عٛوٛنِّ لِمْشٜ کٜسٜ عٜ لٜݠّٛلْ مَنْ بٛو حَوْتَتَا بٜى کِيطّٜ؞ 37وَلَا مٛ لٛووَتَ عِنَبٛوجَمْ کٜسَمْ ندٜرْ کَࢩَکَࢩَاجِ#5:37 کَࢩَکَࢩَاوُ طُمْ بٛورٛ لَرَلْ نغَمْ سِغَاغٛ نجَرَمْ؞ تٛ لَرَلْ مَنْ حِيطِ، نغَلْ مَرَتَا سٜمْبٜ؞ کِيطِّ؞ تٛ عٛوَطِ نٛنْ، عِنَبٛوجَمْ کٜسَمْ سٜىٰکَنْ طِ، طَمْ رُڢَنْ عٜ کَࢩَکَࢩَاجِ بٛو مبٛنّٛتٛ؞ 38عَمَّا سٜيْ ࢡٜلٛووَ عِنَبٛوجَمْ کٜسَمْ ندٜرْ کَࢩَکَࢩَاجِ کٜسِ؞ 39وَلَا مٛ مَرَتَ حَاجٜ عِنَبٛوجَمْ کٜسَمْ تٛ عٛعَارْتِرِ کِيطَّمْ، نغَمْ مَاجُمْ ࢡٜطٛنْ مبِعَ: عِنَبٛوجَمْ کِيطَّمْ ࢡُرِ وٛوطُغٛ؞»
Currently Selected:
لُکَ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
