غُرْتَاکِ 4
4
اَللَّه وَنغِنِ بَاوْطٜ مُمْ حَا مُوسَى
1مُوسَى جَابِ جَوْمِرَاوٛ: «عَمَّا إِسْرَاءِيلَعٜنْ نُطِّنْتَا کٛ مِوِعَتَ ࢡٜ، ࢡٜطٛوْتَنْتَاکٛ يَمْ؞ ࢡٜمبِعَتَمْ: جَوْمِرَاوٛ وَنغَنَايْ مَ؞» 2جَوْمِرَاوٛ ࢨَمِمٛ: «طُمْ طُمٜ حَا جُنغٛ مَ؟» مُوسَى جَابِ: «طُمْ سَوْرُ؞» 3جَوْمِرَاوٛ وِعِمٛ: «سَکِّنْ ندُ حَا لٜسْدِ؞» عٛسَکِّنِ ندُ، ندُ لَاتِ مبٛودِ؞ مُوسَى دٛغِّ ندِ؞ 4عَمَّا جَوْمِرَاوٛ وِعِ مُوسَى: «ڢٛرْتُ جُنغٛ مَ، نَنغُ ندِ وِشّٛ؞» مُوسَى ڢٛرْتِ جُنغٛ مُمْ، نَنغِ ندِ؞ ڢَحِنْ مبٛودِ لَاتِ سَوْرُ ندٜرْ جُنغٛ مَاکٛ؞ 5جَوْمِرَاوٛ وِعِ: «وَطْ بَنَ نِي، نغَمْ حَا إِسْرَاءِيلَعٜنْ نُطِّنَ جَوْمِرَاوٛ، اَللَّه کَاکِرَاࢡٜ مَࢡّٜ، اَللَّه إِبْرَاهِيمَ عٜ اَللَّه إِسْحَاقَ عٜ اَللَّه يَعْقُوبُ وَنغَنِ مَ؞» 6جَوْمِرَاوٛ تٛکِّ وٛلْوَنْغٛ مٛ، عٛوِعِ: «نَسْتِنْ جُنغٛ حَا جِيبَ وِࢡّٜرٜ مَ؞» مُوسَى نَسْتِنِ نغٛ؞ عَمَّا ندٜ عٛوُرْتِنِ جُنغٛ مَاکٛ، عٛلَارِ نغٛ وَطِ سَطَوْرٜ رَنٜىٰرٜ؞ 7جَوْمِرَاوٛ وِعِمٛ: «لٛرْنُ جُنغٛ مَ حَا جِيبَ وِࢡّٜرٜ مَ؞» عٛلٛرْنِ نغٛ؞ عٛوُرْتِنِ نغٛ، نغٛ وَرْتِ بَنَ نَانٜ؞ 8جَوْمِرَاوٛ وِعِمٛ: «کٛو تٛ إِسْرَاءِيلَعٜنْ نُطِّنَايْ مَ مَلَّ ࢡٜݠَالَايْ کَايٜىٰڢِوٛلْ عَرَنٛلْ، ࢡٜنُطِّنَنْ دَلِيلَ کَايٜىٰڢِوٛلْ طِطَࢡٛلْ؞ 9تٛ ࢡٜنُطِّنَايْ کَايٜىٰڢِيجِ طِطِ طِعِ ڢُو، ࢡٜنَنَنَايْ مَ بٛو، عَࢩٜطَ ندِيَمْ حَا مَايٛ نِيلْ، عَرُڢَ طَمْ دٛوْ لٜسْدِ؞ ندِيَمْ مَايٛ نِيلْ طَعَمْ لَاتٛتٛ ࢨِيࢨَمْ؞»
اَللَّه سُࢡِ هَـٰرُونَ لَاتِنِمٛ بَلّٛووٛ مُوسَى
10مُوسَى وِعِ جَوْمِرَاوٛ: «عُسٜنِ، جَوْمِرَاوٛ، مِوَلَا بَاوَلْ وٛلْوُغٛ؞ مِمٜىٰطَايْ حٜࢡُغٛ بَاوَلْ مَنْ، کٛو دِغَ سَاعِيرٜ ندٜ عَطٛنّٛ وٛلْوَنَمِّ بٛو؞ مِتٜدَّ-حُنْدُکٛوجٛ؞» 11جَوْمِرَاوٛ وِعِمٛ: «مٛيْ تَغَنِ ࢡِي-عَادَمَ حُنْدُکٛ؟ مٛيْ مُوکْطِنْتَ مَلَّ ڢَحْطِنْتَ مَلَّ يِعْنَتَ مَلَّ وُمْنَتَ؟ نَا مِنْ جَوْمِرَاوٛ نَ؟ 12يَحْ! مِحٛکّٜتٜ بَاوَلْ وٛلْوُغٛ، مِعَنْدِنْتٜ کٛ عَتَمِّ وٛلْوُغٛ؞» 13مُوسَى وِعِ: «عُسٜنِ يَا جَوْمِرَاوٛ، نٜلْ غٛطّٛ ڢٜىٰرٜ!» 14ندٜنْ جَوْمِرَاوٛ تِکَّنِ مُوسَى، عٛوِعِمٛ: «نَا عَطٛنْ بٜى هَـٰرُونَ دٜىٰرْطِرَاوٛ مَ لٜوِيجٛ نَ؟ مِعَنْدِ کَنغْکٛ عٛوَاوِ وٛلْوُغٛ بٛوطُّمْ؞ ندَا، عٛطٛنْ وَرَ حَا عٛڢٛتَّ بٜى مَ؞ تٛ عٛيِعِ مَ، ࢡٜرْندٜ مَاکٛ سٜيٛتٛ؞ 15عَوٛلْوَنَنْ مٛ، عَعَنْدِنَنْ مٛ کٛ حَانِ عٛوٛلْوَ؞ مِحٛکَّنْ عٛنْ طِطٛ ڢُو بَاوَلْ وٛلْوُغٛ عٜ مِعَنْدِنَنْ عٛنْ کٛ مبَطٛتٛنْ؞ 16کَنغْکٛ عٛوٛلْوَنَنْ عُمَّاتٛورٜ مبَتُّدِ مَ، عٛلَاتٛتٛ بٛلْوٛووٛ بٛلّٜ مَ؞ عَنْ بٛو عَلَاتَنْتٛ مٛ لٛنغِنٛووٛ بٛلّٜ؞ 17سَوْرُ ندُعُ بٛو، کٛوعَ ندُ حَا جُنغٛ مَ؞ بٜى مَارُ مبَطَتَ کَايٜىٰڢِيجِ؞»
مُوسَى لٛرِ حَا عُمَّاتٛورٜ مُوطُمْ حَا مِصْرَ
18مُوسَى لٛرِ حَا عٜسُمْ يٜتِرٛ، وِعِمٛ: «عُسٜنِ عَشَّمْ مِلٛرْتٛ حَا دٜىٰرْطِرَاࢡٜ عَمْ حَا مِصْرَ، حَا مِلَارَ تٛ ࢡٜ يٜىٰطْࢡٜ؞» يٜتِرٛ وِعِ مُوسَى: «يَحْ جَمْ!» 19ندٜنْ جَوْمِرَاوٛ وِعِ مُوسَى ندٜرْ لٜسْدِ مٜدِيَنْ: «لٛرَ حَا مِصْرَ، نغَمْ يِطْنٛوࢡٜ مبَرُغٛ مَ ڢُو مَايِ؞» 20مُوسَى حٛوعِ دٜبّٛ مُمْ عٜ ࢡِکّٛيْ مُمْ، وَعِّنِ ࢡٜ دٛوْ وَمْندٜ؞ ندٜنْ عٛلٛرِ حَا مِصْرَ، عٛطٛنْ جٛغِ سَوْرُ ندُ اَللَّه وِعْنٛ مٛ عٛجٛغٛ؞
21ڢَحِنْ جَوْمِرَاوٛ وِعِ مُوسَى: «مِحٛکِّ مَ بَاوْطٜ وَطُغٛ کَايٜىٰڢِيجِ کٛو طِيٜ ڢُو؞ تٛ عَلٛرْتَکٜ حَا مِصْرَ، تِينَ وَطُغٛ کَايٜىٰڢِيجِ طِعِ يٜىٰسٛ ڢِرْعَوْنَ؞ مِنْ، مِسَاتِنَنْ حٛورٜ مَاکٛ نغَمْ تَا عٛيٛوڢْتَ إِسْرَاءِيلَعٜنْ؞ 22ندٜنْ مبِعَ ڢِرْعَوْنَ: ندَا کٛ جَوْمِرَاوٛ وِعِ: عُمَّاتٛورٜ إِسْرَاءِيلَ وٛنِ ࢡِطّٛ عَمْ عَڢٛ؞ 23مِعُمْرِنٛ مَ عَعَشَّ ندٜ دِلَّ، ندٜ جَغَّنٛ يَمْ، عَمَّا عَسَلِ؞ نغَمْ مَاجُمْ مِمبَرَنْ عَڢٛ مَ#غُرْتَاکِ 12:29؞!»
24دٛوْ لَاوٛلْ، ندٜرْ جِݠّٛرْدٜ، جَوْمِرَاوٛ ڢٛتِّ بٜى مُوسَى، طَࢡِّ مبَرُغٛ مٛ؞ 25شِڢُورَ حٛوعِ حَيْرٜ سٜىٰࢡْندٜ، تَعِ لَرَلْ سَادٛونِيکُ ࢡِيُمْ؞ عٛمٜىٰمِ لٜسْ مُوسَى بٜى مَاغَلْ، عٛوِعِ: «عَلَاتَنِ يَمْ ࢡَنغْطٛ ࢨِيࢨَمْ؞» 26ندٜنْ جَوْمِرَاوٛ عَشِّ مُوسَى؞ شِڢُورَ وِعِ ࢡَنغْطٛ ࢨِيࢨَمْ نغَمْ دَلِيلَ جُولْنٛلْ؞
27جَوْمِرَاوٛ وِعِ هَـٰرُونَ: «يَحْ حَا لَدّٜ، ݠٛتَّ بٜى مُوسَى؞» هَـٰرُونَ يٜحِ، ڢٛتّٛيِ بٜى دٜىٰرْطِرَاوٛ مُمْ حَا حٛوسٜىٰرٜ اَللَّه، حٜبِّ طُمْ؞ 28مُوسَى يٜشِّ هَـٰرُونَ بٛلّٜ جَوْمِرَاوٛ نٜلْطٛ مٛ ڢُو، عٛعَنْدِنِمٛ بٛو حَالَ کَايٜىٰڢِيجِ طِ جَوْمِرَاوٛ عُمْرِمٛ وَطُغٛ ڢُو؞ 29ࢡَاوٛ مَنْ مُوسَى عٜ هَـٰرُونَ نجٜحِ، ࢡٜمٛوࢡْتِ ندٛتِّعٜنْ إِسْرَاءِيلَ ڢُو؞ 30هَـٰرُونَ لٛرْنِ وٛلْدٜ ندٜ جَوْمِرَاوٛ وِعْنٛ مُوسَى ڢُو؞ مُوسَى بٛو وَطِ کَايٜىٰڢِيجِ غٛ يٜىٰسٛ إِسْرَاءِيلَعٜنْ؞ 31يِمْࢡٜ نُطِّنِ؞ ࢡٜنَنِ جَوْمِرَاوٛ حَکِّلَنِ إِسْرَاءِيلَعٜنْ، عٛلَارِ تٛسْکَارٜ مَࢡّٜ؞ ندٜنْ ࢡٜتُرِ، ࢡٜشُجِدَنِمٛ؞
Currently Selected:
غُرْتَاکِ 4: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
