Salmow 8
8
SALM 8.
Domine, Dominus noster.
1A Arloedh, agan Arloedh, ass yw bryntin dha Hanow yn oll an norvys : ty neb re worras dha wolewder a-ugh an nevow!
2Yn-mes a anow fleghigow ha'n re ow tena ty re fastyas nerth drefenn dha eskerens : rag may tiswrylli an eskar ha'n dialor.
3Pan virav orth an nevow, ober dha vysies : an loer ha'n ster a wrussys aga fastya,
4Pyth yw den may perthydh kov anodho : ha mab-den may hwredh vri orto?
5Ty re'n gwrug nebes isella ages an eledh : ha'y guruna gans golewder hag enor.
6Ty a ros dhodho mestrynses war wriansow dha dhiwleuv : ty re worras pup-tra yn-dann y dreys,
7Oll deves hag oghen : hag ynwedh bestes an gwel,
8Ydhyn an nevow ha puskes an mor : kekemmys a dremen dre hynsyow an moryow.
9A Arloedh agan Arloedh : ass yw bryntin dha Hanow yn oll an norvys.
Currently Selected:
Salmow 8: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019
