لَاتَانٛوجِ 35

اَللَّه بَرْکِطِنِ يَعْقُوبُ حَا بَيْتِلَ

1اَللَّه وِعِ يَعْقُوبُ‏: «عُمَّ، يَحْ حَا بَيْتِلَ، جٛوطَ تٛنْ؞ ࢩِࢡْ حِرْسِرْدٜ نغَمْ اَللَّه بَنغَنْطٛ مَ سَاعِ عَطٛنّٛ دٛغَّ يٜىٰسٛ دٜىٰرْطَ عِسُوَ؞» 2يَعْقُوبُ وِعِ يِمْࢡٜ سَارٜ مُوطُمْ عٜ وٛنْدُࢡٜ بٜى مُوطُمْ ڢُو‏: «عِتّٜ لَبِّ جَنَنْطِ غٛنْطِ شَکَ مٛوطٛنْ، شٜنٜ کٛعٜ مٛوطٛنْ، شَنْجٜ لِمْشٜ#غُرْتَاکِ 19‏:10‏-14؛ لِمْلٜ 31‏:24؞؞ 3عُمّٜنْ‏! نجٜحٜنْ بَيْتِلَ؞ تٛنْ ࢩِࢡَنَنْمِ اَللَّه حِرْسِرْدٜ بَلُّطٛ يَمْ ندٜرْ وَکَّتِ ࢡِلَّارٜ عَمْ، مٛ وٛنْدِ بٜى عَمْ کٛو تٛيْ مِتٛکِّنٛ ڢُو؞» 4ࢡٜندٛکِّ يَعْقُوبُ لَبِّ جَنَنْطِ طِ ࢡٜمَرْنٛ ڢُو عٜ يٜرِحٛنْ مَࢡّٜ؞ يَعْقُوبُ عِرِ طُمْ لٜسْ لٜکِّ مَکِّ بَنغٜ سِکٜمْ؞ 5ࢡٜعُمِّ، اَللَّه وَطِ کُلْتٛرٜىٰنغٛلْ دٛوْ غُرٜ تَارِيطٜ ࢡٜ ڢُو، نغَمْ تَا ࢡٜتَسْنَ ࢡِࢡّٜ يَعْقُوبُ#جَبُورَ 105‏:14‏-15؞؞ 6يَعْقُوبُ عٜ يِمْࢡٜ وٛنْدُࢡٜ بٜى مُوطُمْ نجٛتِّ لُوسْ ندٜرْ لٜسْدِ کَنَانَ، کَنْجُمْ وٛنِ بَيْتِلَ؞ 7عٛࢩِࢡِ حِرْسِرْدٜ تٛنْ، عٛعِنْدِ نٛکُّورٜ مَاجُمْ‏: «اَللَّه مٛ بَيْتِلَ»، نغَمْ اَللَّه وَنغَنِمٛ تٛنْ سَاعِ عٛطٛنّٛ دٛغَّ دٜىٰرْطِيکٛ؞

8دٜبٛورَ، مُسِنِنّٛوطٛ رٜبٜکَّ، مَايِ؞ ࢡٜعُوِمٛ کٛمْبِ بَيْتِلَ، لٜسْ لٜکِّ مَکِّ؞ ࢡٜعِنْدِ کِ‏: لٜکِّ-بٛجِّ؞

9اَللَّه وَنغَنِ يَعْقُوبُ ڢَحِنْ ندٜ عٛوَرْتِ ݠَدَّنْ-عَرَمْ؞ عٛبَرْکِطِنِمٛ؞ 10عٛوِعِمٛ‏: «عِنْدٜ مَاطَ يَعْقُوبُ؞ عَمَّا عَعٜوْنَتَاکٜ يَعْقُوبُ ڢَحِنْ، عِنْدٜ مَ لَاتٛتٛ إِسْرَاءِيلَ؞» عٛعِنْدِمٛ إِسْرَاءِيلَ#لَاتَانٛوجِ 32‏:29؞؞ 11ندٜنْ اَللَّه وِعِمٛ‏: «مِنْ وٛنِ اَللَّه بَاوْطٛ؞ لَاتَ طُوطَ-عَسْنغٛلْجٛ، ࢡٜسْدَ؞ لَاتَ عُمَّاتٛورٜ، عُمَّاتٛوجٜ طُوطّٜ نغُرْتٛتٛ دِغَ مَاطَ نٛنْ بٛو لَامِيࢡٜ طُوطْࢡٜ؞ 12لٜسْدِ ندِ ندٛکُّمِ إِبْرَاهِيمَ عٜ إِسْحَاقَ، مِحٛکّٜتٜ ندِ، مِحٛکَّنْ ندِ دَࢩْغٛلْ مَاطَ ࢡَاوٛ مَ؞»#لَاتَانٛوجِ 17‏:4‏-8؞ 13اَللَّه عٜىٰنغِ، عَشِّمٛ حَا نٛکُّورٜ ندٜ عٛوٛلْوَنِمٛ؞ 14يَعْقُوبُ دَرْنِ حَيْرٜ حَا نٛکُّورٜ مَاجُمْ؞ عٛرُڢِ دٛکَّلْ نجَرَمْ دٛوْ مَارٜ، عٛوَطِ نٜبَّمْ دٛوْ مَارٜ بٛو؞ 15يَعْقُوبُ عِنْدِ نٛکُّورٜ حَا اَللَّه وٛلْوَنِنٛ مٛ بَيْتِلَ#لَاتَانٛوجِ 28‏:18‏-19؞؞

مَايْدٜ رَحِيلُ

16ࢡٜعُمِّ بَيْتِلَ؞ ندٜ لُتَّنِ ࢡٜ سٜطَّ يٛتَّاغٛ عٜڢْرَتَ، رَحِيلُ ࢡٜسْنِ؞ دَࢩْکِ مَاجُمْ سَطِ؞ 17سَاعِ رَحِيلُ طٛنْ ندٜرْ لُووٜ، ࢡٜسْنِنٛووٛ وِعِمٛ‏: «تَا حُلْ، طُمْ ࢡِطّٛ غٛرْکٛ عَحٜࢡِ‏!» 18ندٜ يٛنغْکِ رَحِيلُ طٛنْ وُرْتٛ نغَمْ عٛطٛنْ مَايَ، عٛعِنْدِمٛ بٜنْ-عٛنِ#35‏:18 بٜنْ-عٛنِ يِطِ وِعْغٛ ࢡِي-بٛنٜ-عَمْ؞؞ عَمَّا بَابَ مَاکٛ عِنْدِمٛ بٜنْيَمِنْ#35‏:18 بٜنْيَمِنْ يِطِ وِعْغٛ ࢡِي جُنغٛ ࢩَامٛ مَلَّ ࢡِي حَيْرُ؞؞ 19رَحِيلُ مَايِ، ࢡٜعُوِمٛ حَا کٛمْبِ لَاوٛلْ عٜڢْرَتَ، کَنْجُمْ وٛنِ بَيْتِلَامَ؞ 20يَعْقُوبُ دَرْنِ حَيْرٜ سِڢْتِنٛرْدٜ دٛوْ يٜنَاندٜ مَاکٛ؞ طُمْ حَيْرٜ سِڢْتِنٛرْدٜ يٜنَاندٜ رَحِيلُ حَا وَرْغٛ حَنْدٜ؞ 21إِسْرَاءِيلَ تٛکِّ لَاوٛلْ مُمْ، دَرْنِ لَيْمَارُ مُمْ غَطَ مِغْدَلْ-عٜدٜرْ؞

22وَکَّتِ إِسْرَاءِيلَ جٛوطِنٛ ندٜرْ لٜسْدِ مَاجُمْ، رُبٜنْ وَالْدِ بٜى بِلْحَ، شُلَاطٛ بَابَ مُوطُمْ؞ يَعْقُوبُ نَنِ حَالَ کَعَ#لَاتَانٛوجِ 49‏:4؞؞

ࢡِࢡّٜ يَعْقُوبُ نغَطِ سَݠّٛ عٜ طِطٛ؞ 23ࢡِࢡّٜ لٜيَ نغٛنِ‏: رُبٜنْ، عَڢٛ يَعْقُوبُ عٜ سِمٜيٛنْ عٜ لٜوِ عٜ يَحُودَ عٜ عِسَّکَرْ عٜ زَبُلٛنْ؞ 24ࢡِࢡّٜ رَحِيلُ نغٛنِ‏: يُوسُڢُ عٜ بٜنْيَمِنْ؞ 25ࢡِࢡّٜ بِلْحَ، کٛرْطٛ رَحِيلُ، نغٛنِ‏: دَنْ عٜ نٜڢْتَلِ؞ 26ࢡِࢡّٜ زِلْݠَ، کٛرْطٛ لٜيَ نغٛنِ‏: غَدَ عٜ عَسٜرْ؞ کَمْࢡٜ نغٛنِ ࢡِࢡّٜ يَعْقُوبُ دَࢩَنَاࢡٜ مٛ حَا ݠَدَّنْ-عَرَمْ؞

27يَعْقُوبُ يٛتِّ حَا بَابَ مُوطُمْ إِسْحَاقَ حَا مَمْرٜ، حَا کِرِيَتْ-عَرْبَ، کَنْجُمْ وٛنِ حٜبُرُونْ؞ تٛنْ إِبْرَاهِيمَ عٜ إِسْحَاقَ جٛوطِنٛ#لَاتَانٛوجِ 13‏:18؞؞ 28دُوࢡِ إِسْحَاقَ مبَطِ تٜىٰمٜرّٜ عٜ شَݠَّنْطٜ جٛوٜىٰتَتِ (180)؞ 29عٛمَايِ، عٛحَوْتٛيِ بٜى کَاکِرَاࢡٜ مَاکٛ، عٛ ندٛتِّيجٛ، شَڢْتُطٛ بَلْطٜ؞ عِسُوَ عٜ يَعْقُوبُ، ࢡِࢡّٜ مَاکٛ، عُوِمٛ؞

Currently Selected:

لَاتَانٛوجِ 35: داَ

Highlight

Copy