لَاتَانٛوجِ 45
45
يُوسُڢُ عَنْدِتِنِ حٛورٜ مُمْ حَا دٜىٰرْطِرَاࢡٜ مُمْ
1يُوسُڢُ وَاوَايْ نَنغْتَاغٛ يٜىٰسٛ تَارِيࢡٜ مٛ ڢُو؞ عٛحٛولِ: نغُرْتِنٜ يِمْࢡٜ ڢُو! وَلَا غٛطّٛ لُتِّ حَا مَاکٛ، ندٜنْ عٛعَنْدِتِنِ حٛورٜ مَاکٛ حَا دٜىٰرْطِرَاࢡٜ مَاکٛ#کُوطٜ نٜلَاࢡٜ 7:13؞؞ 2عٛوٛيِ بٜى سَوْتُ حَا مِصْرَعٜنْ نَنِ طُمْ؞ کٛو سَارٜ ڢِرْعَوْنَ بٛو نَنِ؞ 3يُوسُڢُ وِعِ دٜىٰرْطِرَاࢡٜ مُوطُمْ: «مِنْ وٛنِ يُوسُڢُ! بَابَ عَمْ طٛنْ يٜىٰطَ ڢَحِنْ نَ؟» دٜىٰرْطِرَاࢡٜ مَاکٛ مبَاوَايْ جَابَاغٛ مٛ، نغَمْ ࢡٜمبٜمْبِ يٜىٰسٛ مَاکٛ؞ 4عٛوِعِ ࢡٜ: «ࢡَدِتٜىٰطَمْ!» ࢡٜࢡَدِتِ؞ عٛوِعِ: «مِنْ وٛنِ يُوسُڢُ، دٜىٰرْطِرَاوٛ مٛوطٛنْ مٛ شٛورُّطٛنْ حَا مِصْرَ؞ 5عَمَّا جٛنْتَ کَمْ تَا شَکْلٜ، تَا تِکَّنٜ کٛعٜ مٛنْ نغَمْ عٛنْ شٛورِّ يَمْ حَا طٛ؞ نغَمْ طُمْ اَللَّه نٜلِ يَمْ يٜىٰسٛ مٛوطٛنْ حَا مِحِسْنَ يٛنغْکِيجِ مٛنْ؞ 6وَطِ جٛنْتَ دُوࢡِ طِطِ، وٜىٰلٛ طٛنْ ندٜرْ لٜسْدِ؞ لُتِّ دُوࢡِ جٛوِ ڢَحِنْ وَلَا رٜمُغٛ مَلَّ سٛدُغٛ؞ 7اَللَّه نٜلِ يَمْ حَا يٜىٰسٛ مٛوطٛنْ نغَمْ حَا عٛنْ کٜࢡَ دَࢩْغٛلْ ندٜرْ لٜسْدِ ندِعِ، عٛحِسْنَ نغٜىٰندَمْ مٛوطٛنْ بٜى کِسْندَمْ مَوْطَمْ؞ 8نَا عٛنٛنْ نٜلِ يَمْ حَا طٛ، طُمْ اَللَّه نٜلِ يَمْ؞ عٛوَطِ يَمْ بَنَ بَابَ ڢِرْعَوْنَ، مِ جَاغٛرْطٛ سَارٜ مَاکٛ ڢُو، مِنغٛمْنَ دٛوْ لٜسْدِ مِصْرَ ڢُو بٛو؞ 9نجَاوْطٜ، کٛوتٜ حَا بَابَ عَمْ، مبِعٜ مٛ: ندَا نِي ࢡِطّٛ مَ يُوسُڢُ وِعِ: اَللَّه وَطِ يَمْ مِ جَاغٛرْطٛ مِصْرَ ڢُو، وَرْ حَا عَمْ، تَا نٜىٰࢡْ! 10عَجٛوطٛتٛ ندٜرْ لٜسْدِ غٛوسَنْ، عَࢡَدٛ يَمْ، عَنْ عٜ ࢡِࢡّٜ مَ عٜ تَانِرَاࢡٜ مَ عٜ دَمّٛوجِ مَ عٜ نَعِ مَ عٜ کٛ مَرْطَ ڢُو؞ 11مِوُورْنٜتٜ، نٛنْ بٛو سَارٜ مَاطَ عٜ دَمّٛوجِ مَ، نغَمْ تَا کٛو طُمٜ نغَکَّنَ عٛنْ، نغَمْ لُتَّنِ وٜىٰلٛ دُوࢡِ جٛوِ#کُوطٜ نٜلَاࢡٜ 7:14؞؞ 12عٛنْ طٛنْ نغِعَ طُمْ بٜى غِتٜ مٛوطٛنْ عٜ دٜىٰرْطِرَاوٛ عَمْ بٜنْيَمِنْ بٛو طٛنْ يِعَ بٜى غِتٜ مُمْ، طُمْ مِنْ وٛلْوَنِ عٛنْ بٜى حُنْدُکٛ عَمْ؞ 13عَنْدِنٜ بَابَ عَمْ تٜدُّنغَلْ عَمْ ندٜرْ مِصْرَ، نغٜشّٜ مٛ کٛ نغِعْطٛنْ ڢُو؞ نجَاوْطٜ وَدُّغٛ بَابَ عَمْ حَا طٛ؞» 14ندٜنْ عٛحَرْلِ دٜىٰرْطِيکٛ بٜنْيَمِنْ، عٛوٛيِ؞ بٜنْيَمِنْ بٛو وٛيِ؞ 15عٛحٜبِّ دٜىٰرْطِيکٛعٜنْ ڢُو بٜى بٛجِّ؞ ࢡَاوٛطٛنْ دٜىٰرْطِيکٛعٜنْ مبٛلِدِ بٜى مَاکٛ؞
ڢِرْعَوْنَ عٜوْنِ يَعْقُوبُ حَا مِصْرَ
16حَبَرُ مَاجُمْ يٛتِّ ندٜرْ سَارٜ ڢِرْعَوْنَ نٛ دٜىٰرْطِرَاࢡٜ يُوسُڢُ نغَرِ؞ طُمْ ڢٛتَّنِ ڢِرْعَوْنَ عٜ سَرَاکِعٜنْ مُوطُمْ؞ 17ڢِرْعَوْنَ وِعِ يُوسُڢُ: «وِعْ دٜىٰرْطَعٜنْ نِعِ: ندِمْندٜ دَبَّاجِ مٛنْ، ندِلّٜ لٜسْدِ کَنَانَ؞ 18کٛوعٜ بَابَ مٛوطٛنْ عٜ يِمْࢡٜ شِعٜ مٛوطٛنْ، ندٜنْ نغَرٜ حَا عَمْ؞ مِحٛکَّنْ عٛنْ ࢡُرْطُمْ وٛوطُغٛ لٜسْدِ مِصْرَ، عٛنْ ࢩَامَنْ ࢩَامْدُ ࢡُرَنْدُ وٛوطُغٛ بٛو؞ 19عَنْ بٛو يٜشُّ ࢡٜ عُمْرٛورٜ عَمْ ندٜعٜ: کٛوعٜ حَا مِصْرَ مٛوتَاجِ ݠُشِّ نغَمْ ࢡِکّٛيْ مٛوطٛنْ عٜ رٜوْࢡٜ مٛوطٛنْ؞ کٛوشٜ بَابَ مٛوطٛنْ، نغَرٜ؞ 20تَا عٛنْ مِيجٛ کُوجٜ مٛوطٛنْ طٜ عَشُّطٛنْ، نغَمْ ࢡُرْطُمْ وٛوطُغٛ ندٜرْ لٜسْدِ مِصْرَ ڢُو لَاتَنْتٛ عٛنْ؞»
21ࢡِࢡّٜ إِسْرَاءِيلَ مبَطِ بَنَ نٛنْ؞ يُوسُڢُ حٛکِّ ࢡٜ مٛوتَاجِ ݠُشِّ ڢٛدّٜ عُمْرٛورٜ ڢِرْعَوْنَ، عٛحٛکِّ ࢡٜ بٛو نجٛوࢡَارِ لَاوٛلْ؞ 22عٛحٛکِّ کٛو مٛيْ مَࢡّٜ نغَݠَلٜىٰجِ حَا سَنْجَ لِمْشٜ مُمْ؞ عَمَّا بٜنْيَمِنْ، عٛحٛکِّمٛ شٜىٰدٜ شَرْدِ تٜىٰمٜطّٜ تَتِ عٜ نغَݠَلٜىٰجِ جٛوِ؞ 23عٛنٜلْدَنِ بَابَ مَاکٛ بَمْطٜ سَݠّٛ دِمْندَاطٜ بٜى کُوجٜ مِصْرَ ࢡُرْطٜ وٛوطُغٛ، نٛنْ بٛو بَمْطٜ دٜبّٜ سَݠّٛ دِمْندَاطٜ بٜى عَلْکَمَارِ عٜ تَمْسٜىٰجٜ عٜ ࢩَامْدُ نغَمْ جَحَانغَلْ بَابَ مَاکٛ؞ 24ندٜنْ عٛجَࢡِّتِ دٜىٰرْطِيکٛعٜنْ، عٛوِعِ ࢡٜ: «تَا نجٛکِّرٜ حَا لَاوٛلْ؞»
25ࢡٜعُمِّ مِصْرَ، ࢡٜنغَرْتِ ندٜرْ لٜسْدِ کَنَانَ حَا بَابَ مَࢡّٜ يَعْقُوبُ؞ 26ࢡٜعَنْدِنِمٛ: «يُوسُڢُ عٛ غٜىٰتٛ، عٛ نغٛمْنَ دٛوْ لٜسْدِ مِصْرَ ڢُو!» عَمَّا طُمْ مٜىٰمَايْ مٛ سَمْ نغَمْ عٛنُطِّنَايْ ࢡٜ؞ 27ࢡٜنغٜشِّمٛ بٛلّٜ طٜ يُوسُڢُ وٛلْوَنِ ࢡٜ ڢُو؞ عٛيِعِ مٛوتَاجِ ݠُشِّ طِ يُوسُڢُ نٜلْدِ نغَمْ يَحْرُغٛ مٛ؞ ندٜنْ بَابَ مَࢡّٜ يَعْقُوبُ ڢٜرْتِ؞ 28إِسْرَاءِيلَ وِعِ: «يٛوَّ! ࢡِيَمْ يُوسُڢُ عٛ غٜىٰتٛ! سٜيْ مِيَحَ مِلَارَ مٛ حِدّٜکٛ مِمَايَ!»
Currently Selected:
لَاتَانٛوجِ 45: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
