لَاتَانٛوجِ 13
13
لُوطُ سٜىٰدِ بٜى عَبْرَامَ
1عَبْرَامَ عُمِّ دِغَ مِصْرَ، وَرْتِ لٜسْدِ ڢٛمْبِنَ بٜى دٜبّٛ مَاکٛ عٜ کٛ عٛمَرِ ڢُو؞ لُوطُ طٛنّٛ بٜى مَاکٛ؞
2عَبْرَامَ عٛ دِسْکُطٛ مَسِنْ؞ عٛمَرِ دَبَّاجِ عٜ شَرْدِ عٜ کَنغّٜىٰرِ؞ 3عٛيٜحِ سٜطَّ سٜطَّ دِغَ لٜسْدِ ڢٛمْبِنَ حَا يٛتِّ بَيْتِلَ، حَا نٛکُّورٜ لَيْمَارُ مَاکٛ ندُ عٛدَرْنُنٛ نَانٜ حَکُّندٜ بَيْتِلَ عٜ عَيُ، 4حَا نٛکُّورٜ ندٜ عٛمَحُنٛ حِرْسِرْدٜ نَانٜ بٛو؞ حَا تٛنْ عَبْرَامَ عٜوْنِ عِنْدٜ جَوْمِرَاوٛ ندٜرْ دٛعَ؞ 5لُوطُ، جَحْدُطٛ بٜى عَبْرَامَ، وٛودِ دَمّٛوجِ عٜ نَعِ عٜ شُوطِ لَيْمَاجِ مَاکٛ؞ 6لٜسْدِ مَاجُمْ حٜعَايْ حَا ࢡٜنجٛوطٛدٛ نغَمْ مَرْلٜ مَࢡّٜ طُوطِ مَسِنْ حَا ࢡٜمبَاوَايْ جٛوطٛدَاغٛ؞ 7جٛکِّرْغٛلْ عُمِّ حَکُّندٜ وَيْنَاࢡٜ عَبْرَامَ عٜ وَيْنَاࢡٜ لُوطُ؞ وَکَّتِ مَنْ کَنَانِعٜنْ عٜ ݠٜرٜزِّعٜنْ طٛنّٛ ندٜرْ لٜسْدِ مَاجُمْ؞
8ندٜنْ عَبْرَامَ وِعِ لُوطُ: «تَا جٛکِّرْغٛلْ وٛنَ حَکُّندٜ عَمْ بٜى مَاطَ، حَکُّندٜ وَيْنَاࢡٜ عَمْ بٜى وَيْنَاࢡٜ مَاطَ نغَمْ عٜنْ بَنْدِرَاࢡٜ؞ 9نَا لٜسْدِ ڢُو طٛنْ يٜىٰسٛ مَاطَ نَ؟ سٜىٰدُ بٜى عَمْ! تٛ عَيِطِ يَحُغٛ غَلْ جُنغٛ نَنٛ، مِيَحَنْ حَا ࢩَامٛ؞ تٛ عَيِطِ يَحُغٛ غَلْ جُنغٛ ࢩَامٛ، مِيَحَنْ غَلْ نَنٛ؞» 10لُوطُ ࢡَنغْتِ غِتٜ مُوطُمْ، يِعِ وَادِوٛلْ عُرْدُنْ ڢُو نٛ سٛوڢْرِ بٛوطُّمْ، حَا يٛتِّ شٛعَرْ؞ حِدّٜکٛ اَللَّه نَتِّنَ سٛدٛمَ عٜ غٛمٛرَّ، نغٛلْ نَنْدِنٛ بَنَ جَرْنٜ جَوْمِرَاوٛ، بَنَ لٜسْدِ مِصْرَ#لَاتَانٛوجِ 2:10؞؞ 11لُوطُ سُࢡَنِ حٛورٜ مُوطُمْ وَادِوٛلْ عُرْدُنْ ڢُو، عٛدِلِّ غَلْ ڢُونَانغٜ؞ بَنَ نٛنْ ࢡٜشٜىٰدِرِ؞ 12عَبْرَامَ جٛوطِ ندٜرْ لٜسْدِ کَنَانَ، لُوطُ بٛو جٛوطِ ندٜرْ غُرٜ وَادِوٛلْ؞ عٛدَرْنِ شُوطِ لَيْمَاجِ مَاکٛ حَا يٛتِّ سٛدٛمَ؞ 13يِمْࢡٜ بٜرْنِوٛلْ سٛدٛمَ ࢡٜ حَلُّࢡٜ، ࢡٜطٛنّٛ مبَطَ حَکّٜ مَسِنْ حٜىٰدِ جَوْمِرَاوٛ؞
14ندٜ لُوطُ سٜىٰدِ بٜى مَاکٛ، جَوْمِرَاوٛ وِعِ عَبْرَامَ: «ࢡَنغْتُ غِتٜ مَاطَ، لَارْ دِغَ نٛکُّورٜ ندٜ عَوٛنِ حَا غَلْ وٛيْلَ#13:14 وٛيْلَ مَلَّ سٛࢡِّيرٜ؞ عٜ ڢٛمْبِنَ#13:14 ڢٛمْبِنَ مَلَّ حٛورٜ-حُطٛ؞ عٜ ڢُونَانغٜ عٜ حِيرْنَانغٜ؞ 15نغَمْ لٜسْدِ ندِ نغِعَتَ ڢُو، حَا مَاطَ عٜ دَࢩْغٛلْ مَاطَ ندٛکَّنْمِ ندِ نغَمْ ڢٛرٛيْ#کُوطٜ نٜلَاࢡٜ 7:5؞؞ 16مِطُطِّنَنْ دَࢩْغٛلْ مَاطَ بَنَ نجَارٜىٰندِ؞ تٛ غٛطّٛ وَاوِ لِمُغٛ نجَارٜىٰندِ مَايٛ، عٛوَاوَنْ لِمُغٛ دَࢩْغٛلْ مَاطَ بٛو؞ 17عُمَّ، وِدَّ لٜسْدِ، ندٜرْ نجُوتِرْکَ عٜ نجَاجِرْکَ مَارِ ڢُو، نغَمْ مِحٛکّٜتٜ ندِ؞» 18عَبْرَامَ عُمِّدِ بٜى شُوطِ لَيْمَاجِ مُوطُمْ، وَرِ جٛوطِ لٜسْ لٜطّٜ مَوْطٜ حَا مَمْرٜ، بَنغٜ حٜبُرُونْ؞ تٛنْ عٛمَحَنِ جَوْمِرَاوٛ حِرْسِرْدٜ؞
Currently Selected:
لَاتَانٛوجِ 13: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
