غُرْتَاکِ 5
5
مُوسَى عٜ هَـٰرُونَ يٜىٰسٛ ڢِرْعَوْنَ
1ࢡَاوٛ مَنْ مُوسَى عٜ هَـٰرُونَ نجٜحِ حَا ڢِرْعَوْنَ، مبِعِمٛ: «ندَا نِي جَوْمِرَاوٛ، اَللَّه إِسْرَاءِيلَ وِعِ: عَشُّ يِمْࢡٜ عَمْ نجَحَ، ࢡٜمبَطَنَمِّ جُولْدٜ ندٜرْ لَدّٜ#غُرْتَاکِ 23:14-17؛ تٛوکْتَاکِ تَوْرٜىٰتَ 16:15؞؞» 2ڢِرْعَوْنَ جَابِ: «مٛيْ وٛنِ جَوْمِرَاوٛ عٛو، حَا مِطٛوْتَنٛ مٛ، مِعَشَّ إِسْرَاءِيلَعٜنْ ندِلَّ؟ مِعَنْدَا مٛ، مِعَشَّتَا إِسْرَاءِيلَعٜنْ ندِلَّ!» 3مُوسَى عٜ هَـٰرُونَ مبِعِ: «اَللَّه عِبْرَنِنغْکٜعٜنْ، جَوْمِرَاوٛ عَمِنْ وَنغَنِ مِنْ؞ دُنغَنْ مِنْ مِنْ نجَحَ ندٜرْ لَدّٜ جَحَانغَلْ ࢩَلْطٜ تَتِ، حَا مِنْ لِيعَنٛ جَوْمِرَاوٛ اَللَّه عَمِنْ کِرْسٜتٜىٰطِ، نغَمْ تَا عٛمبَرَ مِنْ بٜى ࢩَوُ کَلُّنغُ ندَاࢡٛووُ مَلَّ بٜى کَاڢَحِ؞» 4لَامِيطٛ مِصْرَ وِعِ ࢡٜ: «عٛنٛنْ، مُوسَى عٜ هَـٰرُونَ، کٛنِ شٛتِّنْتٛنْ إِسْرَاءِيلَعٜنْ دِغَ کُوغَلْ مُوطُمْعٜنْ؟ لٛرْتٜ حَا کُوغَلْ مٛوطٛنْ!» 5ڢِرْعَوْنَ ࢡٜسْدِ وِعُغٛ: «جٛنْتَ، يِمْࢡٜ ࢡٜعٜ ࢡٜ طُوطْࢡٜ؞ عٛنْ نغِطِ سِوْتِنْغٛ ࢡٜ دِغَ کُوطٜ مَࢡّٜ نَ؟»
ڢِرْعَوْنَ ࢡٜسْدِ سَاتِنغٛ کُوغَلْ إِسْرَاءِيلَعٜنْ
6ࢩَلَادٜ مَنْ ڢِرْعَوْنَ حٛکِّ عُمْرٛورٜ ندٜعٜ حَا مِصْرَعٜنْ عَرْدَنِيࢡٜ کُوطٜ دٛولٜ دٛوْ إِسْرَاءِيلَعٜنْ عٜ إِسْرَاءِيلَعٜنْ لَاتِيࢡٜ کَلِيڢَعٜنْ دٛوْ دٜىٰرْطُمْعٜنْ، عٛوِعِ ࢡٜ: 7«تَا ندٛکّٜ إِسْرَاءِيلَعٜنْ غٜىٰنٜ نغَمْ تَݠُّغٛ بِرِکْجٜ ڢَحِنْ؞ سٜيْ ࢡٜنجَحَ، ࢡٜتٜڢَ غٜىٰنٜ بٜى کٛعٜ مَࢡّٜ! 8ندٛولٜ ࢡٜتَݠُّغٛ لِمْغَلْ بِرِکْجٜ بَنَ نغَلْ ࢡٜطٛنّٛ تَݠَّ نَانٜ؞ تَا عُسْتٜ نغَلْ سَمْ؞ نغَمْ ࢡٜ مبَاتٜىٰندَمْعٜنْ! کَنْجُمْ وَطِ ࢡٜطٛنْ نغٛوکَ، ࢡٜطٛنْ مبِعَ: سٜيْ مِنْ نجَحَ، مِنْ لِيعَنٛ اَللَّه عَمِنْ کِرْسٜتٜىٰطِ؞ 9کُوغَلْ تٜدَّنَ ࢡٜ حَا ࢡٜشُکْلٛ بٜى مَنْ، تَا ࢡٜکَکِّلَنَ بٛلّٜ ݠٜوٛوجٜ!»
10عَرْدَنِيࢡٜ کُوطٜ دٛولٜ عٜ کَلِيڢَعٜنْ غٛ نغُرْتِ، نجٜحِ ࢡٜمبِعِ إِسْرَاءِيلَعٜنْ: «ندَا نِي ڢِرْعَوْنَ وِعِ: مِحٛکَّتَا عٛنْ غٜىٰنٜ ڢَحِنْ؞ 11نجٜحٜ بٜى کٛعٜ مٛوطٛنْ، تٜڢٜ غٜىٰنٜ حَا عٛنْ تَوَتَ طٜ ڢُو؞ عَمَّا لِمْغَلْ بِرِکْجٜ طٜ ࢡٜࢨَمِ عٛنْ بٛو عُسْتَتَاکٛ!» 12ندٜنْ إِسْرَاءِيلَعٜنْ شَنغْکِتِ ندٜرْ لٜسْدِ مِصْرَ ڢُو نغَمْ تٜڢُغٛ غٜىٰنٜ نغَمْ بِرِکْجٜ؞ 13عَرْدَنِيࢡٜ کُوطٜ دٛولٜ دٛوْ إِسْرَاءِيلَعٜنْ غٛ نجَاوْطِنِ ࢡٜ، مبِعِ: «تِمِّنٜ کُوغَلْ مٛنْ کَلْ-کَلْ بَنَ نَانٜ ندٜ کٜࢡْنٛوطٛنْ غٜىٰنٜ!» 14يِمْࢡٜ ڢِرْعَوْنَ، وَاتٛ عَرْدِيࢡٜ کُوطٜ دٛولٜ غٛ ݠِيِ کَلِيڢَعٜنْ ࢡٜ ࢡٜ ندَرْنِ دٛوْ إِسْرَاءِيلَعٜنْ؞ ࢡٜࢨَمِ ࢡٜ: «نغَمْ طُمٜ ࢩَلْطٜ طٜعٜ عٛنْ شِکِتِنَايْ لِمْغَلْ بِرِکْجٜ طٜ عٛنْ طٛنّٛ تَݠَّ نَانٜ؟»
15عَرْدِيࢡٜ دٛوْ إِسْرَاءِيلَعٜنْ نجٜحِ حَا ڢِرْعَوْنَ، ࢡٜشِنغْکِ، ࢡٜمبِعِ: «نغَمْ طُمٜ مبَطَتَ مَشُّࢡٜ مَ بَنَ نِي، بَرْکَامَ؟ 16ࢡٜندٛکَّتَا مِنْ حُطٛ ڢَحِنْ، عَمَّا ࢡٜطٛنْ مبِعَ مِنْ: تَݠّٜ بِرِکْجٜ! ࢡٜطٛنْ ݠِيَ مِنْ بٛو؞ عُمَّاتٛورٜ مَ طٛنْ بٜى عَيْبٜ#5:16 عَيْبٜ مَلَّ غَشّٜ؞؞» 17ڢِرْعَوْنَ جَابِ: «عٛنْ مبَاتٜىٰندَمْعٜنْ، مبَاتٜىٰندَمْعٜنْ عٛنْ ڢُو! نغَمْ مَنْ عٛنْ طٛنْ مبِعَ: سٜيْ مِنْ نجَحَ، مِنْ لِيعَنٛ جَوْمِرَاوٛ کِرْسٜتٜىٰطِ؞ 18لٛرْتٜ حَا کُوغَلْ مٛنْ! ࢡٜندٛکَّتَا عٛنْ غٜىٰنٜ ڢَحِنْ، عَمَّا سٜيْ عٛنْ شِکِتِنَ لِمْغَلْ بِرِکْجٜ طٜ ࢡٜتَعَنِ عٛنْ!» 19عَرْدِيࢡٜ إِسْرَاءِيلَعٜنْ نغِعِ ࢡٜطٛنْ ندٜرْ بٛنٜ؞ نغَمْ ࢡٜمبِعِ ࢡٜ: «تَا عُسْتٜ لِمْغَلْ بِرِکْجٜ طٜ ࢡٜتَعَنِ عٛنْ ࢩَلَادٜ ڢُو!» 20يَاکٜ ࢡٜطٛنْ نغُرْتٛ سَارٜ ڢِرْعَوْنَ، ࢡٜݠٛتِّ بٜى مُوسَى عٜ هَـٰرُونَ، ࢡٜطٛنّٛ ندٜىٰنَ ࢡٜ؞ 21ࢡٜمبِعِ ࢡٜ: «جَوْمِرَاوٛ لَارَ کٛ مبَطّٛنْ، عٛحِيتٛ عٛنْ! نغَمْ عٛنْ لَاتِنِ مِنْ وَࢩَاࢡٜ ڢِرْعَوْنَ عٜ وٛنْدُࢡٜ بٜى مُوطُمْ؞ عٛنْ ندٛکِّ ࢡٜ کَاڢَحِ حَا ࢡٜمبَرَ مِنْ!»
تٛرْندٜ مُوسَى
22ندٜنْ مُوسَى تٛرِ جَوْمِرَاوٛ، وِعِ: «يَا جَوْمِرَاوٛ، نغَمْ طُمٜ مبَطَّا عُمَّاتٛورٜ ندٜعٜ کَلُّطُمْ؟ نغَمْ طُمٜ نٜلْطَامِ حَا طٛ؟ 23ندٜ نجَحْمِ حَا ڢِرْعَوْنَ نغَمْ وٛلْوَنْغٛ مٛ بٜى عِنْدٜ مَ ڢُو، عٛطٛنْ يَرْنَ عُمَّاتٛورٜ ندٜعٜ بٛنٜ، عَنْ بٛو وَلَا کٛ عَوَطِ نغَمْ حِسْنُغٛ عُمَّاتٛورٜ مَ؞»
Currently Selected:
غُرْتَاکِ 5: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
