لَاتَانٛوجِ 12

اَللَّه عٜوْنِ عَبْرَامَ

1جَوْمِرَاوٛ وِعِ عَبْرَامَ‏: «وُرْتَ لٜسْدِ مَاطَ عٜ لٜࢩٛلْ مَاطَ عٜ سَارٜ بَابَ مَاطَ؞ يَحْ حَا لٜسْدِ ندِ مِحٛلّٜتٜ#کُوطٜ نٜلَاࢡٜ 7‏:2‏-3؛ عِبْرَنِنغْکٜعٜنْ 11‏:8؞؞ 2مِلَاتِنْتٜ عُمَّاتٛورٜ مَوْندٜ، مِبَرْکِطِنْتٜ، مِمَوْنِنَنْ عِنْدٜ مَاطَ؞ عَلَاتَنْتٛ وٛطْࢡٜ دَلِيلَ بَرْکَ؞ 3مِبَرْکِطِنَنْ بَرْکِطِنَنْࢡٜ مَ، مِنَالَنْ نَالَنْࢡٜ مَ؞ نغَمْ دَلِيلَ مَاطَ عَسْلِ دُنِيَارُ ڢُو کٜࢡَنْ بَرْکَ#غَلَاتِيَعٜنْ 3‏:8؞؞»

4عَبْرَامَ دِلِّ، بَنَ جَوْمِرَاوٛ وِعْنٛ مٛ، لُوطُ يَحْدِ بٜى مَاکٛ؞ عَبْرَامَ وٛودِنٛ دُوࢡِ شَݠَّنْطٜ جٛوٜىٰطِطِ عٜ جٛوِ (75)، سَاعِ عٛوُرْتٛ حَرَنْ؞ 5عٛحٛوعِ سَرَيْ، دٜبّٛ مَاکٛ عٜ لُوطُ، ࢡِي دٜىٰرْطِيکٛ عٜ مَرْدِ مَࢡّٜ، نٛنْ بٛو مَشُّࢡٜ ࢡٜ عٛ سٛودِ حَا حَرَنْ ڢُو؞ ࢡٜنغُرْتِ نغَمْ ࢡٜنجَحَ لٜسْدِ کَنَانَ؞ ࢡٜنجٛتِّ تٛنْ بٛو؞

عَبْرَامَ حَا لٜسْدِ کَنَانَ عٜ حَا مِصْرَ

6عَبْرَامَ سَالِ لٜسْدِ مَاجُمْ ڢُو حَا يٛتِّ نٛکُّورٜ وِعٜتٜىٰندٜ سِکٜمْ، حَا لٜکِّ مَکِّ بِعٜتٜىٰکِ مٛرٜ وٛنِ؞ وَکَّتِ مَاجُمْ کَنَانِعٜنْ طٛنّٛ نجٛوطِ ندٜرْ لٜسْدِ ندِعِ؞ 7جَوْمِرَاوٛ وَنغَنِ عَبْرَامَ، وِعِمٛ‏: «مِحٛکَّنْ دَࢩْغٛلْ مَاطَ لٜسْدِ ندِعِ؞» تٛنْ عَبْرَامَ مَحَنِ جَوْمِرَاوٛ مٛ وَنغَنِمٛ حِرْسِرْدٜ#لَاتَانٛوجِ 20‏:2؛ 26‏:7؞؞ 8ندٜنْ عٛعُمِّ دِغَ تٛنْ، عٛيٜحِ لٜسْدِ کٛوسٜىٰجٜ، حَا ڢُونَانغٜ بَيْتِلَ؞ تٛنْ عٛدَرْنِ لَيْمَارُ مَاکٛ، حَکُّندٜ بَيْتِلَ حَا حِيرْنَانغٜ عٜ عَيُ حَا ڢُونَانغٜ؞ تٛنْ عٛمَحَنِ جَوْمِرَاوٛ حِرْسِرْدٜ ڢٜىٰرٜ، عٛعٜوْنِ عِنْدٜ جَوْمِرَاوٛ ندٜرْ دٛعَ؞ 9ندٜنْ عٛدِلِّ، عٛتٛکِّ لَاوٛلْ مَاکٛ يَحُغٛ لٜسْدِ ڢٛمْبِنَ#12‏:9 ڢٛمْبِنَ مَلَّ حٛورٜ-حُطٛ؞ طُمْ نٜغٜڢْ بٜى عِبْرَنِنغْکٜىٰرٜ؞؞

10وٜىٰلٛ وَطِ ندٜرْ لٜسْدِ؞ عَبْرَامَ دِلِّ حَا مِصْرَ حَا عٛڢَࢡّٛيَ تٛنْ، نغَمْ وٜىٰلٛ#12‏:10 وٜىٰلٛ مَلَّ رَڢٛ؞ مَاجُمْ سَاتِ؞ 11ندٜ عٛࢡَدِ نَسْتُغٛ مِصْرَ، عٛوِعِ سَرَيْ، دٜبّٛ مَاکٛ‏: «ندَا، مِعَنْدِ عَ دٜبّٛ نغَرْنِيطٛ؞ 12تٛ مِصْرَعٜنْ نغِعِ مَ، ࢡٜمبِعَنْ‏: عٛو، طُمْ دٜبّٛ مَاکٛ؞ ࢡٜمبَرَتَمْ، عَنْ کَمْ ࢡٜعَشّٜتٜ؞ 13نغَمْ مَاجُمْ سٜيْ مبِعَ ࢡٜ عَ دٜىٰرْطِرَاوٛ عَمْ، حَا مِجٛوطٛ جَمْ عٜ يٛنغْکِ عَمْ بٛو حِسَ نغَمْ دَلِيلَ مَاطَ؞» 14ندٜ عَبْرَامَ يٛتِّ مِصْرَ، مِصْرَعٜنْ نغِعِ دٜبّٛ عٛو، عٛ نغَرْنِيطٛ مَسِنْ؞ 15سَرَاکِعٜنْ ڢِرْعَوْنَ#12‏:15 لَامِيࢡٜ مِصْرَ ڢُو عٜوْنَامَ ڢِرْعَوْنَ، وَاتٛ لَامِيطٛ؞ نغِعِمٛ، مَنِمٛ يٜىٰسٛ ڢِرْعَوْنَ، ندٜنْ ࢡٜنجَحْرِمٛ ندٜرْ سَارٜ مَاکٛ؞ 16ڢِرْعَوْنَ وٛونَنِ عَبْرَامَ دَلِيلَ مَاکٛ؞ عٛحٛکِّ عَبْرَامَ دَمّٛوجِ عٜ نَعِ عٜ بَمْطٜ عٜ مَشُّࢡٜ عٜ حٛرْࢡٜ عٜ غٜىٰلٛوطِ؞

17عَمَّا جَوْمِرَاوٛ حِيتِ ڢِرْعَوْنَ عٜ سَارٜ مَاکٛ بٜى مَسِيبٛوجِ نَاوْطِ نغَمْ دَلِيلَ سَرَيْ، دٜبّٛ عَبْرَامَ؞ 18ندٜنْ ڢِرْعَوْنَ عٜوْنِ عَبْرَامَ، وِعِمٛ‏: «طُمْ طُمٜ مبَطَنْطَ يَمْ طٛ؟ کٛنِ عَعَنْدِنَايْ يَمْ عٛ دٜبّٛ مَاطَ؟ 19کٛنِ مبِعْطَ عٛ دٜىٰرْطَ، حَا مِحٛوعِمٛ نغَمْ عٛلَاتٛ دٜبّٛ عَمْ؟ جٛنْتَ، ندَا دٜبّٛ مَاطَ، حٛوشُ مٛ، دِلُّ‏!» 20ڢِرْعَوْنَ عُمْرِ وٛرْࢡٜ وٛطْࢡٜ طٛڢْتَ مٛ، ࢡٜطٛڢْتِمٛ کَنغْکٛ عٜ دٜبّٛ مَاکٛ عٜ کٛ عٛمَرِ ڢُو؞

Currently Selected:

لَاتَانٛوجِ 12: داَ

Highlight

Copy