لَاتَانٛوجِ 30
30
1ندٜ رَحِيلُ يِعِ عٛدَࢩَنَايْ يَعْقُوبُ ࢡِࢡّٜ، عٛحَاجِ دٜىٰرْطِيکٛ؞ عٛوِعِ يَعْقُوبُ: «حٛکَّمْ ࢡِکّٛيْ مَلَّ بٛو مِمَايَ؞» 2يَعْقُوبُ ࢡٜرْنَنِ رَحِيلُ، عٛوِعِ: «کَدِ مِنْ مِ اَللَّه، کَطّٛ مَ حٜࢡُغٛ ࢡِنغٜلْ نَ!» 3رَحِيلُ وِعِ: «ندَا کٛرْطٛ عَمْ بِلْحَ؞ حَوْتُ بٜى مَاکٛ نغَمْ عٛدَࢩَ دٛوْ کٛݠِّ عَمْ، دَلِيلَ مَاکٛ مِنْ بٛو مِحٜࢡَ ࢡِکّٛيْ؞» 4عٛحٛکِّمٛ کٛرْطٛ مَاکٛ بِلْحَ؞ يَعْقُوبُ حَوْتِ بٜى مَاکٛ؞ 5بِلْحَ رٜىٰدِ، دَࢩَنِ يَعْقُوبُ ࢡِطّٛ غٛرْکٛ؞ 6رَحِيلُ وِعِ: «اَللَّه وَطَنِ يَمْ غٛونغَاکُ، عٛنَنِ تٛرْندٜ عَمْ عٜ حٛکِّ يَمْ ࢡِطّٛ؞» نغَمْ مَاجُمْ عٛعِنْدِمٛ دَنْ#30:6 دَنْ يِطِ وِعْغٛ غٛونغْطِنْغٛ؞؞ 7بِلْحَ، کٛرْطٛ رَحِيلُ، رٜىٰدِ کَدِبٛو، دَࢩَنِ يَعْقُوبُ ࢡِطّٛ طِطَࢡٛ؞ 8رَحِيلُ وِعِ: «حَࢡْرٜ وُلْندٜ جَوْ کَࢡْمِ بٜى دٜىٰرْطِرَاوٛ عَمْ، مِجَالَکٜ بٛو؞» عٛعِنْدِمٛ نٜڢْتَلِ#30:8 نٜڢْتَلِ يِطِ وِعْغٛ حَࢡْرٜ؞؞
9ندٜ لٜيَ يِعِ عٛعَشِّ دَࢩُغٛ، عٛحٛوعِ کٛرْطٛ مَاکٛ زِلْݠَ، عٛحٛکِّمٛ يَعْقُوبُ؞ 10زِلْݠَ، کٛرْطٛ لٜيَ، دَࢩَنِ يَعْقُوبُ ࢡِطّٛ غٛرْکٛ؞ 11لٜيَ وِعِ: «مِوَطِ سَاعَ!» عٛعِنْدِمٛ غَدَ#30:11 غَدَ يِطِ وِعْغٛ سَاعَ؞؞ 12زِلْݠَ، کٛرْطٛ لٜيَ، دَࢩَنِ يَعْقُوبُ ࢡِطّٛ طِطَࢡٛ؞ 13لٜيَ وِعِ: «مِحٜࢡِ بَرْکَ! نغَمْ ࢡِࢡّٜ رٜوْࢡٜ مبِعَتَمْ بَرْکِطِنَاطٛ؞» عٛعِنْدِمٛ عَسٜرْ#30:13 عَسٜرْ يِطِ وِعْغٛ کٜࢡْطٛ بَرْکَ؞؞
14ࢩَنْدٜرٜ ڢٜىٰرٜ يَاکٜ وَعُغٛ عَلْکَمَارِ، رُبٜنْ يٜحِ حَا غٜسٜ؞ عٛتَوِ ࢡِࢡّٜ لٜطّٜ جٛوطٛوجٜ#30:14 جٛوطٛوجٜ طُمْ ࢡِࢡّٜ لٜطّٜ طٜ يِمْࢡٜ تَمِّ طُمْ عُمِّنَنْ سُونٛ غٛرْکٛ، مَلَّ طُمْ طَطِ مَاجٜ؞ حَا نغٜسَ، عٛوَدَّنِ دَادَ مَاکٛ لٜيَ؞ رَحِيلُ وِعِ لٜيَ: «عُسٜنِ، حٛکَّمْ جٛوطٛوجٜ سٜطَّ دِغَ طٜ ࢡِطّٛ مَ؟» 15لٜيَ جَابِ: «عَجَࢡْتِ يَمْ غٛرْکٛ، طُمْ حٜعَايْ مَ نَ؟ عَيِطِ حٛوعُغٛ جٛوطٛوجٜ ࢡِطّٛ عَمْ بٛو نَ؟» رَحِيلُ وِعِ: «بٛوطُّمْ! سٜيْ عٛوَالْدَ بٜى مَ جٜمَّارٜ ندٜعٜ نغَمْ مبَتُّدِ جٛوطٛوجٜ ࢡِطّٛ مَ؞» 16کِيکِيطٜ، ندٜ يَعْقُوبُ طٛنْ وَرْتٛيَ دِغَ نغٜسَ، لٜيَ وُرْتِ، ڢٛتّٛيِ بٜى مَاکٛ، وِعِمٛ: «سٜيْ عَنَسْتَ حَا عَمْ، نغَمْ مِحٛوعِ مَ مبَتُّدِ جٛوطٛوجٜ ࢡِطّٛ عَمْ؞» يَعْقُوبُ حَوْتِ بٜى مَاکٛ جٜمَّارٜ مَاجُمْ؞ 17اَللَّه نَنَنِ لٜيَ تٛرْندٜ مُوطُمْ، عٛرٜىٰدِ، عٛدَࢩَنِ يَعْقُوبُ ࢡِطّٛ نجٛوَࢡٛ؞ 18عٛوِعِ: «اَللَّه حٛکِّ يَمْ مبَرْجَارِ عَمْ، نغَمْ مِحٛکِّ کٛرْطٛ عَمْ حَا غٛرْکٛ عَمْ؞» عٛعِنْدِمٛ عِسَّکَرْ#30:18 عِسَّکَرْ يِطِ وِعْغٛ مبَرْجَارِ طٛنْ؞؞ 19لٜيَ رٜىٰدِ کَدِبٛو، عٛدَࢩَنِ يَعْقُوبُ ࢡِطّٛ نجٛوٜىٰغٛوجٛ؞ 20عٛوِعِ: «اَللَّه حٛکِّ يَمْ شَاحُ مبٛوطْنغُ مَسِنْ؞ نغَمْ جٛنْتَ کَمْ، غٛرْکٛ عَمْ تٜدِّنْتَمْ، نغَمْ مِدَࢩَنِمٛ ࢡِࢡّٜ نجٛوٜىٰغٛ؞» عٛعِنْدِمٛ زَبُلٛنْ#30:20 زَبُلٛنْ يِطِ وِعْغٛ تٜدِّنْغٛ؞؞ 21ࢡَاوٛ مَاجُمْ عٛدَࢩِ ࢡِطّٛ دٜبّٛ، عٛعِنْدِمٛ دِنَ؞
رَحِيلُ حٜࢡِ ࢡِطّٛ
22ندٜنْ اَللَّه سِڢْتٛرِ رَحِيلُ؞ اَللَّه نَنِ تٛرْندٜ مَاکٛ، وَطِمٛ عٛ دَࢩٛووٛ؞ 23عٛرٜىٰدِ، عٛدَࢩِ ࢡِطّٛ غٛرْکٛ؞ عٛوِعِ: «اَللَّه عِتَّنِ يَمْ مبُسْتُ عَمْ کَدِ؞» 24عٛعِنْدِمٛ يُوسُڢُ#30:24 يُوسُڢُ يِطِ وِعْغٛ ࢡٜسْدُغٛ؞؞ عٛوِعِ «جَوْمِرَاوٛ ࢡٜسْدَنَمِّ ࢡِطّٛ غٛطّٛ؞»
رِکِشِ حَکُّندٜ لَبَنْ عٜ يَعْقُوبُ
25ࢡَاوٛ رَحِيلُ دَࢩِ يُوسُڢُ، يَعْقُوبُ وِعِ لَبَنْ: «عَشَّمْ مِلٛرٛ حَا نٛکُّورٜ عَمْ عٜ لٜسْدِ عَمْ؞ 26حٛکَّمْ رٜوْࢡٜ عَمْ عٜ ࢡِکّٛيْ عَمْ ࢡٜکُووَنْمَامِ نغَمْ مُوطُمْعٜنْ، مِدِلَّ؞ عَعَنْدِ کُوغَلْ نغَلْ مِحُووَنِ مَ؞» 27لَبَنْ جَابِ: «عَشُّ مِحٜࢡَ مٛعّٜرٜ يٜىٰسٛ مَ؞ ندٜ مِوَطِ حَتِّ، مِڢَامِ جَوْمِرَاوٛ بَرْکِطِنِ يَمْ نغَمْ دَلِيلَ مَاطَ؞ 28وِعَمْ نغٜىٰنَارِ مَ، مِحٛکّٜتٜ ندِ؞» 29يَعْقُوبُ وِعِ: «عَعَنْدِ بَنَ نٛيْ مِحُووْرَنِ مَ؞ عَعَنْدِ بٛو نٛ دَبَّاجِ مَ لَاتٛرِ بٜى عَمْ؞ 30طُمْ کٛ مَرْطَ حِدّٜکٛ مِوَرَ طُوطَايْنٛ؞ جٛنْتَ طُمْ ࢡٜسْدِ مَسِنْ؞ جَوْمِرَاوٛ بَرْکِطِنِ مَ دِغَ مِوَرِ سَارٜ مَ؞ جٛنْتَ کَمْ، ندٜيْ کُووَنْمِ نغَمْ سَارٜ عَمْ؟» 31لَبَنْ ࢨَمِ: «طُمٜ ندٛکَّنْمَامِ؟» يَعْقُوبُ جَابِ: «تَا حٛکَّمْ کٛو طُمٜ! تٛ عَوَطَنِ يَمْ کٛ مِتَمِّ ࢨَمُغٛ مَ، مِڢُطِّتَنْ دُرُغٛ دَمّٛوجِ مَ، مِعَيْنَنْ طِ؞ 32حَنْدٜ مِسَالٛتٛ شَکَ تٛکّٜ ڢُو؞ مِوُرْتِنَنْ شِرْغُمْ عٜ جَمَلُمْ عٜ ࢡَلٜىٰجُمْ شَکَ بَالِ ڢُو، نٛنْ بٛو شِرْغُمْ عٜ جَمَلُمْ شَکَ بٜعِ ڢُو؞ کَنْجُمْ لَاتٛتٛ نغٜىٰنَارِ عَمْ#30:32 حَا لٜسْدِ مَࢡّٜ، ࢡُرْنَ بَالِ طٛنْ ندَنْوِ، بٜعِ بٛو ࢡُرْنَ مَاجِ طٛنْ ࢡَلْوِ؞؞ 33غٛونغَاکُ عَمْ وَنغَنْ جَنغٛ، تٛ عَوَرِ لَارُغٛ نغٜىٰنَارِ عَمْ؞ کٛ لَاتَاکِ شِرْغُمْ مَلَّ جَمَلُمْ شَکَ بٜعِ عٜ ࢡَلٜىٰجُمْ شَکَ بَالِ، طُمْ لَاتٛ حَا عَمْ غُجَّاطُمْ؞» 34لَبَنْ وِعِ: «بٛوطُّمْ، عٜنْ نغَطَ بَنَ مبِعْطَ؞» 35ࢩَلَادٜ مَنْ ندٜنْ لَبَنْ وُرْتِنِ جَوْطِ بٜعِ دِيدَاطِ عٜ جَمَلِ ڢُو، نٛنْ بٛو بٜعِ شِرْغِ عٜ جَمَلِ، وَاتٛ مَرْطِ دَنٜىٰجُمْ ڢُو عٜ بَالِ ࢡَلٜىٰجِ ڢُو؞ عٛحٛکِّ طُمْ حَا جُوطٜ ࢡِيِيکٛعٜنْ؞ 36عٛدِلِّ جَحَانغَلْ دَايِينغَلْ سٜطَّ، بَاکِنْ يَحْدُ ࢩَلْطٜ تَتِ حَکُّندٜ مَاکٛ عٜ يَعْقُوبُ؞ يَعْقُوبُ دُرِ لُتُّطِ تٛکّٜرٜ لَبَنْ غٛ؞
37يَعْقُوبُ عِتِّ شَبِّ کٜشِّ حَا لٜطّٜ تَتِ ڢٜىٰرٜ ڢٜىٰرٜىٰجٜ، عٛحٜڢِ طِ حَا شِيڢِ دَنٜىٰجِ مبَنغِ؞ 38عٛدَرْنِ شَبِّ مَنْ يٜىٰسٛ کٜىٰلٜىٰجٜ حَا دَمّٛوجِ نغَرَتَ يَرَ؞ ندٜ دَمّٛوجِ نغَرَتَ يَرُغٛ ڢُو، طِ طٛنْ نغٛووْرِنْدِرَ؞ 39دَمّٛوجِ نغٛووْرِنْدِرِ سَاعِ طِ نغَرَتَ غَلْ شَبِّ طِعِ؞ ࢡَاوٛ مَاجُمْ طِ ندِمِ دِيدَاطِ عٜ شِرْغِ عٜ جَمَلِ؞ 40يَعْقُوبُ سٜنْدِ ࢡِࢡّٜ دَمّٛوجِ؞ عٛوَيْلِتِ طِ دٛوْ دِيدَاطِ عٜ ࢡَلٜىٰجِ شَکَ دَبَّاجِ لَبَنْ؞ بَنَ نٛنْ عٛوَارَنِ حٛورٜ مَاکٛ تٛکّٜرٜ، عٛحَوْتَايْ ندٜ بٜى تٛکّٜ لَبَنْ ڢَحِنْ؞ 41کٛو ندٜيٜ دَمّٛوجِ شٜمْبِطِّ نغٛووْرِنْدِرِ ڢُو، يَعْقُوبُ دَرْنِ شَبِّ يٜىٰسٛ کٜىٰلٜىٰجٜ، حَا غِتٜ دَمّٛوجِ؞ نٛنْ طِ نغٛووْرِنْدِرِ بَنغٜ شَبِّ؞ 42تٛ طُمْ دَمّٛوجِ ݠٛويْطِ، عٛدَرْنَتَا شَبِّ غٛ؞ بَنَ نٛنْ ݠٛويْطِ لَاتَنِ لَبَنْ عٜ شٜمْبِطِّ بٛو طِ يَعْقُوبُ؞
43يَعْقُوبُ ڢَغِّ جَوْدِ، عٛمَرِ دَمّٛوجِ طُوطِّ عٜ حٛرْࢡٜ عٜ مَشُّࢡٜ عٜ غٜىٰلٛوطِ عٜ بَمْطٜ؞
Currently Selected:
لَاتَانٛوجِ 30: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
