غُرْتَاکِ 2
2
دَࢩٜىٰکِ مُوسَى عٜ ندٜرْکَاکُ مُمْ
1غٛطّٛ لٜࢩٛلْ لٜوِ تٜعِ ࢡِطّٛ دٜبّٛ مٛ لٜࢩٛلْ مُوطُمْ؞ 2دٜبّٛ رٜىٰدِ، دَࢩِ ࢡِنغٜلْ غٛرْغٜلْ؞ عٛيِعِ نٛ نغٜلْ وٛوطِرِ، عٛࢩُکِّنِ نغٜلْ لٜبِّ تَتِ#کُوطٜ نٜلَاࢡٜ 7:20؛ عِبْرَنِنغْکٜعٜنْ 11:23؞؞ 3ࢡَاوٛطٛنْ، ندٜ نِي عٛوَاوَتَا تٛکَّاغٛ ࢩُکِّنْغٛ نغٜلْ، عٛحٛوعِ سِلَاوٛ وَمَانغٛ بٜى کٜوٜ، عٛوُجِ نغٛ بٜى تَارِ لٜسْدِ عٜ تَکِّرْطُمْ، عٛوَلِّنِ ࢡِنغٜلْ نغٜعٜلْ ندٜرْ مَاغٛ؞ ندٜنْ عٛجٛعِّنِ نغٛ شَکَ کٜوٜ حَا ڢٛمٛوندٜ مَايٛ نِيلْ؞ 4عَدَّ مَاغٜلْ دَرِ دَايِيطُمْ حَا عٛلَارَ کٛ حٜࢡَتَ نغٜلْ؞
5ࢡَاوٛ مَنْ سٜطَّ، ࢡِي ڢِرْعَوْنَ دٜبّٛ جِݠِّ ندٜرْ مَايٛ نِيلْ حَا عٛيِيوٛ؞ وَکَّتِ حٛرْࢡٜ مَاکٛ طٛنْ نغَانْشَ بَنغٜ مَايٛ نِيلْ، عٛيِعِ سِلَاوٛ غٛ شَکَ کٜوٜ، عٛنٜلِ غٛوتٛ شَکَ حٛرْࢡٜ مَاکٛ وَدِّ نغٛ؞ 6ندٜنْ عٛمَࢡِّتِ نغٛ، عٛيِعِ ࢡِنغٜلْ غٛرْغٜلْ، نغٜلْ طٛنْ وٛيَ؞ عٛيُرْمِنِ نغٜلْ، عٛوِعِ: «طُمْ ࢡِنغٜلْ عِبْرَنِنغْکٜىٰيٜلْ؞» 7عَدَّ مَاغٜلْ ࢨَمِ ࢡِي ڢِرْعَوْنَ غٛ: «مِيَحَ مِعٜوْنَنٜ مُسِنِنٛووٛ حَا رٜوْࢡٜ عِبْرَنِنغْکٜعٜنْ نغَمْ عٛمُسِنِنَ نغٜلْ نغَمْ مَاطَ نَ؟» 8ࢡِي ڢِرْعَوْنَ وِعِمٛ: «يَحْ!» ݠَاࢩٛ دٜبّٛ عٛو يٜحِ، عٜوْنِ دَادَ ࢡِنغٜلْ؞ 9ࢡِي ڢِرْعَوْنَ وِعِ دٜبّٛ: «حٛوعُ ࢡِنغٜلْ نغٜعٜلْ، مُسِنِنْ نغٜلْ نغَمْ عَمْ، مِيٛࢡٜتٜ؞» دٜبّٛ حٛوعِ ࢡِنغٜلْ، مُسِنِنِ نغٜلْ؞
10ندٜ ࢡِنغٜلْ مَوْنِ دٜيْدٜيْ، دَادَ مَاغٜلْ وَدِّ نغٜلْ حَا ࢡِي ڢِرْعَوْنَ غٛ، نغٜلْ لَاتِ ࢡِطّٛ مَاکٛ؞ عٛعِنْدِ نغٜلْ مُوسَى، نغَمْ عٛوِعِ: «مِوُرْتِنِمٛ دِغَ ندٜرْ ندِيَمْ#2:10 مُوسَى يِطِ وِعْغٛ ڢٛوطُغٛ مَلَّ وُرْتِنْغٛ دِغَ ندٜرْ ندِيَمْ؞#کُوطٜ نٜلَاࢡٜ 7:21؞»؞
مُوسَى دٛغِّ حَا مٜدِيَنْ
11ندٜ مُوسَى مَوْنِ، عٛوُرْتِ حَا عٛلَارَ دٜىٰرْطِرَاࢡٜ مَاکٛ؞ عٛيِعِ نٛ کُوغَلْ مَࢡّٜ سَاتِرِ؞ عٛيِعِ مِصْرَاجٛ طٛنْ ڢِيَ عِبْرَنِنغْکٜىٰجٛ، غٛطّٛ لٜࢩٛلْ مَاکٛ#عِبْرَنِنغْکٜعٜنْ 11:24؞؞ 12مُوسَى لَارِ غَلْ تٛيْ ڢُو؞ ندٜ عٛيِعَايْ غٛطّٛ، عٛمبَرِ مِصْرَاجٛ، عٛعِرِمٛ ندٜرْ نجَارٜىٰندِ؞ 13عٛلٛرْتِ جَنغٛ مَاجُمْ؞ عٛيِعِ عِبْرَنِنغْکٜعٜنْ طِطٛ طٛنْ کَࢡَ؞ عٛࢨَمِ عَيْبُطٛ: «نغَمْ طُمٜ ݠِيَتَ نغٛرْغِ مَ؟» 14غٛطّٛ عٛو جَابِ: «مٛيْ وَطِ مَ حٛورٜىٰجٛ نغَمْ حِيتُغٛ مِنْ؟ عَيِطِ مبَرُغٛ يَمْ بَنَ مبَرْدُطَ مِصْرَاجٛ نَ؟» مُوسَى حُلْتٛرِ، نُمِ: «ڢَکَتْ، حَالَ مَنْ وَنغِ!#کُوطٜ نٜلَاࢡٜ 7:23-28؞» 15ڢِرْعَوْنَ بٛو نَنِ حَالَ مَنْ، عٛتٜڢِ مبَرُغٛ مُوسَى؞ ندٜنْ مُوسَى دٛغِّ، يٜحِ جٛوطِ حَا لٜسْدِ مٜدِيَنْ؞ ندٜ عٛيٛتِّ تٛنْ، عٛجٛوطِ کٛمْبِ ࢡُلْندُ#کُوطٜ نٜلَاࢡٜ 7:29؛ عِبْرَنِنغْکٜعٜنْ 11:27؞؞
16يٜتِرٛ، لِمَنْجٛ حَا مٜدِيَنْ وٛودِ ࢡِࢡّٜ رٜوْࢡٜ نجٛوٜىٰطِطٛ؞ ࢡٜنغَرِ حَا ࢡُلْندُ، ࢡٜشَڢِ، ࢡٜکٜبِّنِ کٜىٰلٜىٰجٜ نغَمْ يَرْنُغٛ دَمّٛوجِ بَابَ مَࢡّٜ؞ 17عَمَّا وَيْنَاࢡٜ وٛطْࢡٜ نغَرِ، ندِيوِ ڢَاࢩْࢡٜ رٜوْࢡٜ ࢡٜعٜ؞ ندٜنْ مُوسَى عُمِّ، جِنغِ ࢡٜ، يَرْنِ دَمّٛوجِ مَࢡّٜ؞ 18ࢡٜلٛرْتِ حَا بَابَ مَࢡّٜ رٜعُوٜلْ؞ عٛࢨَمِ ࢡٜ: «نغَمْ طُمٜ نغَرْتُطٛنْ لَوْ حَنْدٜ؟» 19ࢡٜنجَابِ: «مِصْرَاجٛ حِسْنِ مِنْ جُوطٜ وَيْنَاࢡٜ، عٛسَڢَنِ مِنْ مَا، عٛيَرْنِ بٛو دَمّٛوجِ عَمِنْ؞» 20رٜعُوٜلْ ࢨَمِ ࢡٜ: «تٛيْ مٛ؟ کٛنِ عَشُّطٛنْ مٛ ࢡَاوٛ؟ عٜوْنٜ مٛ حَا عٛࢩَامْدَ بٜى مٜىٰطٜنْ!» 21مُوسَى يٜرْدِ جٛوطَاغٛ حَا غٛرْکٛ عٛو؞ عٛتٜعَنِمٛ شِڢُورَ، ࢡِيِيکٛ دٜبّٛ؞ 22شِڢُورَ دَࢩِ ࢡِطّٛ غٛرْکٛ؞ مُوسَى وِعِ: «مِ کٛطٛ ندٜرْ لٜسْدِ نجَنَنْدِ؞» عٛعِنْدِمٛ غٜرْسٛمْ#2:22 غٜرْسٛمْ يِطِ وِعْغٛ کٛطٛ حَا تٛنْ؞؞
23ࢡَاوٛ دُوࢡِ طُوطِّ لَامِيطٛ مِصْرَ مَايِ؞ إِسْرَاءِيلَعٜنْ عُومِ نغَمْ کُوغَلْ مَࢡّٜ شَاتُنغَلْ، ࢡٜنغٛوکِ نغَمْ بَلَّلْ؞ غٛوکَالِ مَࢡّٜ عٜىٰنغِ دٛوْ، يٛتِّ حَا اَللَّه؞ 24اَللَّه نَنِ عُومَالِ مَࢡّٜ؞ عٛسِڢْتٛرِ عَلْکَوَلْ مَاکٛ بٜى إِبْرَاهِيمَ عٜ إِسْحَاقَ عٜ يَعْقُوبُ#لَاتَانٛوجِ 15:13-14؞؞ 25عٛلَارِ إِسْرَاءِيلَعٜنْ، عٛڢَامِ جٛوندٜ مَࢡّٜ؞
Currently Selected:
غُرْتَاکِ 2: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.