لَاتَانٛوجِ 31
31
يَعْقُوبُ لٛرِ حَا کَنَانَ
1يَعْقُوبُ نَنِ کٛ ࢡِࢡّٜ لَبَنْ مبِعِ: «يَعْقُوبُ حٛوشِ کٛ بَابَ مٜىٰطٜنْ مَرِ ڢُو؞ بَنَ نٛنْ عٛڢَغَّنِ حٛورٜ مَاکٛ رِسْکُ نغُعُ؞» 2يَعْقُوبُ ڢَامِ بٛو حَکِّيلٛ لَبَنْ سَنْجِ، غٛنْدَلْ مَࢡّٜ وٛنَايْ بَنَ نَانٜ؞ 3ندٜنْ جَوْمِرَاوٛ وِعِ يَعْقُوبُ: «لٛرْتَ حَا لٜسْدِ کَاکِرَاࢡٜ مَ، حَا عَسْنغٛلْ مَاطَ، مِوٛنْدَنْ بٜى مَاطَ؞»
4يَعْقُوبُ نٜلِ عٜوْنٛيَاغٛ رَحِيلُ عٜ لٜيَ ࢡٜنغَرَ حَا نغٜسَ حَا عٛوٛنّٛ بٜى دَمّٛوجِ مَاکٛ؞ 5عٛوِعِ ࢡٜ: «مِطٛنْ ڢَامَ نٛ بَابَ مٛوطٛنْ وٛنْدَايْ بٜى عَمْ بَنَ نَانٜ؞ عَمَّا اَللَّه، مٛ بَابَ عَمْ طٛنْ وٛنْدِ بٜى عَمْ؞ 6عٛنٛنْ بٛو عٛنْ عَنْدِ، مِحُووَنِ بَابَ مٛوطٛنْ بٜى سٜمْبٜ عَمْ ڢُو؞ 7بَابَ مٛوطٛنْ وَطِ يَمْ رِکِشِ، عٛوَيْلِتِ نغٜىٰنَارِ عَمْ ندٜ سَݠّٛ؞ عَمَّا اَللَّه دُنغَنَايْ مٛ عٛوَطَمِّ کَلُّطُمْ؞ 8ندٜ عٛوِعِ: جَمَلُمْ لَاتٛتٛ نغٜىٰنَارِ مَ، دَمّٛوجِ ڢُو ندِمِ جَمَلُمْ؞ ندٜ عٛوِعَتَ: دِيدَاطُمْ لَاتٛتٛ نغٜىٰنَارِ مَ، دَمّٛوجِ ڢُو ندِمِ دِيدَاطُمْ؞ 9اَللَّه حٛوشِ دَبَّاجِ بَابَ مٛوطٛنْ، حٛکِّ يَمْ طِ؞ 10نغِعْمِ ندٜرْ کٛيْطٛلْ: وَکَّتِ غٛووْرِندِرَلْ مَاجِ، جَوْطِ بَعّٛتٛوطِ دٜبِّ لَاتِ دِيدَاطِ عٜ جَمَلِ عٜ شِرْغِ؞ 11مَلَاعِکَاجٛ اَللَّه وٛلْوَنِ يَمْ ندٜرْ کٛيْطٛلْ: يَعْقُوبُ! مِجَابِ: نَعَمْ؞ 12عٛوِعِ: تِجَّ، لَارْ! جَوْطِ بَعّٛتٛوطِ دٜبِّ ڢُو لَاتِ دِيدَاطِ عٜ جَمَلِ عٜ شِرْغِ؞ نغَمْ مِيِعِ کٛ لَبَنْ وَطْنٛ مَ ڢُو؞ 13مِنْ وٛنِ اَللَّه مٛ وَنغَنِ مَ حَا بَيْتِلَ، حَا نٛکُّورٜ ندٜ ندُڢْطَ نٜبَّمْ دٛوْ حَيْرٜ سِڢْتِنٛرْدٜ، حَا نغَطَنْطَ يَمْ تٛغَيٜىٰرٜ؞ جٛنْتَ کَمْ عُمَّ، وُرْتَ لٜسْدِ ندِعِ، لٛرْتَ حَا لٜسْدِ عَسْنغٛلْ مَ#لَاتَانٛوجِ 28:18-22؞؞» 14رَحِيلُ عٜ لٜيَ نجَابِمٛ، مبِعِمٛ: «مِنْ نغٛودِ غٜطَلْ مَلَّ ندٛنْنغُ ڢَحِنْ حَا سَارٜ بَابَ عَمِنْ نَ؟ 15نَا عٛحٛوشِرِ مِنْ بَنَ حٛطْࢡٜ؟ نغَمْ عٛسٛورِّ مِنْ، نٛنْ بٛو عٛࢩَامِ سَمَنْ عَمِنْ ڢُو؞ 16رِسْکُ نغُ اَللَّه عِتِّ دِغَ بَابَ عَمِنْ ڢُو، وَرْتَنِ مِنْ عٜ ࢡِکّٛيْ عَمِنْ؞ کَدِ، وَطْ کٛ اَللَّه وِعِ مَ ڢُو؞»
17يَعْقُوبُ عُمِّ، وَعِّنِ ࢡِکّٛيْ مُمْ عٜ رٜوْࢡٜ مُمْ دٛوْ غٜىٰلٛوطِ؞ 18عٛسٛغِّ دَبَّاجِ مَاکٛ عٜ مَرٜ مَاکٛ طِ عٛحٜࢡِ حَا ݠَدَّنْ-عَرَمْ ڢُو، نغَمْ عٛلٛرٛ حَا بَابَ مَاکٛ إِسْحَاقَ ندٜرْ لٜسْدِ کَنَانَ؞ 19لَبَنْ دِلُّنٛ تَعُغٛ غَاسَ بَالِ مُوطُمْ؞ سَاعِ مَاجُمْ رَحِيلُ وُجِّ لَبِّ بَابَ مُوطُمْ؞ 20يَعْقُوبُ ࢨٛيْرِ لَبَنْ عَرَمِيجٛ، نغَمْ عٛعَنْدِنَايْ مٛ عٛدٛغَّنْ؞ 21عٛدٛغِّ بٜى کٛ عٛمَرِ ڢُو، عٛدِلِّ؞ عٛعٜىٰرِ مَايٛ عٜڢْرَتَ، عٛتِيتِ غَلْ کٛوسٜىٰجٜ غِلٜعَتْ؞
22ࢩَلَادٜ تَتَࢡْرٜ، ࢡٜعَنْدِنِ لَبَنْ يَعْقُوبُ دٛغِّ؞ 23لَبَنْ حٛوعِ دٜىٰرْطِرَاࢡٜ مُمْ، تَاسْنِمٛ؞ عٛجٛکِّمٛ ࢩَلَادٜ جٛوٜىٰطِطَوْرٜ دٛوْ کٛوسٜىٰجٜ غِلٜعَتْ؞ 24عَمَّا اَللَّه وَرَنِ لَبَنْ عَرَمِيجٛ ندٜرْ کٛيْطٛلْ جٜمَّ، وِعِمٛ: «رٜىٰنْتَ، تَا وٛلْوَنْ يَعْقُوبُ کٛو طُمٜ!»
25لَبَنْ جٛکِّ يَعْقُوبُ حَا نٛکُّورٜ ندٜ يَعْقُوبُ دَرْنُنٛ لَيْمَارُ مُوطُمْ دٛوْ حٛوسٜىٰرٜ؞ لَبَنْ عٜ دٜىٰرْطُمْعٜنْ بٛو دَرْنِ لَيْمَارُ مُوطُمْعٜنْ دٛوْ حٛوسٜىٰرٜ غِلٜعَتْ؞ 26لَبَنْ ࢨَمِ يَعْقُوبُ: «کٛ نغَطَّا؟ عَࢨٛيْرِ يَمْ، عَدِلِّرِ ࢡِࢡّٜ عَمْ رٜوْࢡٜ بَنَ نَنغَاࢡٜ کٛنُ! 27کٛنِ عَدٛغِّ بٜى سِرِّ، عَࢨٛيْرِ يَمْ، عَعَنْدِنَايْ يَمْ؟ مِطٛڢْتٜتٜنٛ مَا بٜى سٜيٛ عٜ غِمِ، بٜى مبَغُّ عٜ مٛولٛورُ؞ 28عَعَشَّايْ يَمْ مِجَࢡِّتٛ ࢡِࢡّٜ عَمْ رٜوْࢡٜ عٜ تَانِرَاࢡٜ عَمْ؞ حَا طٛ کَمْ، عَوَطِ بَنَ ݠَاتَاطٛ؞ 29مِوٛودِ بَاوْطٜ وَطُغٛ عٛنْ کَلُّطُمْ؞ عَمَّا اَللَّه بَابَ مٛوطٛنْ وٛلْوَنِ يَمْ حَنغْکِ، عٛوِعِ: رٜىٰنْتَ، تَا وٛلْوَنْ مٛ کٛو طُمٜ! 30مِعَنْدِ عَحٛوتِ نغَمْ عَيٜنْوِ سَارٜ بَابَ مَ مَسِنْ؞ عَمَّا نغَمْ طُمٜ عَوُجِّ طٛوَنْتٜىٰࢡٜ عَمْ؟» 31يَعْقُوبُ جَابِ لَبَنْ: «مِحُلِ، نغَمْ مِنُمِ تٜىٰمَ عَجَࢡْتَتَمْ ࢡِࢡّٜ مَ رٜوْࢡٜ؞ 32عَمَّا مٛ تَوَتَ طٛوَنْتٜىٰࢡٜ مَاطَ حَا مُوطُمْ، تَا عٛيٜىٰطَ؞ طَࢡِّتِتْ طُمْ يٜىٰسٛ بَنْدِرَاࢡٜ مٜىٰطٜنْ شَکَ کٛ وٛنِ حَا عَمْ عٜ حٛوعُ کٛ لَاتِ مَرْدِ مَاطَ؞» عَمَّا يَعْقُوبُ عَنْدَا رَحِيلُ وُجِّنٛ لَبِّ؞
33لَبَنْ نَسْتِ لَيْمَارُ يَعْقُوبُ عٜ لَيْمَارُ لٜيَ، ندٜنْ حَا لَيْمَارُ حٛرْࢡٜ طِطٛ؞ عٛتَوَايْ کٛو طُمٜ؞ عٛوُرْتِ لَيْمَارُ لٜيَ، عٛنَسْتِ ندُ رَحِيلُ؞ 34رَحِيلُ حٛوعُنٛ لَبِّ، وَلِّنِ طِ ندٜرْ کِرْکٜ نغٜىٰلٛوبَ، عٛجٛوطِ دٛوْ مَاجِ؞ لَبَنْ طَࢡِّتِ ندٜرْ لَيْمَارُ ڢُو، عَمَّا عٛتَوَايْ کٛو طُمٜ؞ 35رَحِيلُ وِعِ بَابَ مُوطُمْ: «تَا جَاغٛرْطٛ عَمْ تِکَّ، مِوَاوَايْ عُمَّاغٛ يٜىٰسٛ مَاطَ؞ طُمْ وَکَّتِ لٛوتْغٛلْ عَمْ؞» لَبَنْ طَࢡِّتِ کٛو تٛيْ، عَمَّا عٛتَوَايْ لَبِّ غٛ؞ 36يَعْقُوبُ تِکِّ، جٛکِّرِ بٜى لَبَنْ، وِعِمٛ: «تٛيْ عَيْبٜ عَمْ؟ تٛيْ حَکّٜوٛلْ عَمْ نغَمْ حَا عَتَاسْنَمِّ بٜى تِطِّنَارٜ بَنَ نِي؟ 37عَوِطِتِ کُوجٜ عَمْ ڢُو؞ طُمٜ تَوْطَ دِغَ کُوجٜ سَارٜ مَ؟ حٛلُّ طُمْ حَا طٛ يٜىٰسٛ دٜىٰرْطِرَاࢡٜ عَمْ عٜ دٜىٰرْطِرَاࢡٜ مَ، ࢡٜتَعَ کِيتَ حَکُّندٜ مٜىٰطٜنْ طِطٛ! 38وَطِ دُوࢡِ نٛوغَسْ مِطٛنْ وٛنْدِ بٜى مَاطَ؞ بَالِ مَ عٜ بٜعِ مَ شٛلْدِنَايْ؞ مِࢩَامَايْ جَوْطِ تٛکّٜرٜ مَ؞ 39مِمٜىٰطَايْ وَرْتِرَنْغٛ مَ کٛ حُوندٜ لَدّٜ ڢَطِّ؞ مِ طٛنّٛ عٜڢْتَ، مِيٛࢡَ؞ کٛ وُجَّ جٜمَّ مَلَّ نَانغٜ، عَࢩَامْتِ طُمْ حَا عَمْ؞ 40نغُلِ نَانغٜ تٛرِّ يَمْ ࢩَلَوْمَ نٛنْ جَانغٛلْ بٛو جٜمَّ؞ طٛيْنغٛلْ دٛغِّ غِتٜ عَمْ؞ 41وَطِ دُوࢡِ نٛوغَسْ مِطٛنْ حَا سَارٜ مَ؞ مِحُووَنِ مَ دُوࢡِ سَݠّٛ عٜ نَيِ نغَمْ ࢡِࢡّٜ مَ رٜوْࢡٜ طِطٛ، ندٜنْ دُوࢡِ جٛوٜىٰغٛ نغَمْ دَمّٛوجِ مَ! عَوَيْلِتِ نغٜىٰنَارِ عَمْ ندٜ سَݠّٛ؞ 42تٛ نَا اَللَّه مَامَ عَمْ، اَللَّه إِبْرَاهِيمَ، مٛ بَابَ عَمْ إِسْحَاقَ طٛوْتَنِ طُمْ وٛنْدُنٛ بٜى عَمْ، ڢَکَتْ عَعَشَّتَمْنٛ مِدِلَّ جُوطٜ مٜىٰرٜ؞ عَمَّا اَللَّه لَارِ بٛنٜ عَمْ عٜ کُوغَلْ عَمْ، حَنغْکِ عٛتَعِ حَالَ مَنْ؞»
43لَبَنْ جَابِ يَعْقُوبُ: «ࢡِࢡّٜ رٜوْࢡٜ ࢡٜعٜ طُمْ ࢡِࢡّٜ عَمْ، ࢡِکّٛيْ کٛيْ طُمْ ࢡِکّٛيْ عَمْ، دَمّٛوجِ طِعِ طُمْ دَمّٛوجِ عَمْ، کٛ نغِعَتَ ڢُو مِنْ جٜيِ؞ طُمٜ نغَطَنَنْمِ ࢡِࢡّٜ عَمْ رٜوْࢡٜ حَنْدٜ عٜ ࢡِکّٛيْ مُوطُمْعٜنْ کٛيْ ࢡٜندَࢩِ؟ 44وَرْ جٛنْتَ، عٜنْ کَࢡّٛتِرْ عَلْکَوَلْ، مِنْ بٜى مَاطَ، نغَمْ طُمْ لَاتٛ سٜىٰدَمْکُ حَکُّندٜ عَمْ بٜى مَاطَ؞» 45ندٜنْ يَعْقُوبُ حٛوعِ حَيْرٜ، دَرْنِ ندٜ سِڢْتِنٛرْدٜ؞ 46ندٜنْ عٛوِعِ يِمْࢡٜ مَاکٛ: «ࢡٛڢْتٜ کَاعٜ؞» ࢡٜࢡٛڢْتِ کَاعٜ، ࢡٜمبَاغِ طٜ، ࢡٜࢩَامِ دٛوْ وَاغَارٜ مَاجُمْ؞ 47لَبَنْ عِنْدِ ندٜ يٜغَرْ-سَحَدُتَ، يَعْقُوبُ بٛو عِنْدِ ندٜ غَلٜتْ#31:47 غَلٜتْ يِطِ وِعْغٛ وَاغَارٜ-سٜىٰدَمْکُ؞؞ 48لَبَنْ وِعِ: «وَاغَارٜ ندٜعٜ لَاتٛ حَنْدٜ سٜىٰدٛرَمَّاکُ حَکُّندٜ عَمْ بٜى مَاطَ؞» نغَمْ مَاجُمْ ࢡٜعِنْدِ ندٜ غَلٜتْ؞ 49ࢡٜعِنْدِ ندٜ بٛو مِسْݠَ#31:49 مِسْݠَ يِطِ وِعْغٛ عَيْنِرْدٜ؞، نغَمْ لَبَنْ وِعْنٛ بٛو: «جَوْمِرَاوٛ حٜىٰدٛ حَکُّندٜ عَمْ بٜى مَاطَ، يَاکٜ عٜنْ لَاتٛتٛ دَايْتٛتِرْࢡٜ؞ 50تٛ عَتٛسْکِنِ ࢡِࢡّٜ عَمْ رٜوْࢡٜ، تٛ عَࢡَنغِ رٜوْࢡٜ وٛطْࢡٜ دٛوْ مَࢡّٜ، کٛو تٛ وَلَا نٜطّٛ وٛنْدِ بٜى مٜىٰطٜنْ، عَنْدُ اَللَّه وٛنِ شٜىٰدٛووٛ حَکُّندٜ عَمْ بٜى مَاطَ؞» 51لَبَنْ وِعِ يَعْقُوبُ: «ندَا وَاغَارٜ ندٜ مبَاغُمِ حَکُّندٜ عَمْ بٜى مَاطَ، ندَا بٛو حَيْرٜ سِڢْتِنٛرْدٜ؞ 52وَاغَارٜ عٜ حَيْرٜ سِڢْتِنٛرْدٜ، طِطِ ڢُو لَاتٛ سٜىٰدَمْکُ؞ مِنْ مِسَالَتَاکٛ وَاغَارٜ ندٜعٜ نغَمْ حٛنٛيْغٛ مَ؞ عَنْ بٛو عَسَالَتَاکٛ وَاغَارٜ ندٜعٜ عٜ حَيْرٜ سِڢْتِنٛرْدٜ ندٜعٜ نغَمْ حٛنٛيْغٛ يَمْ؞ 53اَللَّه مٛ إِبْرَاهِيمَ عٜ نَحٛرْ، حِيتٛ حَکُّندٜ مٜىٰطٜنْ؞» ندٜنْ يَعْقُوبُ حُنٛرِ بٜى اَللَّه مٛ بَابَ مَاکٛ إِسْحَاقَ طٛوْتَنِ طُمْ بٜى کُلٛلْ؞ 54يَعْقُوبُ لِيعَنِ اَللَّه کِرْسَانغَ دٛوْ حٛوسٜىٰرٜ، عٛعٜوْنٛيِ بَنْدِرَاࢡٜ مَاکٛ دٛوْ ࢩَامْدُ؞ ࢡٜࢩَامِ، ندٜنْ ࢡٜمبَالِ دٛوْ حٛوسٜىٰرٜ جٜمَّ مَنْ؞
Currently Selected:
لَاتَانٛوجِ 31: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
