غُرْتَاکِ 6
6
1جَوْمِرَاوٛ جَابِ مُوسَى: «جٛنْتَ عَيِعَنْ کٛ مِوَطَتَ ڢِرْعَوْنَ! مِدٛولَنْ مٛ بٜى جُنغٛ عَمْ سٜمْبِطْنغٛ، عٛيٛوڢْتَنْ إِسْرَاءِيلَعٜنْ، ڢَکَتْ مِدٛولَنْ مٛ رِيوُغٛ ࢡٜ دِغَ لٜسْدِ مَاکٛ؞»
جَوْمِرَاوٛ رِمْطِنَنْ إِسْرَاءِيلَعٜنْ
2ڢَحِنْ جَوْمِرَاوٛ وٛلْوَنِ مُوسَى، وِعِمٛ: «مِنْ وٛنِ جَوْمِرَاوٛ؞ 3مِوَنغَنِ إِبْرَاهِيمَ عٜ إِسْحَاقَ عٜ يَعْقُوبُ، مِ اَللَّه بَاوْطٛ؞ عَمَّا مِعَنْدِنَايْ حٛورٜ عَمْ حَا مَࢡّٜ بٜى عِنْدٜ عَمْ جَوْمِرَاوٛ#غُرْتَاکِ 3:13-15؞؞ 4مِحَࢡِّ عَلْکَوَلْ بٜى مَࢡّٜ، مِعِينَنِ ࢡٜ مِحٛکَّنْ ࢡٜ لٜسْدِ کَنَانَ، لٜسْدِ ندِ ࢡٜکٛطِ ندٜرْ مُوطُمْ؞ 5جٛنْتَ مِنَنِ عُومَالِ إِسْرَاءِيلَعٜنْ، ࢡٜمِسْرَعٜنْ ندٛولِ حُووُغٛ کُوغَلْ نَاوْنغَلْ؞ مِسِڢْتٛرِ عَلْکَوَلْ عَمْ بٜى مَࢡّٜ؞ 6نغَمْ مَاجُمْ يٜشُّ إِسْرَاءِيلَعٜنْ نِعِ: مِنْ وٛنِ جَوْمِرَاوٛ، مِحِسْنَنْ عٛنْ دِغَ ࢡِلَّارٜ کُوغَلْ مِصْرَعٜنْ شَاتُنغَلْ، مِوُرْتِنَنْ عٛنْ مَشُّنغَاکُ مَࢡّٜ، مِرِمْطِنَنْ عٛنْ بٜى جُنغٛ عَمْ ڢٛرْتَانغٛ عٜ کِيتَاجِ عَمْ مَوْطِ؞ 7مِلَاتِنَنْ عٛنْ عُمَّاتٛورٜ عَمْ، مِلَاتٛتٛ اَللَّه مٛوطٛنْ؞ عٛنْ عَنْدَنْ مِنْ وٛنِ جَوْمِرَاوٛ اَللَّه مٛنْ، مٛ وُرْتِنِ عٛنْ دِغَ کُوغَلْ مِصْرَعٜنْ شَاتُنغَلْ؞ 8مِيَحْرَنْ عٛنْ ندٜرْ لٜسْدِ ندِ کُنِيمِ حٛکُّغٛ إِبْرَاهِيمَ عٜ إِسْحَاقَ عٜ يَعْقُوبُ#لَاتَانٛوجِ 4:22؛ لِمْلٜ 14:30؞؞ مِحٛکَّنْ عٛنْ ندِ، ندِ لَاتٛتٛ مَرَلْ مٛوطٛنْ؞ مِنْ وٛنِ جَوْمِرَاوٛ؞» 9مُوسَى يٜشِّ طُمْ إِسْرَاءِيلَعٜنْ، عَمَّا ࢡٜشَلِ نَنَنْغٛ مٛ نغَمْ ࢡٜرْطٜ مَࢡّٜ نُسِ دَلِيلَ کُوغَلْ شَاتُنغَلْ؞
10ندٜنْ جَوْمِرَاوٛ وِعِ مُوسَى: 11«يَحْ حَا ڢِرْعَوْنَ، لَامِيطٛ مِصْرَ، وِعْ مٛ عٛيٛوڢْتَ إِسْرَاءِيلَعٜنْ نغُرْتٛ لٜسْدِ مَاکٛ؞» 12مُوسَى وِعِ جَوْمِرَاوٛ: «لَارْ! کٛو إِسْرَاءِيلَعٜنْ بٛو شَلِ نَنَنْغٛ يَمْ؞ نٛيْ ڢِرْعَوْنَ وَاوْرَتَ نَنَنْغٛ يَمْ، مِنْ تٜدَّ-طٜمْنغَلْجٛ؟» 13ندٜنْ جَوْمِرَاوٛ وٛلْوَنِ مُوسَى عٜ هَـٰرُونَ؞ عٛحٛکِّ ࢡٜ عُمْرٛورٜ يَحُغٛ حَا إِسْرَاءِيلَعٜنْ عٜ حَا ڢِرْعَوْنَ، نغَمْ وُرْتِنْغٛ إِسْرَاءِيلَعٜنْ دِغَ لٜسْدِ مِصْرَ؞
لِمْغَلْ بَابِرَاࢡٜ مُوسَى عٜ هَـٰرُونَ
14ندَا لِمْغَلْ بَابَ-شِعٜعٜنْ#6:14 بَابَ-شِعٜعٜنْ مَلَّ بَابَ-شَلَاجٜعٜنْ؞ إِسْرَاءِيلَ؞ ࢡِࢡّٜ رُبٜنْ، عَڢٛ إِسْرَاءِيلَ: حَنٛکْ عٜ ݠَلُّ عٜ حٜسْرُونُ عٜ کَرْمِ؞ کَمْࢡٜ نغٛنِ بَابَ-شِعٜعٜنْ ندٜرْ لٜࢩٛلْ رُبٜنْ؞ 15ࢡِࢡّٜ سِمٜيٛنْ، ࢡٜعٜ: يٜمُوٜلْ عٜ يَمِنْ عٜ عٛحَدْ عٜ يَکِنْ عٜ شٛحَرْ عٜ سَوُلُ، ࢡِي کَنَانِيجٛ دٜبّٛ؞ کَمْࢡٜ نغٛنِ بَابَ-شِعٜعٜنْ ندٜرْ لٜࢩٛلْ سِمٛنْ؞ 16ندَا عِنْطٜ ࢡِࢡّٜ لٜوِ ڢٛدّٜ غِدٜ مَࢡّٜ: غٜرْسٛنْ عٜ کَحَتْ عٜ مٜرَارِ؞ لٜوِ يٜىٰطِ دُوࢡِ تٜىٰمٜرّٜ عٜ شَݠَّنْطٜ تَتِ عٜ جٛوٜىٰطِطِ (137)؞ 17ࢡِࢡّٜ غٜرْسٛنْ نغٛنِ: لِبْنِ عٜ سِمْعِ، ڢٛدّٜ شِعٜ مَࢡّٜ؞ 18ࢡِࢡّٜ کَحَتْ نغٛنِ: عَمْرَمْ عٜ يِشٜحَرْ عٜ حٜبُرُونْ عٜ عُزِّيٜلْ؞ کَحَتْ يٜىٰطِ دُوࢡِ تٜىٰمٜرّٜ عٜ شَݠَّنْطٜ تَتِ عٜ تَتِ (133)؞ 19ࢡِࢡّٜ مٜرَارِ نغٛنِ: مَحَلِ عٜ مُسِ؞ کَمْࢡٜ نغٛنِ بَابَ شِعٜ لٜوِعٜنْ ڢٛدّٜ دَࢩْغٛلْ مَࢡّٜ#لِمْلٜ 3:17-20؛ 26:57-58؛ 1 حَبَرُوجِ ࢩَلَاطٜ 16:1-4؞؞
20عَمْرَمْ ࢡَنغِ غٛغّٛ مُمْ يٛکٜبٜتْ؞ عٛدَࢩَنِمٛ هَـٰرُونَ عٜ مُوسَى؞ عَمْرَمْ يٜىٰطِ دُوࢡِ تٜىٰمٜرّٜ عٜ شَݠَّنْطٜ تَتِ عٜ جٛوٜىٰطِطِ (137)؞ 21ࢡِࢡّٜ يِشٜحَرْ نغٛنِ: کٛورَ عٜ نٜڢٜکْ عٜ زِکِرِ؞ 22ࢡِࢡّٜ عُزِّيٜلْ نغٛنِ: مِيسَيٜلْ عٜ عٜلِشَڢَنْ عٜ سِتِرِ؞ 23هَـٰرُونَ ࢡَنغِ عٜلِسٜبَ ࢡِي عَمِّنَدَبُ، دٜىٰرْطِرَاوٛ نَحَسُنُ دٜبّٛ؞ عٛدَࢩَنِمٛ نَدَبْ عٜ عَبِحُ عٜ عٜلِعَزَارُ عٜ عِتَمَرْ؞ 24ࢡِࢡّٜ کٛورَ نغٛنِ: عَسِّرْ عٜ عٜلْکَانَ عٜ عَبِيَسَڢْ؞ کَمْࢡٜ نغٛنِ بَابَ-شِعٜعٜنْ کٛورَعٜنْ؞ 25عٜلِعَزَارُ ࢡِي هَـٰرُونَ ࢡَنغِ غٛوتٛ حَا ࢡِࢡّٜ ݠُتِيٜلْ رٜوْࢡٜ؞ عٛدَࢩَنِمٛ ݠِنٜحَسْ؞ کَمْࢡٜ نغٛنِ بَابَ-شِعٜعٜنْ لٜوِعٜنْ ڢٛدّٜ شِعٜ مَࢡّٜ؞ 26طُمْ هَـٰرُونَ عٜ مُوسَى ࢡٜنْ جَوْمِرَاوٛ عُمْرِ، وِعِ ࢡٜ: «نغُرْتِنٜ حٛنٛوࢡٜ عَمْ، وَاتٛ عُمَّاتٛورٜ عَمْ إِسْرَاءِيلَ دِغَ لٜسْدِ مِصْرَ، ڢٛدّٜ مٛوࢡٜ مَࢡّٜ ندٜرْ وَکَّتِيرٜ وٛورٜ؞» 27کَمْࢡٜ مبٛلْوَنِ ڢِرْعَوْنَ، لَامِيطٛ مِصْرَ، نغَمْ وُرْتِنْغٛ إِسْرَاءِيلَعٜنْ دِغَ لٜسْدِ مَاکٛ؞ طُمْ مُوسَى عٜ هَـٰرُونَ؞
جَوْمِرَاوٛ حٜسْطِتِنَنِ مُوسَى عٜ هَـٰرُونَ عِينَوٛلْ مُمْ
28ࢩَلَادٜ ندٜ جَوْمِرَاوٛ وٛلْوَنِ مُوسَى ندٜرْ لٜسْدِ مِصْرَ غٛ، 29عٛوِعِمٛ: «مِنْ وٛنِ جَوْمِرَاوٛ؞ يَحْ يٜشُّ ڢِرْعَوْنَ، لَامِيطٛ مِصْرَ، کٛ مِوٛلْوَنِ مَ ڢُو؞» 30عَمَّا مُوسَى جَابِ جَوْمِرَاوٛ: «مِتٜدَّ-طٜمْنغَلْجٛ؞ نٛيْ ڢِرْعَوْنَ وَاوْرَتَ نَنَنْغٛ يَمْ؟»
Currently Selected:
غُرْتَاکِ 6: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.