Popular Bible Verses from غُرْتَاکِ 2

Share

اَللَّه نَنِ عُومَالِ مَࢡّٜ؞ عٛسِڢْتٛرِ عَلْکَوَلْ مَاکٛ بٜى إِبْرَاهِيمَ عٜ إِسْحَاقَ عٜ يَعْقُوبُ؞ عٛلَارِ إِسْرَاءِيلَعٜنْ، عٛڢَامِ جٛوندٜ مَࢡّٜ؞

ࢡَاوٛ دُوࢡِ طُوطِّ لَامِيطٛ مِصْرَ مَايِ؞ إِسْرَاءِيلَعٜنْ عُومِ نغَمْ کُوغَلْ مَࢡّٜ شَاتُنغَلْ، ࢡٜنغٛوکِ نغَمْ بَلَّلْ؞ غٛوکَالِ مَࢡّٜ عٜىٰنغِ دٛوْ، يٛتِّ حَا اَللَّه؞

ندٜ ࢡِنغٜلْ مَوْنِ دٜيْدٜيْ، دَادَ مَاغٜلْ وَدِّ نغٜلْ حَا ࢡِي ڢِرْعَوْنَ غٛ، نغٜلْ لَاتِ ࢡِطّٛ مَاکٛ؞ عٛعِنْدِ نغٜلْ مُوسَى، نغَمْ عٛوِعِ‏: «مِوُرْتِنِمٛ دِغَ ندٜرْ ندِيَمْ»؞

ࢡِي ڢِرْعَوْنَ وِعِ دٜبّٛ‏: «حٛوعُ ࢡِنغٜلْ نغٜعٜلْ، مُسِنِنْ نغٜلْ نغَمْ عَمْ، مِيٛࢡٜتٜ؞» دٜبّٛ حٛوعِ ࢡِنغٜلْ، مُسِنِنِ نغٜلْ؞

ࢡَاوٛ مَنْ سٜطَّ، ࢡِي ڢِرْعَوْنَ دٜبّٛ جِݠِّ ندٜرْ مَايٛ نِيلْ حَا عٛيِيوٛ؞ وَکَّتِ حٛرْࢡٜ مَاکٛ طٛنْ نغَانْشَ بَنغٜ مَايٛ نِيلْ، عٛيِعِ سِلَاوٛ غٛ شَکَ کٜوٜ، عٛنٜلِ غٛوتٛ شَکَ حٛرْࢡٜ مَاکٛ وَدِّ نغٛ؞

ندٜ مُوسَى مَوْنِ، عٛوُرْتِ حَا عٛلَارَ دٜىٰرْطِرَاࢡٜ مَاکٛ؞ عٛيِعِ نٛ کُوغَلْ مَࢡّٜ سَاتِرِ؞ عٛيِعِ مِصْرَاجٛ طٛنْ ڢِيَ عِبْرَنِنغْکٜىٰجٛ، غٛطّٛ لٜࢩٛلْ مَاکٛ؞ مُوسَى لَارِ غَلْ تٛيْ ڢُو؞ ندٜ عٛيِعَايْ غٛطّٛ، عٛمبَرِ مِصْرَاجٛ، عٛعِرِمٛ ندٜرْ نجَارٜىٰندِ؞