غُرْتَاکِ 24

تَبِتِنْکِ عَلْکَوَلْ

1جَوْمِرَاوٛ وِعِ مُوسَى‏: «وَعَّ، وَرْ حَا عَمْ دٛوْ حٛوسٜىٰرٜ، عَنْ عٜ هَـٰرُونَ عٜ نَدَبْ عٜ عَبِحُ عٜ وٛرْࢡٜ شَݠَّنْطٜ نجٛوٜىٰطِطٛ شَکَ ندٛتِّعٜنْ إِسْرَاءِيلَ؞ شُجِدٜ دِغَ دَايِيطُمْ؞ 2ࢡَاوٛطٛنْ عَࢡَدِتٛ حَا عَمْ عَنْ ڢٜىٰرٜ مَ، تَا وٛطْࢡٜ ࢡَدِتٛ؞ تَا عُمَّاتٛورٜ بٛو وَعِّدٛ دٛوْ حٛوسٜىٰرٜ بٜى مَاطَ؞»

3مُوسَى وَرِ، يٜشِّ إِسْرَاءِيلَعٜنْ کٛ جَوْمِرَاوٛ وِعِ عٜ کِيتَاجِ مَاکٛ ڢُو؞ إِسْرَاءِيلَعٜنْ ڢُو نجَابِ حُنْدُکٛ وٛوتٛ، مبِعِ‏: «کٛ جَوْمِرَاوٛ وِعِ ڢُو، مِنْ مبَطَنْ طُمْ؞» 4مُوسَى وِنْدِ کٛ جَوْمِرَاوٛ وِعِمٛ ڢُو؞ جَنغٛ مَنْ عٛدَوِ ڢَجِرِ شُبْ، عٛمَحِ حِرْسِرْدٜ حَا لٜسْ حٛوسٜىٰرٜ، عٛدَرْنِ کَاعٜ شِڢْتِنٛرْطٜ سَݠّٛ عٜ طِطِ، ڢٛدّٜ لٜعِ إِسْرَاءِيلَ سَݠّٛ عٜ طِطِ؞ 5ندٜنْ عٛنٜلِ إِسْرَاءِيلَعٜنْ سُکَاࢡٜ ࢡٜلِيعَنٛ جَوْمِرَاوٛ غُلٜتٜىٰطِ، ࢡٜکِرْسَنَ مٛ بٛو غَعِ کَلْحَلِ، نغَمْ کَوْتَلْ مَࢡّٜ بٜى مَاکٛ؞ 6مُوسَى حٛوعِ رٜىٰتَ ࢨِيࢨَمْ دَبَّاجِ کِرْسَاطِ غٛ، لٛووِ طَمْ ندٜرْ دَارٛوجِ، لُتُّطَمْ بٛو عٛوِشِّ طَمْ دٛوْ حِرْسِرْدٜ؞ 7ࢡَاوٛ مَنْ عٛحٛوعِ دٜڢْتٜرٜ عَلْکَوَلْ#2 لَامِيࢡٜ 23‏:2‏،21؛ 2 حَبَرُوجِ ࢩَلَاطٜ 25‏:4؛ 34‏:30؛ 35‏:12؞، عٛجَنغِ ندٜ يٜىٰسٛ عُمَّاتٛورٜ؞ إِسْرَاءِيلَعٜنْ مبِعِ‏: «کٛ جَوْمِرَاوٛ وٛلْوِ ڢُو، مِنْ مبَطَنْ طُمْ، مِنْ طٛوْتَنْتٛ مٛ؞» 8ندٜنْ مُوسَى حٛوعِ ࢨِيࢨَمْ ندٜرْ تَاسَاجٜ غٛ، وِشِّ طَمْ دٛوْ إِسْرَاءِيلَعٜنْ، عٛوِعِ‏: «ࢨِيࢨَمْ طَعَمْ طٛنْ تَبِتِنَ عَلْکَوَلْ نغَلْ جَوْمِرَاوٛ حَࢡِّ بٜى مٛوطٛنْ ڢٛدّٜ عُمْرٛوجٜ طٜعٜ ڢُو؞#مَتَّ 26‏:28؛ مَرْکُسْ 14‏:24؛ لُکَ 22‏:20؛ 1 کٛرِنْتُعٜنْ 11‏:25؛ عِبْرَنِنغْکٜعٜنْ 9‏:19‏-20؛ 10‏:29؞»

9ࢡَاوٛ مَنْ مُوسَى وَعِّدِ بٜى هَـٰرُونَ عٜ نَدَبْ عٜ عَبِحُ عٜ ندٛتِّعٜنْ إِسْرَاءِيلَ شَݠَّنْطٜ نجٛوٜىٰطِطٛ غٛ؞ 10ࢡٜنغِعِ اَللَّه إِسْرَاءِيلَ؞ لٜسْ کٛسْطٜ مَاکٛ، وٛودِ حُوندٜ بَنَ شَࢡّٛلْ کُووْرَاطُمْ کَاعٜ سَڢِرَ، طٜلْکَنْطُمْ بَنَ عَسَمَ؞ 11اَللَّه ڢٛرْتَايْ جُنغٛ مُوطُمْ نغَمْ حَلْکُغٛ مَوْࢡٜ إِسْرَاءِيلَ ࢡٜعٜ؞ ࢡٜنغِعِمٛ، ࢡٜࢩَامِ، ࢡٜنجَرِ؞

مُوسَى دٛوْ حٛوسٜىٰرٜ سِنَ

12جَوْمِرَاوٛ وِعِ مُوسَى‏: «وَعَّ، وَرْ حَا عَمْ دٛوْ حٛوسٜىٰرٜ، جٛوطَ طٛنْ؞ مِحٛکّٜتٜ عَلُّحَاجٜ کَاعٜ بٜى عُمْرٛوجٜ تَوْرٜىٰتَ طٜ مبِنْدُمِ نغَمْ عَعٜکِّتِنَ إِسْرَاءِيلَعٜنْ؞» 13‏-14حِدّٜکٛ مُوسَى وَعّٛدَ بٜى جَغِّيطٛ مُوطُمْ يٛسُوَ دٛوْ حٛوسٜىٰرٜ اَللَّه، عٛوِعِ ندٛتِّعٜنْ‏: «ندٜىٰنٜ مِنْ حَا طٛ، سٜيْ تٛ مِنْ نغَرْتِ؞ هَـٰرُونَ بٜى حُورُ نغٛنْدَنْ بٜى مٛوطٛنْ؞ تٛ غٛطّٛ وٛودِ حَالَ، عٛوَرَ يٜىٰسٛ مَࢡّٜ؞»

15يَاکٜ مُوسَى وَعِّ دٛوْ حٛوسٜىٰرٜ، رُولْدٜ سُدِّ ندٜ؞ 16تٜدُّنغَلْ جَوْمِرَاوٛ جِݠِّ دٛوْ حٛوسٜىٰرٜ سِنَ، رُولْدٜ سُدِّ ندٜ ࢩَلْطٜ جٛوٜىٰغٛ؞ ࢩَنْدٜ جٛوٜىٰطِطَوْرٜ عٛعٜوْنِ مُوسَى ندٜرْ رُولْدٜ؞ 17إِسْرَاءِيلَعٜنْ نغِعِ تٜدُّنغَلْ جَوْمِرَاوٛ بَنَ يِيتٜ وُلَنْنغٜ دٛوْ حٛوسٜىٰرٜ؞ 18مُوسَى نَسْتِ حَا شَکَ رُولْدٜ، وَعِّ دٛوْ حٛوسٜىٰرٜ؞ عٛڢَࢡِّ تٛنْ ࢩَلَوْمَاجٜ عٜ جٜمَّاجٜ شَݠَّنْطٜ نَيِ#تٛوکْتَاکِ تَوْرٜىٰتَ 9‏:9؞؞

Currently Selected:

غُرْتَاکِ 24: داَ

Highlight

Copy